我在此恭喜晒車迷，唔係因為輸波攞景贈慶而咁講，而係因為我哋終於捱完咗一個咁難頂嘅球季。如果你同我一樣，不離不棄咁支持咗呢隊柒波一年，先俾掌聲自己。
聯賽煞科日，車路十喺光明球場用一場 2：1 的敗仗，鎖定聯賽第 10 名、全季只拎到 52 分成為隊史英超第五低積分，柒到連 The Athletic 都費事為呢場波出深度戰術報導，正式由車路士變成車路十。
回顧呢 90 分鐘，呢個結果應該無一個車迷會覺得意外，一場由「場邊領隊平庸無能」與「高層四年盲目作死」聯手炮製嘅終極人禍。鬧球員心散Hea踢好易，但麥法蘭用佢自己嘅臨場反應證明自己根本未夠班坐英超帥位；而高層就用四年時間將一隊 16 億鎊嘅球隊，親手改造成下半版無慾無求嘅中游爛泥。最後一場波、最後一份戰術覆盤，心痛但都請跟我一齊睇晒佢。
比賽簡述：
開波初段，車路十以進攻階段 4 後、防守階段 3 後，試圖以控球掌控節奏，但主場嘅新特蘭為咗衝擊歐洲賽帶住瘋狂嘅氣勢，一開波就對車仔後防癲狗式逼搶。比賽去到 25 分鐘，新特蘭後場發動長傳，Luke O'Nien 頭槌二傳， Trai Hume 腳背窩利抽射入網，為新特蘭先開紀錄。
車路士上半場並非無還手之力，甚至製造出兩次黃金機會，可惜開波僅 4 分鐘彭馬嘅半單刀射得太弱被輕易沒收，而 38 分鐘斯圖嘅靚傳中，祖奧柏度門前頭槌又頂斜。車仔帶住一球落後返回更衣室。
換邊後麥法蘭未有作出人手調動，新特蘭喺 50 分鐘迅速擴大優勢。Le Fee 喺右路落底傳中，Brian Brobbey 門前一篤，個波不幸省中古斯圖入網，烏龍波。
落後兩球下，麥法蘭喺 53 分鐘用占士換走中堅哈圖，陣式變回 4-2-3-1。調動好快見到短暫成效，56 分鐘 尼圖右路內切傳波，彭馬禁區外起左腳勁射破網，打破自己 14 場嘅入球荒，幫車仔追成 2：1 的接近比數。
正當球迷看到一絲追平希望，防線危機隨即爆發。科芬拿喺 54 分鐘先因為侵犯 Brobbey 領到黃牌；僅僅 8 分鐘後嘅 62 分鐘，新特蘭入替嘅 Isidor 中路突破，科芬拿在失位下被迫拉跌對手，結果兩黃一紅被逐離場。
踢少一個嘅車路士被迫用細查換走尼圖補回防線空缺。比賽尾段陷入混亂，補時足足長達 10 分鐘，但車仔班大帝在對面拖延戰術下顯得極度急躁，安素同彭馬更因為投訴同犯規先後食黃牌。最終車路士無力回天，以 2：1 吞下煞科日敗仗。
戰術深潛
精準 Bypass，輕鬆搞掂車仔
上面講咗，麥法蘭今場排返 3-4-3，進攻時古古前插變 4-2-3-1，防守則縮回 5-2-3，試圖複製上場擊敗熱刺的套路。然而，新特蘭主帥 Le Bris 賽前已經估到。
新特蘭利用極高體能展開後場 High Press，直接切斷車仔的出球路線。車仔上半場空有 53% 控球率，但當中有 124 次傳球都在自己半場無意義咁猜，哈圖同古古尼亞在危險區域頻頻傳失，反擊根本無法帶來任何威脅。
反觀新特蘭果邊根本無諗過同安素、卡些度喺中場搏鬥，上半場對面打出 59% 長傳成功率就證明咗呢件事。25 分鐘 Hume 領先嘅窩利射門，源頭就係門將 Roefs 大腳直塞、O'Nien 二傳。人哋簡單三腳波，就直接打穿車仔一整季都未能修補嘅兩邊 Half-space。
半場拒絕調動、53 分鐘嘅兩難抉擇
半場前 Half-space 已經頻頻告急，Brobbey 憑一己之力將車仔防線搞到一頸血，但麥法蘭喺半場休息時卻無做出任何戰術修正，結果 50 分鐘對面輕鬆喺右路落底 Overload，逼到古斯圖擺烏龍。呢球烏龍，麥法蘭遲鈍嘅臨場反應責無旁貸。
落後兩球下，麥法蘭在 53 分鐘去到了抉擇嘅十字路口。當時中堅線嘅體能同心理已接近極限，他手上有兩條路可以走：
第一條路： 用細查換走哈圖，繼續用三後衛的對位換人，勉強頂住下半場。
第二條路： 換入隊長列斯占士，改踢 4-2-3-1，加強中場攻守轉換同擺脫搶迫能力，放手一搏去追平反勝。
麥法蘭最終選擇了後者，思路是想以攻代守去反壓迫。但對新特蘭嚟講同袋錢入自己袋無分別：人哋本來就直接 Bypass 中場，你竟然自己主動減少一個後衛、進一步拉薄自己防線？結果呢個調動非但未能擺脫壓迫，反而令車仔防線進一步瓦解。下半場車仔喺禁區內射門係 0 次，反而新特蘭下半場瘋狂喺車仔禁區內怒轟 10 腳射門、錄得 1.39 xG，唔講紅牌，已經高下立見。
單季 8 紅，幼稚車嘅無能
戰術上主動減輕中場壓迫、拉薄後防，直接導致嘅結果就係防線全面崩盤。62 分鐘，新特蘭入替嘅 Isidor 輕鬆喺中路突破打穿防線，一對中堅失位嘅絕境下，科芬拿被迫拉跌對手，短短 8 分鐘內連續領到兩面黃牌，兩黃一紅被逐離場。
你可以話戰術落後係領隊嘅責任，但科芬拿呢面紅牌，直接令車路士寫下今季英超第 8 面紅牌嘅歷史記錄。絕非麥法蘭執教幾場就能造成，而是班少爺兵一整季累積、抗壓為零嘅心理問題。
下半場車仔地面對抗勝率直接跌到可憐嘅 42%。補時 10 分鐘，前線換入戴納毫無建樹，安素同彭馬心理崩潰，尾段向球證發脾氣、連食黃牌，為呢場戰術完敗埋單。
數據深潛：連少少曙光都見唔到…
今場數據完全將車仔下半場嘅問題、以及高層四年作死嘅惡果徹底現形：
下半場車仔將控球率推高到 60%，喺對面半場傳球 92 次 甚至多過新特蘭。但代價呢？除咗彭馬嗰腳好靚嘅遠射，車仔下半場禁區內射門係 0 次，下半場 xG 僅得 0.11。空有控球卻完全無法滲透。
相反，新特蘭下半場控球得 40%，但創造出 1.39 xG，當然，打少個對於車仔嚟講不利，但以球員質素嚟講都未免過於極端。全場新特蘭射門比率係懸殊嘅 21 比 8，xG 係 1.84 對 0.89。
單季 8 面紅牌，全英超最多，更刷新車路士隊史單季最高紀錄。BBC 記者 Nizaar Kinsella 寫得一針見血：今日聯賽第 10 名嘅中游慘劇，係高層過去四年盲目扔 16 億鎊買人、一年三帥積落嘅系統性惡果。而我會話，係腦殘體育總監親手將麥法蘭呢個根本未夠班嘅青年軍教頭，推上煞科戰教練席呢個斷頭台上。
新特蘭用 4 年時間由英甲奇蹟殺入歐霸；車路士用 4 年時間將 16 億鎊陣容磨成垃圾中游。沙比阿朗素 7 月 1 日正式上任，我估，佢只係做清洗就已經要花上兩個月。
總結：多謝這班大帝，正式由車路士變成車路十
共業呢個字，佛教入面嘅意思係多人共同造就、共同承受嘅果報。
52分、第10名、8面紅牌、16億鎊：呢四個數字唔係任何一個人造成嘅。係高層四年盲目買人積出嚟嘅；係走馬燈式換帥磨光球員鬥志磨出嚟嘅；係麥法蘭呢個根本未夠班嘅人被推上帥位造出嚟嘅。每一分失分，都有人要負責；而偏偏，每一個人都可以怪其他人。
7月1日，沙比阿朗素正式接手。我唔奢望佢即刻帶嚟冠軍，我只係希望佢入嚟做嘅第一件事，係望下隊波，理解呢件事：呢隊波，從來嘅問題唔係缺少錢或者球星，係缺少靈魂。
重建之路或者好長，高普同哥帥都唔可能一日就完成。未來係點都好，呢個灰色嘅球季正式完結。恭喜捱咗全季嘅你。明年再見。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
聯賽煞科日，車路十喺光明球場用一場 2：1 的敗仗，鎖定聯賽第 10 名、全季只拎到 52 分成為隊史英超第五低積分，柒到連 The Athletic 都費事為呢場波出深度戰術報導，正式由車路士變成車路十。
回顧呢 90 分鐘，呢個結果應該無一個車迷會覺得意外，一場由「場邊領隊平庸無能」與「高層四年盲目作死」聯手炮製嘅終極人禍。鬧球員心散Hea踢好易，但麥法蘭用佢自己嘅臨場反應證明自己根本未夠班坐英超帥位；而高層就用四年時間將一隊 16 億鎊嘅球隊，親手改造成下半版無慾無求嘅中游爛泥。最後一場波、最後一份戰術覆盤，心痛但都請跟我一齊睇晒佢。
比賽簡述：
開波初段，車路十以進攻階段 4 後、防守階段 3 後，試圖以控球掌控節奏，但主場嘅新特蘭為咗衝擊歐洲賽帶住瘋狂嘅氣勢，一開波就對車仔後防癲狗式逼搶。比賽去到 25 分鐘，新特蘭後場發動長傳，Luke O'Nien 頭槌二傳， Trai Hume 腳背窩利抽射入網，為新特蘭先開紀錄。
車路士上半場並非無還手之力，甚至製造出兩次黃金機會，可惜開波僅 4 分鐘彭馬嘅半單刀射得太弱被輕易沒收，而 38 分鐘斯圖嘅靚傳中，祖奧柏度門前頭槌又頂斜。車仔帶住一球落後返回更衣室。
換邊後麥法蘭未有作出人手調動，新特蘭喺 50 分鐘迅速擴大優勢。Le Fee 喺右路落底傳中，Brian Brobbey 門前一篤，個波不幸省中古斯圖入網，烏龍波。
落後兩球下，麥法蘭喺 53 分鐘用占士換走中堅哈圖，陣式變回 4-2-3-1。調動好快見到短暫成效，56 分鐘 尼圖右路內切傳波，彭馬禁區外起左腳勁射破網，打破自己 14 場嘅入球荒，幫車仔追成 2：1 的接近比數。
正當球迷看到一絲追平希望，防線危機隨即爆發。科芬拿喺 54 分鐘先因為侵犯 Brobbey 領到黃牌；僅僅 8 分鐘後嘅 62 分鐘，新特蘭入替嘅 Isidor 中路突破，科芬拿在失位下被迫拉跌對手，結果兩黃一紅被逐離場。
踢少一個嘅車路士被迫用細查換走尼圖補回防線空缺。比賽尾段陷入混亂，補時足足長達 10 分鐘，但車仔班大帝在對面拖延戰術下顯得極度急躁，安素同彭馬更因為投訴同犯規先後食黃牌。最終車路士無力回天，以 2：1 吞下煞科日敗仗。
戰術深潛
精準 Bypass，輕鬆搞掂車仔
上面講咗，麥法蘭今場排返 3-4-3，進攻時古古前插變 4-2-3-1，防守則縮回 5-2-3，試圖複製上場擊敗熱刺的套路。然而，新特蘭主帥 Le Bris 賽前已經估到。
新特蘭利用極高體能展開後場 High Press，直接切斷車仔的出球路線。車仔上半場空有 53% 控球率，但當中有 124 次傳球都在自己半場無意義咁猜，哈圖同古古尼亞在危險區域頻頻傳失，反擊根本無法帶來任何威脅。
反觀新特蘭果邊根本無諗過同安素、卡些度喺中場搏鬥，上半場對面打出 59% 長傳成功率就證明咗呢件事。25 分鐘 Hume 領先嘅窩利射門，源頭就係門將 Roefs 大腳直塞、O'Nien 二傳。人哋簡單三腳波，就直接打穿車仔一整季都未能修補嘅兩邊 Half-space。
半場拒絕調動、53 分鐘嘅兩難抉擇
半場前 Half-space 已經頻頻告急，Brobbey 憑一己之力將車仔防線搞到一頸血，但麥法蘭喺半場休息時卻無做出任何戰術修正，結果 50 分鐘對面輕鬆喺右路落底 Overload，逼到古斯圖擺烏龍。呢球烏龍，麥法蘭遲鈍嘅臨場反應責無旁貸。
落後兩球下，麥法蘭在 53 分鐘去到了抉擇嘅十字路口。當時中堅線嘅體能同心理已接近極限，他手上有兩條路可以走：
第一條路： 用細查換走哈圖，繼續用三後衛的對位換人，勉強頂住下半場。
第二條路： 換入隊長列斯占士，改踢 4-2-3-1，加強中場攻守轉換同擺脫搶迫能力，放手一搏去追平反勝。
麥法蘭最終選擇了後者，思路是想以攻代守去反壓迫。但對新特蘭嚟講同袋錢入自己袋無分別：人哋本來就直接 Bypass 中場，你竟然自己主動減少一個後衛、進一步拉薄自己防線？結果呢個調動非但未能擺脫壓迫，反而令車仔防線進一步瓦解。下半場車仔喺禁區內射門係 0 次，反而新特蘭下半場瘋狂喺車仔禁區內怒轟 10 腳射門、錄得 1.39 xG，唔講紅牌，已經高下立見。
單季 8 紅，幼稚車嘅無能
戰術上主動減輕中場壓迫、拉薄後防，直接導致嘅結果就係防線全面崩盤。62 分鐘，新特蘭入替嘅 Isidor 輕鬆喺中路突破打穿防線，一對中堅失位嘅絕境下，科芬拿被迫拉跌對手，短短 8 分鐘內連續領到兩面黃牌，兩黃一紅被逐離場。
你可以話戰術落後係領隊嘅責任，但科芬拿呢面紅牌，直接令車路士寫下今季英超第 8 面紅牌嘅歷史記錄。絕非麥法蘭執教幾場就能造成，而是班少爺兵一整季累積、抗壓為零嘅心理問題。
下半場車仔地面對抗勝率直接跌到可憐嘅 42%。補時 10 分鐘，前線換入戴納毫無建樹，安素同彭馬心理崩潰，尾段向球證發脾氣、連食黃牌，為呢場戰術完敗埋單。
數據深潛：連少少曙光都見唔到…
今場數據完全將車仔下半場嘅問題、以及高層四年作死嘅惡果徹底現形：
下半場車仔將控球率推高到 60%，喺對面半場傳球 92 次 甚至多過新特蘭。但代價呢？除咗彭馬嗰腳好靚嘅遠射，車仔下半場禁區內射門係 0 次，下半場 xG 僅得 0.11。空有控球卻完全無法滲透。
相反，新特蘭下半場控球得 40%，但創造出 1.39 xG，當然，打少個對於車仔嚟講不利，但以球員質素嚟講都未免過於極端。全場新特蘭射門比率係懸殊嘅 21 比 8，xG 係 1.84 對 0.89。
單季 8 面紅牌，全英超最多，更刷新車路士隊史單季最高紀錄。BBC 記者 Nizaar Kinsella 寫得一針見血：今日聯賽第 10 名嘅中游慘劇，係高層過去四年盲目扔 16 億鎊買人、一年三帥積落嘅系統性惡果。而我會話，係腦殘體育總監親手將麥法蘭呢個根本未夠班嘅青年軍教頭，推上煞科戰教練席呢個斷頭台上。
新特蘭用 4 年時間由英甲奇蹟殺入歐霸；車路士用 4 年時間將 16 億鎊陣容磨成垃圾中游。沙比阿朗素 7 月 1 日正式上任，我估，佢只係做清洗就已經要花上兩個月。
總結：多謝這班大帝，正式由車路士變成車路十
共業呢個字，佛教入面嘅意思係多人共同造就、共同承受嘅果報。
52分、第10名、8面紅牌、16億鎊：呢四個數字唔係任何一個人造成嘅。係高層四年盲目買人積出嚟嘅；係走馬燈式換帥磨光球員鬥志磨出嚟嘅；係麥法蘭呢個根本未夠班嘅人被推上帥位造出嚟嘅。每一分失分，都有人要負責；而偏偏，每一個人都可以怪其他人。
7月1日，沙比阿朗素正式接手。我唔奢望佢即刻帶嚟冠軍，我只係希望佢入嚟做嘅第一件事，係望下隊波，理解呢件事：呢隊波，從來嘅問題唔係缺少錢或者球星，係缺少靈魂。
重建之路或者好長，高普同哥帥都唔可能一日就完成。未來係點都好，呢個灰色嘅球季正式完結。恭喜捱咗全季嘅你。明年再見。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊