啱啱週末足總盃，車仔爭氣以 4：2 砌低域斯咸順利晉級八強。大家睇波或者睇精華嗰陣，有無留意到車仔球員件波衫背面、號碼正下方多咗個「TMGM」嘅 Logo？
無錯，車路士官方早前宣佈咗呢項商業合作升級。大家唔好睇少呢個細細嘅 Logo，呢個其實係車路士創會 120 年以嚟，第一次喺正式頂級比賽入面賣出波衫背脊廣告位。今日用一篇短打，講下呢單打破傳統嘅贊助。
TMGM 係咩來頭？借車仔個名強攻亞洲
先解開大家嘅疑問，TMGM 全名係「TradeMax Global Markets」，係一間喺澳洲起家嘅網上金融交易平台，主力俾人炒外匯同各類金融投資產品。其實佢哋早喺 2023 年已經係車仔嘅「亞太區合作夥伴」，今次就正式加碼，買埋我哋波衫個背脊空位。
點解佢哋要主力攻「亞太區」？講白啲，因為英國本土對呢類網上金融投資嘅宣傳管制極度嚴格，好難大肆賣廣告。所以 TMGM 非常聰明，佢哋借用車路士喺全球，特別係亞洲區極龐大嘅球迷基數同收視率，想擴大亞洲市場嘅市佔率。
佢哋唔係淨係印個名就算，早前（3月1日）車仔作客阿仙奴嗰場倫敦打吡，TMGM 仲特登喺泰國曼谷搞咗個極大型嘅球迷觀賽派對，連我哋嘅前隊長泰利都請埋去撐場，擺明車馬要吸亞洲客。
足總盃限定嘅孤注一擲
至於點解淨係印足總盃？好簡單，因為英超賽會規矩好死，波衫背脊唔准有廣告，而我哋聯賽盃又一早出咗局。所以 TMGM 呢個背脊贊助可以玩幾耐，完全睇車仔喺足總盃行得幾遠。
TMGM 本身就係做開高風險嘅金融投資，估唔到佢哋今次落贊助都好有賭徒Feel：大吉利是講句，如果前晚對域斯咸爆冷輸咗，佢哋掟出嚟嘅巨額贊助費，就只係買到一場 120 分鐘嘅曝光，堅係倒錢落海！好彩車仔班小朋友生性贏 4：2，成功幫個贊助商續命殺入八強，等大家可以繼續 Win-Win 齊齊賺曝光。
波衫變劏房？合法榨取商業價值絕對唔可恥
對於車仔破天荒賣出波衫背脊，可能有少部分傳統死忠覺得，破壞咗 120 年嚟波衫背面乾乾淨淨嘅傳統，甚至有人會笑球會窮到要將波衫當劏房咁一忽忽租出去。
但平心而論，我認為呢種物盡其用嘅做法絕對唔可恥，更加無必要去怪責球會或者高層 BlueCo。大家要面對殘酷嘅現實：車仔早前被爆出錄得高達 4 億歐元嘅巨額虧損。喺英超嚴苛嘅財政公平條例陰霾下，怕違規被扣分，球會嘅營運壓力真係大到喘唔過氣。
每一分每一毫嘅商業贊助，落到袋都係救命錢。既然足總盃賽例容許，高層識得將波衫每一寸合法嘅空間榨取最大商業價值，幫球會搵真銀，絕對係精明兼務實嘅操作，而且只係盃賽，當係特別版波衫無乜違和感。大家望下曼城，人哋一樣將盃賽波衫背脊賣咗畀金融科技公司，呢個根本係現代足球嘅大勢所趨。
賺多啲贊助費，第時買人、續約或者填數規避扣分，就多一分籌碼。傳統固然要尊重，但向現實低頭、務實搵錢，對車路士嘅長遠發展嚟講，百利而無一害。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
無錯，車路士官方早前宣佈咗呢項商業合作升級。大家唔好睇少呢個細細嘅 Logo，呢個其實係車路士創會 120 年以嚟，第一次喺正式頂級比賽入面賣出波衫背脊廣告位。今日用一篇短打，講下呢單打破傳統嘅贊助。
TMGM 係咩來頭？借車仔個名強攻亞洲
先解開大家嘅疑問，TMGM 全名係「TradeMax Global Markets」，係一間喺澳洲起家嘅網上金融交易平台，主力俾人炒外匯同各類金融投資產品。其實佢哋早喺 2023 年已經係車仔嘅「亞太區合作夥伴」，今次就正式加碼，買埋我哋波衫個背脊空位。
點解佢哋要主力攻「亞太區」？講白啲，因為英國本土對呢類網上金融投資嘅宣傳管制極度嚴格，好難大肆賣廣告。所以 TMGM 非常聰明，佢哋借用車路士喺全球，特別係亞洲區極龐大嘅球迷基數同收視率，想擴大亞洲市場嘅市佔率。
佢哋唔係淨係印個名就算，早前（3月1日）車仔作客阿仙奴嗰場倫敦打吡，TMGM 仲特登喺泰國曼谷搞咗個極大型嘅球迷觀賽派對，連我哋嘅前隊長泰利都請埋去撐場，擺明車馬要吸亞洲客。
足總盃限定嘅孤注一擲
至於點解淨係印足總盃？好簡單，因為英超賽會規矩好死，波衫背脊唔准有廣告，而我哋聯賽盃又一早出咗局。所以 TMGM 呢個背脊贊助可以玩幾耐，完全睇車仔喺足總盃行得幾遠。
TMGM 本身就係做開高風險嘅金融投資，估唔到佢哋今次落贊助都好有賭徒Feel：大吉利是講句，如果前晚對域斯咸爆冷輸咗，佢哋掟出嚟嘅巨額贊助費，就只係買到一場 120 分鐘嘅曝光，堅係倒錢落海！好彩車仔班小朋友生性贏 4：2，成功幫個贊助商續命殺入八強，等大家可以繼續 Win-Win 齊齊賺曝光。
波衫變劏房？合法榨取商業價值絕對唔可恥
對於車仔破天荒賣出波衫背脊，可能有少部分傳統死忠覺得，破壞咗 120 年嚟波衫背面乾乾淨淨嘅傳統，甚至有人會笑球會窮到要將波衫當劏房咁一忽忽租出去。
但平心而論，我認為呢種物盡其用嘅做法絕對唔可恥，更加無必要去怪責球會或者高層 BlueCo。大家要面對殘酷嘅現實：車仔早前被爆出錄得高達 4 億歐元嘅巨額虧損。喺英超嚴苛嘅財政公平條例陰霾下，怕違規被扣分，球會嘅營運壓力真係大到喘唔過氣。
每一分每一毫嘅商業贊助，落到袋都係救命錢。既然足總盃賽例容許，高層識得將波衫每一寸合法嘅空間榨取最大商業價值，幫球會搵真銀，絕對係精明兼務實嘅操作，而且只係盃賽，當係特別版波衫無乜違和感。大家望下曼城，人哋一樣將盃賽波衫背脊賣咗畀金融科技公司，呢個根本係現代足球嘅大勢所趨。
賺多啲贊助費，第時買人、續約或者填數規避扣分，就多一分籌碼。傳統固然要尊重，但向現實低頭、務實搵錢，對車路士嘅長遠發展嚟講，百利而無一害。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊