作客新球場被愛華頓乾淨俐落咁大炒 3：0，連帶之前歐聯被狂數，各大車迷 Group 同公海幾乎被同一句留言洗版：「搞咁耐，咪又係波特 2.0！根本一X樣！」
見到大家咁崩潰，我完全理解嗰種 PTSD 發作嘅感覺。回想幾個月前，當羅生帶隊打出連勝、全城瘋狂大叫 "We are so back" 嗰陣，我曾經忍唔住手痕出過篇文潑冷水。當時我攞住 xGA (預期失球) 啲底層數據，話車路士嘅防守根本係個中門大開嘅黑洞，結果當然係俾唔少人話我烏鴉嘴、掃興。
依家運氣用盡，連敗加交白卷，遮醜布被無情掀起，神預言應驗咗，但我一啲都開心唔落。點解今日要特登再寫呢篇文？因為我好想打破「波特同羅生咪一X樣」呢個迷思。
上篇文我有講，對我呢種有鋪癮鍾意睇戰術、刨數據嘅人嚟講，單睇比數的確一樣咁痛，但場內發生緊嘅事，係兩種截然不同嘅絕望。波特年代嘅車路士，係全無諗法，球員喺場上執行唔到任何戰術，成隊波好似一盤散沙盲頭烏蠅咁等死；但羅生帶領嘅車路士，最令人心寒嘅地方係：球員其實係相對完美、精準咁執行緊領隊嘅戰術理念，然後眼白白望住自己被對手戰術性處刑。呢個，就係今篇文想長講嘅嘢。
數據照妖鏡：兩個截然不同嘅蜜月期
首先最多人講 (包括我)，一定係兩位領隊初頭帶俾大家嗰段不敗蜜月期嘅假象。
當年波特接手頭 10 場，曾經創下防守極佳嘅不敗神話。當時好多人吹奏佢係戰術大師，但當我哋攤開數據，真相就只有一個 (推眼鏡、響起音樂)：波特時期所謂嘅防守穩健，實情係建立喺極端嘅概率同運氣之上。當年對手創造咗大量必入球機會，但龍門兼領隊 Kepa 撞邪咁交出高達 83.3% 嘅英超頂級撲救成功率（幫球隊救返超過 4 球必入波）。換句話說，波特嘅防線一早穿晒窿，只係被一個開咗外掛嘅門將強行掩蓋住。當 Kepa 正常返，球隊對白禮頓即刻慘敗 1：4，原形畢露。
相反，羅生嘅蜜月期係另一種極端。佢嘅防守數據由第一日開始就係誠實地崩壞。佢頭 9 場波已經俾對手創造咗 11.76 嘅 xGA，防線一直都係送緊大禮。咁點解當時會贏？因為前線球員，例如彭馬、尼圖交出咗極端嘅超水準把握力，用每場入兩三球嘅進攻火力，硬生生填補咗防守端嘅黑洞。
換言之，波特係無戰術支撐下靠神救保住不敗；而羅生係帶著一個高風險、高失波嘅激進體系，純靠鋒線食糊能力去行鋼線。羅生嘅防線從來無變差過，因為佢由 Day 1 開始就已經係一個計時炸彈，對住PSG都尚可以話係對手強，但去到對愛華頓呢場，前面入唔到波，個炸彈終於正式引爆。
死法大對比：無頭蒼蠅 VS 戰術性自殺
單睇結果，大家依家都係瘋狂失分、進攻便秘。但只要你睇真啲球員喺場上做緊乜，你就會發現兩者嘅死法完全係兩回事。
波特時期嘅車路士，係死於無效又平庸。你記唔記得當年對森林控球率 72% 得 7 次起腳？對賓福特 67% 控球交白卷？嗰陣嘅車仔係一隊典型嘅 U型足球 FC。球員喺場上完全無進攻套路，無人知幾時要入楔，無人知點樣破密集。大家只係喺中後場猜啲極度安全、毫無威脅嘅波。嗰種絕望，係見到班球員好似無頭蒼蠅咁，連自己踢緊乜都唔知。
但羅生嘅車路士？恰恰相反。佢哋係死於戰術性自殺。
攞返對愛華頓場 3:0 嚟做對比，車路士全場傳球成功率高達 89%。呢個數字代表乜？代表球員並無發夢，佢哋係極度精準、乖乖地執行緊羅生套Build-up from the back 同「極端高位防線」。球員無做錯動作，但錯在套戰術本身容錯率極低。當你強迫龍門同中堅喺禁區頂瘋狂短傳，當你推到條防線去中圈但中場又無掃蕩力，你根本係主動將把刀交俾對手插自己。
莫耶斯全場縮後，根本唔使點樣逼搶，只係舒舒服服企喺度，等你哋完美執行套自殺式指令，然後一腳直線打落你身後大草原。波特係死於連車都撻唔著，羅生係死於畫好晒地圖連人帶車衝落山。
對手視角：等你自己悶死 VS 等你自己送死
我哋轉個角度，用對手嘅視角去睇，就更加清楚呢兩種絕望嘅分別。
以前啲英超中下游對住波特嘅車仔，佢哋係唔驚嘅，但佢哋係要磨。對手知道車仔入唔到波，所以縮後等 0:0，或者博一個死球。嗰陣嘅比賽係鬥悶，睇邊個訓著先。
但依家對住羅生嘅車仔，對手直頭係興奮。因為羅生嘅極端主義，例如死都要後面猜上去、死都要龍門最後一秒先傳、死都要推高搶迫，變相係每一場都喺度派緊單刀大禮。愛華頓全場 10 次起腳 9 次中龍，Beto 得 29 次觸球就入兩粒。對手知道只要耐心佈置陷阱，車仔就一定會自己送死。
作為球迷，睇住球員跑到索晒氣，但下下俾人一腳長傳就劏穿，嗰種明明已經好努力、但被戰術打擊嘅無力感，其實痛過波特時期好多。
總結：末期癌症 VS 食物敏感，死因明確先有得救
講到呢度，大家應該明點解波特同羅生係兩種完全唔同嘅絕望。
波特時期嘅車仔，係末期癌症。你連邊度出事都唔知，淨係覺得全隊都廢，戰術混亂，球員各自為戰，成隊波死得不明不白，甚至賽後波特都R晒頭唔知點算好。
但羅生依家嘅車仔，係食物過敏。死因極度明確、甚至畫出腸俾你睇：就係盲目推高防線、龍門強行短傳送禮、同埋換人無方。球員係有能力踢好波嘅，只係食錯咗一套容錯率極低嘅毒藥戰術。
喺我眼中，死因清晰，絕對好過死得不明不白。
希望在於，既然病因咁明確，即係話有得醫。只要羅生肯放低少少身段，撥亂反正：將卡些度擺返防中掃蕩、拉維亞未操起唔好夾硬正選、叫山齊士受壓嗰陣大腳清波唔好玩火、防線適當時候縮後少少……防線即刻就可以止血。
球隊依家爭緊前四前五，清走過敏原，係餘下賽季腳踏實地，比起貫徹戰術理念更加重要。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
見到大家咁崩潰，我完全理解嗰種 PTSD 發作嘅感覺。回想幾個月前，當羅生帶隊打出連勝、全城瘋狂大叫 "We are so back" 嗰陣，我曾經忍唔住手痕出過篇文潑冷水。當時我攞住 xGA (預期失球) 啲底層數據，話車路士嘅防守根本係個中門大開嘅黑洞，結果當然係俾唔少人話我烏鴉嘴、掃興。
依家運氣用盡，連敗加交白卷，遮醜布被無情掀起，神預言應驗咗，但我一啲都開心唔落。點解今日要特登再寫呢篇文？因為我好想打破「波特同羅生咪一X樣」呢個迷思。
上篇文我有講，對我呢種有鋪癮鍾意睇戰術、刨數據嘅人嚟講，單睇比數的確一樣咁痛，但場內發生緊嘅事，係兩種截然不同嘅絕望。波特年代嘅車路士，係全無諗法，球員喺場上執行唔到任何戰術，成隊波好似一盤散沙盲頭烏蠅咁等死；但羅生帶領嘅車路士，最令人心寒嘅地方係：球員其實係相對完美、精準咁執行緊領隊嘅戰術理念，然後眼白白望住自己被對手戰術性處刑。呢個，就係今篇文想長講嘅嘢。
數據照妖鏡：兩個截然不同嘅蜜月期
首先最多人講 (包括我)，一定係兩位領隊初頭帶俾大家嗰段不敗蜜月期嘅假象。
當年波特接手頭 10 場，曾經創下防守極佳嘅不敗神話。當時好多人吹奏佢係戰術大師，但當我哋攤開數據，真相就只有一個 (推眼鏡、響起音樂)：波特時期所謂嘅防守穩健，實情係建立喺極端嘅概率同運氣之上。當年對手創造咗大量必入球機會，但龍門兼領隊 Kepa 撞邪咁交出高達 83.3% 嘅英超頂級撲救成功率（幫球隊救返超過 4 球必入波）。換句話說，波特嘅防線一早穿晒窿，只係被一個開咗外掛嘅門將強行掩蓋住。當 Kepa 正常返，球隊對白禮頓即刻慘敗 1：4，原形畢露。
相反，羅生嘅蜜月期係另一種極端。佢嘅防守數據由第一日開始就係誠實地崩壞。佢頭 9 場波已經俾對手創造咗 11.76 嘅 xGA，防線一直都係送緊大禮。咁點解當時會贏？因為前線球員，例如彭馬、尼圖交出咗極端嘅超水準把握力，用每場入兩三球嘅進攻火力，硬生生填補咗防守端嘅黑洞。
換言之，波特係無戰術支撐下靠神救保住不敗；而羅生係帶著一個高風險、高失波嘅激進體系，純靠鋒線食糊能力去行鋼線。羅生嘅防線從來無變差過，因為佢由 Day 1 開始就已經係一個計時炸彈，對住PSG都尚可以話係對手強，但去到對愛華頓呢場，前面入唔到波，個炸彈終於正式引爆。
死法大對比：無頭蒼蠅 VS 戰術性自殺
單睇結果，大家依家都係瘋狂失分、進攻便秘。但只要你睇真啲球員喺場上做緊乜，你就會發現兩者嘅死法完全係兩回事。
波特時期嘅車路士，係死於無效又平庸。你記唔記得當年對森林控球率 72% 得 7 次起腳？對賓福特 67% 控球交白卷？嗰陣嘅車仔係一隊典型嘅 U型足球 FC。球員喺場上完全無進攻套路，無人知幾時要入楔，無人知點樣破密集。大家只係喺中後場猜啲極度安全、毫無威脅嘅波。嗰種絕望，係見到班球員好似無頭蒼蠅咁，連自己踢緊乜都唔知。
但羅生嘅車路士？恰恰相反。佢哋係死於戰術性自殺。
攞返對愛華頓場 3:0 嚟做對比，車路士全場傳球成功率高達 89%。呢個數字代表乜？代表球員並無發夢，佢哋係極度精準、乖乖地執行緊羅生套Build-up from the back 同「極端高位防線」。球員無做錯動作，但錯在套戰術本身容錯率極低。當你強迫龍門同中堅喺禁區頂瘋狂短傳，當你推到條防線去中圈但中場又無掃蕩力，你根本係主動將把刀交俾對手插自己。
莫耶斯全場縮後，根本唔使點樣逼搶，只係舒舒服服企喺度，等你哋完美執行套自殺式指令，然後一腳直線打落你身後大草原。波特係死於連車都撻唔著，羅生係死於畫好晒地圖連人帶車衝落山。
對手視角：等你自己悶死 VS 等你自己送死
我哋轉個角度，用對手嘅視角去睇，就更加清楚呢兩種絕望嘅分別。
以前啲英超中下游對住波特嘅車仔，佢哋係唔驚嘅，但佢哋係要磨。對手知道車仔入唔到波，所以縮後等 0:0，或者博一個死球。嗰陣嘅比賽係鬥悶，睇邊個訓著先。
但依家對住羅生嘅車仔，對手直頭係興奮。因為羅生嘅極端主義，例如死都要後面猜上去、死都要龍門最後一秒先傳、死都要推高搶迫，變相係每一場都喺度派緊單刀大禮。愛華頓全場 10 次起腳 9 次中龍，Beto 得 29 次觸球就入兩粒。對手知道只要耐心佈置陷阱，車仔就一定會自己送死。
作為球迷，睇住球員跑到索晒氣，但下下俾人一腳長傳就劏穿，嗰種明明已經好努力、但被戰術打擊嘅無力感，其實痛過波特時期好多。
總結：末期癌症 VS 食物敏感，死因明確先有得救
講到呢度，大家應該明點解波特同羅生係兩種完全唔同嘅絕望。
波特時期嘅車仔，係末期癌症。你連邊度出事都唔知，淨係覺得全隊都廢，戰術混亂，球員各自為戰，成隊波死得不明不白，甚至賽後波特都R晒頭唔知點算好。
但羅生依家嘅車仔，係食物過敏。死因極度明確、甚至畫出腸俾你睇：就係盲目推高防線、龍門強行短傳送禮、同埋換人無方。球員係有能力踢好波嘅，只係食錯咗一套容錯率極低嘅毒藥戰術。
喺我眼中，死因清晰，絕對好過死得不明不白。
希望在於，既然病因咁明確，即係話有得醫。只要羅生肯放低少少身段，撥亂反正：將卡些度擺返防中掃蕩、拉維亞未操起唔好夾硬正選、叫山齊士受壓嗰陣大腳清波唔好玩火、防線適當時候縮後少少……防線即刻就可以止血。
球隊依家爭緊前四前五，清走過敏原，係餘下賽季腳踏實地，比起貫徹戰術理念更加重要。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊