先恭喜阿仙奴。嗯，我都唔明點解車路士對熱刺嘅戰術覆盤我要恭喜第三隊波先，但因為曼城失分，阿仙奴確定咗成為今季嘅英超冠軍。
恭喜完，講返場波，呢場倫敦打吡對車路士嚟講，算係喺經歷完足總盃決賽嘅心碎之後，搵到一個勉強可以宣洩嘅出口。雖然因為曼城和波，令我哋正式宣告無緣下季歐聯，但可以喺史丹福橋將熱刺推向煞科日護級呢個漩渦，果種攬炒嘅快感呢………嗯~~~舒服。
更重要嘅係，沙比阿朗素即將喺 7 月接掌帥印。今場驚險保住嘅 3 分，正好為呢個百廢待興嘅新時代打咗支強心針。
比賽簡述：
開波初段，只需一分就護級成功嘅熱刺明顯表現得更為主動，早段已經有 Tel 接應右路傳中頭槌中柱，令車迷心跳加速。18 分鐘安素喺一腳技驚四座、帶有強烈下墜同轉向嘅遠射世界波，直接收死對方門將。隨後安素甚至有一腳罰球中楣，差啲半場就將熱刺打落十八層地獄。
換邊後戰況一度膠著，直到 67 分鐘，彭馬策動攻勢，安素助攻山度士近門撞入成 2：0。正當大家以為大局已定，熱刺好快就憑一次幸運嘅後腳傳送，由李察利臣追番一球，重新為熱刺帶來希望，令最後 15 分鐘變成攻防大戰。
既然係倫敦打吡，場面混亂之餘，火藥味亦越來越濃。特別係倒戈嘅加拉加，佢同古古尼亞、卡些度之間不斷發生肉搏同口角，令球賽末段火花四濺。去到完場前，古古尼亞拉跌雲迪雲引發極大爭議，但球證以球例為由裁定無犯規，令車仔驚險逃過 12 碼一劫。車路士最後以 2：1 成功保住 3 分。恭喜恭喜。
戰術深潛
4-2-3-1 嘅 Overload，雙防中體系能力解放
麥法蘭今場明顯因應球員體能同對手踢法做咗調整，放棄咗足總盃決賽嘅三中堅陣式，改排番 4-2-3-1。面對熱刺一開波嘅前場逼搶，車路士今次無再盲目踢快或者大腳放上前場，而係針對性咁安排山度士同卡些度組成雙防中墮後接應。
呢對雙防中成功喺中路築起屏障，並刻意喺中後場製造Narrow Overloads。透過密集嘅短傳配合，引誘熱刺球員埋身逼搶，再將個波快速運出危險區。呢個穩健嘅防守出波基石，正正係今場贏波嘅起點。
雙防中體系最直接嘅得益者，就係安素同彭馬兩個。麥法蘭將安素放喺左路，名義上係左翼，實質上佢踢緊一個 Inverted Playmaker 嘅角色，頻頻移入中路幫手做串連同策動。呢個戰術走位不單止令安素交出 1 入球 1 助攻，更重要嘅係幫彭馬拉開咗對手防線。彭馬今場終於可以安安穩穩留喺佢最具威脅嘅 10 號位，重拾久違嘅靈光一閃，極度流暢咁策動咗兩個入球攻勢。
迪沙比抄功課強攻，與古古尼亞的防守試煉
另一邊廂，雖然熱刺輸波，但領隊迪沙比嘅戰術佈置其實相當得宜。佢幾乎係完美照抄曼城上場打擊車路士嘅手段，將戰術火力全部集中喺古古尼亞身上。
單睇場面就明，熱刺先喺後場搓波誘敵，引誘車路士防線前移；一旦成功引出古古尼亞壓上，就迅速將個波運去佢身後留低嘅巨大空間。熱刺利用 Porro 同 Kolo Muani 瘋狂衝擊，無論係落底傳中，定係 Set 定再起腳，呢種 Pattern 都有路可捉，同時幾乎每一次都對車路士防線造成極大殺傷力。
喺迪沙比嘅針對性戰術，加上倒戈嘅加拉加不斷衝擊禁區肉搏之下，古古尼亞今場承受住唔細嘅防守壓力。去到完場前，佢甚至要拉人犯規去阻止雲迪雲爭頂角球。
我個人就唔欣賞呢種踢法，雖然今次因為球證 Stuart Attwell 嘅尺度同埋以「個波未開出」嘅球例漏洞而逃過一劫，但畫面極度難睇之餘，風險亦實在太高。如果遇到個嚴少少嘅球證直指 12 碼，為咗呢啲無謂嘅防守小動作而斷送關鍵 3 分，絕對係因小失大。搏唔過…搏唔過。
「以無為勝有為」的被動局，防線小將的亡命補位
去到下半場，戰況完全應驗咗我哋嘅觀察。落後嘅熱刺全面提速兼推高防線，狂攻之下徹底切斷咗車路士反擊嘅出球路線。車路士被迫陷入極度被動嘅 Deep Block，面對對手排山倒海嘅攻勢，麥法蘭同教練團喺戰術上嘅應對係…………佛系，乜都唔做。
下半場車路士幾乎無任何戰術調整，堅係企定定捱打，果種以無為勝有為嘅做法，令臨場調動完全幫唔到球隊舒緩壓力。
好彩嘅係，喺戰術完全失勢嘅情況下，防線一班小將用個人能力填補咗戰術上嘅漏洞。特別要點名讚臨危受命嘅右閘艾殊邦，佢算係成功凍結咗對面嘅 Tel。而另一位無名英雄絕對係哈圖，雖然上半場有一球解圍差啲擺烏龍，但完場前佢嗰下世界級嘅 Last-ditch tackle，乾淨俐落，如果熱刺真係降班，佢絕對係其中一隻推佢落火坑嘅手。
數據深潛：
數據，我唔講你都應該明，因為佢完美地將今場車路士「大難不死」同埋熱刺「死不足惜」嘅反差量化。
先由 xG 數據睇，今場車仔勝仗的確充滿幸運成份。車路士全場 xG 得 0.63 但攻入兩球；相反，熱刺嘅 xG 高達 1.72，全場創造咗 5 次黃金機會，但揮霍錯失咗當中嘅 4 次。呢組數據證明，迪沙比嘅戰術的確成功撕破咗車路士嘅防線，只係熱刺球員自己唔爭氣，而車路士靠安素嘅世界波懲罰咗對手。
剛才提過下半場車路士戰術崩盤，數據將呢種捱打狀態表露無遺。下半場車路士喺對方半場只有可憐嘅 33 次傳球，反觀熱刺高達 117 次，而對手喺車仔禁區內觸球更多達 17 次。
但同樣哋，喺體能透支、被對手按在地上磨擦嘅同時，車路士班球員展現出驚人嘅鬥志。數據顯示，車路士下半場嘅地面對抗勝率高達 58%，並交出咗 13 次 Tackles。呢幾組防守數據，證明班球員真係用血肉之軀，一腳一腳咁硬生生頂住熱刺下半場嘅瘋狂轟炸。
總結：
贏波開心，尤其係贏熱刺兼阻人護級。但今場嘅勝利，係班球員用血肉之軀頂出嚟，唔係戰術部署嘅功勞。無論係領隊臨場應變、防守紀律，定係應付對手針對性壓迫，問題依然漏洞百出。相信沙比阿朗素心裡有數。
煞科日作客新特蘭，將會係爭奪下季歐洲賽資格嘅終極一戰，亦係麥法蘭嘅告別戰。希望班小朋友可以好好回氣，用一場清脆嘅勝仗，為今個風雨飄搖嘅球季畫上句號，開開心心咁迎接沙比阿朗素嘅新時代。
煞科戰見！
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
恭喜完，講返場波，呢場倫敦打吡對車路士嚟講，算係喺經歷完足總盃決賽嘅心碎之後，搵到一個勉強可以宣洩嘅出口。雖然因為曼城和波，令我哋正式宣告無緣下季歐聯，但可以喺史丹福橋將熱刺推向煞科日護級呢個漩渦，果種攬炒嘅快感呢………嗯~~~舒服。
更重要嘅係，沙比阿朗素即將喺 7 月接掌帥印。今場驚險保住嘅 3 分，正好為呢個百廢待興嘅新時代打咗支強心針。
比賽簡述：
開波初段，只需一分就護級成功嘅熱刺明顯表現得更為主動，早段已經有 Tel 接應右路傳中頭槌中柱，令車迷心跳加速。18 分鐘安素喺一腳技驚四座、帶有強烈下墜同轉向嘅遠射世界波，直接收死對方門將。隨後安素甚至有一腳罰球中楣，差啲半場就將熱刺打落十八層地獄。
換邊後戰況一度膠著，直到 67 分鐘，彭馬策動攻勢，安素助攻山度士近門撞入成 2：0。正當大家以為大局已定，熱刺好快就憑一次幸運嘅後腳傳送，由李察利臣追番一球，重新為熱刺帶來希望，令最後 15 分鐘變成攻防大戰。
既然係倫敦打吡，場面混亂之餘，火藥味亦越來越濃。特別係倒戈嘅加拉加，佢同古古尼亞、卡些度之間不斷發生肉搏同口角，令球賽末段火花四濺。去到完場前，古古尼亞拉跌雲迪雲引發極大爭議，但球證以球例為由裁定無犯規，令車仔驚險逃過 12 碼一劫。車路士最後以 2：1 成功保住 3 分。恭喜恭喜。
戰術深潛
4-2-3-1 嘅 Overload，雙防中體系能力解放
麥法蘭今場明顯因應球員體能同對手踢法做咗調整，放棄咗足總盃決賽嘅三中堅陣式，改排番 4-2-3-1。面對熱刺一開波嘅前場逼搶，車路士今次無再盲目踢快或者大腳放上前場，而係針對性咁安排山度士同卡些度組成雙防中墮後接應。
呢對雙防中成功喺中路築起屏障，並刻意喺中後場製造Narrow Overloads。透過密集嘅短傳配合，引誘熱刺球員埋身逼搶，再將個波快速運出危險區。呢個穩健嘅防守出波基石，正正係今場贏波嘅起點。
雙防中體系最直接嘅得益者，就係安素同彭馬兩個。麥法蘭將安素放喺左路，名義上係左翼，實質上佢踢緊一個 Inverted Playmaker 嘅角色，頻頻移入中路幫手做串連同策動。呢個戰術走位不單止令安素交出 1 入球 1 助攻，更重要嘅係幫彭馬拉開咗對手防線。彭馬今場終於可以安安穩穩留喺佢最具威脅嘅 10 號位，重拾久違嘅靈光一閃，極度流暢咁策動咗兩個入球攻勢。
迪沙比抄功課強攻，與古古尼亞的防守試煉
另一邊廂，雖然熱刺輸波，但領隊迪沙比嘅戰術佈置其實相當得宜。佢幾乎係完美照抄曼城上場打擊車路士嘅手段，將戰術火力全部集中喺古古尼亞身上。
單睇場面就明，熱刺先喺後場搓波誘敵，引誘車路士防線前移；一旦成功引出古古尼亞壓上，就迅速將個波運去佢身後留低嘅巨大空間。熱刺利用 Porro 同 Kolo Muani 瘋狂衝擊，無論係落底傳中，定係 Set 定再起腳，呢種 Pattern 都有路可捉，同時幾乎每一次都對車路士防線造成極大殺傷力。
喺迪沙比嘅針對性戰術，加上倒戈嘅加拉加不斷衝擊禁區肉搏之下，古古尼亞今場承受住唔細嘅防守壓力。去到完場前，佢甚至要拉人犯規去阻止雲迪雲爭頂角球。
我個人就唔欣賞呢種踢法，雖然今次因為球證 Stuart Attwell 嘅尺度同埋以「個波未開出」嘅球例漏洞而逃過一劫，但畫面極度難睇之餘，風險亦實在太高。如果遇到個嚴少少嘅球證直指 12 碼，為咗呢啲無謂嘅防守小動作而斷送關鍵 3 分，絕對係因小失大。搏唔過…搏唔過。
「以無為勝有為」的被動局，防線小將的亡命補位
去到下半場，戰況完全應驗咗我哋嘅觀察。落後嘅熱刺全面提速兼推高防線，狂攻之下徹底切斷咗車路士反擊嘅出球路線。車路士被迫陷入極度被動嘅 Deep Block，面對對手排山倒海嘅攻勢，麥法蘭同教練團喺戰術上嘅應對係…………佛系，乜都唔做。
下半場車路士幾乎無任何戰術調整，堅係企定定捱打，果種以無為勝有為嘅做法，令臨場調動完全幫唔到球隊舒緩壓力。
好彩嘅係，喺戰術完全失勢嘅情況下，防線一班小將用個人能力填補咗戰術上嘅漏洞。特別要點名讚臨危受命嘅右閘艾殊邦，佢算係成功凍結咗對面嘅 Tel。而另一位無名英雄絕對係哈圖，雖然上半場有一球解圍差啲擺烏龍，但完場前佢嗰下世界級嘅 Last-ditch tackle，乾淨俐落，如果熱刺真係降班，佢絕對係其中一隻推佢落火坑嘅手。
數據深潛：
數據，我唔講你都應該明，因為佢完美地將今場車路士「大難不死」同埋熱刺「死不足惜」嘅反差量化。
先由 xG 數據睇，今場車仔勝仗的確充滿幸運成份。車路士全場 xG 得 0.63 但攻入兩球；相反，熱刺嘅 xG 高達 1.72，全場創造咗 5 次黃金機會，但揮霍錯失咗當中嘅 4 次。呢組數據證明，迪沙比嘅戰術的確成功撕破咗車路士嘅防線，只係熱刺球員自己唔爭氣，而車路士靠安素嘅世界波懲罰咗對手。
剛才提過下半場車路士戰術崩盤，數據將呢種捱打狀態表露無遺。下半場車路士喺對方半場只有可憐嘅 33 次傳球，反觀熱刺高達 117 次，而對手喺車仔禁區內觸球更多達 17 次。
但同樣哋，喺體能透支、被對手按在地上磨擦嘅同時，車路士班球員展現出驚人嘅鬥志。數據顯示，車路士下半場嘅地面對抗勝率高達 58%，並交出咗 13 次 Tackles。呢幾組防守數據，證明班球員真係用血肉之軀，一腳一腳咁硬生生頂住熱刺下半場嘅瘋狂轟炸。
總結：
贏波開心，尤其係贏熱刺兼阻人護級。但今場嘅勝利，係班球員用血肉之軀頂出嚟，唔係戰術部署嘅功勞。無論係領隊臨場應變、防守紀律，定係應付對手針對性壓迫，問題依然漏洞百出。相信沙比阿朗素心裡有數。
煞科日作客新特蘭，將會係爭奪下季歐洲賽資格嘅終極一戰，亦係麥法蘭嘅告別戰。希望班小朋友可以好好回氣，用一場清脆嘅勝仗，為今個風雨飄搖嘅球季畫上句號，開開心心咁迎接沙比阿朗素嘅新時代。
煞科戰見！
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊