球證長笛一響，0：1，車路士正式同今屆足總盃擦身而過，亦宣告今個風雨飄搖、充滿鬧劇嘅球季以四大雞胸兼徹底無緣來季歐洲賽作結。連續第七次喺國內盃賽決賽飲恨，繼續刷新呢個無人想破嘅尷尬紀錄，對車迷應該幾難吞落肚。
面對住近來狀態咁好嘅曼城，輸波一定唔開心。但對比季尾嗰段創紀錄六連敗嘅絕望感，今場決賽車路士絕對稱得上係「站著死」。就好似三刀流某劍士所講：「背後的傷痕，是劍士的恥辱。」今場車路士算係盡咗責任，同對手鍊足 70 幾分鐘，無留低背後嘅傷俾大家睇。
但成王敗寇，足球世界就係咁現實。看守領隊麥法蘭今場嘅賽前準備絕對係做足咗 120 分，成功將實力超班嘅曼城拖入泥漿摔角。但去到決勝時刻，雙方喺陣容深度上嘅硬實力差距，以及領隊臨場應變「0 分與 100 分」嘅殘酷對比，最終令車路士喺決賽功虧一簣。
比賽簡述：
講真，如果你唔係車迷或者曼城迷，呢場波你應該會覺得佢悶到爆。唔好話球迷，連 BBC 嘅首席記者都忍唔住喺賽後報導用令人沮喪嘅悶戰（dismal non-event）嚟形容呢場決賽。全場雙方加埋得十幾次起腳，甚至去到 90 分鐘時只得 14 次，創下自 2005 年以嚟足總盃決賽嘅新低，完全係一場高消耗嘅泥漿摔角。
比賽之所以踢得咁悶，除咗因為車路士成功嘅泊大巴破壞對手部署，亦要歸功於球證 Darren England 嘅寬鬆尺度。佢今場明顯拉高咗吹罰嘅門檻，容許大量嘅肢體碰撞同肌肉對抗，祖奧柏度同哈圖喺禁區內幾次 50/50 嘅跌倒全部被擰頭無比。呢種尺度令到場波充滿血肉橫飛嘅對抗，而唔係行雲流水嘅組織。
直到 72 分鐘，呢個僵局先至被一腳唔講道理嘅靚射門打破。
曼城喺右路做文章，夏蘭特走去盲眼位接應，一吓大力橫傳入禁區。接應嘅 Semenyo 喺極狹窄嘅空間入面、背向龍門兼有守衛力壓之下，竟然交出一個後腳入楔。呢腳波嘅預期入球（xG）只有極微乎其微嘅 0.09，對面走位靚、配合靚、射得更靚，喺一個充滿消磨嘅戰局入面，曼城就係靠呢種天才級嘅個人閃光帶走咗個冠軍。
戰術深潛
120 分嘅混合防守開局，與 0 分散沙變陣
賽前睇到正選名單，麥法蘭排出一個 3-4-2-1 嘅陣式。唔算驚喜，但有諗頭嘅。隊長列斯占士出任正選防中拍住卡些度，同時兼任中場掃蕩，以及進攻時疊瓦、防守時墮後右閘包位嘅工作。
配合哈圖收後拍住高維同科芬拿組成嘅三中堅 Low Block，再加上前場三叉戟（彭馬、安素、祖奧柏度）唔留力嘅 High Press，車路士上半場成功令曼城嘅進攻便秘。呢種進攻係 4 後防守係 3 後嘅打法，針對曼城慢條斯理搓波嘅賽前戰術準備，絕對攞足 120 分。
但，嗯，又係老問題，當 72 分鐘落後需要撳掣搏命時，麥法蘭嘅弱點就表露無遺。佢換入尼圖入替古古尼亞，連防守陣式都變返 4 後衛，之後再推埋戴納同加拿祖落場。呢個孤注一擲嘅變陣，無令球隊嘅進攻變得立體，反而令球隊瞬間失去咗原本嚴密嘅戰術框架。
換出咗正選班底後，成隊波由有組織嘅防反，變咗盲目嘅單打獨鬥同無意義嘅高空長傳。換人後球隊反而變咗一盤散沙，連考驗對手門將 Trafford 嘅基本攻勢都組織唔到，呢個，就係麥法蘭嘅極限。
黃牌計時炸彈，與哥迪奧拿嘅半場調整
有睇我【半場說】嘅車迷應該記得，當時我已經講，古古尼亞上半場 32 分鐘食咗張黃牌，絕對係防線一個極大嘅計時炸彈。帶住張黃牌，面對住 Doku 同 Semenyo 喺兩邊嘅狂爆，古古尼亞下半場行步路都要勒住勒住。
而哥迪奧拿嘅戰術嗅覺有幾恐怖？半場一出嚟，佢即刻果斷換入 Cherki 調整火力，下半場刻意將攻勢傾側落車路士嘅左路，不斷試探古古尼亞同哈圖身後嘅空間。
失球嗰一下，正正就係曼城喺右路幾下快速短傳入楔，夏蘭特成功拉扯出古古身後嘅盲區，再交出致命嘅地波傳中。哥迪奧拿巧妙地將對手一個微小嘅黃牌隱患，放大成致命一擊，呢啲就係頂級名帥嘅能力。面對呢種針對性嘅戰術破局能力，加上 Semenyo 嗰腳 0.09 xG 嘅射門，防線球員其實已經做足本份。呢一球，真係非戰之罪，輸得心服口服。
賽後都有巴打話，覺得唔應該換古古而應該換哈圖，呢個位就係戰術嗅覺問題。當對手已經針對帶黃嘅古古去攻，你留住佢同露出個弱俾對手完全一樣。
防線雙塔，與彭馬放低身段的犧牲
今場雖然輸波，但我哋絕對要俾掌聲一班防守球員，特別係高維爾同科芬拿呢對防線雙塔。有部分球迷可能會將失波怪罪於最接近 Semenyo 嘅高維爾，但失波嗰下，高維爾其實已經完美遮擋咗對手 99% 嘅射門角度，Semenyo 嗰球後腳真係避無可避。
睇番高維爾全場嘅數據，絕對係世盃國腳級嘅表現，佢話俾杜曹知點解自己值得入選：踢足 90 分鐘，傳球成功率高達 90%（73/81），面對曼城恐怖嘅攻擊群，錄得 0 次被過同 0 次犯規嘅完美防守紀錄。
除咗防線，彭馬嘅犧牲亦唔可以忘記。全場只有可憐嘅 33 次觸球同 19 次傳球，對一個派牌進攻核心嚟講絕對係差。但佢為咗成就今場嘅戰術體系，放低身段化身防守工兵。數據顯示佢全場錄得高達 10 次地面爭奪，甚至因為頻頻協防對付 Doku 而被過咗 3 次。明知防守唔係自己強項，依然不惜氣力去死纏爛打，絕對值得車迷致敬。
數據深潛：逼出 29 次解圍的壓迫，與被低估的反撲鬥志
進階數據更加客觀咁呈現出車路士今場有幾落力。
大家都知哥帥嘅球隊平時閒閒地搓六七百腳波，但今場傳球數得 471 次，xG 被壓制到只有 0.98。最誇張嘅係，一向崇尚後場組織嘅曼城，今場被迫做出高達 29 次解圍，足足係車路士（13 次）嘅兩倍有多！完美印證車路士嘅高壓逼搶的確攞命。
去到下半場體能下降嘅階段，車路士嘅地面對抗勝率不跌反升，以 51% 反超曼城嘅 49%。證明班球員咬緊牙關都無放棄過對抗。
最後，雖然落後，但車路士並無一味縮退。下半場車路士嘅 xG（0.54）其實壓倒咗曼城（0.48），當中高達 0.44 係來自死球，正正就係卡些度嘅射門、安素嘅頭鎚等等造出嘅成果。
總結：失冠並非絕望，收拾心情迎接「新時代」
球證吹響完場哨聲，車路士今季最後一個可以爭奪嘅冠軍、最後一絲重返歐洲賽嘅希望，都正式宣告破滅。
今季嘅痛苦、換帥風波同連敗鬧劇已經夠多。經歷咗季尾嘅六連敗恥辱，再去到晏菲路稍微止血，直到今場喺溫布萊同歐洲最強嘅怪物鍊足 70 幾分鐘，起碼我哋見番班球員心入面仲有團火。失冠的確苦澀，但並非絕望。
比起失冠，場外消息應該更加搶Fo：因為各大傳媒報導，沙比阿朗素即將接手成為車仔下季新主帥。路還長，收拾心情，好好搞清楚下季陣容點樣執，聽日太陽照常升起，我哋無降班，仲有下季。車路士，We keep the blue flag flying high！
========================================
Facebook 同 主頁 已經開咗啦！如果鍾意我的文章可以入嚟按個讚！⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
面對住近來狀態咁好嘅曼城，輸波一定唔開心。但對比季尾嗰段創紀錄六連敗嘅絕望感，今場決賽車路士絕對稱得上係「站著死」。就好似三刀流某劍士所講：「背後的傷痕，是劍士的恥辱。」今場車路士算係盡咗責任，同對手鍊足 70 幾分鐘，無留低背後嘅傷俾大家睇。
但成王敗寇，足球世界就係咁現實。看守領隊麥法蘭今場嘅賽前準備絕對係做足咗 120 分，成功將實力超班嘅曼城拖入泥漿摔角。但去到決勝時刻，雙方喺陣容深度上嘅硬實力差距，以及領隊臨場應變「0 分與 100 分」嘅殘酷對比，最終令車路士喺決賽功虧一簣。
比賽簡述：
講真，如果你唔係車迷或者曼城迷，呢場波你應該會覺得佢悶到爆。唔好話球迷，連 BBC 嘅首席記者都忍唔住喺賽後報導用令人沮喪嘅悶戰（dismal non-event）嚟形容呢場決賽。全場雙方加埋得十幾次起腳，甚至去到 90 分鐘時只得 14 次，創下自 2005 年以嚟足總盃決賽嘅新低，完全係一場高消耗嘅泥漿摔角。
比賽之所以踢得咁悶，除咗因為車路士成功嘅泊大巴破壞對手部署，亦要歸功於球證 Darren England 嘅寬鬆尺度。佢今場明顯拉高咗吹罰嘅門檻，容許大量嘅肢體碰撞同肌肉對抗，祖奧柏度同哈圖喺禁區內幾次 50/50 嘅跌倒全部被擰頭無比。呢種尺度令到場波充滿血肉橫飛嘅對抗，而唔係行雲流水嘅組織。
直到 72 分鐘，呢個僵局先至被一腳唔講道理嘅靚射門打破。
曼城喺右路做文章，夏蘭特走去盲眼位接應，一吓大力橫傳入禁區。接應嘅 Semenyo 喺極狹窄嘅空間入面、背向龍門兼有守衛力壓之下，竟然交出一個後腳入楔。呢腳波嘅預期入球（xG）只有極微乎其微嘅 0.09，對面走位靚、配合靚、射得更靚，喺一個充滿消磨嘅戰局入面，曼城就係靠呢種天才級嘅個人閃光帶走咗個冠軍。
戰術深潛
120 分嘅混合防守開局，與 0 分散沙變陣
賽前睇到正選名單，麥法蘭排出一個 3-4-2-1 嘅陣式。唔算驚喜，但有諗頭嘅。隊長列斯占士出任正選防中拍住卡些度，同時兼任中場掃蕩，以及進攻時疊瓦、防守時墮後右閘包位嘅工作。
配合哈圖收後拍住高維同科芬拿組成嘅三中堅 Low Block，再加上前場三叉戟（彭馬、安素、祖奧柏度）唔留力嘅 High Press，車路士上半場成功令曼城嘅進攻便秘。呢種進攻係 4 後防守係 3 後嘅打法，針對曼城慢條斯理搓波嘅賽前戰術準備，絕對攞足 120 分。
但，嗯，又係老問題，當 72 分鐘落後需要撳掣搏命時，麥法蘭嘅弱點就表露無遺。佢換入尼圖入替古古尼亞，連防守陣式都變返 4 後衛，之後再推埋戴納同加拿祖落場。呢個孤注一擲嘅變陣，無令球隊嘅進攻變得立體，反而令球隊瞬間失去咗原本嚴密嘅戰術框架。
換出咗正選班底後，成隊波由有組織嘅防反，變咗盲目嘅單打獨鬥同無意義嘅高空長傳。換人後球隊反而變咗一盤散沙，連考驗對手門將 Trafford 嘅基本攻勢都組織唔到，呢個，就係麥法蘭嘅極限。
黃牌計時炸彈，與哥迪奧拿嘅半場調整
有睇我【半場說】嘅車迷應該記得，當時我已經講，古古尼亞上半場 32 分鐘食咗張黃牌，絕對係防線一個極大嘅計時炸彈。帶住張黃牌，面對住 Doku 同 Semenyo 喺兩邊嘅狂爆，古古尼亞下半場行步路都要勒住勒住。
而哥迪奧拿嘅戰術嗅覺有幾恐怖？半場一出嚟，佢即刻果斷換入 Cherki 調整火力，下半場刻意將攻勢傾側落車路士嘅左路，不斷試探古古尼亞同哈圖身後嘅空間。
失球嗰一下，正正就係曼城喺右路幾下快速短傳入楔，夏蘭特成功拉扯出古古身後嘅盲區，再交出致命嘅地波傳中。哥迪奧拿巧妙地將對手一個微小嘅黃牌隱患，放大成致命一擊，呢啲就係頂級名帥嘅能力。面對呢種針對性嘅戰術破局能力，加上 Semenyo 嗰腳 0.09 xG 嘅射門，防線球員其實已經做足本份。呢一球，真係非戰之罪，輸得心服口服。
賽後都有巴打話，覺得唔應該換古古而應該換哈圖，呢個位就係戰術嗅覺問題。當對手已經針對帶黃嘅古古去攻，你留住佢同露出個弱俾對手完全一樣。
防線雙塔，與彭馬放低身段的犧牲
今場雖然輸波，但我哋絕對要俾掌聲一班防守球員，特別係高維爾同科芬拿呢對防線雙塔。有部分球迷可能會將失波怪罪於最接近 Semenyo 嘅高維爾，但失波嗰下，高維爾其實已經完美遮擋咗對手 99% 嘅射門角度，Semenyo 嗰球後腳真係避無可避。
睇番高維爾全場嘅數據，絕對係世盃國腳級嘅表現，佢話俾杜曹知點解自己值得入選：踢足 90 分鐘，傳球成功率高達 90%（73/81），面對曼城恐怖嘅攻擊群，錄得 0 次被過同 0 次犯規嘅完美防守紀錄。
除咗防線，彭馬嘅犧牲亦唔可以忘記。全場只有可憐嘅 33 次觸球同 19 次傳球，對一個派牌進攻核心嚟講絕對係差。但佢為咗成就今場嘅戰術體系，放低身段化身防守工兵。數據顯示佢全場錄得高達 10 次地面爭奪，甚至因為頻頻協防對付 Doku 而被過咗 3 次。明知防守唔係自己強項，依然不惜氣力去死纏爛打，絕對值得車迷致敬。
數據深潛：逼出 29 次解圍的壓迫，與被低估的反撲鬥志
進階數據更加客觀咁呈現出車路士今場有幾落力。
大家都知哥帥嘅球隊平時閒閒地搓六七百腳波，但今場傳球數得 471 次，xG 被壓制到只有 0.98。最誇張嘅係，一向崇尚後場組織嘅曼城，今場被迫做出高達 29 次解圍，足足係車路士（13 次）嘅兩倍有多！完美印證車路士嘅高壓逼搶的確攞命。
去到下半場體能下降嘅階段，車路士嘅地面對抗勝率不跌反升，以 51% 反超曼城嘅 49%。證明班球員咬緊牙關都無放棄過對抗。
最後，雖然落後，但車路士並無一味縮退。下半場車路士嘅 xG（0.54）其實壓倒咗曼城（0.48），當中高達 0.44 係來自死球，正正就係卡些度嘅射門、安素嘅頭鎚等等造出嘅成果。
總結：失冠並非絕望，收拾心情迎接「新時代」
球證吹響完場哨聲，車路士今季最後一個可以爭奪嘅冠軍、最後一絲重返歐洲賽嘅希望，都正式宣告破滅。
今季嘅痛苦、換帥風波同連敗鬧劇已經夠多。經歷咗季尾嘅六連敗恥辱，再去到晏菲路稍微止血，直到今場喺溫布萊同歐洲最強嘅怪物鍊足 70 幾分鐘，起碼我哋見番班球員心入面仲有團火。失冠的確苦澀，但並非絕望。
比起失冠，場外消息應該更加搶Fo：因為各大傳媒報導，沙比阿朗素即將接手成為車仔下季新主帥。路還長，收拾心情，好好搞清楚下季陣容點樣執，聽日太陽照常升起，我哋無降班，仲有下季。車路士，We keep the blue flag flying high！
========================================
Facebook 同 主頁 已經開咗啦！如果鍾意我的文章可以入嚟按個讚！⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊