四個月前，我斷續續寫咗幾篇文講梅迪歷單案嘅來龍去脈。相信已經唔使我再重新解釋 Meldonium 係咩，亦唔需要再講一次烏克蘭國家隊同埋嗰隻牛嘅故事。巴打們都知，當時我講過嘅「最壞情況」，去到琴晚，終於變成咗一份白紙黑字嘅足總判決書。
無錯，宣判咗。四年。
英足總正式向梅迪歷開出四年禁賽判決。梅迪歷方面已即時提出上訴，案件移交體育仲裁法庭（CAS）處理。老實講，雖然我早已經預咗，但見到個判決，作為一個想佢好嘅球迷，嗯…我仍然有少少失望。
4年呢個數字嘅重量
係講其他嘢之前，我哋先計一計數。
足總判嘅係四年禁賽，即係 48 個月。扣除佢由 2024 年 12 月開始被臨時停賽（Provisional Suspension）嘅時間，佢已經硬食咗 16 個月嘅波監。理論上，呢張牛肉乾仲剩低 32 個月。
梅迪歷今年 25 歲，正值當打時期。如果維持原判，乜嘢減刑都無嘅話，等到佢真正可以復出嗰日，佢已經係一個接近 29 歲嘅球員。對一個極度依賴爆發力同絕對速度嘅翼鋒嚟講，白白流失 25 到 28 歲呢段最黃金嘅歲月，幾乎等同於判咗職業生涯死刑。
大家諗返起上一篇文講過嘅畫面：為咗保持狀態，梅迪歷依家只可以租借非聯賽球隊 Uxbridge 塊人造草地，孤零零咁自己操練。如果要佢喺嗰塊空蕩蕩嘅草地上面，繼續自己一個跑多 32 個月……呢種精神折磨，諗起就令人覺得毛骨悚然……
但係，故事未完
點解我話故事仲未完？關鍵就在於我開頭講嘅上訴。
梅迪歷嘅律師團隊，係一間叫 Morgan Sports Law 嘅律師行。呢個名，你可能覺得好陌生。但你一定識得佢哋上一個大客：普巴。
無錯，就係嗰個同樣因為禁藥，最初被有關當局重判停賽 4 年，但最後成功打上國際體育仲裁法庭，將刑期大幅劈走一半有多，減到得返 18 個月嘅普巴。
梅迪歷選擇聘請同一間律師行，其實係向大家講緊：佢哋嘅法律策略，已經唔係天真地去搏「徹底推翻判決、全身而退」，而係好現實咁照辦煮碗，行普巴行過嗰條路，希望可以將「減刑至 18 個月」呢個終極目標實現。
如果行得通普巴劇本嘅話…
既然頭先計過最壞情況，依家我哋計下最樂觀嘅情況。
如果 CAS 最終接納上訴，將刑期劈到同普巴一樣嘅 18 個月，神跡就出現喇。18 個月嘅總刑期，減去已經捱過嘅 16 個月……即係話，梅迪歷只需再等短短 2 個月！
無錯，唔係 32 個月，係 2 個月。即係話最快喺今年（2026 年）夏天，佢就可以甩難，光明正大咁行返入車路士嘅訓練場，甚至隨時趕得切參與季前熱身賽。
當然，呢度要戴定個巨大嘅頭盔。法律從來無包生仔，呢個只係我哋推算出來嘅「最樂觀劇本」。Morgan Sports Law 唔係神仙，最終決定權依然喺 CAS 手上。而且進入法律程序少都要用半年時間去審去判決，兩個月只係無視呢D過程嘅諗法。但至少，呢個計算令到原本令人毛骨悚然嘅死局，現出咗一條非常具體嘅生路。
車仔嘅兩手準備
法律層面係咁，商業層面呢，車路士又點計？睇返之前車仔同梅迪歷續約一年，睇嚟球會高層其實一早預咗，足總嘅宣判只係中途站，CAS 先係真正嘅大結局。
車仔嘅諗法好簡單，就係做定兩手準備。如果 CAS 減刑成功，今個夏天梅迪歷就會變返一件「可上陣」或者「可出售」嘅資產，球會唔會血本無歸；但如果 CAS 最終都係維持 4 年原判，球會就可以名正言順啟動條款，以嚴重違約為理由直接撕毀合約，將佢徹底清出史丹福橋。
但，宣判只係一場審判嘅終點，並唔係佢嘅故事嘅結局。
梅迪歷嘅下一章，叫做 CAS。嗰塊人造草皮上面嘅孤獨跑圈，依然會繼續。我唔知CAS嘅判決會係點。但磨咗16個月嘅刃，我唔相信就咁斷。梅迪歷，繼續等。我哋都係。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
無錯，宣判咗。四年。
英足總正式向梅迪歷開出四年禁賽判決。梅迪歷方面已即時提出上訴，案件移交體育仲裁法庭（CAS）處理。老實講，雖然我早已經預咗，但見到個判決，作為一個想佢好嘅球迷，嗯…我仍然有少少失望。
4年呢個數字嘅重量
係講其他嘢之前，我哋先計一計數。
足總判嘅係四年禁賽，即係 48 個月。扣除佢由 2024 年 12 月開始被臨時停賽（Provisional Suspension）嘅時間，佢已經硬食咗 16 個月嘅波監。理論上，呢張牛肉乾仲剩低 32 個月。
梅迪歷今年 25 歲，正值當打時期。如果維持原判，乜嘢減刑都無嘅話，等到佢真正可以復出嗰日，佢已經係一個接近 29 歲嘅球員。對一個極度依賴爆發力同絕對速度嘅翼鋒嚟講，白白流失 25 到 28 歲呢段最黃金嘅歲月，幾乎等同於判咗職業生涯死刑。
大家諗返起上一篇文講過嘅畫面：為咗保持狀態，梅迪歷依家只可以租借非聯賽球隊 Uxbridge 塊人造草地，孤零零咁自己操練。如果要佢喺嗰塊空蕩蕩嘅草地上面，繼續自己一個跑多 32 個月……呢種精神折磨，諗起就令人覺得毛骨悚然……
但係，故事未完
點解我話故事仲未完？關鍵就在於我開頭講嘅上訴。
梅迪歷嘅律師團隊，係一間叫 Morgan Sports Law 嘅律師行。呢個名，你可能覺得好陌生。但你一定識得佢哋上一個大客：普巴。
無錯，就係嗰個同樣因為禁藥，最初被有關當局重判停賽 4 年，但最後成功打上國際體育仲裁法庭，將刑期大幅劈走一半有多，減到得返 18 個月嘅普巴。
梅迪歷選擇聘請同一間律師行，其實係向大家講緊：佢哋嘅法律策略，已經唔係天真地去搏「徹底推翻判決、全身而退」，而係好現實咁照辦煮碗，行普巴行過嗰條路，希望可以將「減刑至 18 個月」呢個終極目標實現。
如果行得通普巴劇本嘅話…
既然頭先計過最壞情況，依家我哋計下最樂觀嘅情況。
如果 CAS 最終接納上訴，將刑期劈到同普巴一樣嘅 18 個月，神跡就出現喇。18 個月嘅總刑期，減去已經捱過嘅 16 個月……即係話，梅迪歷只需再等短短 2 個月！
無錯，唔係 32 個月，係 2 個月。即係話最快喺今年（2026 年）夏天，佢就可以甩難，光明正大咁行返入車路士嘅訓練場，甚至隨時趕得切參與季前熱身賽。
當然，呢度要戴定個巨大嘅頭盔。法律從來無包生仔，呢個只係我哋推算出來嘅「最樂觀劇本」。Morgan Sports Law 唔係神仙，最終決定權依然喺 CAS 手上。而且進入法律程序少都要用半年時間去審去判決，兩個月只係無視呢D過程嘅諗法。但至少，呢個計算令到原本令人毛骨悚然嘅死局，現出咗一條非常具體嘅生路。
車仔嘅兩手準備
法律層面係咁，商業層面呢，車路士又點計？睇返之前車仔同梅迪歷續約一年，睇嚟球會高層其實一早預咗，足總嘅宣判只係中途站，CAS 先係真正嘅大結局。
車仔嘅諗法好簡單，就係做定兩手準備。如果 CAS 減刑成功，今個夏天梅迪歷就會變返一件「可上陣」或者「可出售」嘅資產，球會唔會血本無歸；但如果 CAS 最終都係維持 4 年原判，球會就可以名正言順啟動條款，以嚴重違約為理由直接撕毀合約，將佢徹底清出史丹福橋。
但，宣判只係一場審判嘅終點，並唔係佢嘅故事嘅結局。
梅迪歷嘅下一章，叫做 CAS。嗰塊人造草皮上面嘅孤獨跑圈，依然會繼續。我唔知CAS嘅判決會係點。但磨咗16個月嘅刃，我唔相信就咁斷。梅迪歷，繼續等。我哋都係。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
請按此登錄後留言。未成為會員? 立即註冊