2026 年 2 月，當大家嘅眼球仲係聚焦緊英超爭標大戰嘅時候，或者有人等緊春暖花開時，有一單新聞可能被好多人輕輕碌過咗：前車路士中場、荷蘭球員馬高·雲真高 (Marco van Ginkel) 正式宣佈掛靴，享年 33 歲……
大吉利是！雲真高人無事，仲好地地，只係職業生涯結束啫。
講起雲真高，我對佢有一份好獨特又尷尬嘅私人回憶。好多年前，當佢加盟車路士嗰陣，我太興奮，結果手快快將佢個名打錯做雲高爾 (Van Gaal)。無錯，就係當時曼聯教練雲高爾。結果我俾網友瘋狂恥笑，足足笑咗半年。
可能係因為呢個笑話，亦可能係出於一種補償心理，自此之後，我一直好留意呢位球員嘅動向。當年睇住佢意氣風發加盟，心入面真係以為佢會係車路士未來十年的中場大腦，係下一位林柏特。
點知命運弄人，最後佢留俾車迷嘅印象，只係 Football Manager 入面嘅高潛力妖人，同埋一份長達九年但只踢咗四場波嘅失蹤人口報告。聽到佢退役，嗰種感覺唔係驚訝，而係一種終於畫上句號嘅唏噓。
摩佬欽點嘅林伯接班人
將時間回帶去 2013 年夏天，嗰陣嘅車路士正處於The Happy One：摩連奴回家嘅蜜月期。球隊中場線面臨換血，林柏特開始老，艾辛傷患多，米基爾唔拖唔水，摩佬急需搵一個有活力、有對抗性嘅接班人。
佢嘅目光鎖定咗當時效力維迪斯嘅雲真高。雲真高當年係拎住 「荷蘭年度最佳天才」(Johan Cruyff Trophy) 嘅銜頭加盟車路士嘅。
呢個獎有幾勁？上一屆得主係艾歷臣，下一屆係迪比。當年雲真高喺荷蘭球壇嘅評價，係同呢班後來嘅世界級(?) 球星平起平坐，甚至有過之而無不及。
據講當年摩連奴親自打電話俾雲真高，承諾佢唔會被外借，而係直接進入一隊輪換。而摩佬鍾意佢嘅原因唔難理解？因為雲真高係當時歐洲球壇極少數嘅 「全能型 B2B」。身高 186cm，有身體對抗；佢跑動範圍極大，可以覆蓋晒兩個禁區；最重要係，佢擁有同林柏特一樣嘅 「後上入球能力」。
喺維迪斯最後一個賽季，佢作為中場攻入 8 球，帶領球隊拎到聯賽第四。當時嘅球評家甚至預言，佢會係史奈達同雲達華治之後，荷蘭國家隊嘅新領軍人物。
帶住林柏特接班人嘅光環，雲真高以 900 萬鎊身價登陸史丹福橋。一切睇落都係咁美好，劇本都寫好晒，只等佢上位。
直到 2013 年 9 月嗰個夜晚，史雲頓嘅一場冷雨，將所有野沖刷得一乾二淨。
史雲頓那一夜的暴雨
2013 年 9 月 24 日，聯賽盃作客史雲頓。對於好多車迷嚟講，呢場不過係一場無關痛癢嘅盃賽，或者係一場睇下後備兵狀態嘅例行公事。但對於雲真高嚟講，呢個係佢適應英格蘭足球、向摩佬證明自己配得上正選嘅大舞台。
劇本原本係咁寫嘅：呢位年輕嘅荷蘭中場會喺這場比賽控制大局，展現佢嘅級數，然後一步步接過林柏特嘅火炬。可惜，個劇本只係維持咗 6 分鐘。
史雲頓球員阿歷士·柏列查特 (Alex Pritchard) 做出咗一下遲來嘅攔截。雲真高被對手撞到失去平衡、右腳以不正常角度落地，痛苦地捂住膝蓋。
呢度有Link，但如果唔鍾意睇嘅話記得慎入
最令人心酸嘅畫面係，雲真高當時試圖企返起身，甚至行咗幾步想繼續比賽。呢位硬漢唔想就咁認輸，亦唔想錯過證明自己嘅機會。但一下咔嚓聲後，佢再次倒下。
賽後報告出爐：ACL 完全撕裂。
ACL斷裂，唔單止斷送咗佢嘅處子賽季，更係將佢原本直線上升嘅職業生涯硬生生折斷。如果無嗰一腳，佢會唔會已經係車路士嘅傳奇？無人知。但肯定嘅係，嗰晚之後，我哋就無再見到嗰個滿場飛、無所畏懼嘅雲真高。
消失的九年與 983 天的黑暗
隨後嘅故事，就係大家熟悉又陌生嘅失蹤人口檔案。
由 2013 年簽約到 2021 年離隊，雲真高係車路士嘅帳面上逗留咗足足 9 年。但殘酷佢為車路士一線隊上陣嘅次數，定格喺 4 場。總比賽時間，不足 100 分鐘。
好多人笑佢係水貨，笑車路士做緊水魚不斷續約。但如果你肯睇深一層，你會發現佢絕對唔係水貨，而係一個被傷患囚禁嘅頂級球星。
PSV 的短暫光輝：證明摩佬無睇錯
喺佢外借去 PSV燕豪芬嗰段日子，只要對腳聽話，佢就係荷甲嘅王者。
特別係 2017/18 賽季，佢戴住隊長臂章，以中場球員身份攻入 14 球，帶領 PSV 贏得荷甲冠軍。嗰陣嘅佢，遠射、後上、甚至十二碼都由佢包辦。佢用表現狠狠地摑咗質疑者一巴：「只要我健康，我就係世界級。」
車路士的人情味：不離不棄的 983 天
既然佢咁勁，點解唔返車仔？因為個天始終唔肯放過佢。2018 年，佢膝頭手術後遭遇嚴重細菌感染。根據佢後來嘅訪問，嗰次感染差啲令佢要截肢。由 2018 年 6 月到 2021 年 4 月，足足 983 天，佢無踢過一場波。
喺呢段最黑暗嘅日子，車路士做咗一件好有人情味嘅事。球會無選擇同佢解約，反而係繼續同佢續約。好多人以為係為咗轉會費，但其實當時嘅雲真高根本無人會買。車路士養住佢，係為咗俾佢最好嘅醫療支援，等佢唔使擔心生計，專心做復健。
呢份長達 9 年嘅合約，與其話係一單生意，不如話係油王時期車路士對一位因工受傷員工嘅道義責任。(Well，呢一刻車仔都養住唔少文員……)
總結：輸給了運氣的鬥士
回望雲真高嘅職業生涯，數據定格喺 274 場比賽、60 個入球。對於一個普通球員嚟講，我會話係一份合格有餘嘅成績表；但對於一個曾經被視為荷蘭未來領袖、林伯接班人嘅天才嚟講，呢份成績表太過單薄，太過令人氣餒。
但足球世界無如果。現實亦無 Take Two。
雲真高無認輸，甚至繼續付出努力，試問有幾多人可以喺差少少要截肢後重新企起身上場踢波？佢只係輸俾該死嘅運氣。
「悲情天才」嘅標籤或許會跟隨佢一生，但喺我心目中，佢係一位值得尊重嘅鬥士。佢用原本應該係黃金歲月嘅時間，去打贏咗一場關於行走與生存嘅仗。
希望你退役後嘅生活，膝頭哥唔再痛，行得走得，享受返你應得嘅快樂。
Happy Retirement, Marco.
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
大吉利是！雲真高人無事，仲好地地，只係職業生涯結束啫。
講起雲真高，我對佢有一份好獨特又尷尬嘅私人回憶。好多年前，當佢加盟車路士嗰陣，我太興奮，結果手快快將佢個名打錯做雲高爾 (Van Gaal)。無錯，就係當時曼聯教練雲高爾。結果我俾網友瘋狂恥笑，足足笑咗半年。
可能係因為呢個笑話，亦可能係出於一種補償心理，自此之後，我一直好留意呢位球員嘅動向。當年睇住佢意氣風發加盟，心入面真係以為佢會係車路士未來十年的中場大腦，係下一位林柏特。
點知命運弄人，最後佢留俾車迷嘅印象，只係 Football Manager 入面嘅高潛力妖人，同埋一份長達九年但只踢咗四場波嘅失蹤人口報告。聽到佢退役，嗰種感覺唔係驚訝，而係一種終於畫上句號嘅唏噓。
摩佬欽點嘅林伯接班人
將時間回帶去 2013 年夏天，嗰陣嘅車路士正處於The Happy One：摩連奴回家嘅蜜月期。球隊中場線面臨換血，林柏特開始老，艾辛傷患多，米基爾唔拖唔水，摩佬急需搵一個有活力、有對抗性嘅接班人。
佢嘅目光鎖定咗當時效力維迪斯嘅雲真高。雲真高當年係拎住 「荷蘭年度最佳天才」(Johan Cruyff Trophy) 嘅銜頭加盟車路士嘅。
呢個獎有幾勁？上一屆得主係艾歷臣，下一屆係迪比。當年雲真高喺荷蘭球壇嘅評價，係同呢班後來嘅世界級(?) 球星平起平坐，甚至有過之而無不及。
據講當年摩連奴親自打電話俾雲真高，承諾佢唔會被外借，而係直接進入一隊輪換。而摩佬鍾意佢嘅原因唔難理解？因為雲真高係當時歐洲球壇極少數嘅 「全能型 B2B」。身高 186cm，有身體對抗；佢跑動範圍極大，可以覆蓋晒兩個禁區；最重要係，佢擁有同林柏特一樣嘅 「後上入球能力」。
喺維迪斯最後一個賽季，佢作為中場攻入 8 球，帶領球隊拎到聯賽第四。當時嘅球評家甚至預言，佢會係史奈達同雲達華治之後，荷蘭國家隊嘅新領軍人物。
帶住林柏特接班人嘅光環，雲真高以 900 萬鎊身價登陸史丹福橋。一切睇落都係咁美好，劇本都寫好晒，只等佢上位。
直到 2013 年 9 月嗰個夜晚，史雲頓嘅一場冷雨，將所有野沖刷得一乾二淨。
史雲頓那一夜的暴雨
2013 年 9 月 24 日，聯賽盃作客史雲頓。對於好多車迷嚟講，呢場不過係一場無關痛癢嘅盃賽，或者係一場睇下後備兵狀態嘅例行公事。但對於雲真高嚟講，呢個係佢適應英格蘭足球、向摩佬證明自己配得上正選嘅大舞台。
劇本原本係咁寫嘅：呢位年輕嘅荷蘭中場會喺這場比賽控制大局，展現佢嘅級數，然後一步步接過林柏特嘅火炬。可惜，個劇本只係維持咗 6 分鐘。
史雲頓球員阿歷士·柏列查特 (Alex Pritchard) 做出咗一下遲來嘅攔截。雲真高被對手撞到失去平衡、右腳以不正常角度落地，痛苦地捂住膝蓋。
呢度有Link，但如果唔鍾意睇嘅話記得慎入
最令人心酸嘅畫面係，雲真高當時試圖企返起身，甚至行咗幾步想繼續比賽。呢位硬漢唔想就咁認輸，亦唔想錯過證明自己嘅機會。但一下咔嚓聲後，佢再次倒下。
賽後報告出爐：ACL 完全撕裂。
ACL斷裂，唔單止斷送咗佢嘅處子賽季，更係將佢原本直線上升嘅職業生涯硬生生折斷。如果無嗰一腳，佢會唔會已經係車路士嘅傳奇？無人知。但肯定嘅係，嗰晚之後，我哋就無再見到嗰個滿場飛、無所畏懼嘅雲真高。
消失的九年與 983 天的黑暗
隨後嘅故事，就係大家熟悉又陌生嘅失蹤人口檔案。
由 2013 年簽約到 2021 年離隊，雲真高係車路士嘅帳面上逗留咗足足 9 年。但殘酷佢為車路士一線隊上陣嘅次數，定格喺 4 場。總比賽時間，不足 100 分鐘。
好多人笑佢係水貨，笑車路士做緊水魚不斷續約。但如果你肯睇深一層，你會發現佢絕對唔係水貨，而係一個被傷患囚禁嘅頂級球星。
PSV 的短暫光輝：證明摩佬無睇錯
喺佢外借去 PSV燕豪芬嗰段日子，只要對腳聽話，佢就係荷甲嘅王者。
特別係 2017/18 賽季，佢戴住隊長臂章，以中場球員身份攻入 14 球，帶領 PSV 贏得荷甲冠軍。嗰陣嘅佢，遠射、後上、甚至十二碼都由佢包辦。佢用表現狠狠地摑咗質疑者一巴：「只要我健康，我就係世界級。」
車路士的人情味：不離不棄的 983 天
既然佢咁勁，點解唔返車仔？因為個天始終唔肯放過佢。2018 年，佢膝頭手術後遭遇嚴重細菌感染。根據佢後來嘅訪問，嗰次感染差啲令佢要截肢。由 2018 年 6 月到 2021 年 4 月，足足 983 天，佢無踢過一場波。
喺呢段最黑暗嘅日子，車路士做咗一件好有人情味嘅事。球會無選擇同佢解約，反而係繼續同佢續約。好多人以為係為咗轉會費，但其實當時嘅雲真高根本無人會買。車路士養住佢，係為咗俾佢最好嘅醫療支援，等佢唔使擔心生計，專心做復健。
呢份長達 9 年嘅合約，與其話係一單生意，不如話係油王時期車路士對一位因工受傷員工嘅道義責任。(Well，呢一刻車仔都養住唔少文員……)
總結：輸給了運氣的鬥士
回望雲真高嘅職業生涯，數據定格喺 274 場比賽、60 個入球。對於一個普通球員嚟講，我會話係一份合格有餘嘅成績表；但對於一個曾經被視為荷蘭未來領袖、林伯接班人嘅天才嚟講，呢份成績表太過單薄，太過令人氣餒。
但足球世界無如果。現實亦無 Take Two。
雲真高無認輸，甚至繼續付出努力，試問有幾多人可以喺差少少要截肢後重新企起身上場踢波？佢只係輸俾該死嘅運氣。
「悲情天才」嘅標籤或許會跟隨佢一生，但喺我心目中，佢係一位值得尊重嘅鬥士。佢用原本應該係黃金歲月嘅時間，去打贏咗一場關於行走與生存嘅仗。
希望你退役後嘅生活，膝頭哥唔再痛，行得走得，享受返你應得嘅快樂。
Happy Retirement, Marco.
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊