曼聯迷，終於可以唞返啖氣。
自從 2024 年 2 月以嚟，奧脫福已經好耐未試過出現「聯賽 4 連勝」呢個畫面。當見到連剪髮哥都終於叫糊，成隊波好似突然識踢返波咁，相信大家開心之餘，我估除咗曼迷，其他球迷心入面都有個大問號：
「點解會咁嘅？明明都係同一班人嚟架咋喎？」
兩個月前，艾摩廉 (阿摩廉、阿莫林，事但啦…反正應該無幾多機會再提佢個名…) 帶住佢套喺葡萄牙橫掃千軍嘅 3-4-3 嚟到曼聯，結果踢到一頭煙，14 個月就黯然落台。卡域克接手做看守領隊，無買人、無大改，只係簡單咁帶咗幾課操練，成隊波就突然上身。
到底係艾摩廉太廢，定係卡域克有魔法？ 其實答案可能好簡單，甚至有啲殘酷：艾摩廉無錯，佢只係錯在係錯誤嘅時間，想將一套理想化嘅系統，強行安裝落根本執行唔到嘅球員身上。
今日我哋唔講感覺，講數據。拆解下點解卡域克手上本說明書，會同艾摩廉果本差咁遠。
陣式迷思：當「理想」撞上「現實」
要講分別，首先要講陣式。 我估今日大家都理解到，艾摩廉係一個體系型教練，佢嘅哲學係 System First。佢深信自己套 3-4-3 (或 3-4-2-1) 係無敵嘅，只要球員跟足指令跑就得。
理論上係好聽，但現實係無咁簡單。艾摩廉套 3-4-3 有個核心要求：高位防守。佢要求後防線壓得好前，壓縮對手空間。
但問題嚟啦，曼聯嘅中堅係邊個？係迪歷特同麥佳亞。
迪歷特今季錄得嘅最高衝刺速度只有 30.8 km/h。 喺英超，面對住成班 34-35 km/h 嘅跑車型前鋒，連埋麥佳亞，你叫兩個轉身慢、速度唔快嘅中堅去踢 High Line，又要佢哋拉邊去補翼衛個位，呢個行為基本上同自殺無分別。
結果大家有目共睹：艾摩廉時期，曼聯成日俾人一個長波打穿身後，中堅追到氣咳都追唔到，最終導致場均失球高達 1.7 球。
卡域克接手後，無整色整水，第一件事就係 回歸 4-2-3-1。
- 防線後移 (Mid Block)： 唔再盲目壓前，保護返兩位中堅嘅身後空間。
- 雙防中屏障： 用卡斯米路拍住明奴喺前面掃蕩，中堅只需專注正面防守同爭頂（呢樣係佢哋強項）。
結果？簡單嘅常識調整，令曼聯由防守放題變返做正常球隊。4 場波，曼聯只係失咗 2 球，場均失球由 1.7 大幅減至 0.5。 證明咗，有時做教練唔係要發明新戰術，而係要識得藏拙就夠。
說明書之謎：當零件機械人搵返自由意志
解決咗防守漏洞，卡域克做嘅第二件事，就係搵返主力球員遺失咗嘅說明書。
艾摩廉作為一個體系控，佢要求球員好似體制中嘅零件一樣，只需要執行戰術。喺佢套 3-4-3 入面，中場球員需要極大嘅跑動覆蓋同嚴格嘅位置紀律。 呢樣正正扼殺咗曼聯兩位最有天份、但最需要自由度嘅球員：般奴同明奴。
般奴：由工兵變返做藝術家
喺艾摩廉手下，般奴被迫要踢 8 號位。 雖然數據上佢跑動距離多咗，但Heatmap顯示佢大部分時間都喺中圈甚至本方半場做防守補位同過渡。就姐係叫人用手術刀去斬柴………嘥氣。
卡域克接手後，講明畀般奴自由度，將佢推返去最熟悉嘅 10 號位。結果立竿見影。 頭 4 場波，般奴交出 1 入球 5 助攻。佢唔再需要浪費氣力去追波，而係喺Final Third 附近等波到，然後做佢最擅長嘅 Risk Taking Pass。
對熱刺一場，般奴參與咗球隊 14 次射門攻勢。對於般奴呢類球員，其實唔使教佢點跑位，只要話佢知個龍門喺邊，佢就會搞掂。
明奴：由棄將變回核心
更離譜嘅係明奴。 艾摩廉執教期間，佢嫌明奴跑動做唔到佢嘅期待、防守覆蓋唔夠大，一度將佢邊緣化甚至想賣走。 但卡域克深知明奴嘅價值在於 解除壓迫 同 派牌。
喺卡域克嘅 4-2-3-1 雙防中體系下，有卡斯米路喺隔離做掃蕩，明奴可以專心做攻守轉換嘅樞紐。最明顯就係 2-0 贏熱刺嗰場，明奴錄得全場最高嘅 33 次進攻三區傳球。佢唔係只識橫傳，而係能夠喺受壓下將個波運上前場。艾摩廉眼中嘅缺點，喺卡域克手下變成咗最強武器。
訓練場的秘密：軍營變返遊樂場？
戰術板之外，卡域克做嘅第三個調整，係關於心理。
曼聯呢班球星，坦白講，係幾情緒化嘅。 艾摩廉軍紀嚴明，甚至有啲軍訓式嘅感覺。佢強制球員比賽後第二日要即刻復操、禁止放假、訓練內容被批評長又悶。對於一班球星嚟講，呢種生活係折磨。
卡域克作為前隊長，佢好清楚奧脫福嘅更衣室文化。佢一上任就推行 「七項原則」，將訓練模式改為 "Short & Sharp" 模式：
取消禁令： 恢復賽後放假，畀球員有私人空間。
簡化指令： 唔再要球員背複雜嘅戰術跑位，而係強調快樂 同 表達自己。
這聽落好似好？但對於新加盟嘅球員嚟講最有效。 你睇下新援 古夏 同 麥比奧莫，喺艾摩廉手下踢到患得患失，驚跑錯位俾人鬧；喺卡域克手下，佢哋重拾自信，敢去過人、敢去射門。
古夏對阿仙奴嗰球絕殺，正正就係球員有信心嘅表現。 有時足球就係咁簡單：Happy players play better。 艾摩廉嘅高深戰術課，對於曼聯球員嚟講可能係限制器；而卡域克嘅放養式管理，反而係一種解脫。
總結：常識的勝利
講到尾，艾摩廉係咪一個失敗嘅領隊？我覺得絕對唔係。佢喺士砵亭嘅成績證明咗佢係有級數嘅。佢喺曼聯嘅失敗，只係因為佢太過理想主義。佢嘗試將一套需要特定零件（高速中堅、頂級翼衛）嘅作業系統 (3-4-3)，強行安裝落一部配置完全唔同嘅電腦度。
而卡域克嘅成功，唔係因為佢發明咗咩驚天地泣鬼神嘅新戰術，而係因為佢擁有最珍貴嘅嘢 Common Sense。
後衛慢？拉後條防線保護佢。
中場有創造力？畀自由度佢發揮。
球員唔開心？令佢哋開心返先。
同一班人，兩種命運。 曼聯根本唔需要再搵咩戰術大師去進行第 N 次米一久釀，佢哋需要嘅，或者只係一個識得睇說明書、識得將球員放返啱位置嘅正常人。卡域克用 4 場波證明咗，原來曼聯本說明書一直都喺度，只係之前個教練太執著於自己本筆記，而唔記得咗打開嚟睇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
自從 2024 年 2 月以嚟，奧脫福已經好耐未試過出現「聯賽 4 連勝」呢個畫面。當見到連剪髮哥都終於叫糊，成隊波好似突然識踢返波咁，相信大家開心之餘，我估除咗曼迷，其他球迷心入面都有個大問號：
「點解會咁嘅？明明都係同一班人嚟架咋喎？」
兩個月前，艾摩廉 (阿摩廉、阿莫林，事但啦…反正應該無幾多機會再提佢個名…) 帶住佢套喺葡萄牙橫掃千軍嘅 3-4-3 嚟到曼聯，結果踢到一頭煙，14 個月就黯然落台。卡域克接手做看守領隊，無買人、無大改，只係簡單咁帶咗幾課操練，成隊波就突然上身。
到底係艾摩廉太廢，定係卡域克有魔法？ 其實答案可能好簡單，甚至有啲殘酷：艾摩廉無錯，佢只係錯在係錯誤嘅時間，想將一套理想化嘅系統，強行安裝落根本執行唔到嘅球員身上。
今日我哋唔講感覺，講數據。拆解下點解卡域克手上本說明書，會同艾摩廉果本差咁遠。
陣式迷思：當「理想」撞上「現實」
要講分別，首先要講陣式。 我估今日大家都理解到，艾摩廉係一個體系型教練，佢嘅哲學係 System First。佢深信自己套 3-4-3 (或 3-4-2-1) 係無敵嘅，只要球員跟足指令跑就得。
理論上係好聽，但現實係無咁簡單。艾摩廉套 3-4-3 有個核心要求：高位防守。佢要求後防線壓得好前，壓縮對手空間。
但問題嚟啦，曼聯嘅中堅係邊個？係迪歷特同麥佳亞。
迪歷特今季錄得嘅最高衝刺速度只有 30.8 km/h。 喺英超，面對住成班 34-35 km/h 嘅跑車型前鋒，連埋麥佳亞，你叫兩個轉身慢、速度唔快嘅中堅去踢 High Line，又要佢哋拉邊去補翼衛個位，呢個行為基本上同自殺無分別。
結果大家有目共睹：艾摩廉時期，曼聯成日俾人一個長波打穿身後，中堅追到氣咳都追唔到，最終導致場均失球高達 1.7 球。
卡域克接手後，無整色整水，第一件事就係 回歸 4-2-3-1。
- 防線後移 (Mid Block)： 唔再盲目壓前，保護返兩位中堅嘅身後空間。
- 雙防中屏障： 用卡斯米路拍住明奴喺前面掃蕩，中堅只需專注正面防守同爭頂（呢樣係佢哋強項）。
結果？簡單嘅常識調整，令曼聯由防守放題變返做正常球隊。4 場波，曼聯只係失咗 2 球，場均失球由 1.7 大幅減至 0.5。 證明咗，有時做教練唔係要發明新戰術，而係要識得藏拙就夠。
說明書之謎：當零件機械人搵返自由意志
解決咗防守漏洞，卡域克做嘅第二件事，就係搵返主力球員遺失咗嘅說明書。
艾摩廉作為一個體系控，佢要求球員好似體制中嘅零件一樣，只需要執行戰術。喺佢套 3-4-3 入面，中場球員需要極大嘅跑動覆蓋同嚴格嘅位置紀律。 呢樣正正扼殺咗曼聯兩位最有天份、但最需要自由度嘅球員：般奴同明奴。
般奴：由工兵變返做藝術家
喺艾摩廉手下，般奴被迫要踢 8 號位。 雖然數據上佢跑動距離多咗，但Heatmap顯示佢大部分時間都喺中圈甚至本方半場做防守補位同過渡。就姐係叫人用手術刀去斬柴………嘥氣。
卡域克接手後，講明畀般奴自由度，將佢推返去最熟悉嘅 10 號位。結果立竿見影。 頭 4 場波，般奴交出 1 入球 5 助攻。佢唔再需要浪費氣力去追波，而係喺Final Third 附近等波到，然後做佢最擅長嘅 Risk Taking Pass。
對熱刺一場，般奴參與咗球隊 14 次射門攻勢。對於般奴呢類球員，其實唔使教佢點跑位，只要話佢知個龍門喺邊，佢就會搞掂。
明奴：由棄將變回核心
更離譜嘅係明奴。 艾摩廉執教期間，佢嫌明奴跑動做唔到佢嘅期待、防守覆蓋唔夠大，一度將佢邊緣化甚至想賣走。 但卡域克深知明奴嘅價值在於 解除壓迫 同 派牌。
喺卡域克嘅 4-2-3-1 雙防中體系下，有卡斯米路喺隔離做掃蕩，明奴可以專心做攻守轉換嘅樞紐。最明顯就係 2-0 贏熱刺嗰場，明奴錄得全場最高嘅 33 次進攻三區傳球。佢唔係只識橫傳，而係能夠喺受壓下將個波運上前場。艾摩廉眼中嘅缺點，喺卡域克手下變成咗最強武器。
訓練場的秘密：軍營變返遊樂場？
戰術板之外，卡域克做嘅第三個調整，係關於心理。
曼聯呢班球星，坦白講，係幾情緒化嘅。 艾摩廉軍紀嚴明，甚至有啲軍訓式嘅感覺。佢強制球員比賽後第二日要即刻復操、禁止放假、訓練內容被批評長又悶。對於一班球星嚟講，呢種生活係折磨。
卡域克作為前隊長，佢好清楚奧脫福嘅更衣室文化。佢一上任就推行 「七項原則」，將訓練模式改為 "Short & Sharp" 模式：
取消禁令： 恢復賽後放假，畀球員有私人空間。
簡化指令： 唔再要球員背複雜嘅戰術跑位，而係強調快樂 同 表達自己。
這聽落好似好？但對於新加盟嘅球員嚟講最有效。 你睇下新援 古夏 同 麥比奧莫，喺艾摩廉手下踢到患得患失，驚跑錯位俾人鬧；喺卡域克手下，佢哋重拾自信，敢去過人、敢去射門。
古夏對阿仙奴嗰球絕殺，正正就係球員有信心嘅表現。 有時足球就係咁簡單：Happy players play better。 艾摩廉嘅高深戰術課，對於曼聯球員嚟講可能係限制器；而卡域克嘅放養式管理，反而係一種解脫。
總結：常識的勝利
講到尾，艾摩廉係咪一個失敗嘅領隊？我覺得絕對唔係。佢喺士砵亭嘅成績證明咗佢係有級數嘅。佢喺曼聯嘅失敗，只係因為佢太過理想主義。佢嘗試將一套需要特定零件（高速中堅、頂級翼衛）嘅作業系統 (3-4-3)，強行安裝落一部配置完全唔同嘅電腦度。
而卡域克嘅成功，唔係因為佢發明咗咩驚天地泣鬼神嘅新戰術，而係因為佢擁有最珍貴嘅嘢 Common Sense。
後衛慢？拉後條防線保護佢。
中場有創造力？畀自由度佢發揮。
球員唔開心？令佢哋開心返先。
同一班人，兩種命運。 曼聯根本唔需要再搵咩戰術大師去進行第 N 次米一久釀，佢哋需要嘅，或者只係一個識得睇說明書、識得將球員放返啱位置嘅正常人。卡域克用 4 場波證明咗，原來曼聯本說明書一直都喺度，只係之前個教練太執著於自己本筆記，而唔記得咗打開嚟睇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊