首先要同各位讀者講聲：Sorly，今次堅係標題黨。如果你係諗住入嚟睇車仔老闆開 OO派對去 O莉島，咁你可以按上一頁出返去先。
不過，標題唔爆啲，又點引到大家入嚟關注呢單咁嚴肅嘅新聞？事關嚟到 2026 年初，隨著美國司法部根據法案解密咗數百萬頁關於已故淫媒大亨愛潑斯坦 (Jeffrey Epstein) 嘅檔案，成個歐美體育界同財經界都震晒。
而令到車迷最震驚嘅係，喺呢堆文件入面，居然出現咗我哋老闆：保利個大名。
單新聞一出，各種流言又即刻飛嚟飛去，有人話老闆去過O莉島，有人話要佢即時賣盤。但作為理性車迷，與其估估下，不如認真睇下份文件寫乜，搞清楚到底係「堅有嘢」定係「純粹公務」。
愛潑斯坦其實係做乜鳩？
要講單嘢之前，首先要簡單講下愛潑斯坦呢個人，同埋佢當時個背景，大家先會明個嚴重性喺邊。
我估最近大家睇新聞都知佢係臭名遠播嘅性罪犯，經營住一個專門服務權貴嘅性販運網絡。但重點係，佢唔止係一個扯皮條嘅馬伕，佢更加係一個極度擅長包裝自己嘅金融佬。
特別要留意個時間點：2011 年。 呢個年份好關鍵，因為愛潑斯坦早喺 2008 年已經因為教唆未成年人賣淫被定罪，坐過監（雖然刑期好短）。即係話，喺 2011 年嗰陣，全世界都知道佢係有案底嘅性罪犯。
但呢個人好恐怖，佢出獄之後發起咗一場洗底運動。佢利用自己手頭上嘅人脈（例如政界人物、科學家），扮到自己仲係好有影響力嘅中間人，周圍搵華爾街嘅新星去推銷生意，想證明自己仲有利用價值。
而當時喺金融界上位緊、仲做緊 Guggenheim Partners 管理合夥人嘅牙Todd，就不幸成為咗佢個獵物名單上面嘅其中一個。
文件講咗牙Todd啲乜？
好啦，背景講完，入正題。既然 2011 年愛潑斯坦已經臭晒朵，咁點解我哋個老闆牙Todd仲會同佢有計傾？
根據最新解密嘅司法部文件顯示，牙Todd 嗰陣時係由一個叫 David Mitchell 嘅中間人介紹，同愛潑斯坦有過 兩次互動（一次面對面開會，一次電話會議）。
不過，各位可以稍微放鬆先，因為文件內容無顯示牙Todd有去過嗰個傳說中嘅O莉島，亦無提及任何關於按摩或者不道德交易嘅內容。
佢哋傾嘅係好悶嘅正經生意：話係關於一單涉及愛爾蘭銀行嘅潛在交易，愛潑斯坦當時係想做中間人，介紹英國政界猛人曼德爾森（Peter Mandelson）俾牙Todd識，以此賺取佣金或者證明自己仲有影響力。
Well……雖然牙Todd法律上無錯，不過道德上呢個係一個巨大嘅「盡職調查失敗」。 作為一個頂級投資人，你會唔會走去同一個已經坐過監嘅性罪犯傾生意？當時華爾街嘅潛規則係「利潤大過道德」，牙Todd 顯然係覺得只要有錢賺，同魔鬼傾下數都無所謂。呢點先係最令人失望嘅地方。
而最令車迷無奈嘅係，面對傳媒查詢，牙Todd 方面一直採取 「拒絕置評」 嘅鴕鳥政策。雖然律師角度係最安全，但喺公眾眼中，呢種沉默往往令人覺得身有屎。
躺著也中槍嘅艾巴利
講完牙Todd，順便都要幫另一位大老闆艾巴利平反下。
自從單新聞爆出嚟，網上好多人將成個Blue Co拖落水，話兩個老闆都係一擔擔。但事實核查結果顯示：喺嗰幾百萬頁解密文件入面，完全無艾巴利個名。
點解佢會中槍？純粹係因為標籤效應。 愛潑斯坦檔案牽涉好多私募股權界嘅大佬（例如 Apollo Global Management 嘅 Leon Black），於是公眾就將所有 PE 大佬撈埋一碟。艾巴利今次堅係無辜食死貓，屬於躺著也中槍。
總結：法律無事，但個朵臭咗少少
講到尾，呢單嘢對車路士有咩影響？
法律方面風險，低。 牙Todd 當年只係傾生意，無參與性犯罪，加上係 2011 年嘅事，果時油王都未拎到歐聯冠軍，盤又未賣，英超賽會個老闆審查機制 (O&D Test) 基本上郁佢唔到。Blue Co唔會因為咁而要被迫賣盤。
聲譽風險……嗯，算高。本身車迷對管理層已經積落好多怨氣（加價、切斷客場津貼、戰績不穩、狂買幼幼），依家再爆多單道德污點，成個討論氣氛會變得更加差。
以後只要牙Todd 一入場，或者球隊一輸波，球迷除咗鬧佢廢，仲有大把道德高地可以企喺度鬧佢無良。對於一個本身已經極需重建公信力嘅管理層嚟講，呢單新聞無疑係雪上加霜。
雖然佢唔使坐監，但作為車迷，見到自己球會老闆個名同愛潑斯坦出現喺同一份文件上面，始終唔高興囉。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
不過，標題唔爆啲，又點引到大家入嚟關注呢單咁嚴肅嘅新聞？事關嚟到 2026 年初，隨著美國司法部根據法案解密咗數百萬頁關於已故淫媒大亨愛潑斯坦 (Jeffrey Epstein) 嘅檔案，成個歐美體育界同財經界都震晒。
而令到車迷最震驚嘅係，喺呢堆文件入面，居然出現咗我哋老闆：保利個大名。
單新聞一出，各種流言又即刻飛嚟飛去，有人話老闆去過O莉島，有人話要佢即時賣盤。但作為理性車迷，與其估估下，不如認真睇下份文件寫乜，搞清楚到底係「堅有嘢」定係「純粹公務」。
愛潑斯坦其實係做乜鳩？
要講單嘢之前，首先要簡單講下愛潑斯坦呢個人，同埋佢當時個背景，大家先會明個嚴重性喺邊。
我估最近大家睇新聞都知佢係臭名遠播嘅性罪犯，經營住一個專門服務權貴嘅性販運網絡。但重點係，佢唔止係一個扯皮條嘅馬伕，佢更加係一個極度擅長包裝自己嘅金融佬。
特別要留意個時間點：2011 年。 呢個年份好關鍵，因為愛潑斯坦早喺 2008 年已經因為教唆未成年人賣淫被定罪，坐過監（雖然刑期好短）。即係話，喺 2011 年嗰陣，全世界都知道佢係有案底嘅性罪犯。
但呢個人好恐怖，佢出獄之後發起咗一場洗底運動。佢利用自己手頭上嘅人脈（例如政界人物、科學家），扮到自己仲係好有影響力嘅中間人，周圍搵華爾街嘅新星去推銷生意，想證明自己仲有利用價值。
而當時喺金融界上位緊、仲做緊 Guggenheim Partners 管理合夥人嘅牙Todd，就不幸成為咗佢個獵物名單上面嘅其中一個。
文件講咗牙Todd啲乜？
好啦，背景講完，入正題。既然 2011 年愛潑斯坦已經臭晒朵，咁點解我哋個老闆牙Todd仲會同佢有計傾？
根據最新解密嘅司法部文件顯示，牙Todd 嗰陣時係由一個叫 David Mitchell 嘅中間人介紹，同愛潑斯坦有過 兩次互動（一次面對面開會，一次電話會議）。
不過，各位可以稍微放鬆先，因為文件內容無顯示牙Todd有去過嗰個傳說中嘅O莉島，亦無提及任何關於按摩或者不道德交易嘅內容。
佢哋傾嘅係好悶嘅正經生意：話係關於一單涉及愛爾蘭銀行嘅潛在交易，愛潑斯坦當時係想做中間人，介紹英國政界猛人曼德爾森（Peter Mandelson）俾牙Todd識，以此賺取佣金或者證明自己仲有影響力。
Well……雖然牙Todd法律上無錯，不過道德上呢個係一個巨大嘅「盡職調查失敗」。 作為一個頂級投資人，你會唔會走去同一個已經坐過監嘅性罪犯傾生意？當時華爾街嘅潛規則係「利潤大過道德」，牙Todd 顯然係覺得只要有錢賺，同魔鬼傾下數都無所謂。呢點先係最令人失望嘅地方。
而最令車迷無奈嘅係，面對傳媒查詢，牙Todd 方面一直採取 「拒絕置評」 嘅鴕鳥政策。雖然律師角度係最安全，但喺公眾眼中，呢種沉默往往令人覺得身有屎。
躺著也中槍嘅艾巴利
講完牙Todd，順便都要幫另一位大老闆艾巴利平反下。
自從單新聞爆出嚟，網上好多人將成個Blue Co拖落水，話兩個老闆都係一擔擔。但事實核查結果顯示：喺嗰幾百萬頁解密文件入面，完全無艾巴利個名。
點解佢會中槍？純粹係因為標籤效應。 愛潑斯坦檔案牽涉好多私募股權界嘅大佬（例如 Apollo Global Management 嘅 Leon Black），於是公眾就將所有 PE 大佬撈埋一碟。艾巴利今次堅係無辜食死貓，屬於躺著也中槍。
總結：法律無事，但個朵臭咗少少
講到尾，呢單嘢對車路士有咩影響？
法律方面風險，低。 牙Todd 當年只係傾生意，無參與性犯罪，加上係 2011 年嘅事，果時油王都未拎到歐聯冠軍，盤又未賣，英超賽會個老闆審查機制 (O&D Test) 基本上郁佢唔到。Blue Co唔會因為咁而要被迫賣盤。
聲譽風險……嗯，算高。本身車迷對管理層已經積落好多怨氣（加價、切斷客場津貼、戰績不穩、狂買幼幼），依家再爆多單道德污點，成個討論氣氛會變得更加差。
以後只要牙Todd 一入場，或者球隊一輸波，球迷除咗鬧佢廢，仲有大把道德高地可以企喺度鬧佢無良。對於一個本身已經極需重建公信力嘅管理層嚟講，呢單新聞無疑係雪上加霜。
雖然佢唔使坐監，但作為車迷，見到自己球會老闆個名同愛潑斯坦出現喺同一份文件上面，始終唔高興囉。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊