羅生回到成名地 MKM Stadium，帶領車路士以 4：0 大勝侯城晉級足總盃第五圈。
單睇比數，你以為係一場輕鬆嘅屠殺？非也。上半場其實更似係一套驚嚇喜劇。喺漫天風雪之下，車路士上演咗各種花式失機，令電視機旁嘅我血壓飆升。如果唔係尼圖挺身而出完成職業生涯首個帽子戲法，加上戴納由世紀失機變身助攻王嘅自我救贖，呢場波嘅劇本隨時會由喜劇變悲劇。
比賽簡述：雪地上的滑稽與暴力
今場波上下兩半可以話係兩套唔同嘅電影。
上半場嘅主題係敗家。雖然車路士由頭到尾控制戰局，但前線嘅處理令人睇到嘔出十九両血。
17 分鐘，沙亞送出精準長傳，二安控定兼扭過埋出迎嘅龍門，面對空門竟然一腳射高；短短 4 分鐘後，戴納攔截到對面龍門嘅傳波，個波中楣反彈落白界線。由於現場無鷹眼系統，戴納接返個回彈有控球權下竟然猶豫咗一下，以為個波已經入咗而開始思考人生，結果俾對手回身清走。
正當球迷以為又要交學費之際，40 分鐘尼圖禁區外一腳冷箭破網，終於打破僵局，半場領先 1：0。
下半場畫風突變，變成單方面大屠殺。51 分鐘，尼圖開出角球，個波竟然直接穿過人堆再穿過門將大細入網。隨後戴納兩次助攻，分別俾二安同尼圖埋齋，將比數鎖定喺 4：0。補時階段，山齊士撲救後再由門柱幫手擋出 Koumas 嘅射門，力保清白之身，有驚無險帶走勝利。
戰術深潛
雪戰下的戰術修正：由「地面滲透」轉向「暴力直線」
上半場車路士之所以攻得咁辛苦，最大原因係太過執著於平時嗰套地面組織。喺積雪同濕滑嘅場地，皮球運行速度變慢，令到好多細膩嘅短傳配合，例如二安同戴納嘅撞牆，變相俾侯城後衛有足夠時間去封位。空有 76% 控球，但入唔到肉。
羅生明顯喺中場休息做咗調整：放棄繁複，回歸物理。下半場球隊明顯減少咗中路嘅短傳滲透，取而代之係更多直接嘅垂直傳球 同埋 Early Crosses。
戴納下半場嘅作用由墮後駁腳變返做頂端支點，利用身位直接同對手肉搏，製造混亂，例如第三球撞開對手助攻二安就係最佳例子。尼圖嘅遠射同角球直入，亦係戰術上一種適應：既然入唔到去，就利用場地濕滑做遠射同死球。呢種因地制宜嘅實用主義，先係大勝嘅主因。
邊路的戰術槓桿：加拿祖與尼圖的職能分工
好多人只睇到加拿祖無 G/A，但從戰術佈局睇，佢同尼圖係承擔緊完全唔同嘅職能。
羅生嘅部署係左路消耗，右路收割。加拿祖喺左路不斷利用 Isolation 去進行突破，數據上取得全場最多 6 次成功過人，佢嘅任務係要拉扯散侯城嘅防守重心，逼使對手將中場線甚至另一邊嘅閘位移過嚟協防。
正正因為左路吸怪，令到中右路嘅空間大增。當個波轉移到右邊或者中路時，尼圖同二安面對嘅防守壓力相對較細。所以尼圖嘅 Hat-trick (角球除外) 同二安嘅入波，有一半要歸功於加拿祖喺左路嘅戰術犧牲。算係一個典型整體大於個人嘅戰術執行。
青春風暴的後浪
除咗前場嘅焦點，今場兩位年輕人嘅表現同樣值得我寫下。
首先係踢足全場嘅中堅沙亞，喺濕滑嘅雪地作戰，佢錄得 103 次傳球、101 次成功，成功率高達 98%。唔單止係安全傳球，佢全場 3 次長傳全部到位，包括上半場嗰一下直線、俾二安單刀，錄得 0.20 xA。佢喺後場嘅冷靜程度完全唔似一個輪換球員，加上 6 次奪回球權同埋 75% 嘅爭頂成功率，佢今場展現咗作為防線基石嘅統治力，以首次上陣嚟講相當唔錯。
至於只係上陣咗 13 分鐘嘅大力 (Jesse Derry)，雖然時間短，但佢交出咗一張唔錯嘅成績表：6 次傳球全部成功、2 次過人全部成功、甚至唯一一次長傳同樣到位。作為初次喺一隊亮相嘅地標戰，佢完全無怯場，反而敢於拎波突破，甚至積極回防做出 2 次頭槌解圍。短短嘅 13 分鐘，足以證明佢具備咗立足成人隊嘅心理質素，令我呢啲有追開嘅人相當欣慰。
數據總結：極致的效率與暗藏的殺機
當你全場只有兩次 Big Chances 嘅時候，能夠將半機會轉化為入球，呢啲算係強隊需要嘅能力，但作為一個睇長線嘅球迷，我自己就認為球隊唔可以過於依賴個人能力而更多係分散投資，萬一單一球員啞火都唔會突然死火。
再睇其他數據，今場控球率去到誇張嘅程度，傳球次數以 744 對 155 絕對輾壓侯城，而且傳球成功率高達 92%，基本上係將對手禁錮喺半場玩馬騮搶球。至於戴納，佢交出咗一份極度奇葩嘅成績表：0 入球、1 次 Big Chance Missed，但偏偏交出 3 次助攻。佢成功將自己嘅對抗優勢轉化為實際產出，絕對係今場數據榜上嘅另類 MVP。
不過，4：0 嘅大勝其實掩蓋咗防線嘅少少隱憂。侯城全場傳球雖然少得可憐，但依然製造到 10 次射門同埋 0.87 嘅 xG。補時階段 Koumas 嗰球中柱，加上山齊士全場需要做出 3 次撲救，都提醒緊我哋：喺極高位防守同大幅度壓上嘅戰術下，防線面對反擊依然會出現險象，並未去到滴水不漏嘅地步。
總結：及時雨般的狂勝與羅生的「黃金兩週」
對羅生嚟講，今場勝仗嘅意義遠不止晉級足總盃第五圈。由於球隊早前喺聯賽盃出局，接下來到 2 月 21 日對陣般尼之前，車路士將會迎來一段完全無周中比賽嘅空檔。
呢個係羅生自一月接手以嚟，首次擁有完整嘅黃金兩週Training Block。佢終於唔使再以賽代練，可以好好喺訓練場執正球隊嘅防守體系同默契。希望經過呢個休養生息嘅階段，下一場嘅車路士可以擺脫神經刀嘅屬性，變成一把真正鋒利嘅利刃。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
單睇比數，你以為係一場輕鬆嘅屠殺？非也。上半場其實更似係一套驚嚇喜劇。喺漫天風雪之下，車路士上演咗各種花式失機，令電視機旁嘅我血壓飆升。如果唔係尼圖挺身而出完成職業生涯首個帽子戲法，加上戴納由世紀失機變身助攻王嘅自我救贖，呢場波嘅劇本隨時會由喜劇變悲劇。
比賽簡述：雪地上的滑稽與暴力
今場波上下兩半可以話係兩套唔同嘅電影。
上半場嘅主題係敗家。雖然車路士由頭到尾控制戰局，但前線嘅處理令人睇到嘔出十九両血。
17 分鐘，沙亞送出精準長傳，二安控定兼扭過埋出迎嘅龍門，面對空門竟然一腳射高；短短 4 分鐘後，戴納攔截到對面龍門嘅傳波，個波中楣反彈落白界線。由於現場無鷹眼系統，戴納接返個回彈有控球權下竟然猶豫咗一下，以為個波已經入咗而開始思考人生，結果俾對手回身清走。
正當球迷以為又要交學費之際，40 分鐘尼圖禁區外一腳冷箭破網，終於打破僵局，半場領先 1：0。
下半場畫風突變，變成單方面大屠殺。51 分鐘，尼圖開出角球，個波竟然直接穿過人堆再穿過門將大細入網。隨後戴納兩次助攻，分別俾二安同尼圖埋齋，將比數鎖定喺 4：0。補時階段，山齊士撲救後再由門柱幫手擋出 Koumas 嘅射門，力保清白之身，有驚無險帶走勝利。
戰術深潛
雪戰下的戰術修正：由「地面滲透」轉向「暴力直線」
上半場車路士之所以攻得咁辛苦，最大原因係太過執著於平時嗰套地面組織。喺積雪同濕滑嘅場地，皮球運行速度變慢，令到好多細膩嘅短傳配合，例如二安同戴納嘅撞牆，變相俾侯城後衛有足夠時間去封位。空有 76% 控球，但入唔到肉。
羅生明顯喺中場休息做咗調整：放棄繁複，回歸物理。下半場球隊明顯減少咗中路嘅短傳滲透，取而代之係更多直接嘅垂直傳球 同埋 Early Crosses。
戴納下半場嘅作用由墮後駁腳變返做頂端支點，利用身位直接同對手肉搏，製造混亂，例如第三球撞開對手助攻二安就係最佳例子。尼圖嘅遠射同角球直入，亦係戰術上一種適應：既然入唔到去，就利用場地濕滑做遠射同死球。呢種因地制宜嘅實用主義，先係大勝嘅主因。
邊路的戰術槓桿：加拿祖與尼圖的職能分工
好多人只睇到加拿祖無 G/A，但從戰術佈局睇，佢同尼圖係承擔緊完全唔同嘅職能。
羅生嘅部署係左路消耗，右路收割。加拿祖喺左路不斷利用 Isolation 去進行突破，數據上取得全場最多 6 次成功過人，佢嘅任務係要拉扯散侯城嘅防守重心，逼使對手將中場線甚至另一邊嘅閘位移過嚟協防。
正正因為左路吸怪，令到中右路嘅空間大增。當個波轉移到右邊或者中路時，尼圖同二安面對嘅防守壓力相對較細。所以尼圖嘅 Hat-trick (角球除外) 同二安嘅入波，有一半要歸功於加拿祖喺左路嘅戰術犧牲。算係一個典型整體大於個人嘅戰術執行。
青春風暴的後浪
除咗前場嘅焦點，今場兩位年輕人嘅表現同樣值得我寫下。
首先係踢足全場嘅中堅沙亞，喺濕滑嘅雪地作戰，佢錄得 103 次傳球、101 次成功，成功率高達 98%。唔單止係安全傳球，佢全場 3 次長傳全部到位，包括上半場嗰一下直線、俾二安單刀，錄得 0.20 xA。佢喺後場嘅冷靜程度完全唔似一個輪換球員，加上 6 次奪回球權同埋 75% 嘅爭頂成功率，佢今場展現咗作為防線基石嘅統治力，以首次上陣嚟講相當唔錯。
至於只係上陣咗 13 分鐘嘅大力 (Jesse Derry)，雖然時間短，但佢交出咗一張唔錯嘅成績表：6 次傳球全部成功、2 次過人全部成功、甚至唯一一次長傳同樣到位。作為初次喺一隊亮相嘅地標戰，佢完全無怯場，反而敢於拎波突破，甚至積極回防做出 2 次頭槌解圍。短短嘅 13 分鐘，足以證明佢具備咗立足成人隊嘅心理質素，令我呢啲有追開嘅人相當欣慰。
數據總結：極致的效率與暗藏的殺機
當你全場只有兩次 Big Chances 嘅時候，能夠將半機會轉化為入球，呢啲算係強隊需要嘅能力，但作為一個睇長線嘅球迷，我自己就認為球隊唔可以過於依賴個人能力而更多係分散投資，萬一單一球員啞火都唔會突然死火。
再睇其他數據，今場控球率去到誇張嘅程度，傳球次數以 744 對 155 絕對輾壓侯城，而且傳球成功率高達 92%，基本上係將對手禁錮喺半場玩馬騮搶球。至於戴納，佢交出咗一份極度奇葩嘅成績表：0 入球、1 次 Big Chance Missed，但偏偏交出 3 次助攻。佢成功將自己嘅對抗優勢轉化為實際產出，絕對係今場數據榜上嘅另類 MVP。
不過，4：0 嘅大勝其實掩蓋咗防線嘅少少隱憂。侯城全場傳球雖然少得可憐，但依然製造到 10 次射門同埋 0.87 嘅 xG。補時階段 Koumas 嗰球中柱，加上山齊士全場需要做出 3 次撲救，都提醒緊我哋：喺極高位防守同大幅度壓上嘅戰術下，防線面對反擊依然會出現險象，並未去到滴水不漏嘅地步。
總結：及時雨般的狂勝與羅生的「黃金兩週」
對羅生嚟講，今場勝仗嘅意義遠不止晉級足總盃第五圈。由於球隊早前喺聯賽盃出局，接下來到 2 月 21 日對陣般尼之前，車路士將會迎來一段完全無周中比賽嘅空檔。
呢個係羅生自一月接手以嚟，首次擁有完整嘅黃金兩週Training Block。佢終於唔使再以賽代練，可以好好喺訓練場執正球隊嘅防守體系同默契。希望經過呢個休養生息嘅階段，下一場嘅車路士可以擺脫神經刀嘅屬性，變成一把真正鋒利嘅利刃。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊