紅牌FC好公道呀係咪？因為連埋今場，車路士今季已經喺聯賽拎咗足足 8 面紅牌，冠絕英超。差 3 張，我哋就可以砌出紅牌 11 人
對住排喺降班區邊緣嘅般尼，主場出擊，早早領先，原本以為可以輕取 3 分穩固前四位置。點知最後因為球員嘅紀律問題同領隊嘅過度保守，將一套喜劇變成咗一場災難。賽後好多車迷喺度屌鬼，但我睇完 90 分鐘，對今場波嘅總結只有兩個字：抵死。
首先要恭喜般尼，佢哋全場咬緊牙關，努力進攻最終得到回報，以最後 20 分鐘壓住車仔半場狂攻嘅表現嚟睇，般尼絕對值得拎走呢 1 分。如果唔係最後幾下死球頂高咗，分分鐘可以早早殺死比賽反勝埋。至於車仔點解會搞成咁？呢一切，都要由一個完美嘅開局講起。
比賽簡述：由完美開局到血壓飆升
今場波嘅劇本，完全係將車迷嘅心理質素推向極限。
一開波原本係完美劇本。開賽短短 4 分鐘，卡些度中場交出一個超通透直線，左路嘅尼圖狂奔接應後橫傳，祖奧柏度門前撞入。尼圖延續上場足總盃嘅勇態再交助攻，而祖奧柏度更攻入今季聯賽第 11 球，創下個人最佳紀錄。
但係紅牌FC點會俾你舒舒服服睇波？領先之後，各種熟悉嘅血壓飆升畫面開始出現：
先係 8 分鐘，門將山齊士竟然違反極罕見嘅「持球 8 秒」規則，無端端送咗個角球俾般尼，好彩倒戈嘅烏高卓古最後射高；去到 37 分鐘，彭馬把握到對方後衛失誤獲得單刀機會，可惜佢嘅左腳射門太正俾門將救出。加上安素早段喺禁區頂嘅遠射高出，車仔明明可以帶住兩、三球優勢返更衣室，偏偏要留低伏筆。
去到下半場，車仔繼續揮霍機會，例如 51 分鐘 Mejbri 後場派膠，祖奧柏度禁區內轉身抽射高出。未能拉開比數嘅懲罰，喺 72 分鐘正式降臨，本身就有一黃嘅科芬拿喺中場飛剷 Ward-Prowse，兩黃一紅被逐離場。
打少個嘅車路士形勢急轉直下，領隊羅生隨即縮後泊大巴。結果喺補時 93 分鐘，被 Ward-Prowse 斬出極具威脅嘅角球，Flemming 獅子搖頭頂入追和。最得人驚嘅係 96 分鐘，同一個位再輸一次角球，Bruun Larsen 竟然喺無人看管下頂高，車路士差啲連 1 分都保唔住。完場前戴納禁區頂一腳抽高，正式為呢場災難畫上句號。
戰術深潛：車路士的三個致命死因
死因一：前線的揮霍與右路「假翼鋒」的雙面刃
喺二安同基頓斯雙雙受傷，加上勇敢的加拿祖狀態低迷之下，羅生今場做咗個戰術實驗：安排安素 踢右路假翼鋒，由復出嘅隊長占士負責拉闊右路空間。
呢個佈局喺上半場其實運作得非常順暢。開波 4 分鐘個入球就係最佳證明：卡些度傳直線俾尼圖之前，特登用手勢指住占士做咗個假動作，成功呃走咗負責逼搶嘅 Jaidon Anthony，拉空咗中路，再配合球隊當時 2-4-4 嘅陣式直接打穿對手防線。
但戰術再好，前線把握力差都係徒然。全場車仔預期入球 (xG) 高達 1.99，但預期入球中龍 (xGOT) 竟然得 1.16，G-xG都高達-0.99，全場 3 次 Big Chances 錯失咗 2 次。明明係可以一劍封喉、早早拉開比數嘅黃金機會，偏偏前線三番四次去揮霍。當你俾一隊護級份子覺得自己仲有得打嘅時候，就等於為自己下半場嘅災難埋下伏線。
死因二：科芬拿嘅紅牌、齋戒月生理極限與領隊遲鈍
首先，嬲還嬲，賽後網絡上有好多針對科芬拿嘅惡毒種族歧視，我自己都同意呢啲網上欺凌絕對不可原諒，亦違背足球嘅核心價值。但譴責歸譴責，返去球場上嘅戰術層面，佢喺 72 分鐘嗰張黃牌，絕對係今場失分嘅直接死因。
身孭一張黃牌，竟然喺中場無即時威脅嘅區域，飛剷後備上陣嘅 Ward-Prowse，呢個舉動賽後被好多人鬧係無腦。但正如我之前喺專欄提過，科芬拿同托辛依家正值穆斯林嘅齋戒月。打到下半場 70 分鐘，正正係大腦缺糖、注意力同反應開始斷崖式下降嘅危險期。佢剷 Ward-Prowse 嗰下，明顯係大腦同身體脫節、反應慢咗半秒嘅 Late Lunge。比起話佢單純紀律差，不如話係體能同神經反應已經去到極限。
呢度就引伸出一個極嚴重嘅問題：領隊嘅失職。既然明知科芬拿身孭一張黃牌，加上齋戒月體力透支，點解去到 60 分鐘領先緊、控制住大局嘅時候，唔提早換走佢止蝕？呢張紅牌，羅生嘅 Game Management 絕對要負上一半責任。
更可悲嘅係，呢張已經係車路士今季聯賽嘅第 8 面紅牌。BlueCo 呢幾年盲目囤積所謂嘅妖人中堅，但陣中就係欠缺一個有經驗、識得喺逆境中穩定軍心同提場嘅防線領袖。只要呢個買人政策唔改，我敢保證紅牌FC 嘅戲碼陸續有來。
死因三：羅生的恐慌性換人與死球防守死穴
紅牌出現之後，羅生嘅反應可以話係恐慌性換人。74分鐘，佢即刻抽起全隊最具威脅嘅彭馬，換入另一位同樣處於齋戒月嘅中堅托辛。呢個調動唔係為咗穩定控球或者做更好嘅 Build-up 去消耗對手，而純粹係為咗填窿。
隨後再換入哈圖同沙亞呢啲防守球員，將成條防線縮到極度後退，完全係一副泊大巴捱打嘅姿態。但問題係，當你換入一堆轉身慢嘅中堅，兼且放棄咗中場控制權，面對住死球技能點滿咗嘅 Ward-Prowse ，縮得太後狂送罰球同角球，根本就係自殺。
果然，防線縮得太深嘅代價，就係喺 93 分鐘被 Ward-Prowse 斬出極具威脅嘅角球，Flemming 頂入追和。如果唔係般尼自己頂失另一球，車路士連 1 分都保唔住。一場原本穩操勝券嘅比賽，因為戰術上嘅過度保守同退縮，最終換嚟災難性嘅結局。
上面講過嘅黃牌管理就唔再重覆，如果今場比賽要搵分罪名比率，羅生 6 成，科芬拿 4 成，結案。
數據總結：統治力背後的虛妄
呢場波有兩組數據嘅極端反差，完美反映出車仔所謂統治力背後嘅虛無。
第一組係最令人痛心嘅恥辱紀錄：連埋今場被追平，車路士今季喺領先情況下，已經痛失咗高達 19 分 ，呢個數字直逼隊史最差嘅 95/96 (20分) 同 15/16 (16分) 球季。車迷而家一見到球隊領先，唔係覺得安樂，而係會產生PTSD，心諗幾時又會再自爆。
第二組數據係Field Tilt 同禁區內射門嘅反差。車路士全場嘅 Field Tilt 高達 73.1%，控球率 65.8%，傳球次數 533 對 240，喺中場傳送上完全輾壓對手。但係…車仔全場禁區內射門得 6 次，而般尼竟然有 8 次。
要講原因？全因為下半場車仔嘅進攻完全癱瘓，下半場 0 射中龍。特別係紅牌之後，般尼單靠死球 Set play 就創造咗 0.51 xG，喺禁區內翻江倒海。你喺中場猜得再靚、壓得再上，最後人哋喺你禁區內嘅起腳次數仲多過你，呢種無實質威脅嘅控球率，其實只係一種自我安慰。
總結：自作孽的惡果與下場的殘局
一場原本可以輕取 3 分、穩固前四位置嘅比賽，最終變成咁嘅下場，只能用返我引言果句，抵死。
強隊之所以係強隊，就係因為佢哋識得喺 1:0 嘅時候殺死比賽，而唔係好似車路士咁，每一次都要玩過山車挑戰球隊心臟健康。
呢場失分嘅代價遠不止兩分。下場比賽，車路士將會作客酋長球場迎戰榜首嘅阿仙奴。喺科芬拿紅牌停賽、古古同二安傷缺、左路可能又要古斯圖繼續客串嘅情況下，羅生手上嘅牌已經捉襟見肘。今場連前一日踢咗 45 分鐘嘅文員部經理拉維亞都要放埋落後備名單，可想而知車仔中後場嘅人手有幾緊絀。
對住般尼都守唔住勝果，下場對住火力全開唔想失分嘅阿仙奴，車迷們，趁屈臣氏有減價，買定降血壓藥啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
對住排喺降班區邊緣嘅般尼，主場出擊，早早領先，原本以為可以輕取 3 分穩固前四位置。點知最後因為球員嘅紀律問題同領隊嘅過度保守，將一套喜劇變成咗一場災難。賽後好多車迷喺度屌鬼，但我睇完 90 分鐘，對今場波嘅總結只有兩個字：抵死。
首先要恭喜般尼，佢哋全場咬緊牙關，努力進攻最終得到回報，以最後 20 分鐘壓住車仔半場狂攻嘅表現嚟睇，般尼絕對值得拎走呢 1 分。如果唔係最後幾下死球頂高咗，分分鐘可以早早殺死比賽反勝埋。至於車仔點解會搞成咁？呢一切，都要由一個完美嘅開局講起。
比賽簡述：由完美開局到血壓飆升
今場波嘅劇本，完全係將車迷嘅心理質素推向極限。
一開波原本係完美劇本。開賽短短 4 分鐘，卡些度中場交出一個超通透直線，左路嘅尼圖狂奔接應後橫傳，祖奧柏度門前撞入。尼圖延續上場足總盃嘅勇態再交助攻，而祖奧柏度更攻入今季聯賽第 11 球，創下個人最佳紀錄。
但係紅牌FC點會俾你舒舒服服睇波？領先之後，各種熟悉嘅血壓飆升畫面開始出現：
先係 8 分鐘，門將山齊士竟然違反極罕見嘅「持球 8 秒」規則，無端端送咗個角球俾般尼，好彩倒戈嘅烏高卓古最後射高；去到 37 分鐘，彭馬把握到對方後衛失誤獲得單刀機會，可惜佢嘅左腳射門太正俾門將救出。加上安素早段喺禁區頂嘅遠射高出，車仔明明可以帶住兩、三球優勢返更衣室，偏偏要留低伏筆。
去到下半場，車仔繼續揮霍機會，例如 51 分鐘 Mejbri 後場派膠，祖奧柏度禁區內轉身抽射高出。未能拉開比數嘅懲罰，喺 72 分鐘正式降臨，本身就有一黃嘅科芬拿喺中場飛剷 Ward-Prowse，兩黃一紅被逐離場。
打少個嘅車路士形勢急轉直下，領隊羅生隨即縮後泊大巴。結果喺補時 93 分鐘，被 Ward-Prowse 斬出極具威脅嘅角球，Flemming 獅子搖頭頂入追和。最得人驚嘅係 96 分鐘，同一個位再輸一次角球，Bruun Larsen 竟然喺無人看管下頂高，車路士差啲連 1 分都保唔住。完場前戴納禁區頂一腳抽高，正式為呢場災難畫上句號。
戰術深潛：車路士的三個致命死因
死因一：前線的揮霍與右路「假翼鋒」的雙面刃
喺二安同基頓斯雙雙受傷，加上勇敢的加拿祖狀態低迷之下，羅生今場做咗個戰術實驗：安排安素 踢右路假翼鋒，由復出嘅隊長占士負責拉闊右路空間。
呢個佈局喺上半場其實運作得非常順暢。開波 4 分鐘個入球就係最佳證明：卡些度傳直線俾尼圖之前，特登用手勢指住占士做咗個假動作，成功呃走咗負責逼搶嘅 Jaidon Anthony，拉空咗中路，再配合球隊當時 2-4-4 嘅陣式直接打穿對手防線。
但戰術再好，前線把握力差都係徒然。全場車仔預期入球 (xG) 高達 1.99，但預期入球中龍 (xGOT) 竟然得 1.16，G-xG都高達-0.99，全場 3 次 Big Chances 錯失咗 2 次。明明係可以一劍封喉、早早拉開比數嘅黃金機會，偏偏前線三番四次去揮霍。當你俾一隊護級份子覺得自己仲有得打嘅時候，就等於為自己下半場嘅災難埋下伏線。
死因二：科芬拿嘅紅牌、齋戒月生理極限與領隊遲鈍
首先，嬲還嬲，賽後網絡上有好多針對科芬拿嘅惡毒種族歧視，我自己都同意呢啲網上欺凌絕對不可原諒，亦違背足球嘅核心價值。但譴責歸譴責，返去球場上嘅戰術層面，佢喺 72 分鐘嗰張黃牌，絕對係今場失分嘅直接死因。
身孭一張黃牌，竟然喺中場無即時威脅嘅區域，飛剷後備上陣嘅 Ward-Prowse，呢個舉動賽後被好多人鬧係無腦。但正如我之前喺專欄提過，科芬拿同托辛依家正值穆斯林嘅齋戒月。打到下半場 70 分鐘，正正係大腦缺糖、注意力同反應開始斷崖式下降嘅危險期。佢剷 Ward-Prowse 嗰下，明顯係大腦同身體脫節、反應慢咗半秒嘅 Late Lunge。比起話佢單純紀律差，不如話係體能同神經反應已經去到極限。
呢度就引伸出一個極嚴重嘅問題：領隊嘅失職。既然明知科芬拿身孭一張黃牌，加上齋戒月體力透支，點解去到 60 分鐘領先緊、控制住大局嘅時候，唔提早換走佢止蝕？呢張紅牌，羅生嘅 Game Management 絕對要負上一半責任。
更可悲嘅係，呢張已經係車路士今季聯賽嘅第 8 面紅牌。BlueCo 呢幾年盲目囤積所謂嘅妖人中堅，但陣中就係欠缺一個有經驗、識得喺逆境中穩定軍心同提場嘅防線領袖。只要呢個買人政策唔改，我敢保證紅牌FC 嘅戲碼陸續有來。
死因三：羅生的恐慌性換人與死球防守死穴
紅牌出現之後，羅生嘅反應可以話係恐慌性換人。74分鐘，佢即刻抽起全隊最具威脅嘅彭馬，換入另一位同樣處於齋戒月嘅中堅托辛。呢個調動唔係為咗穩定控球或者做更好嘅 Build-up 去消耗對手，而純粹係為咗填窿。
隨後再換入哈圖同沙亞呢啲防守球員，將成條防線縮到極度後退，完全係一副泊大巴捱打嘅姿態。但問題係，當你換入一堆轉身慢嘅中堅，兼且放棄咗中場控制權，面對住死球技能點滿咗嘅 Ward-Prowse ，縮得太後狂送罰球同角球，根本就係自殺。
果然，防線縮得太深嘅代價，就係喺 93 分鐘被 Ward-Prowse 斬出極具威脅嘅角球，Flemming 頂入追和。如果唔係般尼自己頂失另一球，車路士連 1 分都保唔住。一場原本穩操勝券嘅比賽，因為戰術上嘅過度保守同退縮，最終換嚟災難性嘅結局。
上面講過嘅黃牌管理就唔再重覆，如果今場比賽要搵分罪名比率，羅生 6 成，科芬拿 4 成，結案。
數據總結：統治力背後的虛妄
呢場波有兩組數據嘅極端反差，完美反映出車仔所謂統治力背後嘅虛無。
第一組係最令人痛心嘅恥辱紀錄：連埋今場被追平，車路士今季喺領先情況下，已經痛失咗高達 19 分 ，呢個數字直逼隊史最差嘅 95/96 (20分) 同 15/16 (16分) 球季。車迷而家一見到球隊領先，唔係覺得安樂，而係會產生PTSD，心諗幾時又會再自爆。
第二組數據係Field Tilt 同禁區內射門嘅反差。車路士全場嘅 Field Tilt 高達 73.1%，控球率 65.8%，傳球次數 533 對 240，喺中場傳送上完全輾壓對手。但係…車仔全場禁區內射門得 6 次，而般尼竟然有 8 次。
要講原因？全因為下半場車仔嘅進攻完全癱瘓，下半場 0 射中龍。特別係紅牌之後，般尼單靠死球 Set play 就創造咗 0.51 xG，喺禁區內翻江倒海。你喺中場猜得再靚、壓得再上，最後人哋喺你禁區內嘅起腳次數仲多過你，呢種無實質威脅嘅控球率，其實只係一種自我安慰。
總結：自作孽的惡果與下場的殘局
一場原本可以輕取 3 分、穩固前四位置嘅比賽，最終變成咁嘅下場，只能用返我引言果句，抵死。
強隊之所以係強隊，就係因為佢哋識得喺 1:0 嘅時候殺死比賽，而唔係好似車路士咁，每一次都要玩過山車挑戰球隊心臟健康。
呢場失分嘅代價遠不止兩分。下場比賽，車路士將會作客酋長球場迎戰榜首嘅阿仙奴。喺科芬拿紅牌停賽、古古同二安傷缺、左路可能又要古斯圖繼續客串嘅情況下，羅生手上嘅牌已經捉襟見肘。今場連前一日踢咗 45 分鐘嘅文員部經理拉維亞都要放埋落後備名單，可想而知車仔中後場嘅人手有幾緊絀。
對住般尼都守唔住勝果，下場對住火力全開唔想失分嘅阿仙奴，車迷們，趁屈臣氏有減價，買定降血壓藥啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊