當車仔一輸波，各大球 Page 同傳媒就會好似執到寶咁跳出嚟瘋狂抽水。當中最正、最煞食嘅標題，莫過於係「車仔星散」呢四隻大字。對傳媒嚟講，寫呢啲文出嚟，秒秒鐘幾十萬瀏覽量上落，賺 Click Rate 嘅速度隨時仲爽過買 NVDA 同原油期貨。
但我講過，作為一個自稱有風骨嘅車仔 Page，我唔想隨波逐流，見風就是雨咁跟住叫春講車仔星散。當然，如果去到季尾真係咁不幸，安素、彭馬、古古、卡些度齊齊跳船離隊嘅話，我絕對唔介意大家拎返呢篇文出嚟狠狠打我面。但到時唔該記得去Facebook留言，起碼到我賺下流量………
反正依家係國際賽期，漫漫長夜無車仔波睇，就不如趁呢個空檔，同大家一齊 Fact Check 下市面上嗰啲所謂嘅「星散傳聞」，睇下到底係堅料，定係純粹嘅流量密碼。
雙重標準與清洗冗員嘅迷思
首先，大家覺唔覺個傳媒生態好有趣？熱刺依家排第 17 幾乎要打護級戰，你有無見過鋪天蓋地嘅新聞傳佢哋星散、羅美路大逃亡？無喎。點解？因為「Lads, it's Tottenham」，熱刺廢係常態，寫出嚟根本無人想 Click 入去睇。
但車路士唔同，我哋係過去兩年使咗十億鎊嘅超級大傻仔。睇住有錢佬仆街、億萬大軍解體，呢種先係全世界球迷最想睇到嘅劇本。
今朝早，我瞓醒一開電話，就彈咗篇充滿 AI 機翻味嘅文出嚟，標題大約係「隨軍記者爆料：車仔六人醞釀離隊、五人動搖」。嘩，當堂嚇一跳。頭先食飯時間，搵返篇文去睇下嗰 6 個帶頭「星」散嘅球員名單，我諗你會同我有同樣反應：佐真遜、托辛、巴迪亞舒尼、科芬拿、古爾，加埋個安素。
星？邊度星呀？睇下！睇下！邊度星呀？
除咗安素叫做係核心爭議人物（我下段再講），另外嗰 5 個人都各有各精彩。托辛同巴迪亞舒尼實力根本未夠班，就算真係離隊都係正路；古爾本身已經講咗下季會外借（Well，的確咁都計離隊嘅…）；佐真遜冬窗已經傳過想外借只係俾球會拒絕。入面唯一一個叫做有啲身價嘅，就只有傷追人科芬拿。
作為車迷，如果高層夏天真係有能力放走呢班人套現，換入實力更強嘅球員，我哋直頭要買燒豬劏雞還神啦。傳媒刻意將正常嘅「換血清冗員」包裝成「球隊星散」，根本就係呃你班球迷自己嚇自己。
看圖作文 同 八年長約嘅威力
清死物就當星散，我知你哋一定問：咁安素同古古又點先？傳媒最興就係看圖作文。古古踢完 90 分鐘，IG 打句 "I'm tired"，各大Page就可以解讀做「探討今夏離隊可能」。大佬，俾人炒 3 球身心俱疲打句 I'm tired 有幾奇？
至於真正嘅重頭戲：安素。有傳媒標題黨話佢 Dream move 去皇馬，對車路士心灰意冷。但只要你睇返 Ben Jacobs 呢啲 Tier 1 記者嘅 Source，就會發現完全係兩回事。
Ben Jacobs 篇文講得好清楚：第一，皇馬零接觸 (Zero talks)，連初步報價都無；第二，安素本人的確對馬蛇被炒有微言，想踢歐聯，但佢「without outright agitating for a transfer」(完全無要求轉會)；第三，球會內部都極度冷靜，因為佢哋認為安素係非賣品。
退一萬步用財務邏輯去諗：安素當年 1.07 億鎊買返嚟，簽到 2032 年。依家有邊隊肯出接近原價去接貨？如果平賣，車路士帳面上就會出現極大嘅Book Loss，過唔到 PSR。肥 Todd 當年俾人笑到面黃嘅「八年長約」，喺呢個時候反而變咗最強嘅護城河。球會有晒主導權，核心陣容想星散都無資格散，除非球會真係降價求售又另一回事Only。
黑暗中嘅火種：呆若木雞 VS 中圈執波
喺呢堆唯恐天下不亂嘅農場文入面，唯一寫得啱嘅，係彭馬同二安完全無動搖。
《The Athletic》有篇文提過一個極度觸動到我嘅細節：上仗對愛華頓輸到第三球嗰陣，場上大部份車路士球員已經踢到懷疑人生，全場有十個人全部棟咗係度。喺嗰個充滿無力感嘅絕望瞬間，得二安一個，靜靜地跑咗半場去自己個龍門網度執返個波，然後擺返去中圈彭馬面前，準備重新開波。
或者，輸三球的確係好樣衰好難受，但起碼，二安心入面嗰團火仲未熄。只要彭馬同二安呢啲真正嘅基石仲喺度，仲肯為件波衫上面嘅車仔會章去搏，車路士個骨架就絕對唔會散。
總結：熄電話，等聯賽重開
無可否認，為咗跑 PSR 條數同埋重整架構，今年夏天肯定會有人走，兩個體育總監亦絕對要為依家個爛攤子負上責任。但精簡陣容同球隊星散係兩個完全唔同嘅概念。
各位車迷巴打，喺呢個無波踢嘅國際賽期，英國傳媒同某D本地 Page 一定會繼續發功，作多十萬個安素去皇馬、尼圖去巴塞嘅故仔出嚟賺流量。大家帶眼識字，笑下就算，無謂俾人帶風向搞到自己心情低落。熄咗個電話 (但記得唔好閂埋我嘅Notification…)，等國際賽期完咗，聯賽重開我哋再算啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但我講過，作為一個自稱有風骨嘅車仔 Page，我唔想隨波逐流，見風就是雨咁跟住叫春講車仔星散。當然，如果去到季尾真係咁不幸，安素、彭馬、古古、卡些度齊齊跳船離隊嘅話，我絕對唔介意大家拎返呢篇文出嚟狠狠打我面。但到時唔該記得去Facebook留言，起碼到我賺下流量………
反正依家係國際賽期，漫漫長夜無車仔波睇，就不如趁呢個空檔，同大家一齊 Fact Check 下市面上嗰啲所謂嘅「星散傳聞」，睇下到底係堅料，定係純粹嘅流量密碼。
雙重標準與清洗冗員嘅迷思
首先，大家覺唔覺個傳媒生態好有趣？熱刺依家排第 17 幾乎要打護級戰，你有無見過鋪天蓋地嘅新聞傳佢哋星散、羅美路大逃亡？無喎。點解？因為「Lads, it's Tottenham」，熱刺廢係常態，寫出嚟根本無人想 Click 入去睇。
但車路士唔同，我哋係過去兩年使咗十億鎊嘅超級大傻仔。睇住有錢佬仆街、億萬大軍解體，呢種先係全世界球迷最想睇到嘅劇本。
今朝早，我瞓醒一開電話，就彈咗篇充滿 AI 機翻味嘅文出嚟，標題大約係「隨軍記者爆料：車仔六人醞釀離隊、五人動搖」。嘩，當堂嚇一跳。頭先食飯時間，搵返篇文去睇下嗰 6 個帶頭「星」散嘅球員名單，我諗你會同我有同樣反應：佐真遜、托辛、巴迪亞舒尼、科芬拿、古爾，加埋個安素。
星？邊度星呀？睇下！睇下！邊度星呀？
除咗安素叫做係核心爭議人物（我下段再講），另外嗰 5 個人都各有各精彩。托辛同巴迪亞舒尼實力根本未夠班，就算真係離隊都係正路；古爾本身已經講咗下季會外借（Well，的確咁都計離隊嘅…）；佐真遜冬窗已經傳過想外借只係俾球會拒絕。入面唯一一個叫做有啲身價嘅，就只有傷追人科芬拿。
作為車迷，如果高層夏天真係有能力放走呢班人套現，換入實力更強嘅球員，我哋直頭要買燒豬劏雞還神啦。傳媒刻意將正常嘅「換血清冗員」包裝成「球隊星散」，根本就係呃你班球迷自己嚇自己。
看圖作文 同 八年長約嘅威力
清死物就當星散，我知你哋一定問：咁安素同古古又點先？傳媒最興就係看圖作文。古古踢完 90 分鐘，IG 打句 "I'm tired"，各大Page就可以解讀做「探討今夏離隊可能」。大佬，俾人炒 3 球身心俱疲打句 I'm tired 有幾奇？
至於真正嘅重頭戲：安素。有傳媒標題黨話佢 Dream move 去皇馬，對車路士心灰意冷。但只要你睇返 Ben Jacobs 呢啲 Tier 1 記者嘅 Source，就會發現完全係兩回事。
Ben Jacobs 篇文講得好清楚：第一，皇馬零接觸 (Zero talks)，連初步報價都無；第二，安素本人的確對馬蛇被炒有微言，想踢歐聯，但佢「without outright agitating for a transfer」(完全無要求轉會)；第三，球會內部都極度冷靜，因為佢哋認為安素係非賣品。
退一萬步用財務邏輯去諗：安素當年 1.07 億鎊買返嚟，簽到 2032 年。依家有邊隊肯出接近原價去接貨？如果平賣，車路士帳面上就會出現極大嘅Book Loss，過唔到 PSR。肥 Todd 當年俾人笑到面黃嘅「八年長約」，喺呢個時候反而變咗最強嘅護城河。球會有晒主導權，核心陣容想星散都無資格散，除非球會真係降價求售又另一回事Only。
黑暗中嘅火種：呆若木雞 VS 中圈執波
喺呢堆唯恐天下不亂嘅農場文入面，唯一寫得啱嘅，係彭馬同二安完全無動搖。
《The Athletic》有篇文提過一個極度觸動到我嘅細節：上仗對愛華頓輸到第三球嗰陣，場上大部份車路士球員已經踢到懷疑人生，全場有十個人全部棟咗係度。喺嗰個充滿無力感嘅絕望瞬間，得二安一個，靜靜地跑咗半場去自己個龍門網度執返個波，然後擺返去中圈彭馬面前，準備重新開波。
或者，輸三球的確係好樣衰好難受，但起碼，二安心入面嗰團火仲未熄。只要彭馬同二安呢啲真正嘅基石仲喺度，仲肯為件波衫上面嘅車仔會章去搏，車路士個骨架就絕對唔會散。
總結：熄電話，等聯賽重開
無可否認，為咗跑 PSR 條數同埋重整架構，今年夏天肯定會有人走，兩個體育總監亦絕對要為依家個爛攤子負上責任。但精簡陣容同球隊星散係兩個完全唔同嘅概念。
各位車迷巴打，喺呢個無波踢嘅國際賽期，英國傳媒同某D本地 Page 一定會繼續發功，作多十萬個安素去皇馬、尼圖去巴塞嘅故仔出嚟賺流量。大家帶眼識字，笑下就算，無謂俾人帶風向搞到自己心情低落。熄咗個電話 (但記得唔好閂埋我嘅Notification…)，等國際賽期完咗，聯賽重開我哋再算啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊