無諗過2026年，我呢個寫咗差唔多一年嘅死因研究系列居然可以搵到一條新嘅出路。之前一直都係用嚟包裝其他隊嘅比賽…點知2026年N咁多隊波一齊炒領隊，啟發到我新靈感：死因研究的確可以用係領隊上。而呢個系列第一位主角，就係熱刺嘅法蘭。
如果將熱刺比喻做一個長期病患，法蘭就係高層請返嚟嘅特效藥。佢哋以為只要將賓福特嗰套精密嘅數據系統移植入去，就可以根治熱刺多年嚟嘅病。結果？呢場移植手術出現咗極度嚴重嘅排斥反應。短短 8 個月，病人唔單止無好返，反而由原本嘅神經刀變成咗植物人。
今日，我哋就放上解剖台，睇下呢位數據大師，點樣死喺自己最信奉嘅數據手上。(順便打臉一下數據教徒嘅我)
案情重組：一段關係的癌變過程
要理解法蘭點樣由救世主變成班主眼中嘅過街老鼠，我哋可以將呢 8 個月分成三個階段：
第一階段：錯誤的「安全感」（6月 - 8月）
法蘭上任嗰陣，熱刺其實係一個受咗重傷嘅病人。經歷完澳普嗰種大開大合、贏歐霸但排 17 嘅癲佬足球之後，熱刺上下都渴望一種叫穩定嘅東西。
法蘭就係班主眼中嗰粒止痛藥。佢帶嚟嘅紀律、防守站位、甚至係沉悶嘅死球戰術，初期都被視為一種成熟嘅表現。開季嗰陣，球場氣氛係平靜嘅，大家以為熱刺終於搵到個正常人做領隊，終於唔洗再坐過山車。
第二階段：沉悶引發的叛逆（9月 - 12月）
但蜜月期好快就過。隨著大靠山利維 9月離場，法蘭失去咗隊中唯一嘅支持，要獨自面對一班反叛嘅細路。 習慣咗孫興慜年代快打旋風嘅球迷，開始頂唔順法蘭嗰種求穩嘅踢法。
球場開始出現零星嘅噓聲，因為佢哋發覺自己愛隊變咗一支悶到抽筋嘅護級隊。 更衣室嘅大佬亦開始搞事。隊長 Romero 帶頭遲到，Van de Ven 輸波後拒絕謝場，呢啲都係球員對領隊失去尊重嘅訊號。法蘭嘗試用紀律去壓佢哋，結果換嚟嘅係更嚴重嘅軟對抗。
第三階段：公關自殺與眾叛親離（1月 - 2月）
踏入 2026 年，關係正式破裂。隨住主力受傷，成績下滑，法蘭連最後嘅尊嚴都守唔住。最致命一擊唔係輸波，而係佢被傳媒影到用一隻印有阿仙奴 Logo 嘅杯飲咖啡。人就嫁咗俾熱刺，頭家又顧唔好，但你就拎住夢中情人張相……現任老公唔火滾就假啦。喺北倫敦呢塊個球場，呢隻杯唔止係容器，而係一張退婚聲明。
呢件小事引爆咗所有積壓嘅不滿，證明佢根本唔了解、亦唔尊重熱刺嘅文化。最後一場對紐卡素，球員喺場上嘅眼神渙散，彷彿想盡快輸埋佢送走呢位教頭。新 CEO 喺看台上見證住呢場毫無生氣嘅行刑劇，賽後終於做咗大家期待已久嘅決定。
死因分析
第一死因：戰術基因突變
熱刺球迷出名奄尖，佢哋習慣咗孫興慜同麥迪臣年代嗰種水銀瀉地嘅快打旋風。但法蘭上任後，強行植入咗一種名為弱隊思維嘅病毒。
今季熱刺嘅 Through Balls跌到得番 15 次，全英超排第 20 位，作為一支係英超踢歐聯嘅「強」隊，每兩場波先有一次嘗試打穿對手身後，呢個簡直係對熱刺傳統嘅侮辱。與此同時，球隊嘅 Crosses卻高達 410 次，英超第 3。
法蘭將一支擁有所謂貴族班底嘅球隊，教成了一支只識斬波嘅傳統英國隊。當進攻只剩下盲目傳中，球員覺得自己一身武功被廢，踢得只有原本嘅10%能力，球迷噓 "Boring Tottenham" 絕對係合情合理。
第二死因：無效的勤力
法蘭成日掛喺嘴邊嘅逼搶同跑動，喺數據鏡頭下原來係一場騙局。球員唔係唔肯跑，而係跑完無回報。
睇下呢組數據：熱刺全季 High Turnovers 轉化做射門嘅次數得 20 次（尾 3），轉化做入球更係只有 1 球（包尾）。% End in Shot 低至 12.12%。
即係話，球員跑斷氣搶返個波，但完全製造唔到威脅。喺更衣室班大帝眼中，呢種「高勞動、低回報」嘅戰術係 OnX 嘅。當勤力變成無用功，士氣低落、軟對抗就係必然結果。
第三死因：恐懼導致的自爆
最諷刺嘅係，法蘭被請返嚟原本係為咗執靚防守，結果越執越漏，甚至將熱刺變成全英超最驚青嘅球隊。
Error Lead to Shot 高達 31 次，排英超第一。平均每場波送一次大禮，試問邊個龍門頂得順？與此同時，球隊嘅進攻其實係虛火，xG（預期入球） 只有 27.4（尾 4），仲未跌入降班區只係靠 G-xG (+8.6) 嘅超強運氣死頂。
攻又攻唔入，守又守唔住。當運氣用盡，這支每場都自爆嘅球隊，降班就唔再係危言聳聽，而係數學上嘅必然。
總結
我之前成日都講，好嘅教頭可以將中游波教到變上游，上游波教到變冠軍，反之亦然。法蘭係一個好教練，但佢犯咗一個致命錯誤：佢以為數據可以解釋一切，但解釋唔到熱刺嗰種獨特嘅貴族心態。
佢試圖用執教賓福特嘅方式（死球、長傳、低位防守）去改造熱刺，結果造成嚴重嘅排斥反應。31 次自爆失誤係球員無聲嘅抗議，15 次直線傳球係對熱刺傳統嘅侮辱。
分手對大家嚟講都係解脫。熱刺需要嘅或者唔係另一個數據科學家，而係一個令佢哋相信自己係強隊嘅領袖。至於法蘭，或許佢應該返去一支容許佢犯錯嘅球隊，繼續佢嘅數據實驗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
如果將熱刺比喻做一個長期病患，法蘭就係高層請返嚟嘅特效藥。佢哋以為只要將賓福特嗰套精密嘅數據系統移植入去，就可以根治熱刺多年嚟嘅病。結果？呢場移植手術出現咗極度嚴重嘅排斥反應。短短 8 個月，病人唔單止無好返，反而由原本嘅神經刀變成咗植物人。
今日，我哋就放上解剖台，睇下呢位數據大師，點樣死喺自己最信奉嘅數據手上。(順便打臉一下數據教徒嘅我)
案情重組：一段關係的癌變過程
要理解法蘭點樣由救世主變成班主眼中嘅過街老鼠，我哋可以將呢 8 個月分成三個階段：
第一階段：錯誤的「安全感」（6月 - 8月）
法蘭上任嗰陣，熱刺其實係一個受咗重傷嘅病人。經歷完澳普嗰種大開大合、贏歐霸但排 17 嘅癲佬足球之後，熱刺上下都渴望一種叫穩定嘅東西。
法蘭就係班主眼中嗰粒止痛藥。佢帶嚟嘅紀律、防守站位、甚至係沉悶嘅死球戰術，初期都被視為一種成熟嘅表現。開季嗰陣，球場氣氛係平靜嘅，大家以為熱刺終於搵到個正常人做領隊，終於唔洗再坐過山車。
第二階段：沉悶引發的叛逆（9月 - 12月）
但蜜月期好快就過。隨著大靠山利維 9月離場，法蘭失去咗隊中唯一嘅支持，要獨自面對一班反叛嘅細路。 習慣咗孫興慜年代快打旋風嘅球迷，開始頂唔順法蘭嗰種求穩嘅踢法。
球場開始出現零星嘅噓聲，因為佢哋發覺自己愛隊變咗一支悶到抽筋嘅護級隊。 更衣室嘅大佬亦開始搞事。隊長 Romero 帶頭遲到，Van de Ven 輸波後拒絕謝場，呢啲都係球員對領隊失去尊重嘅訊號。法蘭嘗試用紀律去壓佢哋，結果換嚟嘅係更嚴重嘅軟對抗。
第三階段：公關自殺與眾叛親離（1月 - 2月）
踏入 2026 年，關係正式破裂。隨住主力受傷，成績下滑，法蘭連最後嘅尊嚴都守唔住。最致命一擊唔係輸波，而係佢被傳媒影到用一隻印有阿仙奴 Logo 嘅杯飲咖啡。人就嫁咗俾熱刺，頭家又顧唔好，但你就拎住夢中情人張相……現任老公唔火滾就假啦。喺北倫敦呢塊個球場，呢隻杯唔止係容器，而係一張退婚聲明。
呢件小事引爆咗所有積壓嘅不滿，證明佢根本唔了解、亦唔尊重熱刺嘅文化。最後一場對紐卡素，球員喺場上嘅眼神渙散，彷彿想盡快輸埋佢送走呢位教頭。新 CEO 喺看台上見證住呢場毫無生氣嘅行刑劇，賽後終於做咗大家期待已久嘅決定。
死因分析
第一死因：戰術基因突變
熱刺球迷出名奄尖，佢哋習慣咗孫興慜同麥迪臣年代嗰種水銀瀉地嘅快打旋風。但法蘭上任後，強行植入咗一種名為弱隊思維嘅病毒。
今季熱刺嘅 Through Balls跌到得番 15 次，全英超排第 20 位，作為一支係英超踢歐聯嘅「強」隊，每兩場波先有一次嘗試打穿對手身後，呢個簡直係對熱刺傳統嘅侮辱。與此同時，球隊嘅 Crosses卻高達 410 次，英超第 3。
法蘭將一支擁有所謂貴族班底嘅球隊，教成了一支只識斬波嘅傳統英國隊。當進攻只剩下盲目傳中，球員覺得自己一身武功被廢，踢得只有原本嘅10%能力，球迷噓 "Boring Tottenham" 絕對係合情合理。
第二死因：無效的勤力
法蘭成日掛喺嘴邊嘅逼搶同跑動，喺數據鏡頭下原來係一場騙局。球員唔係唔肯跑，而係跑完無回報。
睇下呢組數據：熱刺全季 High Turnovers 轉化做射門嘅次數得 20 次（尾 3），轉化做入球更係只有 1 球（包尾）。% End in Shot 低至 12.12%。
即係話，球員跑斷氣搶返個波，但完全製造唔到威脅。喺更衣室班大帝眼中，呢種「高勞動、低回報」嘅戰術係 OnX 嘅。當勤力變成無用功，士氣低落、軟對抗就係必然結果。
第三死因：恐懼導致的自爆
最諷刺嘅係，法蘭被請返嚟原本係為咗執靚防守，結果越執越漏，甚至將熱刺變成全英超最驚青嘅球隊。
Error Lead to Shot 高達 31 次，排英超第一。平均每場波送一次大禮，試問邊個龍門頂得順？與此同時，球隊嘅進攻其實係虛火，xG（預期入球） 只有 27.4（尾 4），仲未跌入降班區只係靠 G-xG (+8.6) 嘅超強運氣死頂。
攻又攻唔入，守又守唔住。當運氣用盡，這支每場都自爆嘅球隊，降班就唔再係危言聳聽，而係數學上嘅必然。
總結
我之前成日都講，好嘅教頭可以將中游波教到變上游，上游波教到變冠軍，反之亦然。法蘭係一個好教練，但佢犯咗一個致命錯誤：佢以為數據可以解釋一切，但解釋唔到熱刺嗰種獨特嘅貴族心態。
佢試圖用執教賓福特嘅方式（死球、長傳、低位防守）去改造熱刺，結果造成嚴重嘅排斥反應。31 次自爆失誤係球員無聲嘅抗議，15 次直線傳球係對熱刺傳統嘅侮辱。
分手對大家嚟講都係解脫。熱刺需要嘅或者唔係另一個數據科學家，而係一個令佢哋相信自己係強隊嘅領袖。至於法蘭，或許佢應該返去一支容許佢犯錯嘅球隊，繼續佢嘅數據實驗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊