時間倒流返去 2022 年 3 月，喺現實嘅時間線，嗰一個月係車路士近代史最黑暗嘅轉捩點：制裁令出現、車仔資產凍結、油王被迫掛牌出售車仔。隨後發生嘅事，大家都耳熟能詳：美國財團清湖資本入主，保利同艾巴利帶住佢哋嘅美式大數據同「Vision 2030」降臨，徹底清洗舊部，將史丹福橋變成咗一個巨大嘅年輕球員實驗室。
但係，如果當年嘅劇本改寫咗呢？
試想像一下，喺另一個平行時空入面，阿巴莫域治嗰隊堪稱世界級嘅律師團隊，喺最後一刻搵到咗國際法嘅灰色地帶。佢哋透過一系列極度複雜嘅信託基金轉移同資產重組，奇蹟咁避過咗英國政府嘅制裁鐮刀。車路士，依然係嗰個屬於油王嘅帝國。
鏡頭轉返嚟 2026 年嘅今日，史丹福橋嘅包廂入面，坐住嘅唔係飲緊可樂、食緊Pizza嘅美國老細，而係嗰個永遠帶住怕醜微笑、對勝利有住偏執狂熱嘅俄羅斯人。轉會談判桌上，冇咗嗰班睇住數據買人嘅數據分析師，坐鎮嘅依然係那位雷厲風行嘅鐵娘子瑪蓮娜，同埋深受愛戴嘅技術總監施治。
歡迎嚟到油王宇宙，今次嘅What If，就帶大家睇下呢個望落風光無限，實際上步步驚心嘅平行世界。
第一幕：瑪蓮娜嘅神操作，我們錯過嘅夢幻陣容
時間係 2026 年嘅一個週末，史丹福橋嘅陽光特別燦爛。
當你揸住杯啤酒行入看台，望落去草地熱身嗰班人，嗰種感覺同現實完全唔同。無需要再查 Wikipedia 睇下果個係咩「南美未來之星」，亦都無需要再同隔離位爭論邊個 19 歲小朋友值得比多兩年時間。
映入眼簾嘅，係一副令人「J出血」嘅全盛陣容。
車長歸位，中場窒息
望下中圈嗰度？嗰個著住 41 號波衫、戴住隊長臂章指揮若定嘅男人，正正係我哋恨咗好耐、終於回家嘅懷斯。
仲記唔記得 2023 年夏天？當時阿仙奴班粉腸仲以為自己好有機會，結果瑪蓮娜連談判桌都無上，直接一張 1.05 億鎊嘅支票車落韋斯咸度，施治打個電話講兩句，懷斯就已經乖乖地返黎報到。
睇住佢同安素喺中場嗰種掃蕩同派牌，嗰種硬淨同級數，令你完全忘記咗咩叫世界級。隔離阿仙奴球迷提起懷斯個名仲係牙癢癢，而我哋？我哋只係會笑笑口講句：「有錢，真係大晒。」
面具俠降臨，暴力美學
再望前少少，禁區入面無咗嗰啲敗家嘅場面。取而代之嘅，係嗰個戴住面具嘅恐怖身影：奧斯文 (Victor Osimhen)。
當年拿玻里獅子開大口要 1.2 億？油王喺包廂入面可能只係笑笑口，簽個名就搞掂。你睇下奧斯文啱啱接應占士傳中嗰下泰山壓頂，撞開對面中堅將個波轟入網，嗰種純粹嘅暴力美學，真係令人諗起當打之年嘅杜奧巴。無花巧、無猶豫，就係入波。
成個陣容，由後防線有經驗老到嘅頂級中堅壓陣，到前場嘅神鋒，每一個位置都係當打之年嘅世界級球星。後備席坐住嘅？都係各國國腳。
喺呢個時空做車迷，係一種極度嘅傲慢。我哋唔講過程，唔講未來，我哋只講屈機。每週開電視，我哋都帶著一種未踢都知會贏嘅霸氣。嗰種久違了嘅帝國榮光，隨住油王喺看台上面怕醜嘅微笑，再一次籠罩住倫敦西區。
只不過…… 當大家沉醉喺奧斯文嘅入波慶祝時，有無人留意到看台上嘅瑪蓮娜，眉頭好似鎖得越嚟越緊？有無人諗過，養住呢班週薪郁啲就 30 萬鎊起跳嘅巨星，條數…… 其實係點樣計得掂？
第二幕：PSR嘅索命咒，金元足球嘅極限
贏波嘅香檳係甜嘅，但當你第二朝醒返，望住嗰條天文數字嘅數簿，嗰種宿醉嘅頭痛先至係最攞命。
喺呢個世界，雖然我哋每個禮拜都享受緊屈機嘅快感，但只要你細心留意下啲新聞，你會發現球會嘅氣氛有啲唔對路。每逢轉會窗開啟，嗰種恐慌感唔係嚟自買唔到人，而係嚟自要賣邊個填數。
高薪養兵的代價：每週 500 萬鎊的流血不止
現實世界入面，大家成日笑 Todd 嗰套「低底薪、高獎金」制度好孤寒，搞到無頂級球星肯黎。但喺我哋呢個油王宇宙，情況啱啱相反。
你試下打開 Capology 睇下我哋張糧單？嚇X死人。奧斯文週薪 350,000 鎊，懷斯 300,000 鎊，仲有史達寧、雲迪克呢班大佬，個個都係超級頂薪。成隊波嘅人工開支，比起現實中高出接近 40%。
以前油王可以隨便開張支票填咗條數佢，當係碎銀。但而家？英超賽會嗰條叫 PSR嘅絞索已經勒到實一實。佢哋唔理你老細有幾多錢，佢哋只睇你盤數賺幾多。油王啲錢入唔到帳，咁呢條數點填？
葛咸變咗代工廠：為咗生存，親生仔都要死
因為車仔無大球場，無超高週邊收入，所以同百萬富翁一樣，正確答案只有一個：Pure Profit。每一年嘅 6 月 30 號（PSR 截數日）之前，我哋都要經歷一場令人心碎嘅大清洗。
你打開手機，彈出嚟嘅唔係「Here We Go」買人，而係一個又一個令人眼濕濕嘅告別 Post。曼治？晨早去咗曼聯。加拉加？賣咗。高維爾？賣埋。馬臣？一早去咗維拉。甚至連剛剛傷好返嘅占士，都因為皇馬出價高而被瑪蓮娜放入可供出售名單，而家幾間球會等緊傾合約同轉會費。
點解要賣？唔係因為佢哋踢得唔好，亦唔係因為戰術唔啱。單純係因為佢哋係青訓，賣出去嘅轉會費係100% 純利，係唯一可以即時抵銷奧斯文同懷斯巨額攤銷同人工嘅方法。
喺看台上，我哋個心情好矛盾。一方面，我哋為奧斯文嘅入波歡呼；另一方面，我哋睇住後備席越嚟越少熟悉嘅面孔，心入面有種講唔出嘅痛。葛咸訓練基地，以前係我哋引以為傲嘅青訓工廠，而家喺呢個平行時空，佢變成咗一座冷冰冰嘅代工廠。
班青訓小朋友踢得好又點？佢哋嘅命運注定係被賣走，用嚟供養一隊嗰班僱傭兵。
「無辦法啦，要保住個陣容，係要有人犧牲㗎啦。」你喺酒吧聽到隔離個阿叔咁講。你點點頭，飲咗啖苦澀嘅啤酒。你知道佢講得啱，喺舊時代嘅金錢足球邏輯撞上新時代嘅 PSR 規則之下，呢個就係生存嘅唯一法則：一將功成萬骨枯。
只不過，當你以為賣晒啲仔就可以過關嗰陣，原來個黑洞比想像中仲要深……
第三幕：黑箱作業 2.0 ，當自首變成斷正
紙，始終係包唔住火嘅。
其實喺大家心底入面，隱隱約約都覺得有啲唔妥。點解我哋賣走幾個青訓，就可以填到懷斯、奧斯文、加上一班後備球星嗰條天文數字嘅數？點解其他英超隊都要縮衣節食，唯獨係我哋可以繼續好似玩FM開金手指咁樣擴軍？
直到 2026 年嘅某個黑色星期五，當你打開 Sky Sports App，見到嗰個鮮黃色嘅 "BREAKING NEWS" 標題，個心即刻離一離，跌咗落谷底。
唔係歷史文件，係現在進行式
現實中，Todd 佢哋自首嘅係 2012-2019 年嘅舊帳。但喺呢個時空，爆出嚟嘅係一份由《泰晤士報》聯同國際調查記者同盟發布嘅核彈級報導。
原來，為咗繞過 PSR 嗰條死人紅線，同時又要維持奧斯文佢哋嘅天價人工，球會管理層並無選擇收手，而係選擇咗將當年嗰套「暗黑兵法」升級再重啟。報導詳細列出咗一系列證據：奧斯文帳面個週薪係報細數，另外嗰一半？係透過幾間喺英屬處女島註冊、同油王有千絲萬縷關係嘅空殼公司，以「肖像權」、「贊助費」嘅名義秘密支付。
經理人佣金？全部 Under table。轉會費？有部分資金來源不明。最攞命嘅係，呢啲唔係十年前嘅舊史，而係上個月仲發生緊嘅事。
由自首變斷正，性質完全唔同
喺現實，英超賽會對車路士可能只係罰錢了事，因為新老細主動舉報，叫做有悔意、合作態度良好。
但喺呢度？呢個係「蓄意欺詐」同埋「持續違規」。英超賽會同 FA 嘅聲明措辭強硬到令你心寒：佢哋宣佈對車路士提出超過 100 項指控，而且定性為「嚴重破壞公平競技原則」。
曼城嗰 115 條控罪打咗幾年官司仲拖緊？因為佢哋有錢請律師團同你磨。但我哋今次係俾人捉到正一正，證據確鑿到連辯護嘅空間都無。
滅頂之災：從天堂直插地獄
原本喺聯賽榜排緊第二、叫緊糊殺上榜首嘅我哋，一夜之間變成過街老鼠。
傳媒開始瘋狂推測刑罰：即時扣 30 分？直接降班？甚至褫奪過去兩季嘅錦標？史丹福橋球場外，原本慶祝勝利嘅人潮唔見晒，取而代之嘅係大批抗議嘅球迷，同埋將成個球會總部圍到水洩不通嘅記者。
喺嗰一刻，望住電視畫面入面面色蒼白、匆匆上車避記者嘅瑪蓮娜，你終於明白咗一個好殘酷嘅現實：原來我哋過去幾年嘅風光，唔係建立喺實力之上，而係建立喺沙堆同幕後交易之上。
我哋笑 Todd 傻仔去自首？原來真正嘅傻仔係我哋都唔定。我哋以為油王係救世主，殊不知佢嗰套舊時代嘅玩法，喺新時代嘅規則下，變成咗一劑毒藥，將成間球會推向萬劫不復嘅深淵。
總結：夢醒時分，時代變咗，玩法都變咗
好彩，當你抹一抹額頭嘅冷汗，你會發現史丹福橋外面無抗議人群，英超賽會亦都無出聲明要踢我哋落英冠。剛才嗰一切，都只係發生喺我哋腦海中嘅平行時空。
現實中，我哋依然係由Blue Co持有，依然係睇緊班後生仔，喺聯賽榜力爭上游。
戴返個頭盔：對傳奇的最高敬意
寫到呢度，我必須要戴返個頭盔，好嚴肅咁講清楚：這篇文絕對唔係要抹黑或者否定阿巴莫域治。
相反，作為車迷，我哋對油王只有無限嘅感激。佢喺 2003 年入主，用真金白銀打破咗曼聯同阿仙奴嘅壟斷，將車路士由一間中游球會變成世界冠軍。佢對足球嘅熱愛、對勝利嘅執著，係無容置疑嘅。
喺嗰個 FFP仲未成熟、甚至係真空嘅年代，佢嗰套「不計成本、只求冠軍」嘅經營模式，絕對係當時最成功、最暴力嘅解方。佢係車路士歷史上，甚至係英超歷史上最偉大嘅班主，呢一點，永遠唔會變。
金元足球的黃昏：有錢都唔俾你用
但呢篇「What If」想帶出嘅殘酷真相係：時代變咗，個玩法已經唔同晒。
隨住英超 PSR 同歐洲足協嘅財政條例收緊，嗰個「老細肯科水就係無敵」嘅年代已經一去不返。今日嘅足球世界，唔係鬥邊個老細更有錢，而係鬥邊個盤數做得更靚、邊個嘅薪酬結構更健康。
如果油王今日仲喺度，佢嗰種「以油養戰」、郁啲就課金幾億填數、球星人工無上限嘅做法，喺 2026 年嘅監管環境下，注定會撞到頭破血流。強如曼城，都要面對 115 條控罪嘅陰霾；而喺我哋嘅推演入面，若果繼續用舊思維去營運，結果可能就係上述嗰種毁滅性嘅災難。
接受現實的陣痛：難食但保命的糙米飯
回望現實，Todd 同清湖資本做緊嘅嘢：簽長約攤分成本、瘋狂買入低薪潛力股、清走高薪老將，雖然令我哋呢班睇慣大魚大肉嘅球迷覺得好難頂，好似由食開米芝蓮變咗食糙米飯咁，淡而無味仲要經常消化不良。
但或者，我哋要開始承認，喺新時代嘅遊戲規則下，呢種令人痛苦嘅可持續發展模式，可能先係球會能夠長遠生存、避免好似愛華頓或者森林咁被扣分嘅唯一出路。
油王嘅時代係美好嘅，正如初戀總係最刻骨銘心。但歌都有得唱，「那動人時光，不用常回看，能提取溫暖以後渡嚴寒，就關起那間房」。或者可以開始俾多啲少少耐性班細路，因為喺呢個新世界入面，原來能夠安安穩穩咁踢波，唔使擔驚受怕俾人罰分，已經係一種值得珍惜嘅幸福。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但係，如果當年嘅劇本改寫咗呢？
試想像一下，喺另一個平行時空入面，阿巴莫域治嗰隊堪稱世界級嘅律師團隊，喺最後一刻搵到咗國際法嘅灰色地帶。佢哋透過一系列極度複雜嘅信託基金轉移同資產重組，奇蹟咁避過咗英國政府嘅制裁鐮刀。車路士，依然係嗰個屬於油王嘅帝國。
鏡頭轉返嚟 2026 年嘅今日，史丹福橋嘅包廂入面，坐住嘅唔係飲緊可樂、食緊Pizza嘅美國老細，而係嗰個永遠帶住怕醜微笑、對勝利有住偏執狂熱嘅俄羅斯人。轉會談判桌上，冇咗嗰班睇住數據買人嘅數據分析師，坐鎮嘅依然係那位雷厲風行嘅鐵娘子瑪蓮娜，同埋深受愛戴嘅技術總監施治。
歡迎嚟到油王宇宙，今次嘅What If，就帶大家睇下呢個望落風光無限，實際上步步驚心嘅平行世界。
第一幕：瑪蓮娜嘅神操作，我們錯過嘅夢幻陣容
時間係 2026 年嘅一個週末，史丹福橋嘅陽光特別燦爛。
當你揸住杯啤酒行入看台，望落去草地熱身嗰班人，嗰種感覺同現實完全唔同。無需要再查 Wikipedia 睇下果個係咩「南美未來之星」，亦都無需要再同隔離位爭論邊個 19 歲小朋友值得比多兩年時間。
映入眼簾嘅，係一副令人「J出血」嘅全盛陣容。
車長歸位，中場窒息
望下中圈嗰度？嗰個著住 41 號波衫、戴住隊長臂章指揮若定嘅男人，正正係我哋恨咗好耐、終於回家嘅懷斯。
仲記唔記得 2023 年夏天？當時阿仙奴班粉腸仲以為自己好有機會，結果瑪蓮娜連談判桌都無上，直接一張 1.05 億鎊嘅支票車落韋斯咸度，施治打個電話講兩句，懷斯就已經乖乖地返黎報到。
睇住佢同安素喺中場嗰種掃蕩同派牌，嗰種硬淨同級數，令你完全忘記咗咩叫世界級。隔離阿仙奴球迷提起懷斯個名仲係牙癢癢，而我哋？我哋只係會笑笑口講句：「有錢，真係大晒。」
面具俠降臨，暴力美學
再望前少少，禁區入面無咗嗰啲敗家嘅場面。取而代之嘅，係嗰個戴住面具嘅恐怖身影：奧斯文 (Victor Osimhen)。
當年拿玻里獅子開大口要 1.2 億？油王喺包廂入面可能只係笑笑口，簽個名就搞掂。你睇下奧斯文啱啱接應占士傳中嗰下泰山壓頂，撞開對面中堅將個波轟入網，嗰種純粹嘅暴力美學，真係令人諗起當打之年嘅杜奧巴。無花巧、無猶豫，就係入波。
成個陣容，由後防線有經驗老到嘅頂級中堅壓陣，到前場嘅神鋒，每一個位置都係當打之年嘅世界級球星。後備席坐住嘅？都係各國國腳。
喺呢個時空做車迷，係一種極度嘅傲慢。我哋唔講過程，唔講未來，我哋只講屈機。每週開電視，我哋都帶著一種未踢都知會贏嘅霸氣。嗰種久違了嘅帝國榮光，隨住油王喺看台上面怕醜嘅微笑，再一次籠罩住倫敦西區。
只不過…… 當大家沉醉喺奧斯文嘅入波慶祝時，有無人留意到看台上嘅瑪蓮娜，眉頭好似鎖得越嚟越緊？有無人諗過，養住呢班週薪郁啲就 30 萬鎊起跳嘅巨星，條數…… 其實係點樣計得掂？
第二幕：PSR嘅索命咒，金元足球嘅極限
贏波嘅香檳係甜嘅，但當你第二朝醒返，望住嗰條天文數字嘅數簿，嗰種宿醉嘅頭痛先至係最攞命。
喺呢個世界，雖然我哋每個禮拜都享受緊屈機嘅快感，但只要你細心留意下啲新聞，你會發現球會嘅氣氛有啲唔對路。每逢轉會窗開啟，嗰種恐慌感唔係嚟自買唔到人，而係嚟自要賣邊個填數。
高薪養兵的代價：每週 500 萬鎊的流血不止
現實世界入面，大家成日笑 Todd 嗰套「低底薪、高獎金」制度好孤寒，搞到無頂級球星肯黎。但喺我哋呢個油王宇宙，情況啱啱相反。
你試下打開 Capology 睇下我哋張糧單？嚇X死人。奧斯文週薪 350,000 鎊，懷斯 300,000 鎊，仲有史達寧、雲迪克呢班大佬，個個都係超級頂薪。成隊波嘅人工開支，比起現實中高出接近 40%。
以前油王可以隨便開張支票填咗條數佢，當係碎銀。但而家？英超賽會嗰條叫 PSR嘅絞索已經勒到實一實。佢哋唔理你老細有幾多錢，佢哋只睇你盤數賺幾多。油王啲錢入唔到帳，咁呢條數點填？
葛咸變咗代工廠：為咗生存，親生仔都要死
因為車仔無大球場，無超高週邊收入，所以同百萬富翁一樣，正確答案只有一個：Pure Profit。每一年嘅 6 月 30 號（PSR 截數日）之前，我哋都要經歷一場令人心碎嘅大清洗。
你打開手機，彈出嚟嘅唔係「Here We Go」買人，而係一個又一個令人眼濕濕嘅告別 Post。曼治？晨早去咗曼聯。加拉加？賣咗。高維爾？賣埋。馬臣？一早去咗維拉。甚至連剛剛傷好返嘅占士，都因為皇馬出價高而被瑪蓮娜放入可供出售名單，而家幾間球會等緊傾合約同轉會費。
點解要賣？唔係因為佢哋踢得唔好，亦唔係因為戰術唔啱。單純係因為佢哋係青訓，賣出去嘅轉會費係100% 純利，係唯一可以即時抵銷奧斯文同懷斯巨額攤銷同人工嘅方法。
喺看台上，我哋個心情好矛盾。一方面，我哋為奧斯文嘅入波歡呼；另一方面，我哋睇住後備席越嚟越少熟悉嘅面孔，心入面有種講唔出嘅痛。葛咸訓練基地，以前係我哋引以為傲嘅青訓工廠，而家喺呢個平行時空，佢變成咗一座冷冰冰嘅代工廠。
班青訓小朋友踢得好又點？佢哋嘅命運注定係被賣走，用嚟供養一隊嗰班僱傭兵。
「無辦法啦，要保住個陣容，係要有人犧牲㗎啦。」你喺酒吧聽到隔離個阿叔咁講。你點點頭，飲咗啖苦澀嘅啤酒。你知道佢講得啱，喺舊時代嘅金錢足球邏輯撞上新時代嘅 PSR 規則之下，呢個就係生存嘅唯一法則：一將功成萬骨枯。
只不過，當你以為賣晒啲仔就可以過關嗰陣，原來個黑洞比想像中仲要深……
第三幕：黑箱作業 2.0 ，當自首變成斷正
紙，始終係包唔住火嘅。
其實喺大家心底入面，隱隱約約都覺得有啲唔妥。點解我哋賣走幾個青訓，就可以填到懷斯、奧斯文、加上一班後備球星嗰條天文數字嘅數？點解其他英超隊都要縮衣節食，唯獨係我哋可以繼續好似玩FM開金手指咁樣擴軍？
直到 2026 年嘅某個黑色星期五，當你打開 Sky Sports App，見到嗰個鮮黃色嘅 "BREAKING NEWS" 標題，個心即刻離一離，跌咗落谷底。
唔係歷史文件，係現在進行式
現實中，Todd 佢哋自首嘅係 2012-2019 年嘅舊帳。但喺呢個時空，爆出嚟嘅係一份由《泰晤士報》聯同國際調查記者同盟發布嘅核彈級報導。
原來，為咗繞過 PSR 嗰條死人紅線，同時又要維持奧斯文佢哋嘅天價人工，球會管理層並無選擇收手，而係選擇咗將當年嗰套「暗黑兵法」升級再重啟。報導詳細列出咗一系列證據：奧斯文帳面個週薪係報細數，另外嗰一半？係透過幾間喺英屬處女島註冊、同油王有千絲萬縷關係嘅空殼公司，以「肖像權」、「贊助費」嘅名義秘密支付。
經理人佣金？全部 Under table。轉會費？有部分資金來源不明。最攞命嘅係，呢啲唔係十年前嘅舊史，而係上個月仲發生緊嘅事。
由自首變斷正，性質完全唔同
喺現實，英超賽會對車路士可能只係罰錢了事，因為新老細主動舉報，叫做有悔意、合作態度良好。
但喺呢度？呢個係「蓄意欺詐」同埋「持續違規」。英超賽會同 FA 嘅聲明措辭強硬到令你心寒：佢哋宣佈對車路士提出超過 100 項指控，而且定性為「嚴重破壞公平競技原則」。
曼城嗰 115 條控罪打咗幾年官司仲拖緊？因為佢哋有錢請律師團同你磨。但我哋今次係俾人捉到正一正，證據確鑿到連辯護嘅空間都無。
滅頂之災：從天堂直插地獄
原本喺聯賽榜排緊第二、叫緊糊殺上榜首嘅我哋，一夜之間變成過街老鼠。
傳媒開始瘋狂推測刑罰：即時扣 30 分？直接降班？甚至褫奪過去兩季嘅錦標？史丹福橋球場外，原本慶祝勝利嘅人潮唔見晒，取而代之嘅係大批抗議嘅球迷，同埋將成個球會總部圍到水洩不通嘅記者。
喺嗰一刻，望住電視畫面入面面色蒼白、匆匆上車避記者嘅瑪蓮娜，你終於明白咗一個好殘酷嘅現實：原來我哋過去幾年嘅風光，唔係建立喺實力之上，而係建立喺沙堆同幕後交易之上。
我哋笑 Todd 傻仔去自首？原來真正嘅傻仔係我哋都唔定。我哋以為油王係救世主，殊不知佢嗰套舊時代嘅玩法，喺新時代嘅規則下，變成咗一劑毒藥，將成間球會推向萬劫不復嘅深淵。
總結：夢醒時分，時代變咗，玩法都變咗
好彩，當你抹一抹額頭嘅冷汗，你會發現史丹福橋外面無抗議人群，英超賽會亦都無出聲明要踢我哋落英冠。剛才嗰一切，都只係發生喺我哋腦海中嘅平行時空。
現實中，我哋依然係由Blue Co持有，依然係睇緊班後生仔，喺聯賽榜力爭上游。
戴返個頭盔：對傳奇的最高敬意
寫到呢度，我必須要戴返個頭盔，好嚴肅咁講清楚：這篇文絕對唔係要抹黑或者否定阿巴莫域治。
相反，作為車迷，我哋對油王只有無限嘅感激。佢喺 2003 年入主，用真金白銀打破咗曼聯同阿仙奴嘅壟斷，將車路士由一間中游球會變成世界冠軍。佢對足球嘅熱愛、對勝利嘅執著，係無容置疑嘅。
喺嗰個 FFP仲未成熟、甚至係真空嘅年代，佢嗰套「不計成本、只求冠軍」嘅經營模式，絕對係當時最成功、最暴力嘅解方。佢係車路士歷史上，甚至係英超歷史上最偉大嘅班主，呢一點，永遠唔會變。
金元足球的黃昏：有錢都唔俾你用
但呢篇「What If」想帶出嘅殘酷真相係：時代變咗，個玩法已經唔同晒。
隨住英超 PSR 同歐洲足協嘅財政條例收緊，嗰個「老細肯科水就係無敵」嘅年代已經一去不返。今日嘅足球世界，唔係鬥邊個老細更有錢，而係鬥邊個盤數做得更靚、邊個嘅薪酬結構更健康。
如果油王今日仲喺度，佢嗰種「以油養戰」、郁啲就課金幾億填數、球星人工無上限嘅做法，喺 2026 年嘅監管環境下，注定會撞到頭破血流。強如曼城，都要面對 115 條控罪嘅陰霾；而喺我哋嘅推演入面，若果繼續用舊思維去營運，結果可能就係上述嗰種毁滅性嘅災難。
接受現實的陣痛：難食但保命的糙米飯
回望現實，Todd 同清湖資本做緊嘅嘢：簽長約攤分成本、瘋狂買入低薪潛力股、清走高薪老將，雖然令我哋呢班睇慣大魚大肉嘅球迷覺得好難頂，好似由食開米芝蓮變咗食糙米飯咁，淡而無味仲要經常消化不良。
但或者，我哋要開始承認，喺新時代嘅遊戲規則下，呢種令人痛苦嘅可持續發展模式，可能先係球會能夠長遠生存、避免好似愛華頓或者森林咁被扣分嘅唯一出路。
油王嘅時代係美好嘅，正如初戀總係最刻骨銘心。但歌都有得唱，「那動人時光，不用常回看，能提取溫暖以後渡嚴寒，就關起那間房」。或者可以開始俾多啲少少耐性班細路，因為喺呢個新世界入面，原來能夠安安穩穩咁踢波，唔使擔驚受怕俾人罰分，已經係一種值得珍惜嘅幸福。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊