幾日前我篇覆盤文，標題大大隻字寫住「必交嘅學費」，幫車仔主場 2：2 賽和列斯聯搵落台階，覺得球隊後生，犯錯係成長嘅一部分。
FA Cup踢完，再翻睇幾次對列斯失球嘅精華，再睇埋近日外界嘅戰術拆局之後……對唔住，我決定今日要出嚟自摑一巴。
每次車路士失分或者有低級失誤，我哋車迷（包括我自己）都好習慣攞「英超平均年齡最細」呢個護身符出嚟擋箭。但睇真啲場上嗰班大帝嘅履歷，再睇下佢哋失波嗰陣嘅肢體語言，我哋真係唔應該再自欺欺人。
羅生接手後，好有雄心壯志咁想幫車路士植入一套極高要求嘅高壓戰術。但殘酷嘅現實係，當領隊想教你一套高風險高回報戰術嘅時候，你班過億身價嘅球員，竟然連平地行路都會集體仆親。呢個已經唔係年輕嘅問題，而係態度同防守基本功嘅災難。
理想很豐滿：羅生的「瘋狂人盯人」實驗
要理解車路士依家防線有幾脆弱，首先要重新理解羅生喺戰術板上做咗咩大手術。羅生教車仔已經過咗十場，場上嘅戰術部署都變得明朗化。
而家嘅車仔踢緊一套相對激進、甚至帶點比爾沙味道嘅Man-to-man Pressing。羅生為球隊設定咗好多逼搶觸發點，例如一見到對手回傳俾龍門，或者向後掟界外球，車仔嘅前鋒、翼鋒（例如尼圖）同兩閘（例如古斯度）就會瘋狂推前，加埋防中去夾擊，嘗試將對手困死喺邊線。
呢套戰術嘅原意係好嘅，想利用快馬同卡些度嘅掃蕩能力去將防守簡化。但高回報嘅背後，係極端嘅高風險：當你成隊波推上前人盯人，後防就會變得極度空虛。
中堅經常被迫要同對手前鋒1v1，就好似對拿玻里時，科芬拿經常被孤立去硬撼海龍哥咁。呢個算係一套容錯率係零、要求球員絕對專注嘅戰術。
現實很骨感：連基本功都未做好嘅億萬大軍
羅生想教班球員行鋼線，但現實係，呢班大帝連平地行路都會仆街。列斯聯嗰兩球入波，完全係小學雞級別嘅防守災難。
先睇第一球輸 12 碼。當時山度士已經成功攔截，個波流向禁區邊嘅 Bogle。嗰一刻，查洛巴、古斯圖同邦仔全部返晒位，禁區根本無即時危險。但身價 1.15 億、踢過百幾場頂級比賽嘅卡些度，竟然喺毫無必要嘅情況下，選擇魯莽落腳，將對手踢跌。
如果第一球係衝動，咁第二球就係集體發波瘟。
當時列斯聯一個簡單嘅長傳打入禁區，邦仔同 Bogle 爭波，車仔球員第一時間係舉手投訴對手犯規。VAR 睇完無吹，比賽繼續，然後最恐怖嘅畫面出現咗：
當個波漏向列斯聯嘅 Okafor 時，禁區入面足足有 6 個車路士球員（連埋門將山齊士），對住 3 個列斯聯球員。但卡些度、古斯圖、查洛巴，全部選擇企喺度睇波，掛住投訴，眼白白睇住對手將個波射入空門。
球證未吹哨子就要繼續踢，呢個係踢街場都識嘅常識。但我哋呢班國際級球星，竟然集體企定定睇對手入波。呢啲已經唔係戰術問題，係態度同集中力嘅問題。(對候城時，戴納個波未入晒白界但拎個波發呆都係同樣情況)
踢爆迷思：經驗不足係最無恥嘅遮醜布
講返轉頭，點解我話要自摑一巴？因為我哋成日掛喺嘴邊嗰句交學費，其實係幫緊班已經畢業好耐嘅球星搵藉口。
打開個陣容睇真啲，場上犯錯嘅係邊個？安素係世界盃冠軍核心；古古係歐國盃冠軍成員；占士係歐聯冠軍成員。連同身價過億嘅卡些度、萬眾矚目嘅彭馬，呢班人全部都係踢過世冠盃決賽、經歷過大場面嘅頂級球員。
講經驗？卡些度已經踢咗超過 130 場頂級賽事；踢得最差嗰幾個，全部都係大國腳。用年輕做遮醜布，已經遮唔住嗰個令人心寒嘅數據：
今季車路士喺領先嘅情況下，合共跌咗 17 分。最離譜係當中 15 分 係喺史丹福橋主場跌，同時令我哋成為今季英超主場失分之冠。
呢個數據話俾我哋知，球隊唔係輸喺能力，唔係輸喺經驗，而係輸喺心態同紀律。一領先就放鬆，一有意外就發波瘟，呢種敗家行為，唔係一句交學費就可以帶過。
總結：未學行，先學走？
羅生嘅戰術理念係令人興奮嘅。佢想將車路士打造成全歐洲逼搶最激進、最有侵略性嘅球隊，嘗試複製比爾沙嗰種令人窒息嘅高壓足球。
但理想歸理想，現實係殘酷嘅。要執行一套講求絕對專注、經常要後衛 1v1 嘅高風險戰術，前提係你班球員要有鋼鐵般嘅紀律性。面對一隊連「球證未吹哨子就要繼續踢」呢啲最基本防守常識都做唔到、領先緊都會集體遊魂嘅球隊，推行極端人盯人，無異於集體自殺。
羅生依家最大嘅課題，唔係點樣喺戰術板上畫多幾條線，或者改良個 Pressing Trap。佢首要任務係要「整頓軍紀」，令呢班身嬌肉貴嘅大帝明白：防守唔係靠天份，係靠專注。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
FA Cup踢完，再翻睇幾次對列斯失球嘅精華，再睇埋近日外界嘅戰術拆局之後……對唔住，我決定今日要出嚟自摑一巴。
每次車路士失分或者有低級失誤，我哋車迷（包括我自己）都好習慣攞「英超平均年齡最細」呢個護身符出嚟擋箭。但睇真啲場上嗰班大帝嘅履歷，再睇下佢哋失波嗰陣嘅肢體語言，我哋真係唔應該再自欺欺人。
羅生接手後，好有雄心壯志咁想幫車路士植入一套極高要求嘅高壓戰術。但殘酷嘅現實係，當領隊想教你一套高風險高回報戰術嘅時候，你班過億身價嘅球員，竟然連平地行路都會集體仆親。呢個已經唔係年輕嘅問題，而係態度同防守基本功嘅災難。
理想很豐滿：羅生的「瘋狂人盯人」實驗
要理解車路士依家防線有幾脆弱，首先要重新理解羅生喺戰術板上做咗咩大手術。羅生教車仔已經過咗十場，場上嘅戰術部署都變得明朗化。
而家嘅車仔踢緊一套相對激進、甚至帶點比爾沙味道嘅Man-to-man Pressing。羅生為球隊設定咗好多逼搶觸發點，例如一見到對手回傳俾龍門，或者向後掟界外球，車仔嘅前鋒、翼鋒（例如尼圖）同兩閘（例如古斯度）就會瘋狂推前，加埋防中去夾擊，嘗試將對手困死喺邊線。
呢套戰術嘅原意係好嘅，想利用快馬同卡些度嘅掃蕩能力去將防守簡化。但高回報嘅背後，係極端嘅高風險：當你成隊波推上前人盯人，後防就會變得極度空虛。
中堅經常被迫要同對手前鋒1v1，就好似對拿玻里時，科芬拿經常被孤立去硬撼海龍哥咁。呢個算係一套容錯率係零、要求球員絕對專注嘅戰術。
現實很骨感：連基本功都未做好嘅億萬大軍
羅生想教班球員行鋼線，但現實係，呢班大帝連平地行路都會仆街。列斯聯嗰兩球入波，完全係小學雞級別嘅防守災難。
先睇第一球輸 12 碼。當時山度士已經成功攔截，個波流向禁區邊嘅 Bogle。嗰一刻，查洛巴、古斯圖同邦仔全部返晒位，禁區根本無即時危險。但身價 1.15 億、踢過百幾場頂級比賽嘅卡些度，竟然喺毫無必要嘅情況下，選擇魯莽落腳，將對手踢跌。
如果第一球係衝動，咁第二球就係集體發波瘟。
當時列斯聯一個簡單嘅長傳打入禁區，邦仔同 Bogle 爭波，車仔球員第一時間係舉手投訴對手犯規。VAR 睇完無吹，比賽繼續，然後最恐怖嘅畫面出現咗：
當個波漏向列斯聯嘅 Okafor 時，禁區入面足足有 6 個車路士球員（連埋門將山齊士），對住 3 個列斯聯球員。但卡些度、古斯圖、查洛巴，全部選擇企喺度睇波，掛住投訴，眼白白睇住對手將個波射入空門。
球證未吹哨子就要繼續踢，呢個係踢街場都識嘅常識。但我哋呢班國際級球星，竟然集體企定定睇對手入波。呢啲已經唔係戰術問題，係態度同集中力嘅問題。(對候城時，戴納個波未入晒白界但拎個波發呆都係同樣情況)
踢爆迷思：經驗不足係最無恥嘅遮醜布
講返轉頭，點解我話要自摑一巴？因為我哋成日掛喺嘴邊嗰句交學費，其實係幫緊班已經畢業好耐嘅球星搵藉口。
打開個陣容睇真啲，場上犯錯嘅係邊個？安素係世界盃冠軍核心；古古係歐國盃冠軍成員；占士係歐聯冠軍成員。連同身價過億嘅卡些度、萬眾矚目嘅彭馬，呢班人全部都係踢過世冠盃決賽、經歷過大場面嘅頂級球員。
講經驗？卡些度已經踢咗超過 130 場頂級賽事；踢得最差嗰幾個，全部都係大國腳。用年輕做遮醜布，已經遮唔住嗰個令人心寒嘅數據：
今季車路士喺領先嘅情況下，合共跌咗 17 分。最離譜係當中 15 分 係喺史丹福橋主場跌，同時令我哋成為今季英超主場失分之冠。
呢個數據話俾我哋知，球隊唔係輸喺能力，唔係輸喺經驗，而係輸喺心態同紀律。一領先就放鬆，一有意外就發波瘟，呢種敗家行為，唔係一句交學費就可以帶過。
總結：未學行，先學走？
羅生嘅戰術理念係令人興奮嘅。佢想將車路士打造成全歐洲逼搶最激進、最有侵略性嘅球隊，嘗試複製比爾沙嗰種令人窒息嘅高壓足球。
但理想歸理想，現實係殘酷嘅。要執行一套講求絕對專注、經常要後衛 1v1 嘅高風險戰術，前提係你班球員要有鋼鐵般嘅紀律性。面對一隊連「球證未吹哨子就要繼續踢」呢啲最基本防守常識都做唔到、領先緊都會集體遊魂嘅球隊，推行極端人盯人，無異於集體自殺。
羅生依家最大嘅課題，唔係點樣喺戰術板上畫多幾條線，或者改良個 Pressing Trap。佢首要任務係要「整頓軍紀」，令呢班身嬌肉貴嘅大帝明白：防守唔係靠天份，係靠專注。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊