試幻想下，你間公司有個A字頭 Department 有 18 個同事，平時大家各有各忙。點知一到長假前嘅星期五下晝，大老闆Call會，雖然係D唔緊要嘅會議，但突然間有足足 10 個人話唔舒服。最離譜嘅係，呢 10 個人全部都係交同一個款嘅醫生紙、用差唔多嘅理由、仲要夾埋同一個 timing 齊齊閃人，半個 Department 唔見咗。
呢種拍戲先會出現嘅集體 Sick Leave 橋段，阿仙奴今個國際賽期就完美示範咗一次：18 個球員被國家隊徵召，足足 10 個人集體退隊。
嗱，我知架，話全部都扮傷實有人會去 Facebook 咬我，所以先戴穩個頭盔。大家睇波咁多年都心照，「國際賽期詐傷避戰」根本就係各大豪門心照嘅潛規則。想當年費格遜年代，傑斯逢親威爾斯有太公波踢，大腿後肌就會準時拉傷；就算係我哋車仔，當年摩連奴都試過強硬叫迪亞高哥斯達留低唔好踢西班牙。大家出嚟行都係求個方便，我唔係企喺道德高地做咩判官。
但今次阿仙奴最惹人注目嘅、係佢「人數」同埋「明目張膽嘅程度」。
食相難睇？絕對係。但係咪有效？都係。呢個，就係現代足球最赤裸裸嘅真相。所以呢篇文，一路食花生嘅同時，一路睇下阿迪達點樣將呢套「合法」嘅職場請假神技，玩到出神入化。
萬能 Key 嘅請假藉口
要讚賞阿迪達今次嘅操作，首先要睇下呢個保護網嘅覆蓋範圍。對照返阿仙奴個官網嘅名單：沙卡、懷斯、沙列巴、加比爾、蘇比文迪、托沙、添巴……呢班留喺倫敦嘅球員，差個拉也已經可以原地排出一個英超爭標嘅正選陣容。
最令人佩服嘅，係阿仙奴醫療團隊同各國足總溝通嗰種無懈可擊嘅專業。你睇下足總出嘅官方聲明：
Saka 同 Rice：返回球會進行醫療評估
(解讀：兵工廠醫療團隊極度嚴謹，一有少少疲勞，需要親自檢查都唔冒險，盡責。)
Saliba 同 Gabriel：留喺球會繼續治療
(解讀：本身就有傷，善用球會頂級嘅恢復設施，好過喺集訓營舟車勞頓，合理。)
Zubimendi：為避免受傷風險提早退隊
(解讀：防患於未然嘅最高境界。)
全部聲明都係圍繞住預防性 (Precautionary) 呢個字眼。你話佢哋係扮嘢？你又無證據咁指控佢哋。現代足球節奏咁快，肌肉疲勞係客觀事實。只係當大半隊核心主力，喺同一個星期五，不約而同地去到需要預防性退隊嘅臨界點，你真係不得不驚嘆阿仙奴喺監控球員體能數據上，做到幾咁神管理。呢個絕對係喺球例容許下，最完美嘅極限操作。
而整個部署最畫龍點睛嘅一筆，係對待傷兵嘅處理手法。
今次名單入面，馬杜基係堅喺對烏拉圭場波度撞親，賽後仲要戴住膝托。阿迪達見到自己球員堅係受傷，作為一個愛才嘅領隊，順理成章啟動最高級別嘅「避險機制」，將另外一班出現疲勞警號嘅核心球員一併召回，合情合理。
達子亦唔係隨便就Recall球員，你留意下，無退隊、乖乖地去報到嗰幾個，例如基奧基尼斯、卡拉費奧利，係因為佢哋要幫國家隊踢生死攸關嘅世盃外圍賽；而退隊/留廠休養嗰班，原本全部都只係準備踢無關痛癢嘅友誼賽。
邊啲比賽放行、邊啲比賽預防，全部計到準一準。呢種現代足球大局觀，真係令人不得不寫個服字。
太公波其次、爭冠先係重點…
點解達子要將呢套「預防性負荷管理」推到咁極致？你望下阿仙奴 4 月份個賽程表，一切都會變得理所當然。
4 月初，足總盃 8 強；4 月 7 號同 15 號，歐聯 8 強兩回合硬撼士砵亭；然後戲肉，係 4 月 19 號作客曼城。係主宰成個英超冠軍誰屬嘅天王山之戰。
阿迪達好清楚知道，喺 3 月尾呢個爭標直路前夕，將成班大牌主力放出去踢啲無關痛癢嘅國家隊友誼賽，根本就係攞球隊嘅前途嚟較飛。萬一沙卡或者懷斯喺對日本嗰陣被人踢中腳，成個賽季嘅心血分分鐘付諸流水。為咗大局著想，將班主力強行留喺倫敦儲氣回血，絕對係無可厚非。
有人可能會話，一次過掹走大半隊正選，食相好似有少少難睇，甚至可能會得罪英格蘭嘅杜曹、法國隊同巴西隊。但達子就係有呢種「大將之風」。佢頂得住各國足總嘅壓力，將球會嘅利益永遠擺喺第一位。呢種「贏波先係硬道理」嘅霸氣，正正就係一隊冠軍之師最需要具備嘅手腕。
食相難睇？可能係。但係咪有效？有效。
喺現代足球嘅殘酷世界，歷史只會記低邊個捧起英超獎盃，根本無人會 Care 當年 3 月有邊個因「醫療評估」缺席過一場友誼賽。呢個就係豪門爭標份子同中游球隊嘅分別，人哋有能力將球例同潛規則運用到極致，去為自己創造最大嘅爭冠優勢。
車路士嘅「羨慕與無奈」
作為車迷，睇見人哋可以為咗爭標，將呢套職場潛規則運用到出神入化，老實講，其實真係有少少羨慕。
點解我哋車仔做唔到？因為我哋真係廢囉，笑死。
人哋阿仙奴全隊都係國家隊不可或缺嘅球員，有本錢同足總講數；我哋車仔成班都係潛力幼幼，恨不得踢多兩場太公波嚟證明身價。你試吓叫卡些度或者安素預防性退隊？佢分分鐘以為球會想雪藏佢。再講，人哋留力係為咗爭英超；我哋留力為咩？爭前五？想學人玩辦公室政治，都要望下自己張 CV 先得。呢種大牌特權，車仔暫時真係得個恨字。
Well，今季英超誰屬仲有少少變數，但絕對唔關車仔事，呢一刻只能夠多謝達子教落嘅職場技巧，車仔將有機會都想學以致用，一次召回 50 個球員塞爆自己Gym Room…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
呢種拍戲先會出現嘅集體 Sick Leave 橋段，阿仙奴今個國際賽期就完美示範咗一次：18 個球員被國家隊徵召，足足 10 個人集體退隊。
嗱，我知架，話全部都扮傷實有人會去 Facebook 咬我，所以先戴穩個頭盔。大家睇波咁多年都心照，「國際賽期詐傷避戰」根本就係各大豪門心照嘅潛規則。想當年費格遜年代，傑斯逢親威爾斯有太公波踢，大腿後肌就會準時拉傷；就算係我哋車仔，當年摩連奴都試過強硬叫迪亞高哥斯達留低唔好踢西班牙。大家出嚟行都係求個方便，我唔係企喺道德高地做咩判官。
但今次阿仙奴最惹人注目嘅、係佢「人數」同埋「明目張膽嘅程度」。
食相難睇？絕對係。但係咪有效？都係。呢個，就係現代足球最赤裸裸嘅真相。所以呢篇文，一路食花生嘅同時，一路睇下阿迪達點樣將呢套「合法」嘅職場請假神技，玩到出神入化。
萬能 Key 嘅請假藉口
要讚賞阿迪達今次嘅操作，首先要睇下呢個保護網嘅覆蓋範圍。對照返阿仙奴個官網嘅名單：沙卡、懷斯、沙列巴、加比爾、蘇比文迪、托沙、添巴……呢班留喺倫敦嘅球員，差個拉也已經可以原地排出一個英超爭標嘅正選陣容。
最令人佩服嘅，係阿仙奴醫療團隊同各國足總溝通嗰種無懈可擊嘅專業。你睇下足總出嘅官方聲明：
Saka 同 Rice：返回球會進行醫療評估
(解讀：兵工廠醫療團隊極度嚴謹，一有少少疲勞，需要親自檢查都唔冒險，盡責。)
Saliba 同 Gabriel：留喺球會繼續治療
(解讀：本身就有傷，善用球會頂級嘅恢復設施，好過喺集訓營舟車勞頓，合理。)
Zubimendi：為避免受傷風險提早退隊
(解讀：防患於未然嘅最高境界。)
全部聲明都係圍繞住預防性 (Precautionary) 呢個字眼。你話佢哋係扮嘢？你又無證據咁指控佢哋。現代足球節奏咁快，肌肉疲勞係客觀事實。只係當大半隊核心主力，喺同一個星期五，不約而同地去到需要預防性退隊嘅臨界點，你真係不得不驚嘆阿仙奴喺監控球員體能數據上，做到幾咁神管理。呢個絕對係喺球例容許下，最完美嘅極限操作。
而整個部署最畫龍點睛嘅一筆，係對待傷兵嘅處理手法。
今次名單入面，馬杜基係堅喺對烏拉圭場波度撞親，賽後仲要戴住膝托。阿迪達見到自己球員堅係受傷，作為一個愛才嘅領隊，順理成章啟動最高級別嘅「避險機制」，將另外一班出現疲勞警號嘅核心球員一併召回，合情合理。
達子亦唔係隨便就Recall球員，你留意下，無退隊、乖乖地去報到嗰幾個，例如基奧基尼斯、卡拉費奧利，係因為佢哋要幫國家隊踢生死攸關嘅世盃外圍賽；而退隊/留廠休養嗰班，原本全部都只係準備踢無關痛癢嘅友誼賽。
邊啲比賽放行、邊啲比賽預防，全部計到準一準。呢種現代足球大局觀，真係令人不得不寫個服字。
太公波其次、爭冠先係重點…
點解達子要將呢套「預防性負荷管理」推到咁極致？你望下阿仙奴 4 月份個賽程表，一切都會變得理所當然。
4 月初，足總盃 8 強；4 月 7 號同 15 號，歐聯 8 強兩回合硬撼士砵亭；然後戲肉，係 4 月 19 號作客曼城。係主宰成個英超冠軍誰屬嘅天王山之戰。
阿迪達好清楚知道，喺 3 月尾呢個爭標直路前夕，將成班大牌主力放出去踢啲無關痛癢嘅國家隊友誼賽，根本就係攞球隊嘅前途嚟較飛。萬一沙卡或者懷斯喺對日本嗰陣被人踢中腳，成個賽季嘅心血分分鐘付諸流水。為咗大局著想，將班主力強行留喺倫敦儲氣回血，絕對係無可厚非。
有人可能會話，一次過掹走大半隊正選，食相好似有少少難睇，甚至可能會得罪英格蘭嘅杜曹、法國隊同巴西隊。但達子就係有呢種「大將之風」。佢頂得住各國足總嘅壓力，將球會嘅利益永遠擺喺第一位。呢種「贏波先係硬道理」嘅霸氣，正正就係一隊冠軍之師最需要具備嘅手腕。
食相難睇？可能係。但係咪有效？有效。
喺現代足球嘅殘酷世界，歷史只會記低邊個捧起英超獎盃，根本無人會 Care 當年 3 月有邊個因「醫療評估」缺席過一場友誼賽。呢個就係豪門爭標份子同中游球隊嘅分別，人哋有能力將球例同潛規則運用到極致，去為自己創造最大嘅爭冠優勢。
車路士嘅「羨慕與無奈」
作為車迷，睇見人哋可以為咗爭標，將呢套職場潛規則運用到出神入化，老實講，其實真係有少少羨慕。
點解我哋車仔做唔到？因為我哋真係廢囉，笑死。
人哋阿仙奴全隊都係國家隊不可或缺嘅球員，有本錢同足總講數；我哋車仔成班都係潛力幼幼，恨不得踢多兩場太公波嚟證明身價。你試吓叫卡些度或者安素預防性退隊？佢分分鐘以為球會想雪藏佢。再講，人哋留力係為咗爭英超；我哋留力為咩？爭前五？想學人玩辦公室政治，都要望下自己張 CV 先得。呢種大牌特權，車仔暫時真係得個恨字。
Well，今季英超誰屬仲有少少變數，但絕對唔關車仔事，呢一刻只能夠多謝達子教落嘅職場技巧，車仔將有機會都想學以致用，一次召回 50 個球員塞爆自己Gym Room…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊