老老實實，我同好多球迷一樣，平時主要都係睇男子隊，到呢一刻為止，女足嘅文章得一篇，我自問對女足嘅認識真係唔算深。
但今次發生喺女足身上嘅呢單大地震，嚴重程度堪比將一件絕妙嘅藝術品撕爛，甚至預示緊整個車路士球會未來嘅管治災難。所以，就算唔熟，我都特登去做咗一大輪資料搜集，同大家分享下到底發生緊咩事。
先戴個頭盔：如果你對女足零興趣，咁呢篇文你可以睇到呢度，直接按上一頁返出去。
但如果你係車仔死忠，想知多啲 BlueCo 班高層，特別係兩位體育總監 Winstanley 同 Stewart，依家個管治手腕有幾冷血同恐怖，點樣為咗集權而摧毀一隊長勝軍，咁你嚟啱地方啦。
PAUL GREEN 係邊個？
先講返標題，你第一個反應可能會問：Paul Green 乜水呀？
佢唔係落場踢波嘅球員，亦唔係帶領車女贏盡天下嘅前神級領隊Emma Hayes。佢係效力咗車路士足足 13 年嘅女足總監。
根據車路士女足名宿 Karen Carney 最新嘅專欄爆料，Paul Green 簡直係車女 12 年霸業（包括咗贏過 7 次聯賽冠軍、5 次足總盃、殺入歐聯決賽）背後嘅轉會大腦。
Carney 回憶當年自己點解會加盟車路士，正正係因為 Paul Green。當時車路士前線已經人才濟濟，Carney 有啲猶豫。點知 Green 飛埋去好直接、好霸氣咁同佢講：「個計劃我已經話咗俾你聽，你想唔想嚟自己決定。但我話你知，無論有冇你加盟，我哋都會繼續贏落去。」就係呢種氣場同贏家心態，令無數頂級球星心甘情願為車路士效力。
喺過去十幾年，Emma Hayes 負責喺場上教波同激勵球員，而不苟言笑嘅 Paul Green 就負責做平衡、講數、買人、傾合約。佢哋係一凹一凸嘅完美組合。可以咁講：無 Paul Green，就無今日稱霸英格蘭嘅車路士女足。
但就係一個咁重要嘅開國功臣，啱啱個星期一，俾 BlueCo 一腳踢走咗。
一場外行管內行嘅粗暴宮鬥
自從 Emma Hayes 喺 2024 年離隊去教美國女足後，車女就進入咗由新領隊 Sonia Bompastor 領軍嘅時代。Bompastor 第一季成績唔錯，但去到今季，高層嘅魔爪終於伸入女足更衣室。
導火線係咩？因為 BlueCo 派咗完全無女足經驗嘅男子隊總監 Winstanley 同 Stewart 去搶權。佢哋覺得女足個營運模式唔夠「BlueCo」，想將男子隊嗰套瘋狂買賣球員圖利、狂簽短期合約嘅模式搬過嚟。結果，一向行事果斷嘅 Paul Green 被架空，買個球員要過五關斬六將，甚至連冬窗想買人都買唔到。
最令人不齒嘅，係 BlueCo 炒 Paul Green 嘅公關災難。根據《The Athletic》爆料，高層竟然喺出 Official 官方聲明前短短 6 分鐘，先出封 Internal Email 通知班球員同員工，大佬呀，做咗十幾年嘅功臣喎，有資深球員直斥呢種做法可恥。
一石激起千重浪，更衣室瞬間兵變。隊長 Millie Bright 喺 IG 直言感到崩潰，皇牌 Sam Kerr、James、Macario 等核心球員集體出 Post 懷念 Green。
軍心大亂，直接反映喺球場上。車女啱啱以 0-2 輸俾阿仙奴，再以 1-5 慘敗俾曼城，落後榜首 9 分，提早退出爭標行列。呢個係車女自 2015 年以嚟首次聯賽連敗。中場大將 Cuthbert 賽後一句心底話，聽得出班球員有幾絕望：「有時我哋忘記咗點樣踢波。」
最諷刺嘅係，喺大敗同炒人嘅敏感時刻，高層竟然火速宣佈同領隊 Bompastor 續約到 2030 年。擺明就係想借維穩去話俾班球員聽：「領隊係我哋嘅人，你哋乖乖地聽話。」
星散危機與 U25 政策殺入女足
踢走咗 13 年功臣，車女今個夏天嘅轉會窗肯定大爆炸。
以往有 Paul Green 坐鎮，續約同買人都係佢一手包辦。但依家？對於唔睇女足嘅朋友，你可以當依家係女足版嘅「泰利、林柏特、杜奧巴」齊齊喺季尾約滿！包括隊長 Millie Bright、首席入球機器 Sam Kerr 在內，成條奪冠大骨幹全部都喺今個夏天完約。
最大鑊嘅係，據報其中一位中場核心 Macario 已經對高層心灰意冷，直接拒絕續約。Blue Co. 呢邊有往績可尋，剛入主已經嚇到男足一眾歐冠主力跳船，而家女足呢邊無咗 Paul Green 呢個大內總管去講數同安撫，加上球隊立立亂，呢班主力夏天集體跳船絕對唔係唔可能。
車女名宿 Karen Carney 喺專欄度都警告：今年夏天，車女喺轉會市場將會失去所有叫座力。以前 Paul Green 買人，開場白係：「我哋係車路士，我哋包保贏冠軍。」今年夏天呢？高層只能夠同目標球員講：「我哋重建緊，會好艱難，你嚟唔嚟陪我哋捱？」
更恐怖嘅係，Carney 預計 Winstanley 會全面複製男子隊嗰套「U25 政策」落女足。放棄成熟、有即食戰力嘅大將，走去迷信年輕球員同超長合約。BlueCo 似乎忘記咗，女足同男足個生態根本唔同，夾硬洗牌只會加速死亡。
總結：何必去修理一件冇壞嘅機器？
過去幾年，當男子隊經歷大風大浪、無冠兼混亂嘅時候，女足係部份車迷嘅心靈綠洲，因為佢哋代表住車路士最引以為傲嘅絕對勝利。
但 BlueCo 成功將一隊運作完美、年年攞冠軍嘅鐵血之師，變成另一支充滿內部矛盾、失去靈魂嘅Project Team。
如果你同我一樣係IT狗，你都應該會明呢個道理：「If it ain't broke, don't fix it.(無壞就唔好去整佢)」。女足呢一刻無論係財政定係實力都無問題，甚至係全英格蘭運作得最好嘅球隊之一。高層今次強行出手，根本唔係為咗令球隊變好，純粹係為咗將權力集中喺自己手上。
為咗所謂嘅集權，BlueCo 親手撕碎咗前人留落嚟嘅無價寶，摧毀咗車路士最後嘅冠軍堡壘。作為車迷，睇住呢種管理層將球會文化逐寸逐寸咁瓦解，真係得返一聲嘆息。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但今次發生喺女足身上嘅呢單大地震，嚴重程度堪比將一件絕妙嘅藝術品撕爛，甚至預示緊整個車路士球會未來嘅管治災難。所以，就算唔熟，我都特登去做咗一大輪資料搜集，同大家分享下到底發生緊咩事。
先戴個頭盔：如果你對女足零興趣，咁呢篇文你可以睇到呢度，直接按上一頁返出去。
但如果你係車仔死忠，想知多啲 BlueCo 班高層，特別係兩位體育總監 Winstanley 同 Stewart，依家個管治手腕有幾冷血同恐怖，點樣為咗集權而摧毀一隊長勝軍，咁你嚟啱地方啦。
PAUL GREEN 係邊個？
先講返標題，你第一個反應可能會問：Paul Green 乜水呀？
佢唔係落場踢波嘅球員，亦唔係帶領車女贏盡天下嘅前神級領隊Emma Hayes。佢係效力咗車路士足足 13 年嘅女足總監。
根據車路士女足名宿 Karen Carney 最新嘅專欄爆料，Paul Green 簡直係車女 12 年霸業（包括咗贏過 7 次聯賽冠軍、5 次足總盃、殺入歐聯決賽）背後嘅轉會大腦。
Carney 回憶當年自己點解會加盟車路士，正正係因為 Paul Green。當時車路士前線已經人才濟濟，Carney 有啲猶豫。點知 Green 飛埋去好直接、好霸氣咁同佢講：「個計劃我已經話咗俾你聽，你想唔想嚟自己決定。但我話你知，無論有冇你加盟，我哋都會繼續贏落去。」就係呢種氣場同贏家心態，令無數頂級球星心甘情願為車路士效力。
喺過去十幾年，Emma Hayes 負責喺場上教波同激勵球員，而不苟言笑嘅 Paul Green 就負責做平衡、講數、買人、傾合約。佢哋係一凹一凸嘅完美組合。可以咁講：無 Paul Green，就無今日稱霸英格蘭嘅車路士女足。
但就係一個咁重要嘅開國功臣，啱啱個星期一，俾 BlueCo 一腳踢走咗。
一場外行管內行嘅粗暴宮鬥
自從 Emma Hayes 喺 2024 年離隊去教美國女足後，車女就進入咗由新領隊 Sonia Bompastor 領軍嘅時代。Bompastor 第一季成績唔錯，但去到今季，高層嘅魔爪終於伸入女足更衣室。
導火線係咩？因為 BlueCo 派咗完全無女足經驗嘅男子隊總監 Winstanley 同 Stewart 去搶權。佢哋覺得女足個營運模式唔夠「BlueCo」，想將男子隊嗰套瘋狂買賣球員圖利、狂簽短期合約嘅模式搬過嚟。結果，一向行事果斷嘅 Paul Green 被架空，買個球員要過五關斬六將，甚至連冬窗想買人都買唔到。
最令人不齒嘅，係 BlueCo 炒 Paul Green 嘅公關災難。根據《The Athletic》爆料，高層竟然喺出 Official 官方聲明前短短 6 分鐘，先出封 Internal Email 通知班球員同員工，大佬呀，做咗十幾年嘅功臣喎，有資深球員直斥呢種做法可恥。
一石激起千重浪，更衣室瞬間兵變。隊長 Millie Bright 喺 IG 直言感到崩潰，皇牌 Sam Kerr、James、Macario 等核心球員集體出 Post 懷念 Green。
軍心大亂，直接反映喺球場上。車女啱啱以 0-2 輸俾阿仙奴，再以 1-5 慘敗俾曼城，落後榜首 9 分，提早退出爭標行列。呢個係車女自 2015 年以嚟首次聯賽連敗。中場大將 Cuthbert 賽後一句心底話，聽得出班球員有幾絕望：「有時我哋忘記咗點樣踢波。」
最諷刺嘅係，喺大敗同炒人嘅敏感時刻，高層竟然火速宣佈同領隊 Bompastor 續約到 2030 年。擺明就係想借維穩去話俾班球員聽：「領隊係我哋嘅人，你哋乖乖地聽話。」
星散危機與 U25 政策殺入女足
踢走咗 13 年功臣，車女今個夏天嘅轉會窗肯定大爆炸。
以往有 Paul Green 坐鎮，續約同買人都係佢一手包辦。但依家？對於唔睇女足嘅朋友，你可以當依家係女足版嘅「泰利、林柏特、杜奧巴」齊齊喺季尾約滿！包括隊長 Millie Bright、首席入球機器 Sam Kerr 在內，成條奪冠大骨幹全部都喺今個夏天完約。
最大鑊嘅係，據報其中一位中場核心 Macario 已經對高層心灰意冷，直接拒絕續約。Blue Co. 呢邊有往績可尋，剛入主已經嚇到男足一眾歐冠主力跳船，而家女足呢邊無咗 Paul Green 呢個大內總管去講數同安撫，加上球隊立立亂，呢班主力夏天集體跳船絕對唔係唔可能。
車女名宿 Karen Carney 喺專欄度都警告：今年夏天，車女喺轉會市場將會失去所有叫座力。以前 Paul Green 買人，開場白係：「我哋係車路士，我哋包保贏冠軍。」今年夏天呢？高層只能夠同目標球員講：「我哋重建緊，會好艱難，你嚟唔嚟陪我哋捱？」
更恐怖嘅係，Carney 預計 Winstanley 會全面複製男子隊嗰套「U25 政策」落女足。放棄成熟、有即食戰力嘅大將，走去迷信年輕球員同超長合約。BlueCo 似乎忘記咗，女足同男足個生態根本唔同，夾硬洗牌只會加速死亡。
總結：何必去修理一件冇壞嘅機器？
過去幾年，當男子隊經歷大風大浪、無冠兼混亂嘅時候，女足係部份車迷嘅心靈綠洲，因為佢哋代表住車路士最引以為傲嘅絕對勝利。
但 BlueCo 成功將一隊運作完美、年年攞冠軍嘅鐵血之師，變成另一支充滿內部矛盾、失去靈魂嘅Project Team。
如果你同我一樣係IT狗，你都應該會明呢個道理：「If it ain't broke, don't fix it.(無壞就唔好去整佢)」。女足呢一刻無論係財政定係實力都無問題，甚至係全英格蘭運作得最好嘅球隊之一。高層今次強行出手，根本唔係為咗令球隊變好，純粹係為咗將權力集中喺自己手上。
為咗所謂嘅集權，BlueCo 親手撕碎咗前人留落嚟嘅無價寶，摧毀咗車路士最後嘅冠軍堡壘。作為車迷，睇住呢種管理層將球會文化逐寸逐寸咁瓦解，真係得返一聲嘆息。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊