我無打錯，你無睇錯，我係寫車十二。有笑錯你咩？10場7個十二碼，無咗十二碼，你變咗十二弟啦。
羅生領軍下嘅聯賽全勝紀錄終於斷纜。主場 2：2 被列斯聯逼和，表面上係一場互有攻守嘅激戰，但講白啲，其實係一場由車路士自編自導嘅交學費電影。
全場壓住對手攻，數據靚到盡，但諷刺地要靠 12 碼糊口，更令人灰嘅係，喺領先兩球嘅大好形勢下，因為防線溝通失誤同最黑暗 6 分鐘嘅混亂，硬生生將交返兩分出去。
比賽簡述：由天堂跌落凡間
上半場車路士其實踢得順風順水，雖然列斯聯想守，但彭馬狀態大勇，24 分鐘一腳手術刀式直傳，祖奧柏度心領神會入楔，挑過龍門先開紀錄，半場領先 1：0。
下半場初段，祖奧柏度接應山齊士長傳，同上場一模一樣地被對手從手推撞搏到 12 碼，彭馬操刀射成 2：0。
轉捩點發生喺 60 分鐘後，列斯聯換人反撲。先係卡些度喺禁區邊出腳犯規輸返一球 12 碼；短短 6 分鐘後，列斯聯一次簡單長傳，引發車路士後防出現讓波式誤會，Okafor 混戰中射入空門追和 2：2。
去到補時階段，車路士狂攻對手，但彭馬喺門前 2 碼面對空門竟然射上看台，註定今場要為年輕同失誤付上代價。
戰術深潛
「車十二」的迷思：數據統治下的虛火
全場數據睇落好靚，xG 高達 3.13（甚至有媒體計到 3.65），Field Tilt 更加係誇張嘅 74.5%，基本上係壓住對手喺半場踢。
但今場車路士其實得一個生波入球。近 10 場波拎到 7 個 12 碼，好聽就叫禁區威脅大，難聽啲講，就係無咗十二碼就什麼都不是。數據靚唔代表攻勢入肉，更多時候係靠個人能力搏返嚟嘅極刑。如果最後一腳嘅轉化率繼續係咁依賴 12 碼，一旦球證唔吹或者博唔到，球隊就會陷入老鼠拉龜嘅困局，呢種數據統治只係一種虛火。
二安的撞牆期與彭馬的無運
今場另一個隱憂係二安。雖然佢依然好勤力，但明顯見到對手已經開始捉到佢路數。
佢係巴西同英超頭幾場，都係靠擺動身體，Fake對手轉身就可以呃過對手再擺大位，但最近幾場對手學精咗，死都唔食你個 Fake，反而貼身封死你左右擺動嘅空間，再等隊友過嚟夾擊。一旦被睇通，二安嘅突破威力就大打折扣。如果要再上一層樓，佢急需開發新武器，唔可以一本通書睇到老。
至於彭馬，狀態明顯比之前好，全場威脅最大係佢。但補時階段門前 2 碼面對空門送個波上看台……除咗話足球之神今場唔眷顧之外，真係無野好講。
消失的信任：山齊士與後防的溝通災難
第二個失波，絕對係成場波最令人洩氣嘅一幕。
面對一個並唔複雜嘅長傳，邦仔同山齊士出現咗嚴重嘅猶豫。到底係邦仔唔信山齊士接得實？定係對自己太有信心可以清得走？結果就係兩個都唔湯唔水，俾 Bogle 撞散晒。
呢種搶波踢或者互相讓波嘅畫面，令我不禁諗起以前施華大哥領導防線前嘅混亂日子。缺乏一個鎮得住場嘅防線領袖，溝通就會出現致命缺口，呢種信任危機比失分更令人擔心。
列斯的針對性反擊與邦仔的學費
不得不讚列斯聯嘅換人有相當針對性。佢哋換人之後以 Bogle 作為反擊核心，將反擊路線打得好通透。
遺憾嘅係，車十二呢邊完全無做到之前幾場果種敏捷嘅換人，反而係任由列斯換人後發難，眼白白睇住優勢流失。直到被追和 2：2 之後，先至如夢初醒做波浪式搶攻，但已經太遲，錯失咗控制戰局嘅黃金時間。
至於邦仔，今場可以話係交足學費。數據上佢嘅 Buildup completion 好高，亦展現出作為現代Ball-carrying CB 推進嘅潛力。但同時，第二個失球亦話俾大家知，佢處理防務時經驗尚淺。不過，既然羅生肯用新人，就要預咗會有呢啲陣痛期。如果相信邦仔嘅潛質，請繼續俾機會佢，至少我會。
數據總結
全場數據基本上係一面倒：xThreat 車路士錄得 2.13 對比列斯嘅 0.66；Possession 高達 65.7%；Field Tilt 更加係 74.5%。數據話你知，車路士係絕對嘅統治者。
雖然禁區內射門高達 14 次，Deep Entries 亦有 18 次，而列斯僅 4 次，但睇落去總係覺得隔靴搔癢。原因係車路士嘅攻勢好多時轉化唔到做具威脅嘅 Open play 射門，反而係靠博 12 碼維持 xG。數據靚，但實際入肉程度不足。
上半場車路士 PPDA 低至 8.7，逼搶強度極高，令列斯無法呼吸。但下半場隨著體力下降同對手變陣，數據明顯下滑，控制力唔足以維持 90 分鐘。
再睇深入啲，Buildup completion 雖然有 92.3%，證明後場組織暢順，但最致命嘅係 High Turnovers。雖然全場雙方都只係各有 1 次，偏偏車路士嗰一下失誤就係邦仔同山齊士嘅誤會，直接導致失波。數據上嘅小數點，往往就係勝負嘅關鍵。
總結
呢場嘅 2 分，絕對係學費嚟。
球隊展現咗統治力，但同時暴露咗極度依賴 12 碼、二安被睇通、以及防線缺乏領袖信任等深層次問題。不過，既然揀得行青春風暴，就要接受年輕球員（如邦仔）會有犯錯嘅時候。
希望羅生同班波可以喺錯誤中學習，特別係點樣喺領先時控制比賽節奏，唔好再做只有 45 分鐘電量嘅鹹蛋超人。下場足總盃對侯城，期望見到防線重建信心。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
羅生領軍下嘅聯賽全勝紀錄終於斷纜。主場 2：2 被列斯聯逼和，表面上係一場互有攻守嘅激戰，但講白啲，其實係一場由車路士自編自導嘅交學費電影。
全場壓住對手攻，數據靚到盡，但諷刺地要靠 12 碼糊口，更令人灰嘅係，喺領先兩球嘅大好形勢下，因為防線溝通失誤同最黑暗 6 分鐘嘅混亂，硬生生將交返兩分出去。
比賽簡述：由天堂跌落凡間
上半場車路士其實踢得順風順水，雖然列斯聯想守，但彭馬狀態大勇，24 分鐘一腳手術刀式直傳，祖奧柏度心領神會入楔，挑過龍門先開紀錄，半場領先 1：0。
下半場初段，祖奧柏度接應山齊士長傳，同上場一模一樣地被對手從手推撞搏到 12 碼，彭馬操刀射成 2：0。
轉捩點發生喺 60 分鐘後，列斯聯換人反撲。先係卡些度喺禁區邊出腳犯規輸返一球 12 碼；短短 6 分鐘後，列斯聯一次簡單長傳，引發車路士後防出現讓波式誤會，Okafor 混戰中射入空門追和 2：2。
去到補時階段，車路士狂攻對手，但彭馬喺門前 2 碼面對空門竟然射上看台，註定今場要為年輕同失誤付上代價。
戰術深潛
「車十二」的迷思：數據統治下的虛火
全場數據睇落好靚，xG 高達 3.13（甚至有媒體計到 3.65），Field Tilt 更加係誇張嘅 74.5%，基本上係壓住對手喺半場踢。
但今場車路士其實得一個生波入球。近 10 場波拎到 7 個 12 碼，好聽就叫禁區威脅大，難聽啲講，就係無咗十二碼就什麼都不是。數據靚唔代表攻勢入肉，更多時候係靠個人能力搏返嚟嘅極刑。如果最後一腳嘅轉化率繼續係咁依賴 12 碼，一旦球證唔吹或者博唔到，球隊就會陷入老鼠拉龜嘅困局，呢種數據統治只係一種虛火。
二安的撞牆期與彭馬的無運
今場另一個隱憂係二安。雖然佢依然好勤力，但明顯見到對手已經開始捉到佢路數。
佢係巴西同英超頭幾場，都係靠擺動身體，Fake對手轉身就可以呃過對手再擺大位，但最近幾場對手學精咗，死都唔食你個 Fake，反而貼身封死你左右擺動嘅空間，再等隊友過嚟夾擊。一旦被睇通，二安嘅突破威力就大打折扣。如果要再上一層樓，佢急需開發新武器，唔可以一本通書睇到老。
至於彭馬，狀態明顯比之前好，全場威脅最大係佢。但補時階段門前 2 碼面對空門送個波上看台……除咗話足球之神今場唔眷顧之外，真係無野好講。
消失的信任：山齊士與後防的溝通災難
第二個失波，絕對係成場波最令人洩氣嘅一幕。
面對一個並唔複雜嘅長傳，邦仔同山齊士出現咗嚴重嘅猶豫。到底係邦仔唔信山齊士接得實？定係對自己太有信心可以清得走？結果就係兩個都唔湯唔水，俾 Bogle 撞散晒。
呢種搶波踢或者互相讓波嘅畫面，令我不禁諗起以前施華大哥領導防線前嘅混亂日子。缺乏一個鎮得住場嘅防線領袖，溝通就會出現致命缺口，呢種信任危機比失分更令人擔心。
列斯的針對性反擊與邦仔的學費
不得不讚列斯聯嘅換人有相當針對性。佢哋換人之後以 Bogle 作為反擊核心，將反擊路線打得好通透。
遺憾嘅係，車十二呢邊完全無做到之前幾場果種敏捷嘅換人，反而係任由列斯換人後發難，眼白白睇住優勢流失。直到被追和 2：2 之後，先至如夢初醒做波浪式搶攻，但已經太遲，錯失咗控制戰局嘅黃金時間。
至於邦仔，今場可以話係交足學費。數據上佢嘅 Buildup completion 好高，亦展現出作為現代Ball-carrying CB 推進嘅潛力。但同時，第二個失球亦話俾大家知，佢處理防務時經驗尚淺。不過，既然羅生肯用新人，就要預咗會有呢啲陣痛期。如果相信邦仔嘅潛質，請繼續俾機會佢，至少我會。
數據總結
全場數據基本上係一面倒：xThreat 車路士錄得 2.13 對比列斯嘅 0.66；Possession 高達 65.7%；Field Tilt 更加係 74.5%。數據話你知，車路士係絕對嘅統治者。
雖然禁區內射門高達 14 次，Deep Entries 亦有 18 次，而列斯僅 4 次，但睇落去總係覺得隔靴搔癢。原因係車路士嘅攻勢好多時轉化唔到做具威脅嘅 Open play 射門，反而係靠博 12 碼維持 xG。數據靚，但實際入肉程度不足。
上半場車路士 PPDA 低至 8.7，逼搶強度極高，令列斯無法呼吸。但下半場隨著體力下降同對手變陣，數據明顯下滑，控制力唔足以維持 90 分鐘。
再睇深入啲，Buildup completion 雖然有 92.3%，證明後場組織暢順，但最致命嘅係 High Turnovers。雖然全場雙方都只係各有 1 次，偏偏車路士嗰一下失誤就係邦仔同山齊士嘅誤會，直接導致失波。數據上嘅小數點，往往就係勝負嘅關鍵。
總結
呢場嘅 2 分，絕對係學費嚟。
球隊展現咗統治力，但同時暴露咗極度依賴 12 碼、二安被睇通、以及防線缺乏領袖信任等深層次問題。不過，既然揀得行青春風暴，就要接受年輕球員（如邦仔）會有犯錯嘅時候。
希望羅生同班波可以喺錯誤中學習，特別係點樣喺領先時控制比賽節奏，唔好再做只有 45 分鐘電量嘅鹹蛋超人。下場足總盃對侯城，期望見到防線重建信心。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊