尋晚碌開手機，見到法國傳媒彈咗單突發出嚟：法國賽會 (LFP) 話同意將原本夾喺歐聯十六強兩回合中間，PSG 對南特場法甲賽事延期。
原因？心照啦，為咗俾大巴黎有更多時間備戰同回氣，等佢哋可以專心對付我哋車路士囉。
睇到呢單新聞，相信唔少車迷嘅第一反應係：嘩，原來可以咁樣玩㗎？
即係話，當車仔喺兩場歐聯生死戰中間，仲要喺英超血肉長城入面同紐卡素死過、搏到斷氣嘅時候，PSG 班大帝就可以舒舒服服坐喺屋企梳化，開住冷氣睇車仔踢波，順便做下戰術分析。
法甲為咗保住全村唯一嘅歐聯希望，真係將舉國體制發揮到極致。對手南特因為賽會出聲，唔制都要制，講到尾，成個聯賽好似係為 PSG 服務，而家直頭明目張膽用行政手段製造體力優勢，合法屈機。
法甲嘅保駕護航先例與 UEFA 積分保衛戰
又講返轉頭，法甲賽會咁樣大細超、明目張膽幫自己友保駕護航，絕對唔係第一次。喺法國足球嘅思維入面，幫頂級球隊打歐洲賽，係一項國家戰略任務。
遠嘅唔講，就講前兩季（2024年4月），為咗全力支援法國球隊喺歐洲賽最後衝刺，LFP 史無前例咁將 PSG、馬賽同里爾原定週末嘅第 29 輪法甲聯賽全數推遲，等佢哋有額外休息日去打歐洲賽次回合。喺法甲，將歐洲賽利益凌駕喺本土聯賽秩序之上，根本係常態。
點解法甲賽會可以咁無底線？講到尾都係兩個字：窮，同埋驚窮。
首先，法甲近年個電視轉播合約經歷咗史詩級崩盤。之前轉播商違約、新合約又搵唔到老細肯科水，搞到賽會要自己死死地氣搞串流平台，啲球會窮到燶，成個聯賽嘅轉播分紅，隨時連英超一支降班隊（例如葉士域治）都不如。本土搵唔到食，PSG 喺歐聯嘅高額獎金同轉播分成，就變咗成個法甲維持生計嘅最後遮醜布。
其次，就係歐洲足協系數 (UEFA Coefficient) 保衛戰。英超長期霸佔榜首就話高枕無憂姐，但法國依家排第五，後面嘅荷蘭同葡萄牙已經追到貼一貼。如果 PSG 喺 16 強就被車路士踢出局，法國嘅積分就會重創，隨時連未來嘅歐聯席位數量都會再縮水。
所以，為咗保住歐洲第五大聯賽個招牌同埋命根，LFP 就算夾硬嚟，甚至委屈南特呢啲本土中下游球隊，都要用特權幫 PSG 續命。呢個唔係單純嘅偏心，而係法甲喺經濟寒冬下嘅絕地求生。
換轉係英超？Er……諗多咗啦
見到人哋個賽會咁貼心，再望下英超？如果你問英足總或者英超賽會做唔做得到呢種為國爭光嘅讓步，答案肯定係：「做你老味」。咳……太粗俗，應該係話「有檢討嘅空間無實行嘅可能。」
點解英超永遠唔會為咗幫阿仙奴、曼城或者車仔打歐聯而改期？原因得一個：錢。
英超係一個每年轉播費高達幾十億歐羅嘅資本巨獸。Sky Sports 同 TNT 俾咗天價買週末黃金時段轉播權，佢哋話幾時踢，你就幾時踢。英超賽會唔單止唔會幫你改期，分分鐘見你星期三晚踢完歐聯作客，仲會特登安排場「星期六早場」畀你嘆下。你打歐聯代表英格蘭？關我鬼事，電視轉播費同海外收視先係神。
喺英超，無論你踢到幾殘，規矩就係規矩。近年英超賽會唯一做過所謂嘅恩恤，就係承諾如果球隊星期三晚踢完歐洲賽作客，週末就唔會逼你踢星期六中午 12:30 嗰場。但我哋望下今次賽程，車仔 3 月 11 號晚作客完巴黎，對紐卡素嗰場係排喺 3 月 14 號星期六傍晚 17:30。啱啱好避過咗 12:30 條死線，完全合乎規矩，羅生連投訴嘅門口都搵唔到，想要求改期？唔該自己克服佢啦。
呢種將球員當機器嘅賽程，早就激到班頂級名帥紮紮跳。前利物浦領隊高普以前就不知幾多次狂鬧呢啲地獄排陣，直頭話：「如果排賽程開會嗰陣，有人提議將我哋場波擺喺 12:30，成間房嘅人都會笑出嚟。」
而曼城嘅哥迪奧拿就更加灰，佢深知資本大過天，直接冷嘲熱諷咁話：「嫌辛苦？我返屋企辭職去馬爾代夫聯賽教波囉，一週一賽，喺椰樹下舒舒服服。」喺英超，你想因為留力打歐洲賽而要求讓路？對唔住，轉播商嘅收視率，永遠凌駕喺你嘅歐聯冠軍夢之上。
總結：溫室大帝 vs 泥沼戰士
PSG 今次有得唞足幾日，對車仔嚟講絕對係個壞消息，體力上吃虧。人哋法甲傾舉國之力去服侍一個親生仔，我哋就要喺英超泥沼入面每個星期同人死過，呢個就係英超繁榮背後嘅沈重代價。
但阿Q啲諗，法甲呢種將球隊當溫室小花咁養嘅做法，對實戰未必有絕對好處。無經歷過高強度絞肉戰嘅洗禮，落到場隨時適應唔到節奏。
如果羅生手下呢班泥漿摔角手，喺英超地獄賽程加體力劣勢下，都可以咬緊牙關，將呢班充爆電嘅溫室小花踢出局，個種打面嘅快感，絕對係雙倍嘅……嗯，贏到的話啦……
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
原因？心照啦，為咗俾大巴黎有更多時間備戰同回氣，等佢哋可以專心對付我哋車路士囉。
睇到呢單新聞，相信唔少車迷嘅第一反應係：嘩，原來可以咁樣玩㗎？
即係話，當車仔喺兩場歐聯生死戰中間，仲要喺英超血肉長城入面同紐卡素死過、搏到斷氣嘅時候，PSG 班大帝就可以舒舒服服坐喺屋企梳化，開住冷氣睇車仔踢波，順便做下戰術分析。
法甲為咗保住全村唯一嘅歐聯希望，真係將舉國體制發揮到極致。對手南特因為賽會出聲，唔制都要制，講到尾，成個聯賽好似係為 PSG 服務，而家直頭明目張膽用行政手段製造體力優勢，合法屈機。
法甲嘅保駕護航先例與 UEFA 積分保衛戰
又講返轉頭，法甲賽會咁樣大細超、明目張膽幫自己友保駕護航，絕對唔係第一次。喺法國足球嘅思維入面，幫頂級球隊打歐洲賽，係一項國家戰略任務。
遠嘅唔講，就講前兩季（2024年4月），為咗全力支援法國球隊喺歐洲賽最後衝刺，LFP 史無前例咁將 PSG、馬賽同里爾原定週末嘅第 29 輪法甲聯賽全數推遲，等佢哋有額外休息日去打歐洲賽次回合。喺法甲，將歐洲賽利益凌駕喺本土聯賽秩序之上，根本係常態。
點解法甲賽會可以咁無底線？講到尾都係兩個字：窮，同埋驚窮。
首先，法甲近年個電視轉播合約經歷咗史詩級崩盤。之前轉播商違約、新合約又搵唔到老細肯科水，搞到賽會要自己死死地氣搞串流平台，啲球會窮到燶，成個聯賽嘅轉播分紅，隨時連英超一支降班隊（例如葉士域治）都不如。本土搵唔到食，PSG 喺歐聯嘅高額獎金同轉播分成，就變咗成個法甲維持生計嘅最後遮醜布。
其次，就係歐洲足協系數 (UEFA Coefficient) 保衛戰。英超長期霸佔榜首就話高枕無憂姐，但法國依家排第五，後面嘅荷蘭同葡萄牙已經追到貼一貼。如果 PSG 喺 16 強就被車路士踢出局，法國嘅積分就會重創，隨時連未來嘅歐聯席位數量都會再縮水。
所以，為咗保住歐洲第五大聯賽個招牌同埋命根，LFP 就算夾硬嚟，甚至委屈南特呢啲本土中下游球隊，都要用特權幫 PSG 續命。呢個唔係單純嘅偏心，而係法甲喺經濟寒冬下嘅絕地求生。
換轉係英超？Er……諗多咗啦
見到人哋個賽會咁貼心，再望下英超？如果你問英足總或者英超賽會做唔做得到呢種為國爭光嘅讓步，答案肯定係：「做你老味」。咳……太粗俗，應該係話「有檢討嘅空間無實行嘅可能。」
點解英超永遠唔會為咗幫阿仙奴、曼城或者車仔打歐聯而改期？原因得一個：錢。
英超係一個每年轉播費高達幾十億歐羅嘅資本巨獸。Sky Sports 同 TNT 俾咗天價買週末黃金時段轉播權，佢哋話幾時踢，你就幾時踢。英超賽會唔單止唔會幫你改期，分分鐘見你星期三晚踢完歐聯作客，仲會特登安排場「星期六早場」畀你嘆下。你打歐聯代表英格蘭？關我鬼事，電視轉播費同海外收視先係神。
喺英超，無論你踢到幾殘，規矩就係規矩。近年英超賽會唯一做過所謂嘅恩恤，就係承諾如果球隊星期三晚踢完歐洲賽作客，週末就唔會逼你踢星期六中午 12:30 嗰場。但我哋望下今次賽程，車仔 3 月 11 號晚作客完巴黎，對紐卡素嗰場係排喺 3 月 14 號星期六傍晚 17:30。啱啱好避過咗 12:30 條死線，完全合乎規矩，羅生連投訴嘅門口都搵唔到，想要求改期？唔該自己克服佢啦。
呢種將球員當機器嘅賽程，早就激到班頂級名帥紮紮跳。前利物浦領隊高普以前就不知幾多次狂鬧呢啲地獄排陣，直頭話：「如果排賽程開會嗰陣，有人提議將我哋場波擺喺 12:30，成間房嘅人都會笑出嚟。」
而曼城嘅哥迪奧拿就更加灰，佢深知資本大過天，直接冷嘲熱諷咁話：「嫌辛苦？我返屋企辭職去馬爾代夫聯賽教波囉，一週一賽，喺椰樹下舒舒服服。」喺英超，你想因為留力打歐洲賽而要求讓路？對唔住，轉播商嘅收視率，永遠凌駕喺你嘅歐聯冠軍夢之上。
總結：溫室大帝 vs 泥沼戰士
PSG 今次有得唞足幾日，對車仔嚟講絕對係個壞消息，體力上吃虧。人哋法甲傾舉國之力去服侍一個親生仔，我哋就要喺英超泥沼入面每個星期同人死過，呢個就係英超繁榮背後嘅沈重代價。
但阿Q啲諗，法甲呢種將球隊當溫室小花咁養嘅做法，對實戰未必有絕對好處。無經歷過高強度絞肉戰嘅洗禮，落到場隨時適應唔到節奏。
如果羅生手下呢班泥漿摔角手，喺英超地獄賽程加體力劣勢下，都可以咬緊牙關，將呢班充爆電嘅溫室小花踢出局，個種打面嘅快感，絕對係雙倍嘅……嗯，贏到的話啦……
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊