我知，尋晚 The Athletic 出咗篇古古專訪，好多人聚眼於古古係訪問入面屌鳩車仔高層，睇到啲節錄就好似執到金咁即刻衝出嚟話：「嘩！古古都出聲屌老闆啦，佢一定係心淡好想走、跳硬草裙舞！車仔星散啦。」
嗯，如果你真係咁諗，覺得鬧老細就等於反骨想離隊，咁呢篇文你真係唔使睇落去。因為我嘅論點，同你嘅睇法可以話係完全相反。
喺大家跟車太貼、趕住捉鬼之前，先停一停諗一諗，睇清楚呢位爆炸頭到底喺專訪入面講咗啲咩。佢數臭高層嘅每一句，其實係我哋呢班理性車迷過去呢幾個月谷喺心底入面嘅說話。
還原專訪：古古到底屌咗高層啲咩？
先跟返 The Athletic 篇專訪嘅脈絡，逐點睇下佢講咗啲咩。如果你想睇返原文，連結係呢度：連結
專訪一開波，佢由啱啱對 PSG 嘅歐聯慘敗講起。古古一針見血咁指出車路士出局嘅致命傷：「我哋缺乏經驗 (We lacked experience)……對於好多球員嚟講，呢係佢哋第一次踢呢個級數嘅比賽，我哋為此付出咗代價。」
然後佢就將個話題延伸去高層嘅「買人政策」。佢話理解球會想買後生仔望向未來，但佢同時道出咗更衣室嘅無奈：「對於我哋呢班仲喺度、而且好想贏得大錦標嘅人嚟講，呢啲時刻真係令人覺得氣餒。」佢甚至兜口兜面教埋管理層做嘢：「單靠買後生球員去爭英超同歐聯根本太複雜，你需要喺潛力與經驗之間搵到平衡。」
然後，就係成篇文最激、亦係最中Point 嘅位：公開質疑高層年初炒馬蛇嘅決定。古古直言馬蛇令球隊穩定，甚至毫不忌諱咁講明：「如果你問我，我絕對唔會做炒人呢個決定……依家球會嘅不穩定，簡單講就係源於呢度。」佢仲搬埋阿仙奴出嚟做例子，話人哋信阿迪達信咗 7 年先有收成，暗寸車仔高層毫無耐性。(雖然……馬蛇其實係自己劈炮唔撈多D)。
古古又話，依家賽程咁密，新帥羅生根本連練波嘅時間都無。
最後，專訪尾段其實交代咗一個客觀事實：古古喺上年夏天，已經同車路士續咗約，新合約去到 2028 年先完。而成篇長文入面，佢由頭到尾一隻字都無提過自己要去巴塞。
古古屌嘅，正正係車迷嘅心底話
睇完上面專訪嘅重點總結，大家有無覺得好熟口面？無錯，因為古古講嘅每一句，根本就係好多車迷過去呢幾個月，每逢輸波都會喺公海、喺Page度瘋狂討論同抱怨緊嘅嘢。
首先，買人政策。 車路士依家個陣容平均年齡得23.5歲，全英超最細。高層玩Football Manager咁款，瘋狂囤積18到20歲嘅潛力幻稚。
我平時成日講：「隊波無老將壓陣，打逆境波實崩盤」，而古古親自印證咗呢點。對住PSG呢類歐洲勁旅，就係因為欠缺有經驗嘅人去穩定軍心，先會因為一球失波就陣腳大亂。一個27歲、已經算係陣中老大哥嘅球員，見到身邊全部都係細路，打硬仗無人出嚟分擔壓力，佢講句Tired同需要平衡，過份咩？
其次，季中換帥。 今年1月高層突然同帶隊贏世冠盃嘅馬利斯卡分手，換個毫無英超大會經驗嘅羅生返嚟。當時我哋車迷已經鬧爆，話啱啱先建立好嘅體系又要推倒重來。
結果古古作為更衣室嘅核心，直接證實咗我哋嘅擔憂：季中換帥直接摧毀咗球隊嘅穩定性。依家每三日一場波，新領隊根本無時間練戰術。當一個球員喺前線搏殺，但發現球會嘅決策反而係令球隊陷入混亂，佢會有怨氣，係100%正常嘅人性表現。
我嘅立場：撐古古，但唔代表高層全盤錯晒
睇到呢度，可能有人會問：「咁你到底係撐古古定撐高層？」我嘅答案好簡單：我撐古古，但唔代表我全盤否定高層。
古古講嘅每一個Point，我都同意：
但我唔同意嘅，係外界嗰種「高層係垃圾」、「成個球會內部立立亂」、「個Project係一篤屎」嘅全盤否定論調。
高層嘅長遠方針係用年輕球員建立可持續嘅競爭力，大方向無錯。問題係執行太極端：一個老將都無、季中亂咁換帥。古古要嘅，唔係推倒重來，而係微調。 買多兩三個27、28歲嘅老將壓陣，唔好再季中搞亂檔。就係咁簡單。
世事唔係非黑即白。古古可以啱，高層都可以唔係完全錯。
總結：因為屋企喺度，所以更著緊呢個地方
大家記唔記得，我尋日篇文講過啲咩？
古古大仔 Mateo 因為有自閉症，經歷咗好耐嘅掙扎，好不容易先喺倫敦搵到合適嘅學校同專家支援，建立起一個安穩嘅家。加埋專訪爆出佢上年已經續約到 2028 年，大家明唔明呢個畫面代表緊啲咩？
代表住古古尼亞已經將自己職業生涯最當打嘅黃金期、同埋成頭家嘅安穩，全盤押注咗喺倫敦、押注咗喺車路士身上。
正正因為佢個根已經紥咗喺度，佢走唔到亦都唔想走。所以當佢見到球會高層買人政策傾斜、錯 Timing 換帥搞到隊波失去競爭力，作為一個想贏嘅人，佢先會咁大反應、咁有挫敗感。如果佢係一個隨時準備執包袱走人嘅過客，高層點亂搞關佢咩事？每個月袋幾十萬鎊人工咪算囉。
高層嘅執行力同 Timing 係咪出咗大問題？係。球隊依家係咪處於一個好艱難嘅時刻？係。但唔該大家分清楚，邊啲係製造問題嘅人，邊啲係一齊捱緊但依然想幫手解決問題嘅人。
有呢種敢言、肯將球迷心底話講俾高層聽嘅人喺更衣室，其實係車路士嘅福氣。大家留返啖氣，對準焦去鬧真正應該微調嘅管理層方針，唔好再亂捉鬼、屈呢班想隊波好嘅球員啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：https://cfc9up.com/
嗯，如果你真係咁諗，覺得鬧老細就等於反骨想離隊，咁呢篇文你真係唔使睇落去。因為我嘅論點，同你嘅睇法可以話係完全相反。
喺大家跟車太貼、趕住捉鬼之前，先停一停諗一諗，睇清楚呢位爆炸頭到底喺專訪入面講咗啲咩。佢數臭高層嘅每一句，其實係我哋呢班理性車迷過去呢幾個月谷喺心底入面嘅說話。
還原專訪：古古到底屌咗高層啲咩？
先跟返 The Athletic 篇專訪嘅脈絡，逐點睇下佢講咗啲咩。如果你想睇返原文，連結係呢度：連結
專訪一開波，佢由啱啱對 PSG 嘅歐聯慘敗講起。古古一針見血咁指出車路士出局嘅致命傷：「我哋缺乏經驗 (We lacked experience)……對於好多球員嚟講，呢係佢哋第一次踢呢個級數嘅比賽，我哋為此付出咗代價。」
然後佢就將個話題延伸去高層嘅「買人政策」。佢話理解球會想買後生仔望向未來，但佢同時道出咗更衣室嘅無奈：「對於我哋呢班仲喺度、而且好想贏得大錦標嘅人嚟講，呢啲時刻真係令人覺得氣餒。」佢甚至兜口兜面教埋管理層做嘢：「單靠買後生球員去爭英超同歐聯根本太複雜，你需要喺潛力與經驗之間搵到平衡。」
然後，就係成篇文最激、亦係最中Point 嘅位：公開質疑高層年初炒馬蛇嘅決定。古古直言馬蛇令球隊穩定，甚至毫不忌諱咁講明：「如果你問我，我絕對唔會做炒人呢個決定……依家球會嘅不穩定，簡單講就係源於呢度。」佢仲搬埋阿仙奴出嚟做例子，話人哋信阿迪達信咗 7 年先有收成，暗寸車仔高層毫無耐性。(雖然……馬蛇其實係自己劈炮唔撈多D)。
古古又話，依家賽程咁密，新帥羅生根本連練波嘅時間都無。
最後，專訪尾段其實交代咗一個客觀事實：古古喺上年夏天，已經同車路士續咗約，新合約去到 2028 年先完。而成篇長文入面，佢由頭到尾一隻字都無提過自己要去巴塞。
古古屌嘅，正正係車迷嘅心底話
睇完上面專訪嘅重點總結，大家有無覺得好熟口面？無錯，因為古古講嘅每一句，根本就係好多車迷過去呢幾個月，每逢輸波都會喺公海、喺Page度瘋狂討論同抱怨緊嘅嘢。
首先，買人政策。 車路士依家個陣容平均年齡得23.5歲，全英超最細。高層玩Football Manager咁款，瘋狂囤積18到20歲嘅潛力幻稚。
我平時成日講：「隊波無老將壓陣，打逆境波實崩盤」，而古古親自印證咗呢點。對住PSG呢類歐洲勁旅，就係因為欠缺有經驗嘅人去穩定軍心，先會因為一球失波就陣腳大亂。一個27歲、已經算係陣中老大哥嘅球員，見到身邊全部都係細路，打硬仗無人出嚟分擔壓力，佢講句Tired同需要平衡，過份咩？
其次，季中換帥。 今年1月高層突然同帶隊贏世冠盃嘅馬利斯卡分手，換個毫無英超大會經驗嘅羅生返嚟。當時我哋車迷已經鬧爆，話啱啱先建立好嘅體系又要推倒重來。
結果古古作為更衣室嘅核心，直接證實咗我哋嘅擔憂：季中換帥直接摧毀咗球隊嘅穩定性。依家每三日一場波，新領隊根本無時間練戰術。當一個球員喺前線搏殺，但發現球會嘅決策反而係令球隊陷入混亂，佢會有怨氣，係100%正常嘅人性表現。
我嘅立場：撐古古，但唔代表高層全盤錯晒
睇到呢度，可能有人會問：「咁你到底係撐古古定撐高層？」我嘅答案好簡單：我撐古古，但唔代表我全盤否定高層。
古古講嘅每一個Point，我都同意：
- 買人政策太極端（全部幼幼，無老將壓陣）
- 季中換帥嘅timing錯到離譜
- 賽程太密，新帥根本無時間練戰術
但我唔同意嘅，係外界嗰種「高層係垃圾」、「成個球會內部立立亂」、「個Project係一篤屎」嘅全盤否定論調。
高層嘅長遠方針係用年輕球員建立可持續嘅競爭力，大方向無錯。問題係執行太極端：一個老將都無、季中亂咁換帥。古古要嘅，唔係推倒重來，而係微調。 買多兩三個27、28歲嘅老將壓陣，唔好再季中搞亂檔。就係咁簡單。
世事唔係非黑即白。古古可以啱，高層都可以唔係完全錯。
總結：因為屋企喺度，所以更著緊呢個地方
大家記唔記得，我尋日篇文講過啲咩？
古古大仔 Mateo 因為有自閉症，經歷咗好耐嘅掙扎，好不容易先喺倫敦搵到合適嘅學校同專家支援，建立起一個安穩嘅家。加埋專訪爆出佢上年已經續約到 2028 年，大家明唔明呢個畫面代表緊啲咩？
代表住古古尼亞已經將自己職業生涯最當打嘅黃金期、同埋成頭家嘅安穩，全盤押注咗喺倫敦、押注咗喺車路士身上。
正正因為佢個根已經紥咗喺度，佢走唔到亦都唔想走。所以當佢見到球會高層買人政策傾斜、錯 Timing 換帥搞到隊波失去競爭力，作為一個想贏嘅人，佢先會咁大反應、咁有挫敗感。如果佢係一個隨時準備執包袱走人嘅過客，高層點亂搞關佢咩事？每個月袋幾十萬鎊人工咪算囉。
高層嘅執行力同 Timing 係咪出咗大問題？係。球隊依家係咪處於一個好艱難嘅時刻？係。但唔該大家分清楚，邊啲係製造問題嘅人，邊啲係一齊捱緊但依然想幫手解決問題嘅人。
有呢種敢言、肯將球迷心底話講俾高層聽嘅人喺更衣室，其實係車路士嘅福氣。大家留返啖氣，對準焦去鬧真正應該微調嘅管理層方針，唔好再亂捉鬼、屈呢班想隊波好嘅球員啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
鍾意我嘅文章，又有餘力支持我嘅話，記得去我Substack訂閱：https://cfc9up.com/
請按此登錄後留言。未成為會員? 立即註冊