聯賽盃四強次回合，阿仙奴 1：0 車路士，總比數 4：2。
或者會有人覺得輸一球唔抵，覺得如果唔係補時階段全軍壓上搏入波，或者唔會被夏維斯反擊一劍封喉。但講真，重點並唔係嗰一球失波上，因為失唔失都係出局。今場波真正嘅敗因，並唔係最後一分鐘嘅冒險，而係前 60 分鐘嘅「自我博弈」。
羅生或者係太過迷信自己下半場戰術大師嘅劇本，以為可以好似對上幾場咁，上半場穩守消耗，下半場換人收割。可惜今次面對嘅係一支決心死守、防守體系極之成熟嘅爭冠球隊。由慢熱到搏殺，車路士今次醒覺得太遲，與其話輸俾阿仙奴，不如話係輸咗俾時間。
比賽簡述：虛幻的優勢
比賽初段嘅戰況如果有睇直播，唔知仲以為車路士領先緊一球。雖然車路士上半場擁有大部份控球權，但成個形勢似係溫水煮蛙。畫面睇落係車仔攻緊，但其實係阿仙奴舒舒服服咁守緊。阿仙奴完全唔急住攻，反正領先一球在手，佢哋樂於讓出外圍控球，只要守住核心區域就得。車路士雖然控球多，但受制於右路攻勢斷纜，加上前面只有祖奧柏度做支點，真正有威脅嘅埋門寥寥可數。
真正嘅比賽由 60 分鐘先開始。羅生終於㩒制，換入彭馬同二安，球隊隨即由 3-5-2 變陣強攻。車路士嘅攻勢就突然變得立體，開始迫到阿仙奴縮入禁區。可惜受制於大雨濕滑嘅場地，幾次關鍵傳送都因為跣腳或者個波去得太慢唔到位而未能轉化為入球，加上阿仙奴嘅防守專注度極高，車路士始終老鼠拉龜，無從入手。
結局就係大家見到嘅畫面：補時階段車路士全軍壓上，甚至將中堅科芬拿推上去，後防只剩番極少兵力。結果一次長傳反擊，夏維斯單刀扭過山齊士射入空門，將車路士踢出局。
戰術深潛
賽前部署：傷兵潮下的無奈實驗
睇個陣以為係 3-5-2，但實際踢落似係用戴納踢右翼嘅 3-4-3。其實我自己反而唔想太責怪戴納，因為賽前已經知道尼圖同占士有傷出唔到，基頓斯又缺陣，羅生明顯係因為人腳問題先逼住要戴納頂上右路。
意圖好明顯，係想用戴納嘅身位同體能去消耗對手左路防守，搏下半場換人收割。如果要講，由數據睇到相當多嘢：戴納係前場錄得全場最多嘅 8 次對抗失敗（5 次地面、2 次空中），加上 3 次直接失球權同 0 次射門機會創造。基本上係佢一個人斷咗車路士半場嘅右路攻勢。實驗結果係失敗嘅，不但無成功消耗到對手太多體能，反而令球隊上半場處於少打個半嘅狀態。(我無打錯，的確係個半)
數據真相：阿仙奴的 0.26 xG 陷阱
雖然最後輸 1：0，但如果你細睇數據，就會發現阿仙奴由始至終都無諗住同你鬥攻。全場阿仙奴錄得 0.91 xG，但如果扣走夏維斯最後補時嗰球空龍射門（約 0.65 xG），阿仙奴其餘時間嘅 xG 其實只有 0.26。
佢哋手握領先優勢，特登讓出控球權，引誘車路士壓上，然後屯重兵喺禁區頂死守。車路士雖然有控球，但跌入咗對手嘅戰術陷阱，面對住一支一心一意泊大巴、完全放棄進攻嘅阿仙奴，單靠上半場殘缺嘅陣容根本無可能撕破對手防線。
換人博弈：遲來的 30 分鐘
如果話上半場係非戰之罪，咁下半場嘅調動先係真正死因。阿仙奴都唔急住攻，上半場節奏咁慢，羅生等到 60 分鐘先換入彭馬同二安，以一支落後緊嘅球隊嚟講實在太遲。
希望羅生喺呢次比賽學識教訓，唔係次次都可以靠下半場戰術致勝，特別係當對手係阿仙奴呢種級數。換人之後，雖然陣式變返立體，但阿仙奴嘅防守球員已經熱晒身適應咗節奏。
結果無論係由巴西趕返嚟嘅二安，定係後來換入嘅加拿祖，都無辦法喺邊路製造到突破，車路士嘅攻力因為太遲發力而大打折扣，最有威脅嘅射門只有來自安素嘅遠射。只有 30 分鐘要去攻破英超冠軍級嘅防線，係羅生今場最大嘅誤判。
戰術亮點：反傳統的角球防守
如果要喺今場搵一個值得讚嘅戰術亮點，就係羅生對付阿仙奴角球攻勢嘅部署。眾所周知阿仙奴嘅定點球極強，首回合車路士就係輸呢瓣，今場羅生參考咗一啲反傳統思維，喺防守角球時特登留低 3 個進攻球員喺前場唔回防。
呢招驟眼睇好似好冒險，但實際效果極佳。因為車路士前場有人，逼使阿仙奴唔敢全軍壓上爭頂，必須留番 3 至 4 個後衛喺後場防反擊。咁樣直接減低咗車路士禁區內嘅防守壓力同對手嘅密度，製造咗更多空間俾門將山齊士出迎摘走個波。對比首回合被狂轟濫炸，今場喺定點球防守上算係交出咗 100 分嘅功課。
天雨路滑益咗領先球隊
雖然輸波唔應該賴地硬，但今場嘅天氣確實對戰局有微妙影響。彭馬入場後，多次嘗試喺窄位搵隊友做地面傳送，或者想放身後波，但因為落雨嘅關係，草地狀況明顯比想像中差。
無論係球員跣腳、定係個波比平時去得慢咗，車路士嘅地面進攻組織多次受阻斷纜。呢種濕滑場地反而益咗一心死守嘅阿仙奴，只要破壞你節奏，車仔就無辦法提升到比賽嘅緊密程度，到比賽尾段都提升唔到Gear，但呢個係環境因素，非戰之罪。
至於球證方面，我唔想講太多廢話，單純係覺得佢全場對於雙方身體對抗、俾黃牌同吹罰嘅準則有少少唔一致。嗯，不過算啦，法官大人，大家有眼睇，輸波主因唔係佢，我無補充。
總結
輸就要認，打就要企定。雖然兩回合輸 2：4，但今場波明顯睇到羅生同阿迪達之間嘅級數差距。當羅生仲喺度試陣、諗緊點樣用下半場賭博嚟追落後嘅時候，阿迪達已經示範咗咩叫大賽管理：領先就閂門死守，一劍封喉。對於一位年輕領隊嚟講，今場係一堂好重要嘅戰術課：喺淘汰賽面對頂級對手，容錯率係零，唔係次次都有得靠換人補飛。
出局固然可惜，畢竟溫布萊只差一步，但諗深一層，塞翁失馬焉知非福。以車路士目前嘅傷兵名單同單薄陣容，硬闖決賽隨時顧此失彼。而家甩難一身輕，可以專心一致衝擊聯賽前四，全力為下季歐聯席位鋪路。
輸俾阿仙奴唔羞家，最緊要係唔好輸埋個勢。接下來對狼隊同列斯聯，先係考驗球隊反彈能力嘅真正戰場。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
或者會有人覺得輸一球唔抵，覺得如果唔係補時階段全軍壓上搏入波，或者唔會被夏維斯反擊一劍封喉。但講真，重點並唔係嗰一球失波上，因為失唔失都係出局。今場波真正嘅敗因，並唔係最後一分鐘嘅冒險，而係前 60 分鐘嘅「自我博弈」。
羅生或者係太過迷信自己下半場戰術大師嘅劇本，以為可以好似對上幾場咁，上半場穩守消耗，下半場換人收割。可惜今次面對嘅係一支決心死守、防守體系極之成熟嘅爭冠球隊。由慢熱到搏殺，車路士今次醒覺得太遲，與其話輸俾阿仙奴，不如話係輸咗俾時間。
比賽簡述：虛幻的優勢
比賽初段嘅戰況如果有睇直播，唔知仲以為車路士領先緊一球。雖然車路士上半場擁有大部份控球權，但成個形勢似係溫水煮蛙。畫面睇落係車仔攻緊，但其實係阿仙奴舒舒服服咁守緊。阿仙奴完全唔急住攻，反正領先一球在手，佢哋樂於讓出外圍控球，只要守住核心區域就得。車路士雖然控球多，但受制於右路攻勢斷纜，加上前面只有祖奧柏度做支點，真正有威脅嘅埋門寥寥可數。
真正嘅比賽由 60 分鐘先開始。羅生終於㩒制，換入彭馬同二安，球隊隨即由 3-5-2 變陣強攻。車路士嘅攻勢就突然變得立體，開始迫到阿仙奴縮入禁區。可惜受制於大雨濕滑嘅場地，幾次關鍵傳送都因為跣腳或者個波去得太慢唔到位而未能轉化為入球，加上阿仙奴嘅防守專注度極高，車路士始終老鼠拉龜，無從入手。
結局就係大家見到嘅畫面：補時階段車路士全軍壓上，甚至將中堅科芬拿推上去，後防只剩番極少兵力。結果一次長傳反擊，夏維斯單刀扭過山齊士射入空門，將車路士踢出局。
戰術深潛
賽前部署：傷兵潮下的無奈實驗
睇個陣以為係 3-5-2，但實際踢落似係用戴納踢右翼嘅 3-4-3。其實我自己反而唔想太責怪戴納，因為賽前已經知道尼圖同占士有傷出唔到，基頓斯又缺陣，羅生明顯係因為人腳問題先逼住要戴納頂上右路。
意圖好明顯，係想用戴納嘅身位同體能去消耗對手左路防守，搏下半場換人收割。如果要講，由數據睇到相當多嘢：戴納係前場錄得全場最多嘅 8 次對抗失敗（5 次地面、2 次空中），加上 3 次直接失球權同 0 次射門機會創造。基本上係佢一個人斷咗車路士半場嘅右路攻勢。實驗結果係失敗嘅，不但無成功消耗到對手太多體能，反而令球隊上半場處於少打個半嘅狀態。(我無打錯，的確係個半)
數據真相：阿仙奴的 0.26 xG 陷阱
雖然最後輸 1：0，但如果你細睇數據，就會發現阿仙奴由始至終都無諗住同你鬥攻。全場阿仙奴錄得 0.91 xG，但如果扣走夏維斯最後補時嗰球空龍射門（約 0.65 xG），阿仙奴其餘時間嘅 xG 其實只有 0.26。
佢哋手握領先優勢，特登讓出控球權，引誘車路士壓上，然後屯重兵喺禁區頂死守。車路士雖然有控球，但跌入咗對手嘅戰術陷阱，面對住一支一心一意泊大巴、完全放棄進攻嘅阿仙奴，單靠上半場殘缺嘅陣容根本無可能撕破對手防線。
換人博弈：遲來的 30 分鐘
如果話上半場係非戰之罪，咁下半場嘅調動先係真正死因。阿仙奴都唔急住攻，上半場節奏咁慢，羅生等到 60 分鐘先換入彭馬同二安，以一支落後緊嘅球隊嚟講實在太遲。
希望羅生喺呢次比賽學識教訓，唔係次次都可以靠下半場戰術致勝，特別係當對手係阿仙奴呢種級數。換人之後，雖然陣式變返立體，但阿仙奴嘅防守球員已經熱晒身適應咗節奏。
結果無論係由巴西趕返嚟嘅二安，定係後來換入嘅加拿祖，都無辦法喺邊路製造到突破，車路士嘅攻力因為太遲發力而大打折扣，最有威脅嘅射門只有來自安素嘅遠射。只有 30 分鐘要去攻破英超冠軍級嘅防線，係羅生今場最大嘅誤判。
戰術亮點：反傳統的角球防守
如果要喺今場搵一個值得讚嘅戰術亮點，就係羅生對付阿仙奴角球攻勢嘅部署。眾所周知阿仙奴嘅定點球極強，首回合車路士就係輸呢瓣，今場羅生參考咗一啲反傳統思維，喺防守角球時特登留低 3 個進攻球員喺前場唔回防。
呢招驟眼睇好似好冒險，但實際效果極佳。因為車路士前場有人，逼使阿仙奴唔敢全軍壓上爭頂，必須留番 3 至 4 個後衛喺後場防反擊。咁樣直接減低咗車路士禁區內嘅防守壓力同對手嘅密度，製造咗更多空間俾門將山齊士出迎摘走個波。對比首回合被狂轟濫炸，今場喺定點球防守上算係交出咗 100 分嘅功課。
天雨路滑益咗領先球隊
雖然輸波唔應該賴地硬，但今場嘅天氣確實對戰局有微妙影響。彭馬入場後，多次嘗試喺窄位搵隊友做地面傳送，或者想放身後波，但因為落雨嘅關係，草地狀況明顯比想像中差。
無論係球員跣腳、定係個波比平時去得慢咗，車路士嘅地面進攻組織多次受阻斷纜。呢種濕滑場地反而益咗一心死守嘅阿仙奴，只要破壞你節奏，車仔就無辦法提升到比賽嘅緊密程度，到比賽尾段都提升唔到Gear，但呢個係環境因素，非戰之罪。
至於球證方面，我唔想講太多廢話，單純係覺得佢全場對於雙方身體對抗、俾黃牌同吹罰嘅準則有少少唔一致。嗯，不過算啦，法官大人，大家有眼睇，輸波主因唔係佢，我無補充。
總結
輸就要認，打就要企定。雖然兩回合輸 2：4，但今場波明顯睇到羅生同阿迪達之間嘅級數差距。當羅生仲喺度試陣、諗緊點樣用下半場賭博嚟追落後嘅時候，阿迪達已經示範咗咩叫大賽管理：領先就閂門死守，一劍封喉。對於一位年輕領隊嚟講，今場係一堂好重要嘅戰術課：喺淘汰賽面對頂級對手，容錯率係零，唔係次次都有得靠換人補飛。
出局固然可惜，畢竟溫布萊只差一步，但諗深一層，塞翁失馬焉知非福。以車路士目前嘅傷兵名單同單薄陣容，硬闖決賽隨時顧此失彼。而家甩難一身輕，可以專心一致衝擊聯賽前四，全力為下季歐聯席位鋪路。
輸俾阿仙奴唔羞家，最緊要係唔好輸埋個勢。接下來對狼隊同列斯聯，先係考驗球隊反彈能力嘅真正戰場。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊