車路士近年出產過唔少極具爭議嘅球員，但如果講到可以搞到球迷留言區分裂、甚至下下都要開片互鬧嘅，佐真奴認第二，絕對無人敢認第一。(諗諗下，米基爾都係應該係……)
憎佢嘅，當佢係超級水貨、只係識橫傳嘅呃飯食天王，甚至覺得佢適合加入香港政府；鍾意佢嘅，當佢係中場大師、戰術大腦，攞埋歐聯同歐國盃兼且入選金球獎第三名，直頭係神級存在，甚至幫佢改咗個極度挑釁嘅花名：球盲探測機。意思即係話：「如果你覺得佐真奴廢，即係你唔識波。」
呢句說話一出，往往火上加油。到底呢個名係戰術大師們嘅真理，定係純粹班死忠球迷喺度扮清高？今日無嘢寫，所以決定唔偏袒任何一邊，將正反兩邊嘅論點攤晒出嚟，拆解下佢到底係呃飯食，定係真材實料。
正方陳詞：條友真係呃飯食到一個點？
正方（或者叫 Haters）嘅觀點其實好直觀，因為大家都係用對眼去睇波，而佐真奴喺電視畫面上，的確經常呈現出一種令人極度燥底嘅狀態。以我睇咗咁多年討論區，Haters 對佢嘅控訴大約可以分為三大死罪：
第一宗罪：安全波大師
睇親佢踢波真係會火滾。明明前面有空位打反擊，佢永遠第一時間左右望再拎住個波轉身，然後穩穩陣陣咁傳返畀身後個中堅，完全拖慢晒成隊波嘅進攻節奏。
網上曾經瘋傳過一個極具煽動性嘅數據：2019 年初，佐真奴喺英超交出咗高達 1,896 次傳球，但竟然 0 助攻。一個自稱中場核心嘅大師級球員傳咗接近兩千次波但無助攻？喺 Haters 眼中，呢個絕對係佢只會傳安全章、毫無創造力嘅鐵證。
第二宗罪：防守黑洞，跑又跑唔贏，撞又撞唔贏
英超要求防守中場有咩質素？簡迪嗰種滿場飛，或者法比加斯嗰種手術刀傳送。但佐真奴呢？身形單薄、速度極慢。
每逢對手打反擊，一旦去到Open-field，你就會見到佢被對手啲快馬一步過，然後喺後面食塵，畫面極度狼狽。唔回防、唔識粗暴放鏟，對抗能力弱，令球迷睇到心驚膽跳，覺得佢根本保護唔到條防線。
第三宗罪：人生的記錄全靠小跳步刷出嚟
英超中場就算唔識派牌，通常都識後上遠射。但佐真奴無遠射威脅，禁區頂起腳往往直飛看台。
睇返佢嘅數據，佢職業生涯喺聯賽入過 58 球，當中有幾多球係十二碼？答案係：56 球。即係話，佢長達十幾年嘅職業生涯，非十二碼入球得嗰區區 2 球。佢所有高光嘅得分紀錄，都係靠嗰招招牌小跳步十二碼刷出嚟。抽走十二碼，佢嘅進攻數據根本同一個護級隊中堅無分別。
反方陳詞：識波先明佢價值？進階數據嘅反擊
聽完正方嘅控訴，係咪覺得佐真奴真係一無是處？但足球從來唔係淨係睇表面。反方（欣賞佢嘅球迷）點解會叫佢做大腦，甚至話識波先明佢價值？我哋用進階數據同戰術邏輯逐一反擊上面三大死罪：
反擊一：66% 向前傳球與「助攻的助攻」
印象中佢淨係識傳安全波、橫傳？錯晒。進階數據顯示，佐真奴喺巔峰期有高達 66% 嘅傳球係紮紮實實嘅向前傳球。
點解你視覺上覺得佢成日橫傳？因為對手泊大巴嗰陣，強行直傳只會甩波。佢不斷橫傳嘅真實戰術目的，係為咗移動對手防線重心，利用個波喺左右兩邊極速轉移，令對手防線出現半米寬嘅裂縫。
佢嘅定位從來唔係交出最後一傳嘅 10 號仔，而係負責將個波由後場安全運上危險地帶，交出助攻前嘅助攻 。
反擊二：防守靠「腦」唔靠「肉搏」
無錯，佢跑得慢又唔夠大隻。但防守係咪一定要滿場飛同飛身放鏟？佐真奴嘅防守方式叫做「預判」。
佢喺場上無時無刻都擰轉面做 Scanning，觀察緊對手同空間。2020 歐國盃意大利奪冠，佐真奴交出咗打破賽事歷史紀錄嘅 25 次攔截，而且佢仲要係成屆賽事跑動距離最長嘅球員，達 86.6公里。佢唔落鏟，因為佢一早已經企喺你條傳球路線上面，兵不血刃咁將危機化解。
反擊三：四大教頭爭住要嘅抗壓節拍器
十二碼的確佔咗佢入球嘅 99%，但擁有一個命中率接近 90% 嘅劊子手，本身就係極大嘅戰術資產。
更重要嘅係，佢擁有頂級嘅抗逼搶能力。面對英超極高強度嘅逼搶，佢依然可以維持 90% 以上嘅傳球成功率。有佢逗住中場，球隊先可以將混亂變成有序，先可以舒服咁組織。如果佢真係呃飯食，點解沙利、杜曹、文仙尼、阿迪達呢d風格各異嘅主帥，全部都不約而同當佢係戰術核心？
核心拆局：體系球員的極致，視覺盲點的犧牲品
將正反兩邊攤開晒，其實兩邊都無講錯。要為球盲探測機下一個最中肯嘅定論，或者有d事實我哋要有共識。
第一，佢絕對係一個極度依賴體系嘅球員。
佐真奴就好似一粒運算能力頂級嘅 CPU，但前提係你要幫佢配備一把極強嘅散熱風扇。
沙利年代踢 4-3-3 單防中，要佢一個人覆蓋極大空間，佢慢同弱嘅缺點被無限放大，變成防守黑洞；
但去到杜曹年代嘅 3-4-3 體系，旁邊有簡迪做超級打手幫佢掃蕩，身後有三中堅保護，佢嘅缺點被完美隱藏，組織天賦全面爆發，最終贏埋歐聯兼攞金球獎第三。
第二，點解叫球盲探測機？因為觀賞習慣嘅錯位。
普通球迷睇波，視線永遠只會同鏡頭一樣跟住個波走：邊個直線助攻、邊個世界波、邊個飛身鏟截，邊個就係英雄。但佐真奴嘅藝術，偏偏發生喺無球狀態下嘅思考同皮球遠離危險區域時嘅調度。亦姐係話多數係鏡頭影唔到嘅地方。
西班牙球壇有一句形容布斯基斯嘅名言：「如果你淨係睇場波，你睇唔到布斯基斯；但如果你望實布斯基斯，你會睇到整場比賽嘅脈絡。」
呢句說話，同樣完美套用喺佐真奴身上。佢唔符合英超傳統要求中場滿場飛、又要鏟又要射嘅英雄形象，佢亦都無可能一個人單挑對手成條中場線。但喺現代足球講求極致控球、拉扯空間同破解高位逼搶嘅戰術入面，佐真奴絕對係真材實料嘅頂級零件。
要識得欣賞佐真奴，你真係需要放低對傳統防守中場嘅刻板印象。話佢係球盲探測機可能太串，但佢絕對係一代被視覺觀感偏見所嚴重掩蓋嘅戰術大師。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
憎佢嘅，當佢係超級水貨、只係識橫傳嘅呃飯食天王，甚至覺得佢適合加入香港政府；鍾意佢嘅，當佢係中場大師、戰術大腦，攞埋歐聯同歐國盃兼且入選金球獎第三名，直頭係神級存在，甚至幫佢改咗個極度挑釁嘅花名：球盲探測機。意思即係話：「如果你覺得佐真奴廢，即係你唔識波。」
呢句說話一出，往往火上加油。到底呢個名係戰術大師們嘅真理，定係純粹班死忠球迷喺度扮清高？今日無嘢寫，所以決定唔偏袒任何一邊，將正反兩邊嘅論點攤晒出嚟，拆解下佢到底係呃飯食，定係真材實料。
正方陳詞：條友真係呃飯食到一個點？
正方（或者叫 Haters）嘅觀點其實好直觀，因為大家都係用對眼去睇波，而佐真奴喺電視畫面上，的確經常呈現出一種令人極度燥底嘅狀態。以我睇咗咁多年討論區，Haters 對佢嘅控訴大約可以分為三大死罪：
第一宗罪：安全波大師
睇親佢踢波真係會火滾。明明前面有空位打反擊，佢永遠第一時間左右望再拎住個波轉身，然後穩穩陣陣咁傳返畀身後個中堅，完全拖慢晒成隊波嘅進攻節奏。
網上曾經瘋傳過一個極具煽動性嘅數據：2019 年初，佐真奴喺英超交出咗高達 1,896 次傳球，但竟然 0 助攻。一個自稱中場核心嘅大師級球員傳咗接近兩千次波但無助攻？喺 Haters 眼中，呢個絕對係佢只會傳安全章、毫無創造力嘅鐵證。
第二宗罪：防守黑洞，跑又跑唔贏，撞又撞唔贏
英超要求防守中場有咩質素？簡迪嗰種滿場飛，或者法比加斯嗰種手術刀傳送。但佐真奴呢？身形單薄、速度極慢。
每逢對手打反擊，一旦去到Open-field，你就會見到佢被對手啲快馬一步過，然後喺後面食塵，畫面極度狼狽。唔回防、唔識粗暴放鏟，對抗能力弱，令球迷睇到心驚膽跳，覺得佢根本保護唔到條防線。
第三宗罪：人生的記錄全靠小跳步刷出嚟
英超中場就算唔識派牌，通常都識後上遠射。但佐真奴無遠射威脅，禁區頂起腳往往直飛看台。
睇返佢嘅數據，佢職業生涯喺聯賽入過 58 球，當中有幾多球係十二碼？答案係：56 球。即係話，佢長達十幾年嘅職業生涯，非十二碼入球得嗰區區 2 球。佢所有高光嘅得分紀錄，都係靠嗰招招牌小跳步十二碼刷出嚟。抽走十二碼，佢嘅進攻數據根本同一個護級隊中堅無分別。
反方陳詞：識波先明佢價值？進階數據嘅反擊
聽完正方嘅控訴，係咪覺得佐真奴真係一無是處？但足球從來唔係淨係睇表面。反方（欣賞佢嘅球迷）點解會叫佢做大腦，甚至話識波先明佢價值？我哋用進階數據同戰術邏輯逐一反擊上面三大死罪：
反擊一：66% 向前傳球與「助攻的助攻」
印象中佢淨係識傳安全波、橫傳？錯晒。進階數據顯示，佐真奴喺巔峰期有高達 66% 嘅傳球係紮紮實實嘅向前傳球。
點解你視覺上覺得佢成日橫傳？因為對手泊大巴嗰陣，強行直傳只會甩波。佢不斷橫傳嘅真實戰術目的，係為咗移動對手防線重心，利用個波喺左右兩邊極速轉移，令對手防線出現半米寬嘅裂縫。
佢嘅定位從來唔係交出最後一傳嘅 10 號仔，而係負責將個波由後場安全運上危險地帶，交出助攻前嘅助攻 。
反擊二：防守靠「腦」唔靠「肉搏」
無錯，佢跑得慢又唔夠大隻。但防守係咪一定要滿場飛同飛身放鏟？佐真奴嘅防守方式叫做「預判」。
佢喺場上無時無刻都擰轉面做 Scanning，觀察緊對手同空間。2020 歐國盃意大利奪冠，佐真奴交出咗打破賽事歷史紀錄嘅 25 次攔截，而且佢仲要係成屆賽事跑動距離最長嘅球員，達 86.6公里。佢唔落鏟，因為佢一早已經企喺你條傳球路線上面，兵不血刃咁將危機化解。
反擊三：四大教頭爭住要嘅抗壓節拍器
十二碼的確佔咗佢入球嘅 99%，但擁有一個命中率接近 90% 嘅劊子手，本身就係極大嘅戰術資產。
更重要嘅係，佢擁有頂級嘅抗逼搶能力。面對英超極高強度嘅逼搶，佢依然可以維持 90% 以上嘅傳球成功率。有佢逗住中場，球隊先可以將混亂變成有序，先可以舒服咁組織。如果佢真係呃飯食，點解沙利、杜曹、文仙尼、阿迪達呢d風格各異嘅主帥，全部都不約而同當佢係戰術核心？
核心拆局：體系球員的極致，視覺盲點的犧牲品
將正反兩邊攤開晒，其實兩邊都無講錯。要為球盲探測機下一個最中肯嘅定論，或者有d事實我哋要有共識。
第一，佢絕對係一個極度依賴體系嘅球員。
佐真奴就好似一粒運算能力頂級嘅 CPU，但前提係你要幫佢配備一把極強嘅散熱風扇。
沙利年代踢 4-3-3 單防中，要佢一個人覆蓋極大空間，佢慢同弱嘅缺點被無限放大，變成防守黑洞；
但去到杜曹年代嘅 3-4-3 體系，旁邊有簡迪做超級打手幫佢掃蕩，身後有三中堅保護，佢嘅缺點被完美隱藏，組織天賦全面爆發，最終贏埋歐聯兼攞金球獎第三。
第二，點解叫球盲探測機？因為觀賞習慣嘅錯位。
普通球迷睇波，視線永遠只會同鏡頭一樣跟住個波走：邊個直線助攻、邊個世界波、邊個飛身鏟截，邊個就係英雄。但佐真奴嘅藝術，偏偏發生喺無球狀態下嘅思考同皮球遠離危險區域時嘅調度。亦姐係話多數係鏡頭影唔到嘅地方。
西班牙球壇有一句形容布斯基斯嘅名言：「如果你淨係睇場波，你睇唔到布斯基斯；但如果你望實布斯基斯，你會睇到整場比賽嘅脈絡。」
呢句說話，同樣完美套用喺佐真奴身上。佢唔符合英超傳統要求中場滿場飛、又要鏟又要射嘅英雄形象，佢亦都無可能一個人單挑對手成條中場線。但喺現代足球講求極致控球、拉扯空間同破解高位逼搶嘅戰術入面，佐真奴絕對係真材實料嘅頂級零件。
要識得欣賞佐真奴，你真係需要放低對傳統防守中場嘅刻板印象。話佢係球盲探測機可能太串，但佢絕對係一代被視覺觀感偏見所嚴重掩蓋嘅戰術大師。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊