唔知大家仲記唔記得，幾個月前我寫過兩篇關於青訓嘅文章。一篇係講我哋自家出品嘅天才恩古莫亞 (Rio Ngumoha)，因為覺得車路士無晉升階梯，決定離隊轉投利物浦，去咗利記之後，季初的確有入過一球，但之後斷斷續續後備上陣但無乜表現；另一篇，就係我介紹由水晶宮免簽搶返嚟、被我形容為FFP現金卷嘅大力 (Jesse Derry)。
當時好多車迷（包括我）都喺度嘆息：車路士瘋狂買幼幼，搞到自家青訓睇唔到希望要走佬。上車，係咪等如入咗青訓墳墓？
但半年後，18 歲嘅大力喺足總盃對侯城嘅比賽中，正式為車路士一隊上演地標戰。佢嘅極速上位，加上《The Athletic》最近爆出嘅幾單猛料，似乎摑咗「車仔無晉升階梯」呢個論調一巴，所以今篇文，不妨借住大力呢個例子，講下現代青訓嘅全新體會。
神預言應驗：點解佢真係一個「入球型 Grealish」？
容許我喺入正題前自 High 一下。半年前我寫大力，話佢踢法唔靠絕對速度，而係靠節奏同假動作，係入球型嘅加利殊。
TA 最新篇文揭露咗一個驚人事實：加利殊真係大力嘅前輩。大力個老豆（前英超球員 Shaun Derry）當年做領隊帶過 17 歲嘅加利殊。亦因為呢層關係，加利殊一直睇住大力成長，大力亦承認自己一直模仿緊 加利殊。連里奧費迪南都有份喺 IG 恭喜佢地標戰。有呢班大佬加持，我上次算唔算係神預測先？
但真正令大力極速上位嘅，並唔係佢有幾多猛人撐腰，而係佢嘅心態。
青訓悖論：點解恩古莫亞要走，但大力卻極速上位？
返返去我哋個核心問題。恩古莫亞選擇利物浦，因為利物浦畀到一個清晰嘅上位藍圖佢。相反，大力當初離開水晶宮呢隊出名肯用後生仔嘅球隊，拒絕咗德國大球會嘅高薪誘惑，偏偏揀咗全世界覺得最難上位、翼鋒人滿為患可以開兩枱打牌嘅車路士。
點解一個原本無位嘅人，半年就踢到一隊？TA 話答案在於 Zero Ego (零自我中心)。
依家嘅球壇，一個 17、18 歲嘅青訓天才，往往好容易覺得自己係大爺，要求球會保證上陣時間，稍有不順就扭計轉會。但大力呢？TA 爆咗一單令人跌眼鏡嘅猛料。
喺大力為一隊上演地標戰嘅前四日，車路士 U18 喺主場出戰青年足總盃對曼城。當日有一隻官方吉祥物，係，就係果隻獅子：「史丹福雄獅」(Stamford the Lion) 喺場邊不停搞氣氛、同球迷影相。而嗰個笠住個獅子大頭套、喺場邊汗流浹背扮鬼扮馬嘅傻仔，就係大力本人。
試諗下，一個幾日後準備代表一隊上陣嘅超級新星，一個有 Skechers 贊助嘅天才，竟然主動走去扮吉祥物撐自己班 U18 兄弟？
據報，車路士內部對佢嘅性格評價極高，佢嚟咗半年已經成為 U21 更衣室嘅開心果，連隊長占士都經常親自過招兼指點佢。
Pathway 依然存在，只留給愛車嘅人
恩古莫亞嘅離開，絕對係車路士嘅損失，我哋亦祝福佢喺利物浦有好發展。但大力嘅故事話俾我哋知：車路士嘅青訓晉升階梯，其實從來無斷過。
只不過，喺依家呢個競爭極度激烈、容錯率極低嘅高壓環境下，球會要提拔一個年輕人，睇嘅已經唔單止係你扭波有幾靚、天賦有幾高。領隊同管理層更睇重嘅，係你願唔願意融入團隊、有冇嗰種「不問回報、隨時為球隊付出」嘅姿態。
一個肯放低身段，笠住個獅子頭套去幫隊友打氣嘅天才，正正就係任何領隊都會放心俾機會嘅人。
車路士用 100 萬鎊補償金，買到一個喺青年歐聯 7 場入 5 球、有實力、唔會自我中心、仲肯免費做埋球會吉祥物嘅死忠車迷。呢單交易，我哋絕對係執到寶。大力，我睇好你，繼續加油。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
當時好多車迷（包括我）都喺度嘆息：車路士瘋狂買幼幼，搞到自家青訓睇唔到希望要走佬。上車，係咪等如入咗青訓墳墓？
但半年後，18 歲嘅大力喺足總盃對侯城嘅比賽中，正式為車路士一隊上演地標戰。佢嘅極速上位，加上《The Athletic》最近爆出嘅幾單猛料，似乎摑咗「車仔無晉升階梯」呢個論調一巴，所以今篇文，不妨借住大力呢個例子，講下現代青訓嘅全新體會。
神預言應驗：點解佢真係一個「入球型 Grealish」？
容許我喺入正題前自 High 一下。半年前我寫大力，話佢踢法唔靠絕對速度，而係靠節奏同假動作，係入球型嘅加利殊。
TA 最新篇文揭露咗一個驚人事實：加利殊真係大力嘅前輩。大力個老豆（前英超球員 Shaun Derry）當年做領隊帶過 17 歲嘅加利殊。亦因為呢層關係，加利殊一直睇住大力成長，大力亦承認自己一直模仿緊 加利殊。連里奧費迪南都有份喺 IG 恭喜佢地標戰。有呢班大佬加持，我上次算唔算係神預測先？
但真正令大力極速上位嘅，並唔係佢有幾多猛人撐腰，而係佢嘅心態。
青訓悖論：點解恩古莫亞要走，但大力卻極速上位？
返返去我哋個核心問題。恩古莫亞選擇利物浦，因為利物浦畀到一個清晰嘅上位藍圖佢。相反，大力當初離開水晶宮呢隊出名肯用後生仔嘅球隊，拒絕咗德國大球會嘅高薪誘惑，偏偏揀咗全世界覺得最難上位、翼鋒人滿為患可以開兩枱打牌嘅車路士。
點解一個原本無位嘅人，半年就踢到一隊？TA 話答案在於 Zero Ego (零自我中心)。
依家嘅球壇，一個 17、18 歲嘅青訓天才，往往好容易覺得自己係大爺，要求球會保證上陣時間，稍有不順就扭計轉會。但大力呢？TA 爆咗一單令人跌眼鏡嘅猛料。
喺大力為一隊上演地標戰嘅前四日，車路士 U18 喺主場出戰青年足總盃對曼城。當日有一隻官方吉祥物，係，就係果隻獅子：「史丹福雄獅」(Stamford the Lion) 喺場邊不停搞氣氛、同球迷影相。而嗰個笠住個獅子大頭套、喺場邊汗流浹背扮鬼扮馬嘅傻仔，就係大力本人。
試諗下，一個幾日後準備代表一隊上陣嘅超級新星，一個有 Skechers 贊助嘅天才，竟然主動走去扮吉祥物撐自己班 U18 兄弟？
據報，車路士內部對佢嘅性格評價極高，佢嚟咗半年已經成為 U21 更衣室嘅開心果，連隊長占士都經常親自過招兼指點佢。
Pathway 依然存在，只留給愛車嘅人
恩古莫亞嘅離開，絕對係車路士嘅損失，我哋亦祝福佢喺利物浦有好發展。但大力嘅故事話俾我哋知：車路士嘅青訓晉升階梯，其實從來無斷過。
只不過，喺依家呢個競爭極度激烈、容錯率極低嘅高壓環境下，球會要提拔一個年輕人，睇嘅已經唔單止係你扭波有幾靚、天賦有幾高。領隊同管理層更睇重嘅，係你願唔願意融入團隊、有冇嗰種「不問回報、隨時為球隊付出」嘅姿態。
一個肯放低身段，笠住個獅子頭套去幫隊友打氣嘅天才，正正就係任何領隊都會放心俾機會嘅人。
車路士用 100 萬鎊補償金，買到一個喺青年歐聯 7 場入 5 球、有實力、唔會自我中心、仲肯免費做埋球會吉祥物嘅死忠車迷。呢單交易，我哋絕對係執到寶。大力，我睇好你，繼續加油。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊