大家仲記唔記得以前踢過車仔嘅左閘菲臘比路爾斯？佢退役之後轉做領隊，喺巴甲法林明高教到風生水起，早排世冠盃分組賽仲帶隊 3：1 㩒住我哋車仔嚟打。
本來佢喺巴西做山寨王稱王稱霸做得好地地，但最近竟然失驚無神被法林明高炒魷魚。巴西權威媒體 UOL 爆料，原來佢被炒嘅導火線，竟然係因為我哋車仔個老細集團 BlueCo…………
車仔帥位懸空，菲臘仔以為執到支好籌
將時間線推返去大約兩個月前，當時車路士領隊個位啱啱懸空，全世界都估緊邊個接手。而同一時間，菲臘仔亦都同緊法林明高傾續約。
就喺呢個敏感時刻，BlueCo 走去Call菲臘仔。
菲臘仔心諗：「嘩！車仔帥位吉咗，BlueCo 呢個時候搵我？唔通想搵我呢個贏過南美自由盃、仲啱啱砌低過車仔嘅名宿，返去史丹福橋做救世主？重返英超執教，仲唔係發達？！」
為咗專心迎接呢份英超筍工，佢索性將法林明高主席啲 Message 擺埋一邊，足足三日「已讀不回」，一副準備執包袱飛去倫敦嘅姿態。
BlueCo 倫敦騙案，羅生去車仔你去史堡
點知傾到戲肉，BlueCo 啲高層笑笑口咁同佢開估：「菲臘呀，我哋車仔個位呢，已經決定咗畀羅仙尼亞㗎啦。不過我哋個體育企劃好宏大嘅……我哋係想請你去教法甲嘅史特拉斯堡呀！」
(小編：求菲臘仔當時嘅心理陰影面積。滿心歡喜以為去倫敦做豪門教頭，點知原來人哋只係當你係二線水泡，被水去法國鄉下幫人湊𡃁仔。BlueCo 啲 HR 係咪平時喺街邊呃阿婆買倫敦金出身？)
聽到係去史堡，菲臘仔當然即刻「耍手擰頭」失去興趣，拿拿臨扮無嘢發生過，走返去搵法林明高主席繼續傾續約。
職場大忌，騎牛搵馬俾老細捉到正
合約最後係簽咗，但世上無不透風嘅牆。法林明高主席好快就發現咗佢嗰三日「已讀不回」嘅真正原因。
喺老細眼中，你條友仔一邊同我傾續約，一邊私底下已經搵緊後路諗住跳槽，只不過係畀人彈鐘先死死地氣返嚟。雙方信任徹底破裂，最終法林明高主席搵到個藉口，直接將菲臘仔掃地出門。
總結：BlueCo 嘅傲慢與雙失的教訓
笑完菲臘仔表錯情、唔識「職場求生術」之後，其實我哋更應該笑下 BlueCo 嗰種堅離地嘅傲慢。
人哋菲臘仔教緊嘅係南美班霸法林明高，之前又喺世冠盃 3：1 技術性擊倒你隊車路士。BlueCo 竟然覺得，自己只要拋出「BlueCo 集團」個名，南美冠軍領隊就會願意降格，山長水遠飛去法國教你隊衛星球隊？到底係邊個畀自信你哋？
今次呢單騙案，菲臘比路爾斯就慘變雙失中年，教訓大家打工仔騎牛搵馬真係要小心，一日未簽約，千萬唔好「已讀不回」現任老細。
至於車迷？大家望下羅生依家個帥位同成績……話唔定去到夏天如果羅生真係無得留低，雙失緊嘅菲臘比路爾斯，真係有機會收到第二個（今次係真嘅）來自倫敦嘅電話呢。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
本來佢喺巴西做山寨王稱王稱霸做得好地地，但最近竟然失驚無神被法林明高炒魷魚。巴西權威媒體 UOL 爆料，原來佢被炒嘅導火線，竟然係因為我哋車仔個老細集團 BlueCo…………
車仔帥位懸空，菲臘仔以為執到支好籌
將時間線推返去大約兩個月前，當時車路士領隊個位啱啱懸空，全世界都估緊邊個接手。而同一時間，菲臘仔亦都同緊法林明高傾續約。
就喺呢個敏感時刻，BlueCo 走去Call菲臘仔。
菲臘仔心諗：「嘩！車仔帥位吉咗，BlueCo 呢個時候搵我？唔通想搵我呢個贏過南美自由盃、仲啱啱砌低過車仔嘅名宿，返去史丹福橋做救世主？重返英超執教，仲唔係發達？！」
為咗專心迎接呢份英超筍工，佢索性將法林明高主席啲 Message 擺埋一邊，足足三日「已讀不回」，一副準備執包袱飛去倫敦嘅姿態。
BlueCo 倫敦騙案，羅生去車仔你去史堡
點知傾到戲肉，BlueCo 啲高層笑笑口咁同佢開估：「菲臘呀，我哋車仔個位呢，已經決定咗畀羅仙尼亞㗎啦。不過我哋個體育企劃好宏大嘅……我哋係想請你去教法甲嘅史特拉斯堡呀！」
(小編：求菲臘仔當時嘅心理陰影面積。滿心歡喜以為去倫敦做豪門教頭，點知原來人哋只係當你係二線水泡，被水去法國鄉下幫人湊𡃁仔。BlueCo 啲 HR 係咪平時喺街邊呃阿婆買倫敦金出身？)
聽到係去史堡，菲臘仔當然即刻「耍手擰頭」失去興趣，拿拿臨扮無嘢發生過，走返去搵法林明高主席繼續傾續約。
職場大忌，騎牛搵馬俾老細捉到正
合約最後係簽咗，但世上無不透風嘅牆。法林明高主席好快就發現咗佢嗰三日「已讀不回」嘅真正原因。
喺老細眼中，你條友仔一邊同我傾續約，一邊私底下已經搵緊後路諗住跳槽，只不過係畀人彈鐘先死死地氣返嚟。雙方信任徹底破裂，最終法林明高主席搵到個藉口，直接將菲臘仔掃地出門。
總結：BlueCo 嘅傲慢與雙失的教訓
笑完菲臘仔表錯情、唔識「職場求生術」之後，其實我哋更應該笑下 BlueCo 嗰種堅離地嘅傲慢。
人哋菲臘仔教緊嘅係南美班霸法林明高，之前又喺世冠盃 3：1 技術性擊倒你隊車路士。BlueCo 竟然覺得，自己只要拋出「BlueCo 集團」個名，南美冠軍領隊就會願意降格，山長水遠飛去法國教你隊衛星球隊？到底係邊個畀自信你哋？
今次呢單騙案，菲臘比路爾斯就慘變雙失中年，教訓大家打工仔騎牛搵馬真係要小心，一日未簽約，千萬唔好「已讀不回」現任老細。
至於車迷？大家望下羅生依家個帥位同成績……話唔定去到夏天如果羅生真係無得留低，雙失緊嘅菲臘比路爾斯，真係有機會收到第二個（今次係真嘅）來自倫敦嘅電話呢。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊