戴定頭盔先，這是一篇 100% 純度嘅「抽水文」。如果你自問係一位崇尚以德報怨、覺得做人要留一線、唔鍾意睇人鞭屍嘅道德高尚人士，同埋你覺得自己係一個超忠誠利物浦球迷，唔可以接受任何批評前球員嘅聲音的話，咁你依家可以撳上一頁離開。因為接下來嘅內容，將會充滿住對一位所謂「球評家」嘅無情嘲笑同事實打臉。
好，留得低嘅，應該唔會鬧我，可以開始。
話說足球界有位著名嘅「哲學家」，佢唔係哥迪奧拿，亦唔係高普，而係戴住利物浦有色眼鏡、只要見到車路士就要踩兩腳嘅：加歷查。
大家記唔記得佢早排針對我哋世冠盃冠軍嘅偉論？佢當時擺出一副眾人皆醉佢獨醒嘅樣，質問車路士："How can you be Champions of the World, if they did not beat the Champions of England?" (如果你哋連英格蘭冠軍都贏唔到，憑咩叫自己做世界冠軍？)
當時聽到呢句，好多車迷都反白眼。但半年過去，雖然車仔係輸咗俾德甲冠軍，但今年嘅車路士的確成功咁踢贏咗上年嘅西甲冠軍(巴塞)、英超冠軍(利物浦)、意甲冠軍(拿坡里)、法甲冠軍(PSG)。
嚟到 2026 年 2 月嘅今日，我想恭敬咁請問聲加歷查：「請問我哋依家夠資格未？」
恨意何來？舊時代輸家的 PTSD
但當然，我呢篇文齋抽水，仲留係度嘅利迷一定會去我Facebook留言問候我祖宗十八代。所以，除咗抽水，都要睇下Why。
要理解加歷查對車路士那種近乎病態嘅執著，就要回帶去返 2000 年代中期。當年摩連奴橫空降世，帶領車路士用金元足球硬生生打破咗由曼聯同利物浦壟斷嘅英超舊秩序。
對於當初以「傳統豪門」出身同自居嘅加歷查嚟講，車路士就係一個毫無底蘊、靠錢買冠軍嘅「暴發戶」同「破壞者」。2013 年退役，反而以球評家嘅身份親身經歷 2014 年謝拉特跣腳送冠嘅慘劇（當年兇手正正係車路士），嗰種被藍色球隊多次喺歐聯同聯賽阻擊嘅無力感，早就喺十幾年前種落咗根。
所以到今時今日，佢嘅批評往往唔係基於客觀分析，而係源於一種「舊時代輸家」嘅心理防衛機制，一種深入骨髓嘅 PTSD。
雙重標準的極致：米奇老鼠 vs 世界級
其實我哋都知，加歷查係唔會認輸嘅。佢嘅強項就係「搬龍門」 同埋 「雙重標準」。
記得佢同 Micah Richards 辯論嗰陣，佢叫車仔個世冠盃做 "Mickey Mouse Trophy" (米奇老鼠盃)，話含金量低，唔值得 J。 但回帶睇返幾年前，當利物浦贏世冠盃嗰陣，佢係點講？佢話當時嘅世冠盃係 "World Class Achievement"，係球會登峰造極嘅證明。
同一隻盃，利物浦拎就係世界級，車仔拎就係米奇老鼠？ 呢件事就再次證明，佢根本唔係一個球評家，佢只係一個著住西裝、攞住咪嘅利物浦球迷。
十年針對史：由「趁火打劫」到「造謠抹黑」
如果你以為佢只係針對世冠盃，你就太天真。翻查過去十年嘅「加歷查語錄」，你會發現佢對車路士嘅恨係深入骨髓，甚至會令佢失去理智：
2022 年制裁期： 當車仔因為油王被制裁而風雨飄搖嗰陣，加歷查第一時間跳出嚟，叫曼聯應該 「趁火打劫 (Take advantage)」，搶走杜曹。喺人哋最危難嘅時候落井下石，呢啲就係佢所謂嘅專業。
青訓造謠： 係林伯特一期，當時嘅車仔經歷緊青春風暴，佢就公開指控車仔青訓係掠奪返嚟，話我哋偷人哋球會嘅細路。結果？被踢爆數據全錯，占士、曼治、巴咸全部係自家制。最後佢要喺 Twitter 尷尬道歉："Apologies I got a little emotional!" (對唔住我激動咗)。
十億軟腳蟹： 2024 年聯賽盃決賽後，佢創造咗 "Billion Pound Bottle Jobs" 呢個 Term 嚟笑車仔。結果？依家 2025 年，利物浦用咗差唔多價錢買嘅球員，今季的確打得唔錯。但問題係：加歷查有無出嚟話利記都係Billion Pound？無。
點解？因為佢只係對車仔有雙重標準。同樣燒錢，利記做就係investment，車仔做就係bottle job。呢個就係佢嘅邏輯。
總結：小丑的職責
不過，做人要大量啲。足球世界需要小丑，如果無咗加歷查這種人喺度燈，我哋贏波之後又點會有嗰種「打臉」嘅快感？
所以，多謝你呀 Jamie。請你繼續針對車路士，繼續搬龍門，繼續做你嘅利物浦打手。因為你每一次嘅嘲笑，最終都會變成有力嘅回力鏢，啪啪聲咁打返落你自己塊面度。
最後引用返一句我鍾意嘅句子嚟改：任何關於車路士嘅足球評論，只要見加歷查有份出現，你就知道，呢個評論必會變為業餘、不認真，和像馬戲團。
最後戴多次頭盔先，當然，以上內容都只係一個車迷嘅主觀感受……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
好，留得低嘅，應該唔會鬧我，可以開始。
話說足球界有位著名嘅「哲學家」，佢唔係哥迪奧拿，亦唔係高普，而係戴住利物浦有色眼鏡、只要見到車路士就要踩兩腳嘅：加歷查。
大家記唔記得佢早排針對我哋世冠盃冠軍嘅偉論？佢當時擺出一副眾人皆醉佢獨醒嘅樣，質問車路士："How can you be Champions of the World, if they did not beat the Champions of England?" (如果你哋連英格蘭冠軍都贏唔到，憑咩叫自己做世界冠軍？)
當時聽到呢句，好多車迷都反白眼。但半年過去，雖然車仔係輸咗俾德甲冠軍，但今年嘅車路士的確成功咁踢贏咗上年嘅西甲冠軍(巴塞)、英超冠軍(利物浦)、意甲冠軍(拿坡里)、法甲冠軍(PSG)。
嚟到 2026 年 2 月嘅今日，我想恭敬咁請問聲加歷查：「請問我哋依家夠資格未？」
恨意何來？舊時代輸家的 PTSD
但當然，我呢篇文齋抽水，仲留係度嘅利迷一定會去我Facebook留言問候我祖宗十八代。所以，除咗抽水，都要睇下Why。
要理解加歷查對車路士那種近乎病態嘅執著，就要回帶去返 2000 年代中期。當年摩連奴橫空降世，帶領車路士用金元足球硬生生打破咗由曼聯同利物浦壟斷嘅英超舊秩序。
對於當初以「傳統豪門」出身同自居嘅加歷查嚟講，車路士就係一個毫無底蘊、靠錢買冠軍嘅「暴發戶」同「破壞者」。2013 年退役，反而以球評家嘅身份親身經歷 2014 年謝拉特跣腳送冠嘅慘劇（當年兇手正正係車路士），嗰種被藍色球隊多次喺歐聯同聯賽阻擊嘅無力感，早就喺十幾年前種落咗根。
所以到今時今日，佢嘅批評往往唔係基於客觀分析，而係源於一種「舊時代輸家」嘅心理防衛機制，一種深入骨髓嘅 PTSD。
雙重標準的極致：米奇老鼠 vs 世界級
其實我哋都知，加歷查係唔會認輸嘅。佢嘅強項就係「搬龍門」 同埋 「雙重標準」。
記得佢同 Micah Richards 辯論嗰陣，佢叫車仔個世冠盃做 "Mickey Mouse Trophy" (米奇老鼠盃)，話含金量低，唔值得 J。 但回帶睇返幾年前，當利物浦贏世冠盃嗰陣，佢係點講？佢話當時嘅世冠盃係 "World Class Achievement"，係球會登峰造極嘅證明。
同一隻盃，利物浦拎就係世界級，車仔拎就係米奇老鼠？ 呢件事就再次證明，佢根本唔係一個球評家，佢只係一個著住西裝、攞住咪嘅利物浦球迷。
十年針對史：由「趁火打劫」到「造謠抹黑」
如果你以為佢只係針對世冠盃，你就太天真。翻查過去十年嘅「加歷查語錄」，你會發現佢對車路士嘅恨係深入骨髓，甚至會令佢失去理智：
2022 年制裁期： 當車仔因為油王被制裁而風雨飄搖嗰陣，加歷查第一時間跳出嚟，叫曼聯應該 「趁火打劫 (Take advantage)」，搶走杜曹。喺人哋最危難嘅時候落井下石，呢啲就係佢所謂嘅專業。
青訓造謠： 係林伯特一期，當時嘅車仔經歷緊青春風暴，佢就公開指控車仔青訓係掠奪返嚟，話我哋偷人哋球會嘅細路。結果？被踢爆數據全錯，占士、曼治、巴咸全部係自家制。最後佢要喺 Twitter 尷尬道歉："Apologies I got a little emotional!" (對唔住我激動咗)。
十億軟腳蟹： 2024 年聯賽盃決賽後，佢創造咗 "Billion Pound Bottle Jobs" 呢個 Term 嚟笑車仔。結果？依家 2025 年，利物浦用咗差唔多價錢買嘅球員，今季的確打得唔錯。但問題係：加歷查有無出嚟話利記都係Billion Pound？無。
點解？因為佢只係對車仔有雙重標準。同樣燒錢，利記做就係investment，車仔做就係bottle job。呢個就係佢嘅邏輯。
總結：小丑的職責
不過，做人要大量啲。足球世界需要小丑，如果無咗加歷查這種人喺度燈，我哋贏波之後又點會有嗰種「打臉」嘅快感？
所以，多謝你呀 Jamie。請你繼續針對車路士，繼續搬龍門，繼續做你嘅利物浦打手。因為你每一次嘅嘲笑，最終都會變成有力嘅回力鏢，啪啪聲咁打返落你自己塊面度。
最後引用返一句我鍾意嘅句子嚟改：任何關於車路士嘅足球評論，只要見加歷查有份出現，你就知道，呢個評論必會變為業餘、不認真，和像馬戲團。
最後戴多次頭盔先，當然，以上內容都只係一個車迷嘅主觀感受……
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊