今朝抽完阿仙奴，作為自稱公道嘅車迷 Page，當然要抽返自己人。無錯，我哋嘅一億中場安素又又又傳離隊啦。
事緣佢受訪話「除咗倫敦最想住馬德里，因為似阿根廷家鄉」，條片出咗都唔夠半日就辣㷫晒班外國網民，挑起大家對古圖斯、夏薩特仲有魯迪加果時嘅馬德里 PTSD，公海瘋狂叫佢躝。
明嘅明嘅，但大家上咗車咁多年，咩大風大浪未見過？安素作為第一批真心相信球會 Project 嘅核心，呢三年陪車仔捱過嘅亂局、換過嘅領隊，隨時多過你同我嘅轉工次數。不過既然要講，就將件事重新梳理一次，當係講下自己立場又好幫佢解下畫又好。
想住馬德里有幾奇？公關 0 分嘅血性直男
先講下佢嗰句辣㷫全網嘅說話。大家試幻想下，一個由細到大喺阿根廷長大嘅南美仔，依家身處一年有 200 日落雨、冬天晏晝 4 點就天黑嘅倫敦。當有人問佢「除咗倫敦最想住邊」，佢大腦直覺反射，揀一個講西班牙文、陽光普照、充滿家鄉布宜諾斯艾利斯 Feel 嘅馬德里，唔難理解，正如唔少巴打俾人問除咗香港仲想住邊，應該唔少會答東京/大阪。(少部份答深圳……)
佢唯一做錯嘅，就係份人太老實，唔記得晒「英超球員官方公關培訓班」講過嘅嘢。面對鏡頭嘅標準答案一定係：「我邊度都唔想去，我最鍾意倫敦嘅陰天、大笨鐘同埋仰望星空派。」鍾意一個城市嘅生活節奏，同我要去嗰度踢波根本係兩回事。安素純粹係直腸直肚，公關技巧零分，但罪不至死呱…
如果單憑一個 Lifestyle 旅遊節目式嘅訪問就話佢係反骨仔，咁大家嘅記性真係有啲差。
不如我哋一齊回帶返去 2024 年 2 月。當時車路士啱啱大敗俾利物浦 1-4，安素俾網民狂鬧，鬧到佢 Delete 埋 Twitter 避靜，當時全世界各大傳媒都瘋傳佢心灰意冷想走，目的地咁啱又係皇馬。結果幾日後足總盃對阿士東維拉，佢射入一球勁靚嘅罰球。佢入波之後第一時間做咩？佢激動到除低件波衫，指住自己個名，再霸氣咁指住地下，大聲同全世界車迷宣佈：「I'm staying here」。
一個為咗打破離隊謠言、甘願除衫食黃牌去向車迷證明忠誠嘅球員，今日只係答咗一條「你想去邊度長住」嘅假設性問題，點解大家又要玻璃心碎，覺得佢聽日就會罷操跳草裙舞先？
殘酷嘅現實：皇馬嘅中場 同 肥Todd 份賣身契
退一萬步講，就算安素真係因為頂唔順倫敦天氣想走，現實都有少少難做。
首先，傳得最勁話要買佢嘅皇馬，人哋中場有比寧咸、華維迪、卡馬雲加、祖亞文尼，全部都當打加狀態唔錯。你覺得精明嘅老細佩雷斯，會唔會為咗一個近期踢到第 50 場乾晒塘、下下無奈向後橫傳嘅中場，去洗大錢打破自己個銀河艦隊陣容？
自抽少少都要講句：以安素近期嘅狀態，如果佢真係純粹想住馬德里，莫講話皇馬同馬體會未必收，分分鐘只可以去馬德里隔離個基達菲或者華歷簡奴咋。人哋皇馬買人係睇實力同狀態㗎大佬。
其次，亦都係最難搞嘅一點：合約同會計準則。
當年 肥Todd 哥為咗過 FFP，玩嗰招極限攤銷魔法，同安素簽咗份超級長約。佢份合約去到 2032 年先完。當時長到俾傳媒笑係現代足球嘅賣身契。
喺會計帳面度，車路士依家根本唔可能平賣佢。一平賣，帳面即刻錄得巨額虧損，隨時觸發 PSR 違規被罰扣分。除非皇馬突然發神經，拎 1~2 億 歐元現金出嚟掟死車仔，否則呢單交易根本過唔到球會財務部嗰關。
皇馬中場人滿之患、車仔為咗盤數又絕對唔會平放，呢幾樣死結一日唔解決，安素根本就無可能走到。
總結：收起火把唔好獵巫住
所以話，見慣風浪嘅車迷們，大家慳返啖氣啦。唔使燒波衫，亦都唔使去佢 IG 留言鬧人。因為無論佢覺得馬德里嘅陽光有幾吸引，合約同現實都會令佢未來幾年，繼續乖乖地留喺史丹福橋同大家一齊淋雨。
作為第一批頂住天價壓力、真心相信呢個 Project 嘅建隊核心，安素依家最需要嘅唔係漫罵，而係真真正正嘅休息。大家與其擔心佢跳草裙舞，不如祈求領隊快啲搵返本說明書，幫佢搵返當年除衫指地嗰種霸氣同狀態好過啦。
順帶一提，除咗搞好場上表現，唔該帶佢去補習下公關技巧，Thankyou。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
事緣佢受訪話「除咗倫敦最想住馬德里，因為似阿根廷家鄉」，條片出咗都唔夠半日就辣㷫晒班外國網民，挑起大家對古圖斯、夏薩特仲有魯迪加果時嘅馬德里 PTSD，公海瘋狂叫佢躝。
明嘅明嘅，但大家上咗車咁多年，咩大風大浪未見過？安素作為第一批真心相信球會 Project 嘅核心，呢三年陪車仔捱過嘅亂局、換過嘅領隊，隨時多過你同我嘅轉工次數。不過既然要講，就將件事重新梳理一次，當係講下自己立場又好幫佢解下畫又好。
想住馬德里有幾奇？公關 0 分嘅血性直男
先講下佢嗰句辣㷫全網嘅說話。大家試幻想下，一個由細到大喺阿根廷長大嘅南美仔，依家身處一年有 200 日落雨、冬天晏晝 4 點就天黑嘅倫敦。當有人問佢「除咗倫敦最想住邊」，佢大腦直覺反射，揀一個講西班牙文、陽光普照、充滿家鄉布宜諾斯艾利斯 Feel 嘅馬德里，唔難理解，正如唔少巴打俾人問除咗香港仲想住邊，應該唔少會答東京/大阪。(少部份答深圳……)
佢唯一做錯嘅，就係份人太老實，唔記得晒「英超球員官方公關培訓班」講過嘅嘢。面對鏡頭嘅標準答案一定係：「我邊度都唔想去，我最鍾意倫敦嘅陰天、大笨鐘同埋仰望星空派。」鍾意一個城市嘅生活節奏，同我要去嗰度踢波根本係兩回事。安素純粹係直腸直肚，公關技巧零分，但罪不至死呱…
如果單憑一個 Lifestyle 旅遊節目式嘅訪問就話佢係反骨仔，咁大家嘅記性真係有啲差。
不如我哋一齊回帶返去 2024 年 2 月。當時車路士啱啱大敗俾利物浦 1-4，安素俾網民狂鬧，鬧到佢 Delete 埋 Twitter 避靜，當時全世界各大傳媒都瘋傳佢心灰意冷想走，目的地咁啱又係皇馬。結果幾日後足總盃對阿士東維拉，佢射入一球勁靚嘅罰球。佢入波之後第一時間做咩？佢激動到除低件波衫，指住自己個名，再霸氣咁指住地下，大聲同全世界車迷宣佈：「I'm staying here」。
一個為咗打破離隊謠言、甘願除衫食黃牌去向車迷證明忠誠嘅球員，今日只係答咗一條「你想去邊度長住」嘅假設性問題，點解大家又要玻璃心碎，覺得佢聽日就會罷操跳草裙舞先？
殘酷嘅現實：皇馬嘅中場 同 肥Todd 份賣身契
退一萬步講，就算安素真係因為頂唔順倫敦天氣想走，現實都有少少難做。
首先，傳得最勁話要買佢嘅皇馬，人哋中場有比寧咸、華維迪、卡馬雲加、祖亞文尼，全部都當打加狀態唔錯。你覺得精明嘅老細佩雷斯，會唔會為咗一個近期踢到第 50 場乾晒塘、下下無奈向後橫傳嘅中場，去洗大錢打破自己個銀河艦隊陣容？
自抽少少都要講句：以安素近期嘅狀態，如果佢真係純粹想住馬德里，莫講話皇馬同馬體會未必收，分分鐘只可以去馬德里隔離個基達菲或者華歷簡奴咋。人哋皇馬買人係睇實力同狀態㗎大佬。
其次，亦都係最難搞嘅一點：合約同會計準則。
當年 肥Todd 哥為咗過 FFP，玩嗰招極限攤銷魔法，同安素簽咗份超級長約。佢份合約去到 2032 年先完。當時長到俾傳媒笑係現代足球嘅賣身契。
喺會計帳面度，車路士依家根本唔可能平賣佢。一平賣，帳面即刻錄得巨額虧損，隨時觸發 PSR 違規被罰扣分。除非皇馬突然發神經，拎 1~2 億 歐元現金出嚟掟死車仔，否則呢單交易根本過唔到球會財務部嗰關。
皇馬中場人滿之患、車仔為咗盤數又絕對唔會平放，呢幾樣死結一日唔解決，安素根本就無可能走到。
總結：收起火把唔好獵巫住
所以話，見慣風浪嘅車迷們，大家慳返啖氣啦。唔使燒波衫，亦都唔使去佢 IG 留言鬧人。因為無論佢覺得馬德里嘅陽光有幾吸引，合約同現實都會令佢未來幾年，繼續乖乖地留喺史丹福橋同大家一齊淋雨。
作為第一批頂住天價壓力、真心相信呢個 Project 嘅建隊核心，安素依家最需要嘅唔係漫罵，而係真真正正嘅休息。大家與其擔心佢跳草裙舞，不如祈求領隊快啲搵返本說明書，幫佢搵返當年除衫指地嗰種霸氣同狀態好過啦。
順帶一提，除咗搞好場上表現，唔該帶佢去補習下公關技巧，Thankyou。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊