早兩日喺 Facebook 出咗個 Post 講球會財報，有巴打喺下面留言問我一個好直接嘅問題：「其實 BlueCo 呢個 Project 係咪真係玩爛咗？」有人敲碗問問題，我當然樂意解答。
但諗深一層，啱啱先寫完上一篇講高層同球迷 CST 嘅「平行時空」隔空大戰，跟手又1：0輸俾曼聯，大家滿肚怒火，呢個問題確實係時候要正正經經咁攤開嚟講。獨樂樂不如眾樂樂，倒不如索性開篇新文，同大家深度梳理一次我對呢個 Project 嘅完整理解。
喺開始入正題之前，照舊戴定頂頭盔先。
寫呢篇文，唔係要做高層嘅打手，亦唔係想幫 BlueCo 啲蘇州屎護短或者洗白，同時我亦想跳出球迷「贏波就讚、輸波就屌」嘅情緒，嘗試企喺一個客觀少少嘅圈外人角度，去還原車仔呢個「Vision 2030」背後嘅原始設計邏輯。
而剛好，近日前車路士、利物浦高層 Christian Purslow (CP) 喺 YouTube 提出咗一連串行業老手嘅警告。無可否認，佢睇到嘅系統裂縫的確係血淋淋咁真實。但聽完呢啲「死亡警告」之後，我又係咪覺得車路士已經萬劫不復、步入死局？
又唔係。接下來，請各位客倌擔好櫈仔 (因為堅長)，聽小弟娓娓道來……
油王種落嘅棋局，三大緊箍咒嘅綑綁
好多人鬧 BlueCo 入主之後亂咁嚟，當正自己玩緊 FM。但其實成件事，要由油王賣盤嗰一刻開始講起。
當年油王被迫賣盤，留落咗三個極具決定性嘅緊箍咒俾新買家：第一，限制咗 10 年內唔可以轉手；第二，唔可以直接喺車路士抽調資金（即係無得派息落自己袋，無錯，大家稱之為格拉沙條款…）；第三，必須要交出完整計劃去起新球場。
呢三件事，幾乎就直接定調咗 BlueCo 嘅營運方向，亦即係成個 Project 嘅原始設計壓力。
先講第一同第二點。唔可以變賣，又唔可以抽走資金，意味住班主可以靠車仔賺錢嘅方式，只有靠「人脈」同「品牌價值」。前者係因為車仔老闆呢個朵，去拓展更多球場以外嘅商業機會（例如之前傾落嗰啲沙特樓盤生意）；後者就係個招牌越響，越多人會主動搵清湖（Clearlake Capital）做生意。所以，車仔一定要贏波先可以有回報，呢點其實好多巴打無留意：佢哋唔係唔想贏波，係唔贏波根本無錢賺。
再講第三點，球場問題，呢個就更加大鑊。大家望下當年嘅阿仙奴同熱刺就知，喺起新場嘅同時，因為要兼顧財政條例（依家叫 PSR），球會根本唔可以無了期咁投入巨額資金去轉會市場買人，成績無可避免會上上落落。
面對呢個死結，高層得出嘅結論係：球會過咗第一年大換血之後，陣容必須要長時間維持固定。人工絕對唔可以高，費事破壞薪酬架構；而且要提早買落一班後生仔，等佢哋升值之後可以轉賣，靠最初投入嘅一筆過資金，去維持未來起場期間嘅轉會開支。
用人話講，即係話 BlueCo 依家行緊呢條路，並唔係班老闆飲醉酒求其決定，而係喺呢三個客觀環境限制之下，被迫出嚟嘅一套生存策略。
年輕策略嘅算盤：一場精算過嘅抽卡遊戲
呢部份雖然講過無數次，口都臭埋，不過都要重提一下。
既然要喺唔破壞薪酬結構嘅前提下盡快固定陣容，咁點樣決定邊個留低做未來十年嘅核心？高層嘅做法好簡單，就係將現實足球變成一場大型嘅抽卡手機Game。
點樣確定陣容？成績會反映一切，真正有潛力嘅球員自然會自己喺球隊入面發光發亮。彭馬、卡些度、安素、二安（Estêvão）、祖奧柏度、占士、高維爾、古古尼亞，呢堆就係球會認定自己目前已經抽中嘅 SSR 卡。
咁抽唔中、或者未進化嘅 SR 同 R 卡點算？如果佢哋願意留隊做後備，咪留住；唔願意，就轉手賣出去變成資金。球會根本唔介意球員將車路士當成跳板，只要賣得出好價錢，你走你嘅陽關道，我袋我嘅轉會費，算係一家便宜兩家著。
呢D唔係 BlueCo 入主之後空口講白話，係有白紙黑字嘅文件作實。球會內部有一份叫《Vision 2030》嘅青訓策略，明確寫明：青訓球員要貢獻一隊出場分鐘嘅 15%，佔陣容比例 25%。而配合呢個框架，高層衍生出咗四大執行政策：
呢個就係 BlueCo 成個 Project，用圈外人角度睇嘅全貌。
你望下彭馬，佢就係呢個系統最完美嘅 Proof of Concept。£40m 買返嚟，人工唔算天文數字，而家身價閒閒地已經過億。
在商言商，呢個建隊邏輯理論上係精明嘅。只要系統正常運作，球會就可以達成有機建隊同自給自足。但係，呢個完美嘅算盤要成立，背後一直隱藏住兩個極度脆弱嘅前提：球隊必須要一直贏波，同埋你抽中嗰啲 SSR 卡要肯乖乖地留低。
咁點解財務數字會搞到咁難睇？
嘩，個算盤打咁響，今鋪仲唔發達。可惜，成個 Project 聽落咁有邏輯，但依家搞到面臨財務爆炸，原因有三個：
1) 攤銷嘅掩眼法：轉手唔代表賺錢
長約攤銷聽落好醒，但其實隨時係個大氹。最簡單嘅例子係安宮古（Nkunku）。
轉會費 € 60m，簽咗 6 年，即係每年攤銷 €10m。23 年上車，25 年落車，用咗兩年，帳面值仲剩 € 40m。最後用 €37m 賣去 AC 米蘭，喺 PSR 會計上戲劇程度細得多，只係錄得幾百萬嘅帳面虧損。但喺現金流？我哋真金白銀蒸發咗大約 € 23m。(兩億港紙，濕碎)
BlueCo 入主早期做落太多呢種「高價買入、低價止蝕」嘅水魚交易，結果造成咗極大嘅財務黑洞。
2) 5億鎊嘅固定死症：開唔到源，節唔到流
CP（Christian Purslow）喺訪問入面篤爆咗另一個致命嘅盲點：車路士目前嘅「工資 + 轉會費攤銷」，每年係高達 5 億鎊嘅固定開支。
要養得起呢 5 億鎊，你需要極高嘅收入。但現實係點？喺英超 Big 6 入面，車仔嘅商業贊助、球場收入、電視轉播費，全部都係排第六包尾。車仔年收入依家連 5 億鎊都唔夠，人哋阿仙奴已經講緊 7 億。
而且內部開支亦係無底深潭。現任老闆迷信數據同運動科學，請咗一大堆教練同分析團隊；再加上近年買咁多幼幼，除咗轉會費，仲有數以千萬計嘅簽字費、中介費，車路士喺俾經理人水腳呢方面，係冠絕英超。
3) 財技已經用盡，還錢期殺到埋身
為咗填補無歐聯踢嘅巨額虧損，高層之前用盡方法做數，賣酒店、賣女足嚟製造一次性嘅帳面利潤。但呢啲掩眼法，用完就無。
老闆自己注資嘅空間已經所剩無幾，錢唔夠點算？唯有問財金機構（Ares Management）借錢做營運。借錢當然要還，亦有利息產生，而下一期嘅還款死線，就係 2027 年。
還唔到咁點？無嘢架，俾人接管囉，破產囉，變賣資產囉，返牛頭角下邨間公屋住囉…
行業老手 CP 嘅三大死亡警告
結合上面嘅財務死穴，CP 喺訪問入面，以一個熟悉資本操作同英超生態嘅「行內人」身分，向車路士發出咗三個極度無情嘅警告。佢睇到嘅裂縫，遠比球迷平時鬧嘅「點解唔出邊個邊個」更深層。
警告一：幼幼策略嘅結構性缺陷
買平價幼幼等一齊升值，呢套玩法喺美式體育可能得，但 CP 直指喺歐洲足球係極難行。首先，足球幼幼嘅夭折率極高。其次，就算真係俾你眼光獨到抽中 SSR，當呢班球員打起咗，見到國家隊隊友喺皇馬、曼城出緊廿幾三十萬鎊周薪兼年年捧盃，佢哋自然會扭計。
一係要求頂薪，咁就會直接拖垮球會苦心經營嘅低薪結構；一係就發脾氣要求轉會去豪門 (好似近期安素咁)。最諷刺嘅係，為咗應付 PSR 條例同填補每年巨額虧損，球會焗住要不斷賣走帳面上純利潤最高嘅球員（通常係最好嘅球員或者自家青訓）去填數。賣走最好嘅戰力，球隊自然跌 Watt 贏唔到波，結果又回到起點，變成一個無止境嘅惡性循環。
警告二：兩大巨頭根本同床異夢
有睇你應該記得。（連結係度：【車迷觀點】拎世冠盃都玩決裂？車仔老闆們貌合神離背後）
肥 Todd 係玩美式體育出身，習慣睇長線，佢持有洛杉磯道奇隊 (大谷翔平果隊棒球隊) 已經十幾年；但 Eghbali 代表嘅 Clearlake 係私募股權基金。佢哋嘅本質就係用投資者啲錢買資產，執靚個盤，然後 5 到 10 年內一定要高價退場派錢俾客。
CP 攞當年利物浦 Hicks 同 Gillette 嘅災難做例子：當球隊順風順水，大家當然可以笑騎騎一齊食飯；但當成績一落千丈、盤數爛晒，佢哋就算迎面行過都唔會打招呼。因為 Eghbali 承受緊極大嘅背後金主壓力，佢根本無可能陪 肥 Todd 或者球迷無限期咁「Trust the process, Next Season」。
警告三：2027 年合規懸崖
呢個唔係財經佬拋浪頭嘅理論風險，而係一個血淋淋嘅倒數時間表。
CP 指出，車仔依家嘅財政，極度依賴歐聯同之前世冠盃呢類意外之財去填補嗰「5億鎊固定開支」。如果球隊未能殺入歐聯，來季收入就會出現斷崖式下跌。當財技已經用盡，到時唯一可以做嘅，就係喺夏天含淚大平賣，將彭馬、二安呢啲你最唔想賣嘅球會基石推上斷頭台求生。
如果真係走到要賣彭馬還債呢一步，CP 認為，所謂嘅 Project 就係正式宣告完蛋，嗯，佢認為。
堅車迷觀點：我唔認為係死局
上面水蛇春講咁長，睇到呢個位嘅讀者仲有無20%？又死亡警告，又財務死穴，係咪覺得車路士已經萬劫不復，準備提早執笠，變成「英超球隊遺址」？
兩睇，跟住落嚟只係我自己嘅睇法。
CP 嘅數據同推論係正確嘅，但喺商業世界，「需要大修正」唔等於計劃已死。平心而論，BlueCo 個 Project 大方向：由買幼幼開始，建立健康薪酬結構，最終達致有機建隊同自給自足。本質上係無錯嘅，甚至乎喺新財政條例之下，呢個方向係少數行得通嘅出路之一，曼聯又好法甲又好都唔少隊用緊同樣方法。
問題係出喺執行層面。
用返 CP 喺訪問入面提出嗰套 Private Equity 101 理論：一門生意要成功，離不開 SPF（Strategy 戰略, People 人事, Finance 財務）。BlueCo 有戰略、有錢，但偏偏喺人事呢一環徹底肥佬。
球員全部都係小朋友，一落後就個個灰晒；職員又係 N 個總監 X 個顧問，個個有 Title 但冇人壓得住場。高層無大人看門口，更衣室又無老大哥帶領，成班細路自然倒瀉蘿蟹。
所以，個 Project 依家雖然出緊嚴重嘅 Bug，但只要兩大巨頭肯放低少少面子，正視矛盾，喺出面請返真正嘅行業精英返嚟掌舵，將個計畫由「純PE金融模型」微調返做「符合歐洲足球規律」嘅模型，架車係可以救得返嘅。
真正嘅終極大考驗，係 2027 年個還款死線同合規懸崖，而唔係今日。
球迷 vs 球會：兩個完全唔同嘅時鐘
講到最後，點解球迷同球會之間永遠會有咁大分歧？點解會出現上一篇文講嗰種「平行時空」？
其實球迷無錯，球會高層亦唔係完全錯，只係大家望緊嘅 Scale 根本唔一樣。
球迷嘅時鐘，係按「賽季」甚至「逐場波」去計嘅。我理得你同一堆人 6 個月前贏過PSG、5 個月前贏利物浦、4個月前贏巴塞，你依家連續幾場無波入、踢到成 pat 屎咁，今季又睇落四大皆空，球迷自然就會覺得個 Project 係徹頭徹尾嘅失敗，自然要屌柒你。
但球會高層嘅時鐘，係按五年計畫去睇。只要球會無爛到降班，財務上仲有彎轉，佢哋就覺得自己仲喺計畫之內，有 Bug 就修正方向。好似 Eghbali 話齋，依家只係「第 40、50 分鐘」，仲有下半場可以追。
我寫呢篇萬字長文，唔係想說服大家去做「高層小粉紅」，亦唔係叫大家去遊行抗議。大家有眼睇，球會目前嘅成績同公關確實係一鑊泡。
我只係希望，大家喺鬧之前，可以理解下呢個系統嘅設計邏輯，明白班主點解會做某啲看似戇鳩嘅決定，而唔係淨係跟風盲屌。
你問我個 Project 係咪玩爛咗？我會話，依家係處於嚴重 Hang 機邊緣，急需 Update，但未去到藍畫面死機。
如果去到 2027 年，個陣容依然係咁爛，盤數依然填唔到，真係要逼到賣彭馬或者二安去填債……到時大家一齊拆咗史丹福橋拎塊草皮返屋企永遠懷念都未遲。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
但諗深一層，啱啱先寫完上一篇講高層同球迷 CST 嘅「平行時空」隔空大戰，跟手又1：0輸俾曼聯，大家滿肚怒火，呢個問題確實係時候要正正經經咁攤開嚟講。獨樂樂不如眾樂樂，倒不如索性開篇新文，同大家深度梳理一次我對呢個 Project 嘅完整理解。
喺開始入正題之前，照舊戴定頂頭盔先。
寫呢篇文，唔係要做高層嘅打手，亦唔係想幫 BlueCo 啲蘇州屎護短或者洗白，同時我亦想跳出球迷「贏波就讚、輸波就屌」嘅情緒，嘗試企喺一個客觀少少嘅圈外人角度，去還原車仔呢個「Vision 2030」背後嘅原始設計邏輯。
而剛好，近日前車路士、利物浦高層 Christian Purslow (CP) 喺 YouTube 提出咗一連串行業老手嘅警告。無可否認，佢睇到嘅系統裂縫的確係血淋淋咁真實。但聽完呢啲「死亡警告」之後，我又係咪覺得車路士已經萬劫不復、步入死局？
又唔係。接下來，請各位客倌擔好櫈仔 (因為堅長)，聽小弟娓娓道來……
油王種落嘅棋局，三大緊箍咒嘅綑綁
好多人鬧 BlueCo 入主之後亂咁嚟，當正自己玩緊 FM。但其實成件事，要由油王賣盤嗰一刻開始講起。
當年油王被迫賣盤，留落咗三個極具決定性嘅緊箍咒俾新買家：第一，限制咗 10 年內唔可以轉手；第二，唔可以直接喺車路士抽調資金（即係無得派息落自己袋，無錯，大家稱之為格拉沙條款…）；第三，必須要交出完整計劃去起新球場。
呢三件事，幾乎就直接定調咗 BlueCo 嘅營運方向，亦即係成個 Project 嘅原始設計壓力。
先講第一同第二點。唔可以變賣，又唔可以抽走資金，意味住班主可以靠車仔賺錢嘅方式，只有靠「人脈」同「品牌價值」。前者係因為車仔老闆呢個朵，去拓展更多球場以外嘅商業機會（例如之前傾落嗰啲沙特樓盤生意）；後者就係個招牌越響，越多人會主動搵清湖（Clearlake Capital）做生意。所以，車仔一定要贏波先可以有回報，呢點其實好多巴打無留意：佢哋唔係唔想贏波，係唔贏波根本無錢賺。
再講第三點，球場問題，呢個就更加大鑊。大家望下當年嘅阿仙奴同熱刺就知，喺起新場嘅同時，因為要兼顧財政條例（依家叫 PSR），球會根本唔可以無了期咁投入巨額資金去轉會市場買人，成績無可避免會上上落落。
面對呢個死結，高層得出嘅結論係：球會過咗第一年大換血之後，陣容必須要長時間維持固定。人工絕對唔可以高，費事破壞薪酬架構；而且要提早買落一班後生仔，等佢哋升值之後可以轉賣，靠最初投入嘅一筆過資金，去維持未來起場期間嘅轉會開支。
用人話講，即係話 BlueCo 依家行緊呢條路，並唔係班老闆飲醉酒求其決定，而係喺呢三個客觀環境限制之下，被迫出嚟嘅一套生存策略。
年輕策略嘅算盤：一場精算過嘅抽卡遊戲
呢部份雖然講過無數次，口都臭埋，不過都要重提一下。
既然要喺唔破壞薪酬結構嘅前提下盡快固定陣容，咁點樣決定邊個留低做未來十年嘅核心？高層嘅做法好簡單，就係將現實足球變成一場大型嘅抽卡手機Game。
點樣確定陣容？成績會反映一切，真正有潛力嘅球員自然會自己喺球隊入面發光發亮。彭馬、卡些度、安素、二安（Estêvão）、祖奧柏度、占士、高維爾、古古尼亞，呢堆就係球會認定自己目前已經抽中嘅 SSR 卡。
咁抽唔中、或者未進化嘅 SR 同 R 卡點算？如果佢哋願意留隊做後備，咪留住；唔願意，就轉手賣出去變成資金。球會根本唔介意球員將車路士當成跳板，只要賣得出好價錢，你走你嘅陽關道，我袋我嘅轉會費，算係一家便宜兩家著。
呢D唔係 BlueCo 入主之後空口講白話，係有白紙黑字嘅文件作實。球會內部有一份叫《Vision 2030》嘅青訓策略，明確寫明：青訓球員要貢獻一隊出場分鐘嘅 15%，佔陣容比例 25%。而配合呢個框架，高層衍生出咗四大執行政策：
- 只簽 25 歲以下球員（事實上車仔簽人平均年齡落喺 21 歲），全部都係將來有望升值嘅幼幼。
- 簽署極長合約：郁啲就簽 7、8 年約，除咗做會計上嘅攤銷（將轉會費攤分幾年入帳以避開 PSR 限制），仲可以買個保險，保障佢哋唔會踢起咗之後完約 Free 走連毛都收唔返。
- 壓低底薪 + 歐聯條款：全部人人工都唔高，而且合約寫明無歐聯踢會自動減薪。咁樣既確保咗日後續約有加薪空間，亦確保咗呢班後生仔嘅人工，唔會成為日後想賣走佢哋時嘅轉會談判障礙。
- 收購衛星球會（史特拉斯堡）：手揸大量幼幼需要升 LV，與其四圍求人外借，不如借去一個自己 100% 控制嘅地方，練功都練得放心啲。
呢個就係 BlueCo 成個 Project，用圈外人角度睇嘅全貌。
你望下彭馬，佢就係呢個系統最完美嘅 Proof of Concept。£40m 買返嚟，人工唔算天文數字，而家身價閒閒地已經過億。
在商言商，呢個建隊邏輯理論上係精明嘅。只要系統正常運作，球會就可以達成有機建隊同自給自足。但係，呢個完美嘅算盤要成立，背後一直隱藏住兩個極度脆弱嘅前提：球隊必須要一直贏波，同埋你抽中嗰啲 SSR 卡要肯乖乖地留低。
咁點解財務數字會搞到咁難睇？
嘩，個算盤打咁響，今鋪仲唔發達。可惜，成個 Project 聽落咁有邏輯，但依家搞到面臨財務爆炸，原因有三個：
1) 攤銷嘅掩眼法：轉手唔代表賺錢
長約攤銷聽落好醒，但其實隨時係個大氹。最簡單嘅例子係安宮古（Nkunku）。
轉會費 € 60m，簽咗 6 年，即係每年攤銷 €10m。23 年上車，25 年落車，用咗兩年，帳面值仲剩 € 40m。最後用 €37m 賣去 AC 米蘭，喺 PSR 會計上戲劇程度細得多，只係錄得幾百萬嘅帳面虧損。但喺現金流？我哋真金白銀蒸發咗大約 € 23m。(兩億港紙，濕碎)
BlueCo 入主早期做落太多呢種「高價買入、低價止蝕」嘅水魚交易，結果造成咗極大嘅財務黑洞。
2) 5億鎊嘅固定死症：開唔到源，節唔到流
CP（Christian Purslow）喺訪問入面篤爆咗另一個致命嘅盲點：車路士目前嘅「工資 + 轉會費攤銷」，每年係高達 5 億鎊嘅固定開支。
要養得起呢 5 億鎊，你需要極高嘅收入。但現實係點？喺英超 Big 6 入面，車仔嘅商業贊助、球場收入、電視轉播費，全部都係排第六包尾。車仔年收入依家連 5 億鎊都唔夠，人哋阿仙奴已經講緊 7 億。
而且內部開支亦係無底深潭。現任老闆迷信數據同運動科學，請咗一大堆教練同分析團隊；再加上近年買咁多幼幼，除咗轉會費，仲有數以千萬計嘅簽字費、中介費，車路士喺俾經理人水腳呢方面，係冠絕英超。
3) 財技已經用盡，還錢期殺到埋身
為咗填補無歐聯踢嘅巨額虧損，高層之前用盡方法做數，賣酒店、賣女足嚟製造一次性嘅帳面利潤。但呢啲掩眼法，用完就無。
老闆自己注資嘅空間已經所剩無幾，錢唔夠點算？唯有問財金機構（Ares Management）借錢做營運。借錢當然要還，亦有利息產生，而下一期嘅還款死線，就係 2027 年。
還唔到咁點？無嘢架，俾人接管囉，破產囉，變賣資產囉，返牛頭角下邨間公屋住囉…
行業老手 CP 嘅三大死亡警告
結合上面嘅財務死穴，CP 喺訪問入面，以一個熟悉資本操作同英超生態嘅「行內人」身分，向車路士發出咗三個極度無情嘅警告。佢睇到嘅裂縫，遠比球迷平時鬧嘅「點解唔出邊個邊個」更深層。
警告一：幼幼策略嘅結構性缺陷
買平價幼幼等一齊升值，呢套玩法喺美式體育可能得，但 CP 直指喺歐洲足球係極難行。首先，足球幼幼嘅夭折率極高。其次，就算真係俾你眼光獨到抽中 SSR，當呢班球員打起咗，見到國家隊隊友喺皇馬、曼城出緊廿幾三十萬鎊周薪兼年年捧盃，佢哋自然會扭計。
一係要求頂薪，咁就會直接拖垮球會苦心經營嘅低薪結構；一係就發脾氣要求轉會去豪門 (好似近期安素咁)。最諷刺嘅係，為咗應付 PSR 條例同填補每年巨額虧損，球會焗住要不斷賣走帳面上純利潤最高嘅球員（通常係最好嘅球員或者自家青訓）去填數。賣走最好嘅戰力，球隊自然跌 Watt 贏唔到波，結果又回到起點，變成一個無止境嘅惡性循環。
警告二：兩大巨頭根本同床異夢
有睇你應該記得。（連結係度：【車迷觀點】拎世冠盃都玩決裂？車仔老闆們貌合神離背後）
肥 Todd 係玩美式體育出身，習慣睇長線，佢持有洛杉磯道奇隊 (大谷翔平果隊棒球隊) 已經十幾年；但 Eghbali 代表嘅 Clearlake 係私募股權基金。佢哋嘅本質就係用投資者啲錢買資產，執靚個盤，然後 5 到 10 年內一定要高價退場派錢俾客。
CP 攞當年利物浦 Hicks 同 Gillette 嘅災難做例子：當球隊順風順水，大家當然可以笑騎騎一齊食飯；但當成績一落千丈、盤數爛晒，佢哋就算迎面行過都唔會打招呼。因為 Eghbali 承受緊極大嘅背後金主壓力，佢根本無可能陪 肥 Todd 或者球迷無限期咁「Trust the process, Next Season」。
警告三：2027 年合規懸崖
呢個唔係財經佬拋浪頭嘅理論風險，而係一個血淋淋嘅倒數時間表。
CP 指出，車仔依家嘅財政，極度依賴歐聯同之前世冠盃呢類意外之財去填補嗰「5億鎊固定開支」。如果球隊未能殺入歐聯，來季收入就會出現斷崖式下跌。當財技已經用盡，到時唯一可以做嘅，就係喺夏天含淚大平賣，將彭馬、二安呢啲你最唔想賣嘅球會基石推上斷頭台求生。
如果真係走到要賣彭馬還債呢一步，CP 認為，所謂嘅 Project 就係正式宣告完蛋，嗯，佢認為。
堅車迷觀點：我唔認為係死局
上面水蛇春講咁長，睇到呢個位嘅讀者仲有無20%？又死亡警告，又財務死穴，係咪覺得車路士已經萬劫不復，準備提早執笠，變成「英超球隊遺址」？
兩睇，跟住落嚟只係我自己嘅睇法。
CP 嘅數據同推論係正確嘅，但喺商業世界，「需要大修正」唔等於計劃已死。平心而論，BlueCo 個 Project 大方向：由買幼幼開始，建立健康薪酬結構，最終達致有機建隊同自給自足。本質上係無錯嘅，甚至乎喺新財政條例之下，呢個方向係少數行得通嘅出路之一，曼聯又好法甲又好都唔少隊用緊同樣方法。
問題係出喺執行層面。
用返 CP 喺訪問入面提出嗰套 Private Equity 101 理論：一門生意要成功，離不開 SPF（Strategy 戰略, People 人事, Finance 財務）。BlueCo 有戰略、有錢，但偏偏喺人事呢一環徹底肥佬。
球員全部都係小朋友，一落後就個個灰晒；職員又係 N 個總監 X 個顧問，個個有 Title 但冇人壓得住場。高層無大人看門口，更衣室又無老大哥帶領，成班細路自然倒瀉蘿蟹。
所以，個 Project 依家雖然出緊嚴重嘅 Bug，但只要兩大巨頭肯放低少少面子，正視矛盾，喺出面請返真正嘅行業精英返嚟掌舵，將個計畫由「純PE金融模型」微調返做「符合歐洲足球規律」嘅模型，架車係可以救得返嘅。
真正嘅終極大考驗，係 2027 年個還款死線同合規懸崖，而唔係今日。
球迷 vs 球會：兩個完全唔同嘅時鐘
講到最後，點解球迷同球會之間永遠會有咁大分歧？點解會出現上一篇文講嗰種「平行時空」？
其實球迷無錯，球會高層亦唔係完全錯，只係大家望緊嘅 Scale 根本唔一樣。
球迷嘅時鐘，係按「賽季」甚至「逐場波」去計嘅。我理得你同一堆人 6 個月前贏過PSG、5 個月前贏利物浦、4個月前贏巴塞，你依家連續幾場無波入、踢到成 pat 屎咁，今季又睇落四大皆空，球迷自然就會覺得個 Project 係徹頭徹尾嘅失敗，自然要屌柒你。
但球會高層嘅時鐘，係按五年計畫去睇。只要球會無爛到降班，財務上仲有彎轉，佢哋就覺得自己仲喺計畫之內，有 Bug 就修正方向。好似 Eghbali 話齋，依家只係「第 40、50 分鐘」，仲有下半場可以追。
我寫呢篇萬字長文，唔係想說服大家去做「高層小粉紅」，亦唔係叫大家去遊行抗議。大家有眼睇，球會目前嘅成績同公關確實係一鑊泡。
我只係希望，大家喺鬧之前，可以理解下呢個系統嘅設計邏輯，明白班主點解會做某啲看似戇鳩嘅決定，而唔係淨係跟風盲屌。
你問我個 Project 係咪玩爛咗？我會話，依家係處於嚴重 Hang 機邊緣，急需 Update，但未去到藍畫面死機。
如果去到 2027 年，個陣容依然係咁爛，盤數依然填唔到，真係要逼到賣彭馬或者二安去填債……到時大家一齊拆咗史丹福橋拎塊草皮返屋企永遠懷念都未遲。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：
https://cfc9up.com/
請按此登錄後留言。未成為會員? 立即註冊