是咁的，羅生帶領車仔連贏 4 場之後，終於喺今個禮拜失分斷纜。見到球隊終於有返隊形，進攻有板有眼，防守係甩漏少少，但相信無人會喺呢一刻嗌 "Rosenior Out"。不過做開車迷都知道，我哋個心臟長期受訓，總係有一種居安思危嘅本能。
既然 BlueCo 嘅劇本係「斯特拉斯堡 = 車路士後備席」，連羅生都可以由史堡升上嚟做主帥，咁下一任車仔領隊（無論係 3 年後定 3 個月後），好大機會就係現任史堡領隊。
咁依家史堡個領隊係邊個？ 無錯，就係 2026 年 1 月先剛剛上任嘅：加利奧尼爾 (Gary O'Neil)。
先戴定個頭盔，我絕對支持羅生長贏長有，最好帶到退休。但既然管理層咁神心搵個英超教頭去法國進修，作為花生友，我哋都不妨睇下呢位車仔儲君到底係方神聖，當係買定份保險都好。
背景說明：佢唔係無名小卒，係英超認證嘅「救火隊長」
可能好多人見到「斯特拉斯堡領隊」幾個字，就會以為又係啲唔識嘅教頭A，或者係法國土炮教頭。但加利奧尼爾個朵，喺英超下游絕對係響噹噹。佢唔係路人甲，而係經過英超地獄模式認證嘅實戰派。
如果你記性好，應該記得兩單代表作：
般尼茅夫奇蹟 (2022/23)：
當年史葛柏加帶隊輸俾利物浦 0-9，賽後發爛渣話隊波根本唔夠班踢英超。結果奧尼爾接手呢個爛攤子，用同一班人，竟然神奇護級成功。呢單嘢直接摑咗柏加一巴，證明咗奧尼爾有點石成金嘅能力。
狼隊穩守 (2023/24)：
呢單仲癲。盧柏迪古喺開季前 5 日突然劈炮唔撈，加上球隊受 FFP 限制賣走晒拿維斯等主力。全世界都以為狼隊降硬班，點知奧尼爾接手後唔單止無死，仲將狼隊帶成「巨人殺手」，贏過曼城、熱刺，甚至喺史丹福橋贏過我哋 4-2。
相比起羅生係講求體系同諗法嘅學院派，奧尼爾更似係身經百戰嘅實戰派。 BlueCo 搵佢去史堡，明顯唔係貪佢靚仔，而係睇中佢嗰種睇餸食飯嘅應變能力。萬一有一日車仔又要打逆境波，佢就係果個識得喺泥漿摔角中贏波嘅人。
操作說明：唔介意肉酸，最緊要 3 分落袋
相比起羅生有一套好固定、甚至有啲固執嘅足球哲學（例如一定要控球、一定要後場 Build-up），奧尼爾係無嘅。佢喺英超打滾嗰陣已經出名係一條變色龍，對手驚咩佢就踢咩。
對住弱隊，佢會推前少少攻你；但對住強隊（例如當年帶狼隊贏曼城、熱刺），佢會毫不猶豫縮後打 5 後衛，放棄控球率，追求一劍封喉。
呢一點喺佢接手史堡呢個月相信已經體現得淋漓盡致。羅生年代嘅史堡，有時會為猜而猜，好睇但未必好食；奧尼爾一嚟到，即刻教識班細路打 Vertical Football。就好似剛過去 4：1 大炒里爾嗰場咁，全場控球率可能得 30% 多少少，但幾下反擊就殺死比賽。奧尼爾用行動話你知：「贏波唔一定要好睇，最緊要有效。」
兼容性測試：點解 BlueCo 會揀佢做 Plan B？
講真，BlueCo 班數據佬唔係傻嘅。佢哋特登搵奧尼爾去史堡，唔單止係為咗法甲成績，更加係為咗車路士嘅未來佈局買一份保險。
首先，大家唔好唔記得史堡依家基本上係車仔嘅 B 隊。奧尼爾依家手上面用緊嘅，部份係車仔借過去嘅重點資產（例如後防嘅安瑟明路)。如果奧尼爾能夠喺法甲令呢班細路升值，甚至教識佢哋點樣喺高強度聯賽生存，咁佢就等於掌握咗車路士未來一半主力嘅「說明書」。
更重要嘅係，佢係羅生嘅另一面。羅生套進攻足球係好睇，但風險好大（大家見過佢後防幾咁放題，幾咁性感）。萬一Touch Wood講句羅生套野玩出火，球隊成績大插水，或者防守穿晒窿，BlueCo 需要嘅唔係另一個理想主義者，而係一個識得止血嘅人。
奧尼爾就係果個保險掣。佢識得點樣喺逆境中整頓防守，識得點樣令一隊波變得難以被擊敗。如果羅生係用嚟衝冠，奧尼爾就係用嚟保命。有佢喺後面 Standby，無論發生咩事，車路士都唔會無路可退。
總結：係水泡定係升級件？
講到尾，加利奧尼爾依家嘅定位好清晰：佢唔係用嚟即刻取代羅生，而係當炒咗羅生之後用嚟填位嘅人。
對羅生嚟講，當你知道後面有一個喺英超證明過自己、識得打逆境波、而家又喺法甲刷緊數據嘅水泡隨時 Standby替代自己，除咗有壓力感，相信仲可以幫到羅生等佢唔好咁腦定。
希望這份保險，我哋幾年後都唔使攞返出嚟用啦。但如果真係有嗰一日，起碼我哋知道：Plan B maybe ready。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
既然 BlueCo 嘅劇本係「斯特拉斯堡 = 車路士後備席」，連羅生都可以由史堡升上嚟做主帥，咁下一任車仔領隊（無論係 3 年後定 3 個月後），好大機會就係現任史堡領隊。
咁依家史堡個領隊係邊個？ 無錯，就係 2026 年 1 月先剛剛上任嘅：加利奧尼爾 (Gary O'Neil)。
先戴定個頭盔，我絕對支持羅生長贏長有，最好帶到退休。但既然管理層咁神心搵個英超教頭去法國進修，作為花生友，我哋都不妨睇下呢位車仔儲君到底係方神聖，當係買定份保險都好。
背景說明：佢唔係無名小卒，係英超認證嘅「救火隊長」
可能好多人見到「斯特拉斯堡領隊」幾個字，就會以為又係啲唔識嘅教頭A，或者係法國土炮教頭。但加利奧尼爾個朵，喺英超下游絕對係響噹噹。佢唔係路人甲，而係經過英超地獄模式認證嘅實戰派。
如果你記性好，應該記得兩單代表作：
般尼茅夫奇蹟 (2022/23)：
當年史葛柏加帶隊輸俾利物浦 0-9，賽後發爛渣話隊波根本唔夠班踢英超。結果奧尼爾接手呢個爛攤子，用同一班人，竟然神奇護級成功。呢單嘢直接摑咗柏加一巴，證明咗奧尼爾有點石成金嘅能力。
狼隊穩守 (2023/24)：
呢單仲癲。盧柏迪古喺開季前 5 日突然劈炮唔撈，加上球隊受 FFP 限制賣走晒拿維斯等主力。全世界都以為狼隊降硬班，點知奧尼爾接手後唔單止無死，仲將狼隊帶成「巨人殺手」，贏過曼城、熱刺，甚至喺史丹福橋贏過我哋 4-2。
相比起羅生係講求體系同諗法嘅學院派，奧尼爾更似係身經百戰嘅實戰派。 BlueCo 搵佢去史堡，明顯唔係貪佢靚仔，而係睇中佢嗰種睇餸食飯嘅應變能力。萬一有一日車仔又要打逆境波，佢就係果個識得喺泥漿摔角中贏波嘅人。
操作說明：唔介意肉酸，最緊要 3 分落袋
相比起羅生有一套好固定、甚至有啲固執嘅足球哲學（例如一定要控球、一定要後場 Build-up），奧尼爾係無嘅。佢喺英超打滾嗰陣已經出名係一條變色龍，對手驚咩佢就踢咩。
對住弱隊，佢會推前少少攻你；但對住強隊（例如當年帶狼隊贏曼城、熱刺），佢會毫不猶豫縮後打 5 後衛，放棄控球率，追求一劍封喉。
呢一點喺佢接手史堡呢個月相信已經體現得淋漓盡致。羅生年代嘅史堡，有時會為猜而猜，好睇但未必好食；奧尼爾一嚟到，即刻教識班細路打 Vertical Football。就好似剛過去 4：1 大炒里爾嗰場咁，全場控球率可能得 30% 多少少，但幾下反擊就殺死比賽。奧尼爾用行動話你知：「贏波唔一定要好睇，最緊要有效。」
兼容性測試：點解 BlueCo 會揀佢做 Plan B？
講真，BlueCo 班數據佬唔係傻嘅。佢哋特登搵奧尼爾去史堡，唔單止係為咗法甲成績，更加係為咗車路士嘅未來佈局買一份保險。
首先，大家唔好唔記得史堡依家基本上係車仔嘅 B 隊。奧尼爾依家手上面用緊嘅，部份係車仔借過去嘅重點資產（例如後防嘅安瑟明路)。如果奧尼爾能夠喺法甲令呢班細路升值，甚至教識佢哋點樣喺高強度聯賽生存，咁佢就等於掌握咗車路士未來一半主力嘅「說明書」。
更重要嘅係，佢係羅生嘅另一面。羅生套進攻足球係好睇，但風險好大（大家見過佢後防幾咁放題，幾咁性感）。萬一Touch Wood講句羅生套野玩出火，球隊成績大插水，或者防守穿晒窿，BlueCo 需要嘅唔係另一個理想主義者，而係一個識得止血嘅人。
奧尼爾就係果個保險掣。佢識得點樣喺逆境中整頓防守，識得點樣令一隊波變得難以被擊敗。如果羅生係用嚟衝冠，奧尼爾就係用嚟保命。有佢喺後面 Standby，無論發生咩事，車路士都唔會無路可退。
總結：係水泡定係升級件？
講到尾，加利奧尼爾依家嘅定位好清晰：佢唔係用嚟即刻取代羅生，而係當炒咗羅生之後用嚟填位嘅人。
對羅生嚟講，當你知道後面有一個喺英超證明過自己、識得打逆境波、而家又喺法甲刷緊數據嘅水泡隨時 Standby替代自己，除咗有壓力感，相信仲可以幫到羅生等佢唔好咁腦定。
希望這份保險，我哋幾年後都唔使攞返出嚟用啦。但如果真係有嗰一日，起碼我哋知道：Plan B maybe ready。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊