經歷完上場主場被森林副選大炒、創下 33 年最長六連敗嘅百年恥辱後，車路士今場作客利物浦，包括我在內，相信好多人都打定輸數。但足球神奇嘅地方係，你永遠估唔到佢實際係會點發展。
經歷咗你攻我守嘅一人半場90分鐘戰鬥，車路士居然可以係晏菲路拎走一分，順便終結6連敗走勢，你望下賽後科芬拿笑得幾開心，就知拎到一分有幾咁難能可貴。
距離硬撼曼城嘅足總盃決賽只剩一個星期，如果帶住七連敗嘅頹氣去溫布萊，恐怕球員未出更衣室已經腳軟。看守領隊麥法蘭今場喺臨場應變上依舊被對手食住，但開局嘅殘陣戰術部署的確有諗頭；加上球員算係擠到少少咁多鬥志出嚟，總算為風雨飄搖嘅車路士挽回一絲尊嚴。
比賽簡述：0.04 xG 神仙波對決與 VAR 嘅心跳遊戲
呢 90 分鐘嘅戰局，話精彩又唔係，話悶又講唔上……
開波短短 6 分鐘，倒戈嘅青訓小將恩古莫亞左路發難，助攻 Gravenberch 喺禁區頂轟入死角。
但去到 35 分鐘，隊長安素喺 35 碼外處理罰球，個波離奇地貼地穿過人群，慢溜遠柱彈入，為車路士幸運地扳平 1：1。最有趣嘅係，呢兩球波嘅預期入球（xG）都只有極微乎其微嘅 0.04……咁樣有兩個入球可以話係奇蹟……
換邊之後，就輪到雙方球迷嘅心臟輪流承受考驗，上演咗一幕詐糊大交換。49 分鐘，古古尼亞左路傳中引起混亂，彭馬門前補射入網，點知高興咗幾秒，VAR 劃線話古古尼亞越位在先，空歡喜一場；轉個頭唔到 10 分鐘，利物浦嘅鍾斯近門頂入，同樣因為隊友越位被吹走。
去到比賽尾段，利物浦開始㩒住車路士半場嚟狂攻，蘇保斯禮遠射中柱，跟住雲迪克頭槌再中楣，真係睇到車迷一額汗。好在門柱兩次幫手，最終雙方以 1：1 握手言和，順利喺晏菲路帶走1分。
戰術深潛
無翼陣嘅 4-3-3 變種，戰術正確但彭馬撻唔著
賽前睇出場名單，車仔所有翼鋒全部傷晒出唔到，個個都以為麥法蘭今場排 3 中堅死守。但實際踢落先發現，原來係佢藝高人膽心咁將古古尼亞直接推上去做左翼，哈圖踢左閘嘅 4-3-3 變陣。
今場車路士主打中央突破，呢個部署其實好合理，一來兩翼真係無人，二來利物浦近期失分，好多時都係防線中路俾人打穿。麥法蘭其中一個好明顯嘅部署，係要求彭馬去追住雲迪克嚟咬，目標就係要打穿 VVD 背後嘅空間。
戰術構思係啱嘅，上半場彭馬亦的確有一球直線想劏畀祖奧柏度，正正就係打呢種身後波，只係力度大咗少少。個致命傷係，彭馬依家似乎仲係撻唔著，判斷慢、控球差、傳波力度拿捏失準。戰術造到出嚟，但佢交唔出平時嘅質素，建議彭先生真係要搵時間去車公廟轉下風車改下運。
左翼古古尼亞嘅驚喜，與麥法蘭露底嘅戰術盲區
上半場最有趣嘅畫面，係車路士兩次最大嘅 Open play 機會，甚至下半場嗰球越位詐糊，全部都係由古古尼亞喺左路跑身後楔出嚟製造嘅。佢今場迎來車路士生涯第 100 場，打得極度生猛。但回心一諗，要靠個左閘去客串做全隊最具威脅嘅左翼，到底我哋平日啲正選左翼有幾差？
呢個亦係引申出下半場車路士點解會完全失去主導權嘅最大原因。
史諾睇得出右路鍾斯俾古古尼亞食住，下半場果斷做咗個戰術微調：將速度極快嘅費明邦移番去右閘位置，專責盯防古古。呢一著直接扣死咗古古尼亞嘅後上空間。
當車路士唯一嘅單邊突破口被封殺，看守領隊麥法蘭嘅弱點就完全暴露無遺。佢完全無能力、亦無手段去應對史諾呢個變招。左路被鎖死，中路彭馬又迷失，麥法蘭企喺場邊拎唔出任何 Plan B，只能夠眼白白睇住球隊被動捱打。呢種臨場應變上嘅無能為力，完美反映出一個看守領隊喺頂級聯賽鬥法中嘅局限。
防線雙塔重逢，科芬拿嘅無名貢獻與死守保底
對比上場對森林嗰條由查洛巴領銜、被對手一攻就散嘅紙紮防線，今場防線嘅表現絕對值得讚賞。
高維爾自從季前 ACL 重創之後，終於迎來復出後嘅首次正選，一踢仲要踢足 90 分鐘。有佢喺度，防線嘅出波同穩定性明顯提升咗一個檔次。佢同科芬拿呢對健康時嘅最強雙塔重新合體，成為下半場頂住利物浦狂轟猛炸嘅最大本錢。
講開科芬拿，安素嗰球 0.04 xG 嘅罰球，除咗安素射得刁鑽，大家一定要睇番科芬拿喺人牆入面做嘅 Blocking，佢成功用身位擋住咗加普，遮擋對手門將視線兼擾亂人牆，呢下絕對係呢個入球嘅一大無名亮點。
去到 63 分鐘，麥法蘭再用傷癒復出嘅占士入替山度士。用一個抖咗兩個月、本身踢開右閘嘅人去中場掃蕩，信號好明顯：麥法蘭已經技窮，佢只係想拎走 1 分。雖然縮骨，但起碼今次保得住。
數據深潛
上場對森林，車路士最令人火滾嘅係連基本嘅拼勁都欠奉。但今場進階數據話俾大家知，班大帝終於肯落腳搏命。
全場數據顯示，車路士嘅地面爭奪勝率高達 58%（46 對 34），成功過人更加係極高嘅 77%（10 次成功）。對比上場被對手啲工兵恰死，今場起碼喺對抗性同態度上，球員有表現出鬥心嘅。
不過，數據亦都殘酷地揭示咗下半場形勢逆轉、被利物浦㩒住嚟砌嘅真實寫照：
上半場，車路士佔盡優勢，對手禁區內觸球以 16 對 4 大幅拋離利物浦；但去到下半場，當史諾變陣，呢個數據出現咗斷崖式嘅 360 度大逆轉 (我知 360 係咩意思…我有讀Maths架。)：
利物浦喺車路士禁區觸球高達 20 次，而車路士只係得番可憐嘅 7 次。
為咗應付對手下半場嘅狂攻，車路士嘅解圍次數亦由上半場嘅 4 次，急升到下半場嘅 10 次。完美反映出麥法蘭喺戰術被破之後，只能夠被動縮後捱打嘅窘境。好在防線今場生性，加上利物浦腳頭唔靈，總算頂得住利物浦下半場 0.21 xG 嘅攻勢。
總結：止血過後，去溫布萊放手一搏
作客晏菲路可以攞走一分，終結恥辱性嘅六連敗，點都係一件值得慶幸嘅事。雖然聯賽排名已經無慾無求，下季歐洲賽亦都正式宣佈緣盡，呢場波，算係士氣波多過真係有實際意義。
呢 90 分鐘話俾大家知：麥法蘭作為看守領隊，佢嘅極限同臨場應變能力已經完全見底；進攻核心彭馬嘅狀態亦的確令人極度擔憂。但好消息係，科芬拿同高維嘅健康表現，證明車路士嘅防線並唔係真係咁無藥可救；而球員今場展現出嚟嘅鬥心，至少證明班球員仲未去到完全放棄治療嘅地步。
下星期，溫布萊球場，足總盃決賽硬撼曼城。面對全歐洲最強嘅怪物之一，加上麥法蘭近乎零嘅臨場變陣能力，車路士依然係被睇低一線、甚至幾線。但與其帶住七連敗嘅頹氣去送死，我更寧願見到球隊帶住今場晏菲路嘅鬥志去放手一搏，決賽見。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
經歷咗你攻我守嘅一人半場90分鐘戰鬥，車路士居然可以係晏菲路拎走一分，順便終結6連敗走勢，你望下賽後科芬拿笑得幾開心，就知拎到一分有幾咁難能可貴。
距離硬撼曼城嘅足總盃決賽只剩一個星期，如果帶住七連敗嘅頹氣去溫布萊，恐怕球員未出更衣室已經腳軟。看守領隊麥法蘭今場喺臨場應變上依舊被對手食住，但開局嘅殘陣戰術部署的確有諗頭；加上球員算係擠到少少咁多鬥志出嚟，總算為風雨飄搖嘅車路士挽回一絲尊嚴。
比賽簡述：0.04 xG 神仙波對決與 VAR 嘅心跳遊戲
呢 90 分鐘嘅戰局，話精彩又唔係，話悶又講唔上……
開波短短 6 分鐘，倒戈嘅青訓小將恩古莫亞左路發難，助攻 Gravenberch 喺禁區頂轟入死角。
但去到 35 分鐘，隊長安素喺 35 碼外處理罰球，個波離奇地貼地穿過人群，慢溜遠柱彈入，為車路士幸運地扳平 1：1。最有趣嘅係，呢兩球波嘅預期入球（xG）都只有極微乎其微嘅 0.04……咁樣有兩個入球可以話係奇蹟……
換邊之後，就輪到雙方球迷嘅心臟輪流承受考驗，上演咗一幕詐糊大交換。49 分鐘，古古尼亞左路傳中引起混亂，彭馬門前補射入網，點知高興咗幾秒，VAR 劃線話古古尼亞越位在先，空歡喜一場；轉個頭唔到 10 分鐘，利物浦嘅鍾斯近門頂入，同樣因為隊友越位被吹走。
去到比賽尾段，利物浦開始㩒住車路士半場嚟狂攻，蘇保斯禮遠射中柱，跟住雲迪克頭槌再中楣，真係睇到車迷一額汗。好在門柱兩次幫手，最終雙方以 1：1 握手言和，順利喺晏菲路帶走1分。
戰術深潛
無翼陣嘅 4-3-3 變種，戰術正確但彭馬撻唔著
賽前睇出場名單，車仔所有翼鋒全部傷晒出唔到，個個都以為麥法蘭今場排 3 中堅死守。但實際踢落先發現，原來係佢藝高人膽心咁將古古尼亞直接推上去做左翼，哈圖踢左閘嘅 4-3-3 變陣。
今場車路士主打中央突破，呢個部署其實好合理，一來兩翼真係無人，二來利物浦近期失分，好多時都係防線中路俾人打穿。麥法蘭其中一個好明顯嘅部署，係要求彭馬去追住雲迪克嚟咬，目標就係要打穿 VVD 背後嘅空間。
戰術構思係啱嘅，上半場彭馬亦的確有一球直線想劏畀祖奧柏度，正正就係打呢種身後波，只係力度大咗少少。個致命傷係，彭馬依家似乎仲係撻唔著，判斷慢、控球差、傳波力度拿捏失準。戰術造到出嚟，但佢交唔出平時嘅質素，建議彭先生真係要搵時間去車公廟轉下風車改下運。
左翼古古尼亞嘅驚喜，與麥法蘭露底嘅戰術盲區
上半場最有趣嘅畫面，係車路士兩次最大嘅 Open play 機會，甚至下半場嗰球越位詐糊，全部都係由古古尼亞喺左路跑身後楔出嚟製造嘅。佢今場迎來車路士生涯第 100 場，打得極度生猛。但回心一諗，要靠個左閘去客串做全隊最具威脅嘅左翼，到底我哋平日啲正選左翼有幾差？
呢個亦係引申出下半場車路士點解會完全失去主導權嘅最大原因。
史諾睇得出右路鍾斯俾古古尼亞食住，下半場果斷做咗個戰術微調：將速度極快嘅費明邦移番去右閘位置，專責盯防古古。呢一著直接扣死咗古古尼亞嘅後上空間。
當車路士唯一嘅單邊突破口被封殺，看守領隊麥法蘭嘅弱點就完全暴露無遺。佢完全無能力、亦無手段去應對史諾呢個變招。左路被鎖死，中路彭馬又迷失，麥法蘭企喺場邊拎唔出任何 Plan B，只能夠眼白白睇住球隊被動捱打。呢種臨場應變上嘅無能為力，完美反映出一個看守領隊喺頂級聯賽鬥法中嘅局限。
防線雙塔重逢，科芬拿嘅無名貢獻與死守保底
對比上場對森林嗰條由查洛巴領銜、被對手一攻就散嘅紙紮防線，今場防線嘅表現絕對值得讚賞。
高維爾自從季前 ACL 重創之後，終於迎來復出後嘅首次正選，一踢仲要踢足 90 分鐘。有佢喺度，防線嘅出波同穩定性明顯提升咗一個檔次。佢同科芬拿呢對健康時嘅最強雙塔重新合體，成為下半場頂住利物浦狂轟猛炸嘅最大本錢。
講開科芬拿，安素嗰球 0.04 xG 嘅罰球，除咗安素射得刁鑽，大家一定要睇番科芬拿喺人牆入面做嘅 Blocking，佢成功用身位擋住咗加普，遮擋對手門將視線兼擾亂人牆，呢下絕對係呢個入球嘅一大無名亮點。
去到 63 分鐘，麥法蘭再用傷癒復出嘅占士入替山度士。用一個抖咗兩個月、本身踢開右閘嘅人去中場掃蕩，信號好明顯：麥法蘭已經技窮，佢只係想拎走 1 分。雖然縮骨，但起碼今次保得住。
數據深潛
上場對森林，車路士最令人火滾嘅係連基本嘅拼勁都欠奉。但今場進階數據話俾大家知，班大帝終於肯落腳搏命。
全場數據顯示，車路士嘅地面爭奪勝率高達 58%（46 對 34），成功過人更加係極高嘅 77%（10 次成功）。對比上場被對手啲工兵恰死，今場起碼喺對抗性同態度上，球員有表現出鬥心嘅。
不過，數據亦都殘酷地揭示咗下半場形勢逆轉、被利物浦㩒住嚟砌嘅真實寫照：
上半場，車路士佔盡優勢，對手禁區內觸球以 16 對 4 大幅拋離利物浦；但去到下半場，當史諾變陣，呢個數據出現咗斷崖式嘅 360 度大逆轉 (我知 360 係咩意思…我有讀Maths架。)：
利物浦喺車路士禁區觸球高達 20 次，而車路士只係得番可憐嘅 7 次。
為咗應付對手下半場嘅狂攻，車路士嘅解圍次數亦由上半場嘅 4 次，急升到下半場嘅 10 次。完美反映出麥法蘭喺戰術被破之後，只能夠被動縮後捱打嘅窘境。好在防線今場生性，加上利物浦腳頭唔靈，總算頂得住利物浦下半場 0.21 xG 嘅攻勢。
總結：止血過後，去溫布萊放手一搏
作客晏菲路可以攞走一分，終結恥辱性嘅六連敗，點都係一件值得慶幸嘅事。雖然聯賽排名已經無慾無求，下季歐洲賽亦都正式宣佈緣盡，呢場波，算係士氣波多過真係有實際意義。
呢 90 分鐘話俾大家知：麥法蘭作為看守領隊，佢嘅極限同臨場應變能力已經完全見底；進攻核心彭馬嘅狀態亦的確令人極度擔憂。但好消息係，科芬拿同高維嘅健康表現，證明車路士嘅防線並唔係真係咁無藥可救；而球員今場展現出嚟嘅鬥心，至少證明班球員仲未去到完全放棄治療嘅地步。
下星期，溫布萊球場，足總盃決賽硬撼曼城。面對全歐洲最強嘅怪物之一，加上麥法蘭近乎零嘅臨場變陣能力，車路士依然係被睇低一線、甚至幾線。但與其帶住七連敗嘅頹氣去送死，我更寧願見到球隊帶住今場晏菲路嘅鬥志去放手一搏，決賽見。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌
https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊