上星期六車仔主場對紐卡素開波前，史丹福橋上演咗英超史上笑到全世界球迷碌地嘅一幕。
11 個車路士球員霸氣咁圍住個中圈攬埋一齊大叫，想展示鐵血團結，但個圈中間，竟然夾住死都唔肯讓路、尷尬到爆嘅球證泰亞尼。
賽後車仔輸波，全世界唔止笑緊車仔失去爭前五嘅主導權，圍住球證嘅呢張相直頭係 2026 年球壇年度最佳 笑話。當成績已經爛到無得救嘅時候，車路士似乎成功轉型，做咗一間致力盛產笑話嘅喜劇球會。今日我就唔講咁多戰術傷感情，淨係講下呢單被TA稱為 Huddlegate (圍爐門) 大龍鳳。
學欖球 Haka 建立士氣？出發點無錯嘅……
公道講句，網上好多人恥笑車仔呢個圍中圈爐，但我個人其實覺得無問題……
呢招係隊中嗰位有欖球背景嘅球員支援主任 Willie Isa 嘅主意。喺欖球世界，賽前儀式（例如紐西蘭黑毛黑戰舞 Haka）係極之重要嘅一環，講求嘅係霸佔領地、凝聚士氣，同埋喺心理上威嚇對手。對於依家呢隊長期捱打、缺乏自信嘅年輕車路士嚟講，球員有心想建立一股鐵血氣氛，身為車迷絕對係舉腳贊成。你想凶人、想有火，好事嚟㗎！
但問題係，有儀式感，都要有實力去 Backup 㗎大佬。
你開波前做晒儀式，落到場防守就紙紮咁款。開波短短 18 分鐘，自家青訓舊將利華文圖輕鬆一帶，就過晒我哋所謂嘅第一線壓迫；中路占士同卡些度留低個大黑洞任人行；防線嘅科芬拿，面對哥頓後上入楔，連車尾燈都追唔到，大門就咁打開任人魚肉。
搞到成件事好似個古惑仔喺街頭打橫行響晒朵，結果開波 18 分鐘就畀人一拳打暈攤喺後巷。如果得個樣惡，但防守依然係散沙一盤，呢種得個殼嘅行為，只會變咗對手同全世界眼中嘅大笑話。
英超球證嘅主角光環，好彩有彭馬神化解
講返個中圈圍爐，其實單嘢本身可以好有氣勢，但偏偏撞正英超球證。大家心照，英超球證最叻係咩？就係搶 Fo。
球證泰亞尼見到 11 個車仔球員行埋嚟準備做儀式，其實褪後兩步，讓個中圈出嚟十秒鐘，件事就完啦。但TA就話英超球證出名有主角綜合症，死都唔肯行開，企到硬一硬，結果就變咗 11 個球員，硬生生圍住個表情勁尷尬嘅阿叔。
好彩，車仔仲有個彭馬。喺呢個尷尬到唔敢睇嘅畫面，彭馬無黑面無發脾氣，反而從後攬實個球證，加個死魚眼表情，一秒將原本嘅火藥味，化解做年度最強嘅歡樂 Meme。老實講，如果成隊波落到場，有彭馬處理呢種突發危機一半嘅轉數同 EQ，就唔會輸到今時今日咁個衰樣啦。
屙屎唔出賴地硬：羅生嘅終極公關災難
輸波已經夠灰，但成件事最癲、最令車迷火滾嘅，係領隊羅生個賽後訪問。
正常領隊主場輸波，實係出嚟解畫，檢討下點解防線會穿窿、點解進攻便秘、講下換人諗法。點知羅生出到嚟，竟然花極大篇幅去發爛渣，狂鬧泰亞尼破壞咗佢哋個圍圈，甚至話要為咗呢個圈，向 PGMOL (球證協會) 正式投訴…………大佬呀，呢啲咪標準嘅「屙屎唔出賴地硬」囉………
自己隊波踢到一 pat 屎咁，防守錯漏百出，主場球迷噓到拆天。你估入場班車迷 Care 你開波前個圈圓唔圓、個球證有無阻住你呼吸？球迷 Care 嘅係點解我哋射22腳先得3腳中龍。
羅生話要保護球員，想轉移視線我明。但你搵個球證企錯位嚟做藉口，暗寸係球證阻住個圈影響咗球隊士氣，呢種推卸責任嘅低級公關，真係令人睇到好尷尬。你估對面紐卡素係因為無圍圈所以贏波咩？人哋係靠落後 14 年未贏過史丹福橋嘅鬥志同實質防守反擊贏你咋…
總結：少啲大龍鳳，多啲實際行動
總結返，車仔依家最大嘅問題，係將精力同 Focus 放錯晒位。搞儀式，絕對無問題，前題係你要交出相應嘅表現。當球隊今季隨時得 61 分、創下近幾年新低紀錄嘅時候，領隊仲喺度為咗一個「開波前嘅圈」同球證開戰，真係本末倒置。
收起啲無謂嘅大龍鳳，搞好個防守體系先啦。各位巴打，你哋睇波咁耐，有無見過比「球證企喺我個圈入面所以輸波」更黐線嘅賽後藉口？留言等我開下眼界。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
11 個車路士球員霸氣咁圍住個中圈攬埋一齊大叫，想展示鐵血團結，但個圈中間，竟然夾住死都唔肯讓路、尷尬到爆嘅球證泰亞尼。
賽後車仔輸波，全世界唔止笑緊車仔失去爭前五嘅主導權，圍住球證嘅呢張相直頭係 2026 年球壇年度最佳 笑話。當成績已經爛到無得救嘅時候，車路士似乎成功轉型，做咗一間致力盛產笑話嘅喜劇球會。今日我就唔講咁多戰術傷感情，淨係講下呢單被TA稱為 Huddlegate (圍爐門) 大龍鳳。
學欖球 Haka 建立士氣？出發點無錯嘅……
公道講句，網上好多人恥笑車仔呢個圍中圈爐，但我個人其實覺得無問題……
呢招係隊中嗰位有欖球背景嘅球員支援主任 Willie Isa 嘅主意。喺欖球世界，賽前儀式（例如紐西蘭黑毛黑戰舞 Haka）係極之重要嘅一環，講求嘅係霸佔領地、凝聚士氣，同埋喺心理上威嚇對手。對於依家呢隊長期捱打、缺乏自信嘅年輕車路士嚟講，球員有心想建立一股鐵血氣氛，身為車迷絕對係舉腳贊成。你想凶人、想有火，好事嚟㗎！
但問題係，有儀式感，都要有實力去 Backup 㗎大佬。
你開波前做晒儀式，落到場防守就紙紮咁款。開波短短 18 分鐘，自家青訓舊將利華文圖輕鬆一帶，就過晒我哋所謂嘅第一線壓迫；中路占士同卡些度留低個大黑洞任人行；防線嘅科芬拿，面對哥頓後上入楔，連車尾燈都追唔到，大門就咁打開任人魚肉。
搞到成件事好似個古惑仔喺街頭打橫行響晒朵，結果開波 18 分鐘就畀人一拳打暈攤喺後巷。如果得個樣惡，但防守依然係散沙一盤，呢種得個殼嘅行為，只會變咗對手同全世界眼中嘅大笑話。
英超球證嘅主角光環，好彩有彭馬神化解
講返個中圈圍爐，其實單嘢本身可以好有氣勢，但偏偏撞正英超球證。大家心照，英超球證最叻係咩？就係搶 Fo。
球證泰亞尼見到 11 個車仔球員行埋嚟準備做儀式，其實褪後兩步，讓個中圈出嚟十秒鐘，件事就完啦。但TA就話英超球證出名有主角綜合症，死都唔肯行開，企到硬一硬，結果就變咗 11 個球員，硬生生圍住個表情勁尷尬嘅阿叔。
好彩，車仔仲有個彭馬。喺呢個尷尬到唔敢睇嘅畫面，彭馬無黑面無發脾氣，反而從後攬實個球證，加個死魚眼表情，一秒將原本嘅火藥味，化解做年度最強嘅歡樂 Meme。老實講，如果成隊波落到場，有彭馬處理呢種突發危機一半嘅轉數同 EQ，就唔會輸到今時今日咁個衰樣啦。
屙屎唔出賴地硬：羅生嘅終極公關災難
輸波已經夠灰，但成件事最癲、最令車迷火滾嘅，係領隊羅生個賽後訪問。
正常領隊主場輸波，實係出嚟解畫，檢討下點解防線會穿窿、點解進攻便秘、講下換人諗法。點知羅生出到嚟，竟然花極大篇幅去發爛渣，狂鬧泰亞尼破壞咗佢哋個圍圈，甚至話要為咗呢個圈，向 PGMOL (球證協會) 正式投訴…………大佬呀，呢啲咪標準嘅「屙屎唔出賴地硬」囉………
自己隊波踢到一 pat 屎咁，防守錯漏百出，主場球迷噓到拆天。你估入場班車迷 Care 你開波前個圈圓唔圓、個球證有無阻住你呼吸？球迷 Care 嘅係點解我哋射22腳先得3腳中龍。
羅生話要保護球員，想轉移視線我明。但你搵個球證企錯位嚟做藉口，暗寸係球證阻住個圈影響咗球隊士氣，呢種推卸責任嘅低級公關，真係令人睇到好尷尬。你估對面紐卡素係因為無圍圈所以贏波咩？人哋係靠落後 14 年未贏過史丹福橋嘅鬥志同實質防守反擊贏你咋…
總結：少啲大龍鳳，多啲實際行動
總結返，車仔依家最大嘅問題，係將精力同 Focus 放錯晒位。搞儀式，絕對無問題，前題係你要交出相應嘅表現。當球隊今季隨時得 61 分、創下近幾年新低紀錄嘅時候，領隊仲喺度為咗一個「開波前嘅圈」同球證開戰，真係本末倒置。
收起啲無謂嘅大龍鳳，搞好個防守體系先啦。各位巴打，你哋睇波咁耐，有無見過比「球證企喺我個圈入面所以輸波」更黐線嘅賽後藉口？留言等我開下眼界。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊