如果大家仲記得，上年夏天轉會窗尾聲，車路士上演咗一幕相當有娛樂性嘅鬧劇。我文都寫咗兩篇，講當時領隊馬蛇覺得積臣唔啱用，積臣又覺得車仔買祖奧柏度同戴納返嚟會減少咗佢出場時間，大家講完一輪，車仔就決定將積臣外借去拜仁慕尼黑。點知臨飛嗰刻，車仔因為戴納突然傷咗，急急腳想彈弓手叫停單交易。
結果呢？積臣同佢個團隊企硬，心意已決頭也不回咁飛咗去德國。
點知大半年後嘅今日，轉會大神 Fabrizio Romano 爆料，話拜仁已經決定季尾唔會買斷積臣。兜兜轉轉，積臣今個夏天似乎又要執包袱，乖乖地飛返倫敦史丹福橋報到。
但咁就慘啦…當日離家出走果時講得大聲咗，家陣拜仁唔收留。所以今篇文嚟食下花生，睇下呢位當日走得咁決絕嘅塞內加爾前鋒，點解會淪落到俾拜仁彈鐘？故事又有咩發展嘅可能。
拜仁彈鐘死因：過於嚴苛嘅買斷條款？
拜仁今次決定退貨，最大原因係當日傾落嗰份合約，門檻實在太高。
當初拜仁借積臣，佢嘅經理人為佢爭取咗一個相當有自信嘅條款，如果積臣為拜仁上陣 40 場比賽，而且每場踢足 45 分鐘，咁拜仁季尾就要俾 5,600萬 嘅強制買斷。
有自信係好事嚟嘅，咁去到依家 2 月中，積臣又上陣咗幾多次呢？睇返記錄，佢喺拜仁各項賽事合共上陣咗 21 次，入咗 5 球。聽落好似唔算太差？但致命傷係，呢 20 幾場入面，只有區區 7 場係踢夠 45 分鐘。換言之，佢喺高柏尼手下，大部份時間只係一個用嚟消磨時間或者尾段搏亂嘅後備殺手。
最近喺德國盃對 RB 萊比錫嘅大戰，積臣更加係今季首次無傷無病但連大軍名單都入唔到。連後備席都冇位坐，呢個信號已經好明顯：拜仁高層同教練團都覺得佢未達標。
既然出場時間遠遠追唔上進度，拜仁自然順水推舟，慳返呢筆 5,600 萬鎊嘅巨款，準備季尾將積臣原封不動咁送返俾車路士。
數據解密：係水土不服定係戰術唔夾？
點解一個當初喺車路士入球率唔差 (雖然把握力少少差) 嘅前鋒，去到德甲會搞到連後備都冇得做？攤開積臣今季嘅數據，你會發現一個好極端嘅現象。
其實佢嘅入球觸覺並無退化。佢每 90 分鐘入 0.61 球，預期入球 (xG) 亦有 0.62 球，證明佢走到靚位、搵到起腳機會，依然保持到射手本色。
但致命傷在於佢嘅功能極度單一。喺拜仁呢種下下壓住對手半場攻、面對對手擺大巴嘅強隊，中鋒唔單止要識自己射，仲要識做波同埋做支點。而積臣喺這兩方面嘅表現係災難級：
助攻數係 0：證明佢完全無派牌或者幫隊友拉扯開路嘅能力。
對抗成功率只有32.6%：做唔到爆破點或者停波嘅支點作用。
拜仁需要嘅係一個識串聯進攻、技術細膩嘅全能中鋒，陣中已經有個近乎完美嘅哈利簡尼，而積臣偏偏係一個技術相對粗糙、只擅長直上直落同捕位嘅跑狗型前鋒。戰術完全唔夾，水土不服加上爭唔贏正選，被彈鐘絕對係意料之內。
季尾何去何從：意甲招手定係留隊逢春？
既然拜仁唔要，咁積臣今個夏天點算？
Fabrizio Romano 喺佢個 YouTube 頻道就大爆，話積臣喺意甲一直有好好嘅評價，有唔少意大利球會甚至英超其他隊伍都吼緊佢。不過，熟波嘅車迷應該都知，意甲出手不嬲唔算闊綽，睇怕就無乜球隊可以出到啱車仔心水嘅價位。
而另一邊，對於車迷嚟講最有趣嘅發展可能係：積臣隨時會留喺史丹福橋，迎來大翻身。
當日有份嫌棄積臣、將佢踢走嗰位係前領隊馬蛇。但依家車路士已經改朝換代，由羅生揸旗，羅生套戰術最講求咩？就係前場瘋狂高位逼搶。
睇返積臣份數據，雖然佢助攻同對抗麻麻，但佢有一項數據係極度黐線嘅：進攻三區奪回控球權平均做到 1.21 次，係德甲頂級水平，呢個正正係羅生夢寐以求嘅逼搶怪獸特質。
加上車仔依家鋒線都有隱憂：戴納把握力時好時壞、前途未明；而預定加盟嘅新兵艾美加又需要時間適應。球會同時又諗好咗下季一定會外借古爾俾佢有更多上陣時間。所以積臣係下季，回歸車路士嘅可能唔一定係零。
總結：塞翁失馬，焉知非福？
當日積臣外借拜仁，經理人大大聲講：「飛機唔會向後飛」，搞到場面相當尷尬。結果依家拜仁退貨，架飛機似乎真係要掉頭飛返倫敦。
足球世界就係咁奇妙，無永遠嘅敵人。今次德甲之旅對 24 歲嘅積臣嚟講，絕對係一次好好嘅認清自我經歷：佢證明咗自己未必做到拜仁渴求嘅全能中鋒，但佢依然有獨特嘅強項。
與其賤價賣走佢，不如趁住球隊換咗個啱心水嘅領隊，俾佢重新出發。完季之後，返倫敦講句：「對唔住，季初語氣重咗小小，唔好意思…」睇下避唔避免到自己跌入炸彈小隊，用佢嗰對不知疲倦嘅腳步去執行羅生嘅逼搶戰術，塞翁失馬，分分鐘係車路士下季鋒線嘅最大驚喜。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
結果呢？積臣同佢個團隊企硬，心意已決頭也不回咁飛咗去德國。
點知大半年後嘅今日，轉會大神 Fabrizio Romano 爆料，話拜仁已經決定季尾唔會買斷積臣。兜兜轉轉，積臣今個夏天似乎又要執包袱，乖乖地飛返倫敦史丹福橋報到。
但咁就慘啦…當日離家出走果時講得大聲咗，家陣拜仁唔收留。所以今篇文嚟食下花生，睇下呢位當日走得咁決絕嘅塞內加爾前鋒，點解會淪落到俾拜仁彈鐘？故事又有咩發展嘅可能。
拜仁彈鐘死因：過於嚴苛嘅買斷條款？
拜仁今次決定退貨，最大原因係當日傾落嗰份合約，門檻實在太高。
當初拜仁借積臣，佢嘅經理人為佢爭取咗一個相當有自信嘅條款，如果積臣為拜仁上陣 40 場比賽，而且每場踢足 45 分鐘，咁拜仁季尾就要俾 5,600萬 嘅強制買斷。
有自信係好事嚟嘅，咁去到依家 2 月中，積臣又上陣咗幾多次呢？睇返記錄，佢喺拜仁各項賽事合共上陣咗 21 次，入咗 5 球。聽落好似唔算太差？但致命傷係，呢 20 幾場入面，只有區區 7 場係踢夠 45 分鐘。換言之，佢喺高柏尼手下，大部份時間只係一個用嚟消磨時間或者尾段搏亂嘅後備殺手。
最近喺德國盃對 RB 萊比錫嘅大戰，積臣更加係今季首次無傷無病但連大軍名單都入唔到。連後備席都冇位坐，呢個信號已經好明顯：拜仁高層同教練團都覺得佢未達標。
既然出場時間遠遠追唔上進度，拜仁自然順水推舟，慳返呢筆 5,600 萬鎊嘅巨款，準備季尾將積臣原封不動咁送返俾車路士。
數據解密：係水土不服定係戰術唔夾？
點解一個當初喺車路士入球率唔差 (雖然把握力少少差) 嘅前鋒，去到德甲會搞到連後備都冇得做？攤開積臣今季嘅數據，你會發現一個好極端嘅現象。
其實佢嘅入球觸覺並無退化。佢每 90 分鐘入 0.61 球，預期入球 (xG) 亦有 0.62 球，證明佢走到靚位、搵到起腳機會，依然保持到射手本色。
但致命傷在於佢嘅功能極度單一。喺拜仁呢種下下壓住對手半場攻、面對對手擺大巴嘅強隊，中鋒唔單止要識自己射，仲要識做波同埋做支點。而積臣喺這兩方面嘅表現係災難級：
助攻數係 0：證明佢完全無派牌或者幫隊友拉扯開路嘅能力。
對抗成功率只有32.6%：做唔到爆破點或者停波嘅支點作用。
拜仁需要嘅係一個識串聯進攻、技術細膩嘅全能中鋒，陣中已經有個近乎完美嘅哈利簡尼，而積臣偏偏係一個技術相對粗糙、只擅長直上直落同捕位嘅跑狗型前鋒。戰術完全唔夾，水土不服加上爭唔贏正選，被彈鐘絕對係意料之內。
季尾何去何從：意甲招手定係留隊逢春？
既然拜仁唔要，咁積臣今個夏天點算？
Fabrizio Romano 喺佢個 YouTube 頻道就大爆，話積臣喺意甲一直有好好嘅評價，有唔少意大利球會甚至英超其他隊伍都吼緊佢。不過，熟波嘅車迷應該都知，意甲出手不嬲唔算闊綽，睇怕就無乜球隊可以出到啱車仔心水嘅價位。
而另一邊，對於車迷嚟講最有趣嘅發展可能係：積臣隨時會留喺史丹福橋，迎來大翻身。
當日有份嫌棄積臣、將佢踢走嗰位係前領隊馬蛇。但依家車路士已經改朝換代，由羅生揸旗，羅生套戰術最講求咩？就係前場瘋狂高位逼搶。
睇返積臣份數據，雖然佢助攻同對抗麻麻，但佢有一項數據係極度黐線嘅：進攻三區奪回控球權平均做到 1.21 次，係德甲頂級水平，呢個正正係羅生夢寐以求嘅逼搶怪獸特質。
加上車仔依家鋒線都有隱憂：戴納把握力時好時壞、前途未明；而預定加盟嘅新兵艾美加又需要時間適應。球會同時又諗好咗下季一定會外借古爾俾佢有更多上陣時間。所以積臣係下季，回歸車路士嘅可能唔一定係零。
總結：塞翁失馬，焉知非福？
當日積臣外借拜仁，經理人大大聲講：「飛機唔會向後飛」，搞到場面相當尷尬。結果依家拜仁退貨，架飛機似乎真係要掉頭飛返倫敦。
足球世界就係咁奇妙，無永遠嘅敵人。今次德甲之旅對 24 歲嘅積臣嚟講，絕對係一次好好嘅認清自我經歷：佢證明咗自己未必做到拜仁渴求嘅全能中鋒，但佢依然有獨特嘅強項。
與其賤價賣走佢，不如趁住球隊換咗個啱心水嘅領隊，俾佢重新出發。完季之後，返倫敦講句：「對唔住，季初語氣重咗小小，唔好意思…」睇下避唔避免到自己跌入炸彈小隊，用佢嗰對不知疲倦嘅腳步去執行羅生嘅逼搶戰術，塞翁失馬，分分鐘係車路士下季鋒線嘅最大驚喜。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊