如果幾日前足總盃殺入決賽係一場短暫嘅美夢，咁今場重返英超賽場，就係一盆兜頭淋落嚟嘅冰水，將所有車迷扯番落最殘酷嘅現實。
1：3 主場不敵諾定咸森林，車路士正式錄得英超六連敗，創下自 1993 年以嚟球會最長嘅聯賽連敗紀錄。但呢個都未算最侮辱…望下對手，佢哋為咗留力打歐霸盃四強，今場正選足足輪換咗 8 個人。面對一隊排 16 嘅半力陣容，車路士竟然由頭到尾都被撳喺地下一直摩擦。
隨住今場全失三分，球隊落後前四足足 10 分，季前定落嚟重返歐聯嘅目標正式宣告死亡，恭喜晒Blue Co，亦希望高層可以考慮下捉晒班體育總監傾下計。而呢場，就例行公事咁寫下啦。
比賽簡述：
呢 90 分鐘嘅戰局，可以用由頭柒到落尾嚟形容，過程仲要極度慘烈。
開波僅僅 97 秒，防線已經集體夢遊，被阿旺尼輕鬆頂入。去到 13 分鐘，防線再次崩壞，古斯圖禁區內扯衫輸 12 碼，VAR 睇完無俾紅牌已經算好彩，Igor Jesus 操刀射入，15 分鐘內車路士已經連輸兩粒。
去到半場補時，本來係追近比數嘅黃金機會。18 歲小將 Derry 禁區內搏到 12 碼，但代價係同對手恐怖相撞，重創被擔架抬離場直接送院，好彩嘅係賽後證實清醒無大礙；點知狀態跌落谷底嘅彭馬親自操刀，但宴客被 Sels 撲出，白白浪費咗Derry嘅犧牲。
換邊後短短 7 分鐘，森林後備入替嘅 Gibbs-White 輕鬆打穿防線，助攻 阿旺尼 梅開二度拉開到 0：3。隨後連門將山齊士都同對手頭槌相撞爆缸退下火線。
比賽仲有15分鐘但已經有大批車迷心灰意冷提早離場，直到補時 93 分鐘，全場唯一仲有鬥志嘅祖奧柏度轟入技驚四座嘅倒掛金鉤，射入個人今季第 20 球，總算終結咗球隊長達 634 分鐘嘅英超入球荒，為呢場恥辱性嘅敗仗寫下一個淒涼嘅句號。
戰術深潛
被屈的 £250M 中場，與真正嘅進攻黑洞
賽後唔少英國傳媒將矛頭直指由卡斯度、安素同拉維亞組成嘅 £250M 豪華中場，話佢哋被對手嘅工兵 Yates 同 Dominguez 徹底食住。但睇真啲數據，冤枉呀大人……！
中場三子其實交足功課：卡斯度傳球成功率高達 94%，交出 12 次防守貢獻，地戰勝率 57%，全場 0 次 被對手扭過；安素更加係全場最搏命嗰個，107 次觸球、創造咗 7 次機會（xA 高達 0.55）。中場其實已經將個波順利運到上前線。
真正殺死球隊進攻嘅，係前場嗰個進攻黑洞，彭馬。
我諗都無諗過會有一日寫彭馬係進攻黑洞。大家淨係記得佢半場補時射失 12 碼，但佢喺運動戰入面嘅表現簡直係直達地心。作為進攻核心，佢全場只係創造得 1 次機會；想突破？5 次過人得 1 次成功（20%）；想埋身肉搏？10 次地面爭奪輸足 8 次（勝率 20%），仲要被對手 3 次直接搶走腳下球。
佢非Non-penalty xG 只有可憐嘅 0.13。睇場上表現都見到彭馬今場完全陷入困境，將安素同古斯度辛苦創造出嚟嘅心血，一滴不漏咁倒晒落鹹水海。
查洛巴，你先係兇手
前場敗家，後防就直接派膠。森林全場只係得可憐嘅 6 次起腳，全數喺禁區內，但竟然換嚟 2.07 xG 同 3 個黃金機會。咁瘋狂嘅進攻效率，除咗讚對手把握力好，更重要係多謝車路士條紙紮防線，當中細查絕對有最大功勞，我夠膽講三球都有佢份：
第 1 球（2分鐘）： 對手一個簡單傳中，佢判斷落點完全錯誤直接漏頂，被阿旺尼喺佢身後舒舒服服頂入。
第 2 球（12分鐘）： Bakwa 傳中，查洛巴喺中路截唔到個波，個波漏到去尾柱，搞到身位落後嘅古斯圖焗住要用超技術拉衫輸 12 碼。
第 3 球（52分鐘）： Gibbs-White 落底傳中，查洛巴喺小禁區要佈越位陷阱但發現自己誤判，完全走漏晒身後嘅阿旺尼，白白被對手撞入。
除咗第二球叫做責任無直接係佢身上，另外兩球都無老屈，邊個仲話要留佢嘅，麻煩去我Facebook留個言交流下。
麥法蘭交出戰術白卷，被副選兵羞辱的臨場調動
如果我係Derry，係醫院醒返發現球隊輸到咁貼地，應該會再暈一次。
先拋開傷患同不幸，今場波喺臨場調動同戰術博弈上，看守領隊麥法蘭完全係被對手領隊 Vitor Pereira 當小朋友咁玩。
Pereira 今場做咗個極大膽嘅決定，為留力歐霸盃先收起 8 個主力，用副選兵跟你死過；見到半場領先 2：0，佢下半場一開波果斷撳掣，換入 Gibbs-White 等主力上場收割比賽。結果？Gibbs-White 落場僅僅 7 分鐘，就輕鬆撕破車路士防線交出致命助攻。人哋嘅換人，係一擊即中、刀刀見血。
反觀麥法蘭，面對落後兩球嘅絕境，佢嘅臨場調動簡直令人睇到黑人問號。第一個換人我明，你要高維爾落場習慣比賽節奏，而佢的確交得出功課，只係不幸地換人 7 分鐘後即刻再失一球。
落後到 0：3，面對森林縮到極後嘅鐵桶陣，麥法蘭完全拎唔出任何破局嘅 Plan B。換入山度士入替拉維亞，只係盲目咁繼續做U 型傳球，喺禁區頂圍住對手狂搓。
無轉邊拉扯、無撞牆楔入、更加無針對 Gibbs-White 墮後現位嘅防守部署。麥法蘭喺場邊毫無作為，只係幫哥迪奧拿嘅決賽做咗個簡單演練Only。
數據深潛：足球史上最可悲的 84.7% Field Tilt
如果你睇完上面都仲對車路士抱有一絲幻想， 進階數據絕對會將你最後嘅希望徹底擊碎。
數據顯示，車路士今場嘅控球率高達 67.3%， Deep Entries 次數以 20 對 8 大幅拋離森林。最誇張嘅係進攻三區觸球比例高達 84.7%！單睇呢啲數字，你會以為車路士將對手圍喺禁區狂轟猛炸。
但現實呢？森林縮後防守，防線高度 得 36.3碼，PPDA 19.5，任你喺禁區外搓傳。車路士空有 21 次起腳，但運動戰 xG 只有 0.84。
即係話，車路士霸佔住對手嘅危險地帶足足 90 分鐘，都製造唔到真正嘅威脅。
總結：無底深淵仍未見底，準備迎接晏菲路與溫布萊嘅大屠殺
呢場 1：3 唔單止係一場敗仗，更係一塊照妖鏡，將球隊由上到下嘅結構性腐敗照得一清二楚。英超六連敗，創下 33 年恥辱紀錄，聯賽爭奪歐聯資格嘅春夢正式醒覺。望望積分榜，排第 9 位嘅車路士距離下半版只係一線之差，隨時打破埋 BlueCo 接手以嚟嘅最差紀錄。
麥法蘭交出嘅戰術白卷、查洛巴派膠嘅紙紮防線、彭馬迷失嘅進攻黑洞，加埋嗰堆睇落好靚但毫無威脅嘅數據，全部都話緊俾大家知：呢隊車路士已經病入膏肓。
接落嚟仲要作客晏菲路硬撼利物浦，然後足總盃決賽去溫布萊對住曼城。以今場呢種猶如一盤散沙、毫無鬥志兼錯漏百出嘅狀態去應戰，恐怕只會迎來更大規模嘅屠殺。唔好話 6 連敗，直頭見到 9 連敗都絕對唔誇張。高層們，如果你哋睇完呢場波都仲覺得球會走緊喺正確嘅軌道上，咁麻煩下季係主場加多個心理輔導室，教下我哋點樣支持隊波啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌ https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
1：3 主場不敵諾定咸森林，車路士正式錄得英超六連敗，創下自 1993 年以嚟球會最長嘅聯賽連敗紀錄。但呢個都未算最侮辱…望下對手，佢哋為咗留力打歐霸盃四強，今場正選足足輪換咗 8 個人。面對一隊排 16 嘅半力陣容，車路士竟然由頭到尾都被撳喺地下一直摩擦。
隨住今場全失三分，球隊落後前四足足 10 分，季前定落嚟重返歐聯嘅目標正式宣告死亡，恭喜晒Blue Co，亦希望高層可以考慮下捉晒班體育總監傾下計。而呢場，就例行公事咁寫下啦。
比賽簡述：
呢 90 分鐘嘅戰局，可以用由頭柒到落尾嚟形容，過程仲要極度慘烈。
開波僅僅 97 秒，防線已經集體夢遊，被阿旺尼輕鬆頂入。去到 13 分鐘，防線再次崩壞，古斯圖禁區內扯衫輸 12 碼，VAR 睇完無俾紅牌已經算好彩，Igor Jesus 操刀射入，15 分鐘內車路士已經連輸兩粒。
去到半場補時，本來係追近比數嘅黃金機會。18 歲小將 Derry 禁區內搏到 12 碼，但代價係同對手恐怖相撞，重創被擔架抬離場直接送院，好彩嘅係賽後證實清醒無大礙；點知狀態跌落谷底嘅彭馬親自操刀，但宴客被 Sels 撲出，白白浪費咗Derry嘅犧牲。
換邊後短短 7 分鐘，森林後備入替嘅 Gibbs-White 輕鬆打穿防線，助攻 阿旺尼 梅開二度拉開到 0：3。隨後連門將山齊士都同對手頭槌相撞爆缸退下火線。
比賽仲有15分鐘但已經有大批車迷心灰意冷提早離場，直到補時 93 分鐘，全場唯一仲有鬥志嘅祖奧柏度轟入技驚四座嘅倒掛金鉤，射入個人今季第 20 球，總算終結咗球隊長達 634 分鐘嘅英超入球荒，為呢場恥辱性嘅敗仗寫下一個淒涼嘅句號。
戰術深潛
被屈的 £250M 中場，與真正嘅進攻黑洞
賽後唔少英國傳媒將矛頭直指由卡斯度、安素同拉維亞組成嘅 £250M 豪華中場，話佢哋被對手嘅工兵 Yates 同 Dominguez 徹底食住。但睇真啲數據，冤枉呀大人……！
中場三子其實交足功課：卡斯度傳球成功率高達 94%，交出 12 次防守貢獻，地戰勝率 57%，全場 0 次 被對手扭過；安素更加係全場最搏命嗰個，107 次觸球、創造咗 7 次機會（xA 高達 0.55）。中場其實已經將個波順利運到上前線。
真正殺死球隊進攻嘅，係前場嗰個進攻黑洞，彭馬。
我諗都無諗過會有一日寫彭馬係進攻黑洞。大家淨係記得佢半場補時射失 12 碼，但佢喺運動戰入面嘅表現簡直係直達地心。作為進攻核心，佢全場只係創造得 1 次機會；想突破？5 次過人得 1 次成功（20%）；想埋身肉搏？10 次地面爭奪輸足 8 次（勝率 20%），仲要被對手 3 次直接搶走腳下球。
佢非Non-penalty xG 只有可憐嘅 0.13。睇場上表現都見到彭馬今場完全陷入困境，將安素同古斯度辛苦創造出嚟嘅心血，一滴不漏咁倒晒落鹹水海。
查洛巴，你先係兇手
前場敗家，後防就直接派膠。森林全場只係得可憐嘅 6 次起腳，全數喺禁區內，但竟然換嚟 2.07 xG 同 3 個黃金機會。咁瘋狂嘅進攻效率，除咗讚對手把握力好，更重要係多謝車路士條紙紮防線，當中細查絕對有最大功勞，我夠膽講三球都有佢份：
第 1 球（2分鐘）： 對手一個簡單傳中，佢判斷落點完全錯誤直接漏頂，被阿旺尼喺佢身後舒舒服服頂入。
第 2 球（12分鐘）： Bakwa 傳中，查洛巴喺中路截唔到個波，個波漏到去尾柱，搞到身位落後嘅古斯圖焗住要用超技術拉衫輸 12 碼。
第 3 球（52分鐘）： Gibbs-White 落底傳中，查洛巴喺小禁區要佈越位陷阱但發現自己誤判，完全走漏晒身後嘅阿旺尼，白白被對手撞入。
除咗第二球叫做責任無直接係佢身上，另外兩球都無老屈，邊個仲話要留佢嘅，麻煩去我Facebook留個言交流下。
麥法蘭交出戰術白卷，被副選兵羞辱的臨場調動
如果我係Derry，係醫院醒返發現球隊輸到咁貼地，應該會再暈一次。
先拋開傷患同不幸，今場波喺臨場調動同戰術博弈上，看守領隊麥法蘭完全係被對手領隊 Vitor Pereira 當小朋友咁玩。
Pereira 今場做咗個極大膽嘅決定，為留力歐霸盃先收起 8 個主力，用副選兵跟你死過；見到半場領先 2：0，佢下半場一開波果斷撳掣，換入 Gibbs-White 等主力上場收割比賽。結果？Gibbs-White 落場僅僅 7 分鐘，就輕鬆撕破車路士防線交出致命助攻。人哋嘅換人，係一擊即中、刀刀見血。
反觀麥法蘭，面對落後兩球嘅絕境，佢嘅臨場調動簡直令人睇到黑人問號。第一個換人我明，你要高維爾落場習慣比賽節奏，而佢的確交得出功課，只係不幸地換人 7 分鐘後即刻再失一球。
落後到 0：3，面對森林縮到極後嘅鐵桶陣，麥法蘭完全拎唔出任何破局嘅 Plan B。換入山度士入替拉維亞，只係盲目咁繼續做U 型傳球，喺禁區頂圍住對手狂搓。
無轉邊拉扯、無撞牆楔入、更加無針對 Gibbs-White 墮後現位嘅防守部署。麥法蘭喺場邊毫無作為，只係幫哥迪奧拿嘅決賽做咗個簡單演練Only。
數據深潛：足球史上最可悲的 84.7% Field Tilt
如果你睇完上面都仲對車路士抱有一絲幻想， 進階數據絕對會將你最後嘅希望徹底擊碎。
數據顯示，車路士今場嘅控球率高達 67.3%， Deep Entries 次數以 20 對 8 大幅拋離森林。最誇張嘅係進攻三區觸球比例高達 84.7%！單睇呢啲數字，你會以為車路士將對手圍喺禁區狂轟猛炸。
但現實呢？森林縮後防守，防線高度 得 36.3碼，PPDA 19.5，任你喺禁區外搓傳。車路士空有 21 次起腳，但運動戰 xG 只有 0.84。
即係話，車路士霸佔住對手嘅危險地帶足足 90 分鐘，都製造唔到真正嘅威脅。
總結：無底深淵仍未見底，準備迎接晏菲路與溫布萊嘅大屠殺
呢場 1：3 唔單止係一場敗仗，更係一塊照妖鏡，將球隊由上到下嘅結構性腐敗照得一清二楚。英超六連敗，創下 33 年恥辱紀錄，聯賽爭奪歐聯資格嘅春夢正式醒覺。望望積分榜，排第 9 位嘅車路士距離下半版只係一線之差，隨時打破埋 BlueCo 接手以嚟嘅最差紀錄。
麥法蘭交出嘅戰術白卷、查洛巴派膠嘅紙紮防線、彭馬迷失嘅進攻黑洞，加埋嗰堆睇落好靚但毫無威脅嘅數據，全部都話緊俾大家知：呢隊車路士已經病入膏肓。
接落嚟仲要作客晏菲路硬撼利物浦，然後足總盃決賽去溫布萊對住曼城。以今場呢種猶如一盤散沙、毫無鬥志兼錯漏百出嘅狀態去應戰，恐怕只會迎來更大規模嘅屠殺。唔好話 6 連敗，直頭見到 9 連敗都絕對唔誇張。高層們，如果你哋睇完呢場波都仲覺得球會走緊喺正確嘅軌道上，咁麻煩下季係主場加多個心理輔導室，教下我哋點樣支持隊波啦。
========================================
Facebook 同 主頁 已經開咗啦！如果鍾意我的文章可以入嚟按個讚！
⭕️ 車迷狗up天地 ❌ https://www.facebook.com/cfc9up
本文亦同步刊登於我的主場：
https://cfc9up.com/
如果想第一時間收到新文通知，或者支持我繼續寫車路士長文，可以到 cfc9up.com 免費訂閱。
請按此登錄後留言。未成為會員? 立即註冊