琴晚酋長球場嘅補時階段，當夏維斯射入嗰球絕殺，將車路士踢出聯賽盃之後，鏡頭捕捉到佢做咗一個令無數藍軍球迷嬲豬嘅動作。
唔係剷草，剷草我哋上年見過；而係佢激動咁跑去角球旗，手指大力指住心口個阿仙奴會章，表情開心到好似終於報咗血海深仇咁。
果一刻，作為車迷，我心入面湧現嘅唔係憤怒，而係…………黑人問號。
https://i.ibb.co/G4cXK8FJ/image.gif
回想 2023 年夏天，佢想走，車路士想賣，轉會費 6500 萬鎊，雙方可以話係好聚好散。球會無雪藏過佢，無欠過佢人工，佢亦無需要罷操跳草裙舞先走到，甚至因為 2021 年嗰個歐聯冠軍入波，大部份車迷對佢都係有一份情意結。(至少唔係Nobody先丫)
但佢似乎唔係咁諗。由加盟阿仙奴第一日開始，到琴晚指住個阿記嘅會章，佢彷彿單方面認定車路士係佢嘅仇人。到底係咩驅使一個曾經嘅歐聯英雄，要用咁決絕嘅方式去切割過去？呢種看似無緣無故的恨，到底從何而來？
數據解密：所謂嘅解放，其實只係簡化
外界主流嘅論調，成日話「阿仙奴終於解放咗夏維斯」，或者「車路士根本唔識用佢」，彷彿佢喺史丹福橋嗰三年係坐緊監。但當我哋撇除情感，單睇冷冰冰嘅數據，事實又係咪咁黑白分明？
我特登搵返佢喺車路士最後一季 (22/23) 同佢喺阿仙奴上季 (24/25) 嘅英超數據做個對比，結果相當有趣。
1. 參與度：車路士畀佢嘅責任其實更大
數據顯示，夏維斯喺車路士嗰陣，其實係球隊嘅核心運轉點。
觸球次數： 車路士時期每 90 分鐘 46.99次 vs 阿仙奴時期 40.20次。
創造機會： 車路士時期 1.33次 vs 阿仙奴時期 0.82次。
傳球成功率： 車路士時期 82.4% vs 阿仙奴時期 79.8%。
數據代表咗咩？說明喺車路士嗰陣，佢承擔緊極重嘅戰術責任。佢又要回撤攞波，又要組織攻勢，又要殺入禁區。車路士並無限制佢，反而係畀咗極大嘅自由度同球權佢去發揮。
2. 進攻本質：並沒有神奇的質變
再睇睇入球數據。
預期入球 (xG)： 車路士時期 0.40 vs 阿仙奴時期 0.46。
非十二碼 xG： 車路士時期 0.38 vs 阿仙奴時期 0.46。
佢嘅入球威脅其實相差無幾。佢喺阿仙奴入波多咗，主要原因唔係佢個人能力突然大爆發，而係阿迪達簡化咗佢嘅角色。
喺阿仙奴，佢身邊有奧迪加特同沙卡負責造波，夏維斯唔需要再頻繁回撤，佢只需要專注做一件事：衝入禁區射門。 反觀喺車路士，佢係顧完前面又要回後，做得多自然錯得多，數據上嘅對抗成功率同失誤率自然會高。
所以，睇落就唔存在「車路士戰術上虧待咗佢」呢回事。我哋當年只係將一個更難、更複雜嘅任務交畀佢；而佢依家喺阿仙奴踢得開心，純粹係因為任務變得簡單直接。唔係誰對誰錯，只是角色不同，但絕不構成佢要「恨」舊主嘅理由。
心理博弈：一場缺乏安全感嘅洗底Show
既然數據證明車路士並無喺戰術上虧待佢，咁呢種突如其來嘅恨意，或者只能夠從心理層面去解釋。
大家唔好唔記得，夏維斯加盟阿仙奴初期嘅日子其實並唔好過。當時阿仙奴球迷對佢充滿質疑，嗰首嘲諷佢嘅 "60 million down the drain" 甚至唱到街知巷聞。對於一個性格本身比較內向嘅球員嚟講，果種壓力係巨大嘅。
喺咁嘅環境下，要最快贏取新歡信任嘅方法係咩？就係用力去踐踏舊愛。
佢琴晚指住阿仙奴會章個動作，喺心理學角度睇，更似係一種過度補償 (Overcompensation)。佢需要透過呢種激進嘅表態，徹底為自己洗底。佢越係表現得痛恨車路士，越係表現得對阿仙奴死心塌地，佢內心嗰種外人嘅不安感就會越少。
所以，佢指住個會章，對象可能根本唔係車路士球迷，而係佢面前嗰班曾經懷疑過佢嘅阿仙奴球迷。呢個係一種生存手段，係一場做畀自己人睇嘅表忠Show，雖然肉酸，但係人性，至少可以理解。
情感錯配：你眼中嘅枷鎖，我哋眼中嘅過客
呢度，或者就係成件事最令車迷感到唏噓嘅地方： 一場巨大嘅情感錯配。
喺大部份車迷眼中，夏維斯係一個即使表現飄忽，但依然值得尊重嘅過客。因為 2021 年波圖嗰個歐聯決賽入波，我哋願意包容佢嘅不足，甚至喺佢離隊時送上祝福。對我哋嚟講，這是一段有遺憾但美好嘅回憶。
但對於夏維斯嚟講，史丹福橋嗰三年，真係俾咗佢一個公平嘅環境？
佢經歷過：林伯嘅青春風暴（球隊混亂加上林伯毫無章法），杜曹嘅戰術實驗（到家陣都仲未明杜曹想點），波特嘅災難（我無補充啦法官大人，呢個堅係虧待咗佢）。喺呢種環境下，佢可能真係覺得受委屈。我哋覺得佢係過客，但對佢嚟講，嗰三年可能係職業生涯最灰暗嘅日子。
雖然數據話我哋無虧待佢，但感受，從來都唔係數據計到。
作為車迷，見到曾經嘅歐聯英雄變成今日嘅兵工廠戰士，心入面當然會有條刺。但冷靜落嚟諗，既然佢已經做咗選擇，我哋亦無謂再糾結於佢尊唔尊重。
結語：回憶留在波圖
你指你嘅阿仙奴會章，繼續做你嘅爭冠拼圖；而我哋，會繼續欣賞住史丹福橋獎盃室入面，果一隻由你射入致勝球贏返嚟嘅歐聯獎盃。
獎盃拎咗就拎咗，球員要走都攔唔住。 夏維斯選擇咗將佢嘅熱情獻畀阿仙奴，咁咪大家互不拖欠。佢喺車迷記憶中嘅形象，定格喺 2021 年嗰晚就好，至於琴晚嗰個猙獰嘅笑容，就留返畀阿仙奴球迷去慢慢欣賞啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
唔係剷草，剷草我哋上年見過；而係佢激動咁跑去角球旗，手指大力指住心口個阿仙奴會章，表情開心到好似終於報咗血海深仇咁。
果一刻，作為車迷，我心入面湧現嘅唔係憤怒，而係…………黑人問號。
https://i.ibb.co/G4cXK8FJ/image.gif
回想 2023 年夏天，佢想走，車路士想賣，轉會費 6500 萬鎊，雙方可以話係好聚好散。球會無雪藏過佢，無欠過佢人工，佢亦無需要罷操跳草裙舞先走到，甚至因為 2021 年嗰個歐聯冠軍入波，大部份車迷對佢都係有一份情意結。(至少唔係Nobody先丫)
但佢似乎唔係咁諗。由加盟阿仙奴第一日開始，到琴晚指住個阿記嘅會章，佢彷彿單方面認定車路士係佢嘅仇人。到底係咩驅使一個曾經嘅歐聯英雄，要用咁決絕嘅方式去切割過去？呢種看似無緣無故的恨，到底從何而來？
數據解密：所謂嘅解放，其實只係簡化
外界主流嘅論調，成日話「阿仙奴終於解放咗夏維斯」，或者「車路士根本唔識用佢」，彷彿佢喺史丹福橋嗰三年係坐緊監。但當我哋撇除情感，單睇冷冰冰嘅數據，事實又係咪咁黑白分明？
我特登搵返佢喺車路士最後一季 (22/23) 同佢喺阿仙奴上季 (24/25) 嘅英超數據做個對比，結果相當有趣。
1. 參與度：車路士畀佢嘅責任其實更大
數據顯示，夏維斯喺車路士嗰陣，其實係球隊嘅核心運轉點。
觸球次數： 車路士時期每 90 分鐘 46.99次 vs 阿仙奴時期 40.20次。
創造機會： 車路士時期 1.33次 vs 阿仙奴時期 0.82次。
傳球成功率： 車路士時期 82.4% vs 阿仙奴時期 79.8%。
數據代表咗咩？說明喺車路士嗰陣，佢承擔緊極重嘅戰術責任。佢又要回撤攞波，又要組織攻勢，又要殺入禁區。車路士並無限制佢，反而係畀咗極大嘅自由度同球權佢去發揮。
2. 進攻本質：並沒有神奇的質變
再睇睇入球數據。
預期入球 (xG)： 車路士時期 0.40 vs 阿仙奴時期 0.46。
非十二碼 xG： 車路士時期 0.38 vs 阿仙奴時期 0.46。
佢嘅入球威脅其實相差無幾。佢喺阿仙奴入波多咗，主要原因唔係佢個人能力突然大爆發，而係阿迪達簡化咗佢嘅角色。
喺阿仙奴，佢身邊有奧迪加特同沙卡負責造波，夏維斯唔需要再頻繁回撤，佢只需要專注做一件事：衝入禁區射門。 反觀喺車路士，佢係顧完前面又要回後，做得多自然錯得多，數據上嘅對抗成功率同失誤率自然會高。
所以，睇落就唔存在「車路士戰術上虧待咗佢」呢回事。我哋當年只係將一個更難、更複雜嘅任務交畀佢；而佢依家喺阿仙奴踢得開心，純粹係因為任務變得簡單直接。唔係誰對誰錯，只是角色不同，但絕不構成佢要「恨」舊主嘅理由。
心理博弈：一場缺乏安全感嘅洗底Show
既然數據證明車路士並無喺戰術上虧待佢，咁呢種突如其來嘅恨意，或者只能夠從心理層面去解釋。
大家唔好唔記得，夏維斯加盟阿仙奴初期嘅日子其實並唔好過。當時阿仙奴球迷對佢充滿質疑，嗰首嘲諷佢嘅 "60 million down the drain" 甚至唱到街知巷聞。對於一個性格本身比較內向嘅球員嚟講，果種壓力係巨大嘅。
喺咁嘅環境下，要最快贏取新歡信任嘅方法係咩？就係用力去踐踏舊愛。
佢琴晚指住阿仙奴會章個動作，喺心理學角度睇，更似係一種過度補償 (Overcompensation)。佢需要透過呢種激進嘅表態，徹底為自己洗底。佢越係表現得痛恨車路士，越係表現得對阿仙奴死心塌地，佢內心嗰種外人嘅不安感就會越少。
所以，佢指住個會章，對象可能根本唔係車路士球迷，而係佢面前嗰班曾經懷疑過佢嘅阿仙奴球迷。呢個係一種生存手段，係一場做畀自己人睇嘅表忠Show，雖然肉酸，但係人性，至少可以理解。
情感錯配：你眼中嘅枷鎖，我哋眼中嘅過客
呢度，或者就係成件事最令車迷感到唏噓嘅地方： 一場巨大嘅情感錯配。
喺大部份車迷眼中，夏維斯係一個即使表現飄忽，但依然值得尊重嘅過客。因為 2021 年波圖嗰個歐聯決賽入波，我哋願意包容佢嘅不足，甚至喺佢離隊時送上祝福。對我哋嚟講，這是一段有遺憾但美好嘅回憶。
但對於夏維斯嚟講，史丹福橋嗰三年，真係俾咗佢一個公平嘅環境？
佢經歷過：林伯嘅青春風暴（球隊混亂加上林伯毫無章法），杜曹嘅戰術實驗（到家陣都仲未明杜曹想點），波特嘅災難（我無補充啦法官大人，呢個堅係虧待咗佢）。喺呢種環境下，佢可能真係覺得受委屈。我哋覺得佢係過客，但對佢嚟講，嗰三年可能係職業生涯最灰暗嘅日子。
雖然數據話我哋無虧待佢，但感受，從來都唔係數據計到。
作為車迷，見到曾經嘅歐聯英雄變成今日嘅兵工廠戰士，心入面當然會有條刺。但冷靜落嚟諗，既然佢已經做咗選擇，我哋亦無謂再糾結於佢尊唔尊重。
結語：回憶留在波圖
你指你嘅阿仙奴會章，繼續做你嘅爭冠拼圖；而我哋，會繼續欣賞住史丹福橋獎盃室入面，果一隻由你射入致勝球贏返嚟嘅歐聯獎盃。
獎盃拎咗就拎咗，球員要走都攔唔住。 夏維斯選擇咗將佢嘅熱情獻畀阿仙奴，咁咪大家互不拖欠。佢喺車迷記憶中嘅形象，定格喺 2021 年嗰晚就好，至於琴晚嗰個猙獰嘅笑容，就留返畀阿仙奴球迷去慢慢欣賞啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊