絕望喺未開波就開始、但比賽未開始已經結束，原來世事可以荒謬成咁。
我知好多人係覺得我寫嘢尚算中立正路 (自稱) 而睇，但如果喺呢個狀況下，我仲可以好冷靜咁支持領隊，咁我一定唔係車仔Fans，我亦無資格自稱車仔Fans。
先係寫其他嘢之前俾個讚自己，同真係睇足咗全場嘅巴打們，我哋可以堅持到 90 分鐘，基本上同玩咗一次極限運動係無分別，唔使質疑自己，因為呢場波真係好西，應該係近3年、甚至係 10 年最西嘅一場，無之一，比波特更差。
如果你睇咗我咁樣放負咗兩段都仲未走，咁希望你可以睇晒我成篇文，我保證你會理解我諗咩，同點解我會咁樣放負。今次我仲要好好心機咁幫你Cap埋圖，大家唔好浪費時間睇精華啦…信我。
比賽簡述：不費吹灰之力的技術性擊倒
呢 90 分鐘嘅賽事，用毫無還擊之力嚟形容係最貼切。白禮頓贏得非常輕鬆，可以話係連汗都唔使出，就將車路士踩落腳下。
噩夢由開波前已經降臨，車仔嘅正選名單被古古尼亞嘅髮型師洩漏 (係，你無睇錯，我都無打錯)，對手早N咁多個鐘就知彭馬同柏度尼圖會因傷缺陣。
然後開波僅僅 3 分鐘，防線連一個簡單嘅角球都解唔到圍，直接被對方嘅 Kadioglu 窩利抽入。由嗰一刻起，車路士就陷入咗捱打狀態。個波根本運唔出自己半場，前場球員連波皮都掂唔到，踢到足足 40 分鐘，先至由細查喺禁區頂勉強起腳，完成全隊第一腳嘅射門、仲要係被對手 Block 走。
換邊後，羅生如夢初醒推翻自己嘅排陣，場面叫做有少少起色，但只係將 -10 分改做 0 分。56 分鐘，白禮頓一個簡單嘅反擊，輕鬆撕破防線，由 Hinshelwood 掃射成 2：0，將車仔僅餘嘅一點虛火淋熄。
去到補時階段，車仔防線更加出現終極真空。兩名白禮頓後備兵輕鬆連線，De Cuyper落底傳中，中路因為位置錯配走漏咗韋碧克，佢輕鬆抽入網頂埋齋。3：0，技術性擊倒，技不如人，但一切嘅罪魁禍首，係場邊果隻四眼仔。
戰術深潛
上面都只係頭盤，用戰術同數字你睇，你會更加絕望。
未開波先自閹，恐懼式 3 中堅與防線災難
點解話羅生今場波係未開波先認輸，我諗有睇嘅巴打都會明。The Athletic 嘅賽後分析一針見血咁指出咗個核心問題：羅生將 2 月聯賽盃對阿仙奴死守嗰套 5 後衛陣式，原封不動咁搬出嚟對付白禮頓。
當時對住阿仙奴，陣容殘缺加上作客，你揀龜縮反擊大家可以理解；但今場對手係白禮頓，唔睇少佢，我當係同級都好，羅生竟然俾出同阿仙奴同等程度嘅尊重，再退一步講，你後備唔係無人可用，點解要用 3 後死守？我唔明，你問羅生。
而今場個排陣到底有幾消極？數據話到你知，車路士上半場嘅 PPDA 高達 17.3，而平均防守動作高度更加退到只有 45.6 米。兩組數字證明，羅生嘅指示只有防守無反擊，全隊後退而唔搶迫，點踢呀…
更攞命嘅係，呢套由科芬拿、查洛巴同哈圖組成嘅 3 中堅體系，根本毫無默契可言，直接釀成一連串嘅對位大災難。開波早段已經立立亂，我哋睇番比賽畫面，去到 14:16，防線已經完全甩位，走漏咗後上嘅中堅雲希基；
幾分鐘後嘅 17:27，同樣嘅防守對位錯誤再次發生，今次直接走漏咗三笘薰。
一套原意係用嚟穩固防守嘅陣式，落到場竟然搞到啲後衛盲頭烏蠅位置錯配咁互相走漏人…嗯。我無補充啦法官大人。
坐監式推進與安素的錯位迷失
除咗排陣縮骨，羅生另一個令人費解嘅盲點，就係對後場組織嘅死板堅持。當防線已經被白禮頓壓在地上磨擦，羅生依然硬性規定球員必須要喺後場搓波上去。結果？成條防線跌入咗對手預設嘅逼搶陷阱。
白禮頓根本唔需要做啲咩，淨係企定定封死傳球路線，就逼到門將山齊士短路派膠，將個波直接交俾對方嘅 Minteh，如果唔係查洛巴護空龍，比數一早已經拉開。
比賽去到 23:07 嗰一幕就最諷刺，當時車路士有足足 7 個球員塞死晒喺自己嘅防守三區，個波搓嚟搓去，但完全搵唔到路線運出半場。
後防塞死出唔到波，咁中前場做緊咩？呢度又牽涉羅生另一個災難級嘅戰術錯位。羅生今場異想天開，防守時要求安素推上前，拍住戴納做 4-4-2 嘅前場逼搶。但安素根本唔係呢種類型嘅跑狗，佢要覆蓋嘅空間太大，完全做唔到有效嘅壓迫，反而令到中場中路門戶大開，任由白禮頓嘅中場從容派牌。
呢套逼搶有幾廢？全場 90 分鐘，車路士錄得嘅High Turnover 係 0 。對比白禮頓嘅 8 次，呢個零字直接大大巴咁打落羅生塊面度，球員喺前場跑上跑落得個吉，連對手條毛都摸唔到，完全係白白浪費體力。
最諷刺嘅係，連羅生自己都頂唔順呢套災難級戰術。半場一返入更衣室，佢就急急腳將有黃牌嘅科芬拿換走，換入加拿祖，將陣式轉番做平時嘅 4-2-3-1。變陣之後，球隊嘅流暢度即刻有肉眼可見嘅提升，總算叫做似番隊波而唔係麥花臣嘅街場隊。但呢個半場嘅撥亂反正，等於向全世界承認：佢自己度出嚟嗰套正選排陣，係浪費咗大家 45 分鐘嘅錯誤。
鋒線枯竭與九唔搭八的換人調動
當後場出唔到波，中場又現晒形，前線嘅枯竭就成為咗必然嘅悲劇。
無咗彭馬呢個進攻靈魂，加上祖奧柏度缺陣，車路士嘅鋒線陣容可以話係慘不忍睹。頂上嚟嘅係咩人？係長達 21 場比賽陷入入球荒嘅戴納，同埋自上年 12 月以嚟未喺聯賽入過波、落場毫無自信嘅尼圖。
因為後場被困，破唔到逼搶嘅唯一出路，就只剩下門將山齊士被逼盲目大腳斬上前。先唔講作客白禮頓受強風影響多次長傳都錯晒落點，因為你後收咗成條中後線，前場 3 個攻擊球員要孤立無援地硬撼 6 個白禮頓防守球員。
空有人腳囤積喺後場搓波，但對推進同進攻毫無幫助。車路士喺對手禁區只有可憐嘅 4 次觸球，xG 低見 0.04。成個上半場，車路士嘅進攻體系可以話係完全無存在過。
如果話正選部署係災難，羅生除咗加拿祖以外嘅換人可以話係九唔搭八。去到 72 分鐘，球隊落後緊兩球，急需入波去扭轉敗局，但羅生換入嘅，竟然係從未喺佢麾下踢過一分鐘英超嘅古爾，同埋防中艾素高。呢種單純嘅位換位，完全睇唔出有任何反撲嘅邏輯同決心，感覺就似係一個輸到發脾氣嘅賭徒，隨手將手上有嘅籌碼扔晒落枱面。
呢種混亂同無力感，一直蔓延到完場前最後一刻。去到補時 90 分鐘，球隊嘅防守配置依然係一篤屎：古斯度內收、令中堅查洛巴被拉迫要去右閘位，對位對面嘅迪古柏，但古斯度自己又無補返位，搞到中路完全真空。
韋碧克舒舒服服咁喺十二碼點附近抽入第三球。由開波第 3 分鐘防線甩漏輸第一球，到補時階段因為同樣嘅防守混亂輸第三球，恭喜羅生完成咗一個首尾呼應，係咪諗住角逐今屆諾貝爾文學獎？
總結：將帥無能累死三軍，羅生成為車路士污點
本來，我係總結之前仲有一大段字講深度數據、講歷史數據，講羅生點樣幫車仔打破封塵100年嘅記錄。但唔撚使啦，慳啲啦。
賽後仲有人嘗試幫羅生兜，話球隊傷兵滿營、陣容殘缺。但同一班球員，季前曾經贏過 PSG、上半季贏過巴塞同利物浦。依家落到羅生手上，對住白禮頓，踢到連少少還擊之力都無，全隊人好似中咗降頭咁，毫無章法、畏首畏尾。呢個絕對唔係球員質素嘅問題，而係我標題講嘅將帥無能，累死三軍。
一個無料到嘅庸才，將一套毒藥戰術強行灌輸俾球隊，徹底扼殺咗球員嘅靈氣。車路士高層一直想複製白禮頓嗰套模式，結果今日就被正牌白禮頓狠狠地摑咗一大巴，連最後一塊遮醜布都扯爛埋。羅生今場嘅戰術災難，唔單止親手摧毀咗球隊今季爭奪歐洲賽嘅最後希望，更成功將自己個名，變成車路士 100 年以嚟嘅歷史污點。
唔撚想幫佢兜。如果後備席果位四眼仔仲有少少羞恥心，唔該自己遞信辭職；看台上嗰位班主，睇清楚自己嘅總監搵咗咩人返嚟教波。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
我知好多人係覺得我寫嘢尚算中立正路 (自稱) 而睇，但如果喺呢個狀況下，我仲可以好冷靜咁支持領隊，咁我一定唔係車仔Fans，我亦無資格自稱車仔Fans。
先係寫其他嘢之前俾個讚自己，同真係睇足咗全場嘅巴打們，我哋可以堅持到 90 分鐘，基本上同玩咗一次極限運動係無分別，唔使質疑自己，因為呢場波真係好西，應該係近3年、甚至係 10 年最西嘅一場，無之一，比波特更差。
如果你睇咗我咁樣放負咗兩段都仲未走，咁希望你可以睇晒我成篇文，我保證你會理解我諗咩，同點解我會咁樣放負。今次我仲要好好心機咁幫你Cap埋圖，大家唔好浪費時間睇精華啦…信我。
比賽簡述：不費吹灰之力的技術性擊倒
呢 90 分鐘嘅賽事，用毫無還擊之力嚟形容係最貼切。白禮頓贏得非常輕鬆，可以話係連汗都唔使出，就將車路士踩落腳下。
噩夢由開波前已經降臨，車仔嘅正選名單被古古尼亞嘅髮型師洩漏 (係，你無睇錯，我都無打錯)，對手早N咁多個鐘就知彭馬同柏度尼圖會因傷缺陣。
然後開波僅僅 3 分鐘，防線連一個簡單嘅角球都解唔到圍，直接被對方嘅 Kadioglu 窩利抽入。由嗰一刻起，車路士就陷入咗捱打狀態。個波根本運唔出自己半場，前場球員連波皮都掂唔到，踢到足足 40 分鐘，先至由細查喺禁區頂勉強起腳，完成全隊第一腳嘅射門、仲要係被對手 Block 走。
換邊後，羅生如夢初醒推翻自己嘅排陣，場面叫做有少少起色，但只係將 -10 分改做 0 分。56 分鐘，白禮頓一個簡單嘅反擊，輕鬆撕破防線，由 Hinshelwood 掃射成 2：0，將車仔僅餘嘅一點虛火淋熄。
去到補時階段，車仔防線更加出現終極真空。兩名白禮頓後備兵輕鬆連線，De Cuyper落底傳中，中路因為位置錯配走漏咗韋碧克，佢輕鬆抽入網頂埋齋。3：0，技術性擊倒，技不如人，但一切嘅罪魁禍首，係場邊果隻四眼仔。
戰術深潛
上面都只係頭盤，用戰術同數字你睇，你會更加絕望。
未開波先自閹，恐懼式 3 中堅與防線災難
點解話羅生今場波係未開波先認輸，我諗有睇嘅巴打都會明。The Athletic 嘅賽後分析一針見血咁指出咗個核心問題：羅生將 2 月聯賽盃對阿仙奴死守嗰套 5 後衛陣式，原封不動咁搬出嚟對付白禮頓。
當時對住阿仙奴，陣容殘缺加上作客，你揀龜縮反擊大家可以理解；但今場對手係白禮頓，唔睇少佢，我當係同級都好，羅生竟然俾出同阿仙奴同等程度嘅尊重，再退一步講，你後備唔係無人可用，點解要用 3 後死守？我唔明，你問羅生。
而今場個排陣到底有幾消極？數據話到你知，車路士上半場嘅 PPDA 高達 17.3，而平均防守動作高度更加退到只有 45.6 米。兩組數字證明，羅生嘅指示只有防守無反擊，全隊後退而唔搶迫，點踢呀…
更攞命嘅係，呢套由科芬拿、查洛巴同哈圖組成嘅 3 中堅體系，根本毫無默契可言，直接釀成一連串嘅對位大災難。開波早段已經立立亂，我哋睇番比賽畫面，去到 14:16，防線已經完全甩位，走漏咗後上嘅中堅雲希基；
幾分鐘後嘅 17:27，同樣嘅防守對位錯誤再次發生，今次直接走漏咗三笘薰。
一套原意係用嚟穩固防守嘅陣式，落到場竟然搞到啲後衛盲頭烏蠅位置錯配咁互相走漏人…嗯。我無補充啦法官大人。
坐監式推進與安素的錯位迷失
除咗排陣縮骨，羅生另一個令人費解嘅盲點，就係對後場組織嘅死板堅持。當防線已經被白禮頓壓在地上磨擦，羅生依然硬性規定球員必須要喺後場搓波上去。結果？成條防線跌入咗對手預設嘅逼搶陷阱。
白禮頓根本唔需要做啲咩，淨係企定定封死傳球路線，就逼到門將山齊士短路派膠，將個波直接交俾對方嘅 Minteh，如果唔係查洛巴護空龍，比數一早已經拉開。
比賽去到 23:07 嗰一幕就最諷刺，當時車路士有足足 7 個球員塞死晒喺自己嘅防守三區，個波搓嚟搓去，但完全搵唔到路線運出半場。
後防塞死出唔到波，咁中前場做緊咩？呢度又牽涉羅生另一個災難級嘅戰術錯位。羅生今場異想天開，防守時要求安素推上前，拍住戴納做 4-4-2 嘅前場逼搶。但安素根本唔係呢種類型嘅跑狗，佢要覆蓋嘅空間太大，完全做唔到有效嘅壓迫，反而令到中場中路門戶大開，任由白禮頓嘅中場從容派牌。
呢套逼搶有幾廢？全場 90 分鐘，車路士錄得嘅High Turnover 係 0 。對比白禮頓嘅 8 次，呢個零字直接大大巴咁打落羅生塊面度，球員喺前場跑上跑落得個吉，連對手條毛都摸唔到，完全係白白浪費體力。
最諷刺嘅係，連羅生自己都頂唔順呢套災難級戰術。半場一返入更衣室，佢就急急腳將有黃牌嘅科芬拿換走，換入加拿祖，將陣式轉番做平時嘅 4-2-3-1。變陣之後，球隊嘅流暢度即刻有肉眼可見嘅提升，總算叫做似番隊波而唔係麥花臣嘅街場隊。但呢個半場嘅撥亂反正，等於向全世界承認：佢自己度出嚟嗰套正選排陣，係浪費咗大家 45 分鐘嘅錯誤。
鋒線枯竭與九唔搭八的換人調動
當後場出唔到波，中場又現晒形，前線嘅枯竭就成為咗必然嘅悲劇。
無咗彭馬呢個進攻靈魂，加上祖奧柏度缺陣，車路士嘅鋒線陣容可以話係慘不忍睹。頂上嚟嘅係咩人？係長達 21 場比賽陷入入球荒嘅戴納，同埋自上年 12 月以嚟未喺聯賽入過波、落場毫無自信嘅尼圖。
因為後場被困，破唔到逼搶嘅唯一出路，就只剩下門將山齊士被逼盲目大腳斬上前。先唔講作客白禮頓受強風影響多次長傳都錯晒落點，因為你後收咗成條中後線，前場 3 個攻擊球員要孤立無援地硬撼 6 個白禮頓防守球員。
空有人腳囤積喺後場搓波，但對推進同進攻毫無幫助。車路士喺對手禁區只有可憐嘅 4 次觸球，xG 低見 0.04。成個上半場，車路士嘅進攻體系可以話係完全無存在過。
如果話正選部署係災難，羅生除咗加拿祖以外嘅換人可以話係九唔搭八。去到 72 分鐘，球隊落後緊兩球，急需入波去扭轉敗局，但羅生換入嘅，竟然係從未喺佢麾下踢過一分鐘英超嘅古爾，同埋防中艾素高。呢種單純嘅位換位，完全睇唔出有任何反撲嘅邏輯同決心，感覺就似係一個輸到發脾氣嘅賭徒，隨手將手上有嘅籌碼扔晒落枱面。
呢種混亂同無力感，一直蔓延到完場前最後一刻。去到補時 90 分鐘，球隊嘅防守配置依然係一篤屎：古斯度內收、令中堅查洛巴被拉迫要去右閘位，對位對面嘅迪古柏，但古斯度自己又無補返位，搞到中路完全真空。
韋碧克舒舒服服咁喺十二碼點附近抽入第三球。由開波第 3 分鐘防線甩漏輸第一球，到補時階段因為同樣嘅防守混亂輸第三球，恭喜羅生完成咗一個首尾呼應，係咪諗住角逐今屆諾貝爾文學獎？
總結：將帥無能累死三軍，羅生成為車路士污點
本來，我係總結之前仲有一大段字講深度數據、講歷史數據，講羅生點樣幫車仔打破封塵100年嘅記錄。但唔撚使啦，慳啲啦。
賽後仲有人嘗試幫羅生兜，話球隊傷兵滿營、陣容殘缺。但同一班球員，季前曾經贏過 PSG、上半季贏過巴塞同利物浦。依家落到羅生手上，對住白禮頓，踢到連少少還擊之力都無，全隊人好似中咗降頭咁，毫無章法、畏首畏尾。呢個絕對唔係球員質素嘅問題，而係我標題講嘅將帥無能，累死三軍。
一個無料到嘅庸才，將一套毒藥戰術強行灌輸俾球隊，徹底扼殺咗球員嘅靈氣。車路士高層一直想複製白禮頓嗰套模式，結果今日就被正牌白禮頓狠狠地摑咗一大巴，連最後一塊遮醜布都扯爛埋。羅生今場嘅戰術災難，唔單止親手摧毀咗球隊今季爭奪歐洲賽嘅最後希望，更成功將自己個名，變成車路士 100 年以嚟嘅歷史污點。
唔撚想幫佢兜。如果後備席果位四眼仔仲有少少羞恥心，唔該自己遞信辭職；看台上嗰位班主，睇清楚自己嘅總監搵咗咩人返嚟教波。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
請按此登錄後留言。未成為會員? 立即註冊