所謂嘅黑魔法，我諗對今季嘅英超球迷唔會陌生，泛指利用球例灰色地帶去策動嘅死球戰術。
今季有球隊靠呢種方法，喺角球區度瘋狂擦數據，取得大量嘅死球入球。Well，老老實實，場面真係唔好睇。唔好睇，但極之有用。
因為呢套戰術唔單止幫佢哋長時間霸佔榜首，仲極度接近幫阿迪達拿下今屆英超冠軍。
能夠將死球變成大殺傷力武器，阿仙奴嘅死球教練 Nicolas Jover 當然功不可沒。但喺佢哋邁向冠軍嘅路上，其實仲有一班人喺背後為阿仙奴「默默付出」。
無錯，就係嗰班場場判決準則都唔同嘅盲人協會……打錯，係英超球證們。
阿仙奴作客韋斯咸，去到補時 95 分鐘，韋斯咸喺角球混戰中入波。結果？VAR 突然如夢初醒，用顯微鏡睇足幾分鐘，最後以韋斯咸球員阻擋拉也為理由，將個絕平入球吹走。阿仙奴有驚無險贏 1-0，三分袋穩。
我之前喺上篇 Dark Art 嘅文度，詳細拆解過阿仙奴究竟做緊咩。但經過尋晚嗰場波，今篇文我哋要問一個更深層次嘅問題：點解佢哋做得到？
車仔今季試過，結果？即刻食牌。
尋晚韋斯咸想用，結果？入波吹走。
同一招，A 隊用就無事，C 隊同 W 隊用就吹犯規。呢個已經唔係戰術嘅問題，而係執法災難。
專利黑魔法：你做就係戰術，我做就係犯規
我之前喺舊文度拆解過，阿仙奴套 Dark Art 之所以一直合法，係因為佢哋將球例玩到極致。球例寫明「處於對手移動路線上」係合法嘅。所以阿仙奴班球員好聰明，永遠都係早一步行過去、背對龍門、隻手唔郁，做一個籃球式嘅靜態單擋，等你個龍門自己撞埋嚟。法理上，佢哋無犯規，呢個係 Jover 嘅功力，我直頭想俾個讚佢。
但韋斯咸被吹走嗰球絕平，事後球評同傳媒點樣解畫？佢哋話慢鏡顯示，韋斯咸球員 Pablo Felipe 喺爭位嗰陣，手臂橫跨咗拉也胸前，屬於動態拉扯兼影響門將起跳。
老老實實，如果純粹講球例，我絕對同意韋斯咸呢球係犯規，阿仙奴尋晚贏 1-0 係無問題嘅。
但真正令全英超球迷睇到火滾嘅問題喺邊？
問題在於：既然球證對干擾門將把尺，係精準嚴苛到要用慢鏡、花足 5 分鐘睇 17 次去捉你手臂有少少橫跨，咁點解之前阿仙奴做同樣甚至更大嘅動作，班球證會突然間集體失明？
大家合埋眼回帶諗下今季嘅畫面：
首循環對曼聯： 阿仙奴開角球，沙列巴成個背脊壓住曼聯門將比恩迪亞，搞到佢出迎失誤，卡拉費奧利近門頂入。成個動作有晒明顯身體接觸，但球證覺得「OK，呢啲係英超正常身體對抗」，VAR 連睇都費事睇，入球有效。
當然，我知道一定有球迷會講話兩個動作唔同，呢點我唔反駁。但點解沙列巴壓落去就係合法佔據空間，Pablo 隻手掂到拉也就係清晰可見嘅非足球動作？
但如果你以為得呢一單，咁你真係低估咗班盲人嘅能耐。
5個人話你錯，但制度話你無錯
如果話角球區入面嘅推撞，仲可以拗下係「靜態定動態」，牽涉球證嘅主觀判斷；咁禁區入面嘅犯規同手球，就係無得呃人嘅客觀事實。
先戴頭盔，以下唔係想砌一份「阿仙奴罪狀表」，而係想用阿仙奴呢個最成功案例，說明英超球證尺度不一點樣實際影響爭標。
英超有個叫 KMI（關鍵比賽事件委員會）嘅獨立小組，每星期會賽後核查球證有冇判錯。我哋攤開今季 KMI 份成績表睇下，就知阿仙奴個榜首位，背後有幾多球證嘅「包底」。
3 月初對白禮頓，馬天尼利喺禁區入面，眼都無望過個波，直接將 Wieffer 拉跌。球證無吹，VAR 覺得「唔夠明顯」無介入。賽後 KMI 點判？4:1 認為應判十二碼，3:2 認為 VAR 必須介入。結果？阿仙奴 1-0 贏波，三分袋穩。事後認錯但三分唔退，呢種道歉同空頭支票一Q樣。
大家知我係車迷，順便講下對車路士嗰場。
懷斯喺禁區內明顯手球，球證無吹。事後 KMI 嘅 5 個專家，以 5:0 嘅票數一致裁定「呢個絕對係十二碼」。但最痴線嘅事發生喇：同一班專家，竟然喺另一項投票入面，以 4:1 認為「VAR 唔介入係正確嘅」。
因為佢哋話未達到清晰且明顯錯誤（Clear and Obvious Error）呢個極高門檻。
大家聽下呢個邏輯有幾瘋狂：5 個專家全部話你錯，但個制度話：「嗯，因為你錯得未夠明顯，所以當你無錯。」
我知，就算判咗懷斯果球係手球，俾個12碼車仔，我哋都無本事左右到大局，操刀果條友一樣會發神經射失。
但「清晰且明顯錯誤」呢條原本用嚟保持比賽流暢度嘅 rule，而家變咗球證互相包庇、唔敢推翻同僚決定嘅黃馬褂。只要場上球證詐盲唔吹，VAR 就可以用呢個藉口舒舒服服咁坐喺冷氣房度打邊爐。
Squawka 嘅 VAR 淨值表寫得好清楚：今季阿仙奴喺 VAR 判決入面，淨得益係 +2（相比之下，利物浦係最慘嘅 -5）。根據 KMI 數據，全季累積咗 54 宗球證同 VAR 錯誤，比上季大幅反彈。當然，Squawka唔係咩專業統計，或者完季搵到其他數據我再嚟討論。
但喺一個爭標隨時只差一兩分嘅英超聯賽，呢啲由球證漏判送出嚟嘅分數，已經足夠決定一個王朝嘅誕生或者毀滅。
所以，或者Jover真係好聰明，但佢聰明唔係在設計出戰術，而係諗到英超班球證係盲嘅。
結語：真正嘅黑魔法，叫「Clear and Obvious」
去到最後，你當我戴頭盔又好，怕撚咗班冠軍球迷都好，我想重申一次：阿仙奴用 Dark Art 叻，我上篇文已經講過，Nicolas Jover 絕對係戰術天才。喺頂級競技世界，為咗贏波而將球例鑽研到極致，甚至踩鋼線，呢啲係本事。
但 Jover 嘅天才，係建立喺一班球證嘅無能同懦弱之上。
真正摧毀緊英超嘅「黑魔法」，從來唔係禁區內嗰啲單擋同拉扯，而係 VAR 嗰條叫 Clear and Obvious Error 嘅免死金牌。只要呢條界線繼續由得 PGMOL 自己任搬，只要球證繼續用呢個藉口互相包庇，第二隊阿仙奴遲早會出現，用同一個制度漏洞另一種方法繼續贏落去。
對韋斯咸賽後，阿迪達讚賞球證嘅判決 Very consistent（非常一致）。諗落，達哥其實無講錯，班球證的確係好一致：一致地一時一樣，一致地死不認錯，一致地將個聯賽搞到烏煙瘴氣。
阿仙奴無偷無搶，佢哋只係將個爛透嘅遊戲規則玩到極致。所以，與其嘥氣去鬧阿仙奴黑哨，不如認清邊個先係真正嘅爛攤子製造者。
黑魔法無罪，但養出黑魔法嘅制度，有罪。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
今季有球隊靠呢種方法，喺角球區度瘋狂擦數據，取得大量嘅死球入球。Well，老老實實，場面真係唔好睇。唔好睇，但極之有用。
因為呢套戰術唔單止幫佢哋長時間霸佔榜首，仲極度接近幫阿迪達拿下今屆英超冠軍。
能夠將死球變成大殺傷力武器，阿仙奴嘅死球教練 Nicolas Jover 當然功不可沒。但喺佢哋邁向冠軍嘅路上，其實仲有一班人喺背後為阿仙奴「默默付出」。
無錯，就係嗰班場場判決準則都唔同嘅盲人協會……打錯，係英超球證們。
阿仙奴作客韋斯咸，去到補時 95 分鐘，韋斯咸喺角球混戰中入波。結果？VAR 突然如夢初醒，用顯微鏡睇足幾分鐘，最後以韋斯咸球員阻擋拉也為理由，將個絕平入球吹走。阿仙奴有驚無險贏 1-0，三分袋穩。
我之前喺上篇 Dark Art 嘅文度，詳細拆解過阿仙奴究竟做緊咩。但經過尋晚嗰場波，今篇文我哋要問一個更深層次嘅問題：點解佢哋做得到？
車仔今季試過，結果？即刻食牌。
尋晚韋斯咸想用，結果？入波吹走。
同一招，A 隊用就無事，C 隊同 W 隊用就吹犯規。呢個已經唔係戰術嘅問題，而係執法災難。
專利黑魔法：你做就係戰術，我做就係犯規
我之前喺舊文度拆解過，阿仙奴套 Dark Art 之所以一直合法，係因為佢哋將球例玩到極致。球例寫明「處於對手移動路線上」係合法嘅。所以阿仙奴班球員好聰明，永遠都係早一步行過去、背對龍門、隻手唔郁，做一個籃球式嘅靜態單擋，等你個龍門自己撞埋嚟。法理上，佢哋無犯規，呢個係 Jover 嘅功力，我直頭想俾個讚佢。
但韋斯咸被吹走嗰球絕平，事後球評同傳媒點樣解畫？佢哋話慢鏡顯示，韋斯咸球員 Pablo Felipe 喺爭位嗰陣，手臂橫跨咗拉也胸前，屬於動態拉扯兼影響門將起跳。
老老實實，如果純粹講球例，我絕對同意韋斯咸呢球係犯規，阿仙奴尋晚贏 1-0 係無問題嘅。
但真正令全英超球迷睇到火滾嘅問題喺邊？
問題在於：既然球證對干擾門將把尺，係精準嚴苛到要用慢鏡、花足 5 分鐘睇 17 次去捉你手臂有少少橫跨，咁點解之前阿仙奴做同樣甚至更大嘅動作，班球證會突然間集體失明？
大家合埋眼回帶諗下今季嘅畫面：
首循環對曼聯： 阿仙奴開角球，沙列巴成個背脊壓住曼聯門將比恩迪亞，搞到佢出迎失誤，卡拉費奧利近門頂入。成個動作有晒明顯身體接觸，但球證覺得「OK，呢啲係英超正常身體對抗」，VAR 連睇都費事睇，入球有效。
當然，我知道一定有球迷會講話兩個動作唔同，呢點我唔反駁。但點解沙列巴壓落去就係合法佔據空間，Pablo 隻手掂到拉也就係清晰可見嘅非足球動作？
但如果你以為得呢一單，咁你真係低估咗班盲人嘅能耐。
5個人話你錯，但制度話你無錯
如果話角球區入面嘅推撞，仲可以拗下係「靜態定動態」，牽涉球證嘅主觀判斷；咁禁區入面嘅犯規同手球，就係無得呃人嘅客觀事實。
先戴頭盔，以下唔係想砌一份「阿仙奴罪狀表」，而係想用阿仙奴呢個最成功案例，說明英超球證尺度不一點樣實際影響爭標。
英超有個叫 KMI（關鍵比賽事件委員會）嘅獨立小組，每星期會賽後核查球證有冇判錯。我哋攤開今季 KMI 份成績表睇下，就知阿仙奴個榜首位，背後有幾多球證嘅「包底」。
3 月初對白禮頓，馬天尼利喺禁區入面，眼都無望過個波，直接將 Wieffer 拉跌。球證無吹，VAR 覺得「唔夠明顯」無介入。賽後 KMI 點判？4:1 認為應判十二碼，3:2 認為 VAR 必須介入。結果？阿仙奴 1-0 贏波，三分袋穩。事後認錯但三分唔退，呢種道歉同空頭支票一Q樣。
大家知我係車迷，順便講下對車路士嗰場。
懷斯喺禁區內明顯手球，球證無吹。事後 KMI 嘅 5 個專家，以 5:0 嘅票數一致裁定「呢個絕對係十二碼」。但最痴線嘅事發生喇：同一班專家，竟然喺另一項投票入面，以 4:1 認為「VAR 唔介入係正確嘅」。
因為佢哋話未達到清晰且明顯錯誤（Clear and Obvious Error）呢個極高門檻。
大家聽下呢個邏輯有幾瘋狂：5 個專家全部話你錯，但個制度話：「嗯，因為你錯得未夠明顯，所以當你無錯。」
我知，就算判咗懷斯果球係手球，俾個12碼車仔，我哋都無本事左右到大局，操刀果條友一樣會發神經射失。
但「清晰且明顯錯誤」呢條原本用嚟保持比賽流暢度嘅 rule，而家變咗球證互相包庇、唔敢推翻同僚決定嘅黃馬褂。只要場上球證詐盲唔吹，VAR 就可以用呢個藉口舒舒服服咁坐喺冷氣房度打邊爐。
Squawka 嘅 VAR 淨值表寫得好清楚：今季阿仙奴喺 VAR 判決入面，淨得益係 +2（相比之下，利物浦係最慘嘅 -5）。根據 KMI 數據，全季累積咗 54 宗球證同 VAR 錯誤，比上季大幅反彈。當然，Squawka唔係咩專業統計，或者完季搵到其他數據我再嚟討論。
但喺一個爭標隨時只差一兩分嘅英超聯賽，呢啲由球證漏判送出嚟嘅分數，已經足夠決定一個王朝嘅誕生或者毀滅。
所以，或者Jover真係好聰明，但佢聰明唔係在設計出戰術，而係諗到英超班球證係盲嘅。
結語：真正嘅黑魔法，叫「Clear and Obvious」
去到最後，你當我戴頭盔又好，怕撚咗班冠軍球迷都好，我想重申一次：阿仙奴用 Dark Art 叻，我上篇文已經講過，Nicolas Jover 絕對係戰術天才。喺頂級競技世界，為咗贏波而將球例鑽研到極致，甚至踩鋼線，呢啲係本事。
但 Jover 嘅天才，係建立喺一班球證嘅無能同懦弱之上。
真正摧毀緊英超嘅「黑魔法」，從來唔係禁區內嗰啲單擋同拉扯，而係 VAR 嗰條叫 Clear and Obvious Error 嘅免死金牌。只要呢條界線繼續由得 PGMOL 自己任搬，只要球證繼續用呢個藉口互相包庇，第二隊阿仙奴遲早會出現，用同一個制度漏洞另一種方法繼續贏落去。
對韋斯咸賽後，阿迪達讚賞球證嘅判決 Very consistent（非常一致）。諗落，達哥其實無講錯，班球證的確係好一致：一致地一時一樣，一致地死不認錯，一致地將個聯賽搞到烏煙瘴氣。
阿仙奴無偷無搶，佢哋只係將個爛透嘅遊戲規則玩到極致。所以，與其嘥氣去鬧阿仙奴黑哨，不如認清邊個先係真正嘅爛攤子製造者。
黑魔法無罪，但養出黑魔法嘅制度，有罪。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊