講個笑話俾大家聽：早喺 2025 年尾，其實我已經起好咗份稿，打算講下當時車路士個心口贊助嘅公司。當時心諗，等多一兩個禮拜，官宣咗就出街啦。
點知？點知等到 2026 年 1 月都完咗，篇文仲係喺我 Draft folder 入面發霉，因為車路士件波衫心口依然空白一片。
踏入 2026 年，車路士成為全英超唯一一隊無長期心口贊助商嘅球隊。喺外界睇嚟，相信好多車迷都覺得尷尬到極點：堂堂一支豪門，竟然淪落到要裸跑…仲唔係商業部無能？仲唔係個品牌已經無人要？
但係，如果你睇完上一篇文，了解過艾巴利嗰種冷血資產管理嘅思維，你就知呢單嘢絕對唔係意外，甚至唔係失敗。一場由球會高層精心計算嘅忍耐遊戲，亦係一次商業陽謀。
寧缺勿濫的邏輯：死都唔做爛市
根據權威媒體 The Athletic 最新嘅報導，車路士內部對於長期無贊助呢件事，態度仍然保持住異常淡定。
點解？因為艾巴利嘅算盤係咁打嘅： 依家車路士嘅商業收入，比起曼城、利物浦、曼聯呢啲頂級對手，每年少咗成 6000 萬鎊。對手閒閒地都簽緊 6000 萬甚至 7000 萬一年嘅心口贊助，而車路士之前因為戰績動盪，市場所俾嘅報價可能只係得 4000 萬左右。
喺一般人眼中（或者係油王年代），有錢收好過無錢收，簽住先啦。但喺私募股權佬眼中，簽住先呢個行為叫做資產賤賣。
艾巴利嘅邏輯係：如果我依家因為等錢駛，簽咗份 4000 萬鎊嘅 5 年長約，無錯我即時有錢收，但我未來 5 年就會被鎖死喺呢個低價位。當球隊成績反彈、品牌價值回升時，我就會因為呢份死約而每年唔見幾千萬。
就好似樓市低迷嗰陣，一個實力雄厚嘅業主，寧願將層豪宅丟空鋪塵，都絕唔會平租簽死約俾人。佢信個市會升，佢信自己層樓係頂級貨。艾巴利寧願心口開天窗，都唔肯降價求售，目的只有一個：死都唔做爛市，要維持車路士作為頂級資產嘅定價權。(唔…都唔知話佢太過自信定係太過信任車仔嘅品牌。)
問題係，豪宅丟空都要交管理費架，車路士憑咩可以一直零收入咁捱落去？
世冠盃與填氹大法
講就兇狠，豪宅丟空都要交地租同管理費架。咁而家車仔係靠咩去填氹？答案好簡單：因為艾巴利喺其他地方搵夠錢。
首先，我諗好多人已經唔記得咗世冠盃嘅含「金」量。車路士作為 2025 世冠盃嘅參賽者（兼且係表現好嘅隊伍），單係獎金收入就超過 8400 萬鎊。呢筆橫財，剛好抵銷咗無心口贊助嘅損失有餘。對於精算師艾巴利嚟講，既然今年條數已經有人幫手埋單，我又何必急住跪低求贊助商？
其次，又要講返上一篇文提過嘅純利潤。記唔記得點解要賣加拉加、曼治？ 正正係因為透過清洗青訓同埋優化球員薪酬結構，車路士嘅資產負債表比想像中健康。再加上史丹福橋雖然細，但球會重新裝修咗內部搞高級Package，吸盡班有錢佬水。
艾巴利嘅算盤打得好響：我靠獎金、靠賣仔、靠貴賓席，已經頂住咗條數。只要現金流唔斷，我就有本錢Strong Hold。我可以慢慢坐喺談判桌，等到有人俾出我想要嘅價錢為止。
終極目標：唔止係錢，係要追貼曼聯
咁艾巴利到底等緊個咩價？ 根據 The Athletic 引用嘅專家分析，車路士嘅目標好明確：佢哋要追貼曼聯 (Snapdragon, 每年 $75m)、曼城同利物浦嘅水平。(雖然好多人會恥笑曼聯，但曼聯係品牌建立上的確好成功。)
喺艾巴利眼中，車路士係一個全球品牌。如果因為之前兩年戰績差而簽個 £40m 嘅約，即係承認自己淪為二線豪門。對於視資產增值為命根嘅清湖資本嚟講，係絕對不能接受嘅侮辱。
而且，佢哋唔係求其搵間博彩公司填個窿就算（反正下季英超禁賭博贊助上心口）。消息指，車路士瞄準嘅係科技、金融服務 甚至係AI 領域嘅巨頭。佢哋想要嘅唔單止係錢，係一個戰略合作夥伴：就好似曼聯同 Snapdragon 咁，可以借助對方嘅技術去提升球會嘅數碼基建同球迷體驗。
隨住球隊重返歐聯，加上贏咗世冠盃同歐協聯，艾巴利覺得依家嘅談判牙力好足夠。談判籌碼大咗，叫價自然可以更進取。佢賭嘅係：一間科技巨頭為咗黐住一支「又後生、又有成績、又有美國老闆背景」嘅球隊，最終會願意付出天價。
總結：一個決定，兩種結局
講到尾，車路士件波衫心口開天窗，並唔係因為無人要，而係因為艾巴利嫌啲錢唔夠多。
這再一次引證咗我哋之前對佢嘅分析：呢個男人擁有比鋼鐵仲要硬嘅神經。喺一般球迷眼中，球隊無贊助係一種恥辱，係管理層無能嘅象徵。但喺艾巴利眼中，這只不過係資產負債表上嘅一次暫時性現金流調整。佢完全唔介意面子，佢只介意最終嘅估值。
結局係點，好快就會揭曉。但無論如何，呢件心口空蕩蕩嘅波衫，就係艾巴利管理哲學嘅最佳證據： 極度理性、極度長線、唔X理世俗眼光。佢可以用 8 年長約鎖死球員，可以用純利潤邏輯賣走隊長，當然可以為咗一個更好嘅價錢，俾心口一直吉住。各位車迷，歡迎嚟到新時代，呢個就是華爾街精英玩足球的方式。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
點知？點知等到 2026 年 1 月都完咗，篇文仲係喺我 Draft folder 入面發霉，因為車路士件波衫心口依然空白一片。
踏入 2026 年，車路士成為全英超唯一一隊無長期心口贊助商嘅球隊。喺外界睇嚟，相信好多車迷都覺得尷尬到極點：堂堂一支豪門，竟然淪落到要裸跑…仲唔係商業部無能？仲唔係個品牌已經無人要？
但係，如果你睇完上一篇文，了解過艾巴利嗰種冷血資產管理嘅思維，你就知呢單嘢絕對唔係意外，甚至唔係失敗。一場由球會高層精心計算嘅忍耐遊戲，亦係一次商業陽謀。
寧缺勿濫的邏輯：死都唔做爛市
根據權威媒體 The Athletic 最新嘅報導，車路士內部對於長期無贊助呢件事，態度仍然保持住異常淡定。
點解？因為艾巴利嘅算盤係咁打嘅： 依家車路士嘅商業收入，比起曼城、利物浦、曼聯呢啲頂級對手，每年少咗成 6000 萬鎊。對手閒閒地都簽緊 6000 萬甚至 7000 萬一年嘅心口贊助，而車路士之前因為戰績動盪，市場所俾嘅報價可能只係得 4000 萬左右。
喺一般人眼中（或者係油王年代），有錢收好過無錢收，簽住先啦。但喺私募股權佬眼中，簽住先呢個行為叫做資產賤賣。
艾巴利嘅邏輯係：如果我依家因為等錢駛，簽咗份 4000 萬鎊嘅 5 年長約，無錯我即時有錢收，但我未來 5 年就會被鎖死喺呢個低價位。當球隊成績反彈、品牌價值回升時，我就會因為呢份死約而每年唔見幾千萬。
就好似樓市低迷嗰陣，一個實力雄厚嘅業主，寧願將層豪宅丟空鋪塵，都絕唔會平租簽死約俾人。佢信個市會升，佢信自己層樓係頂級貨。艾巴利寧願心口開天窗，都唔肯降價求售，目的只有一個：死都唔做爛市，要維持車路士作為頂級資產嘅定價權。(唔…都唔知話佢太過自信定係太過信任車仔嘅品牌。)
問題係，豪宅丟空都要交管理費架，車路士憑咩可以一直零收入咁捱落去？
世冠盃與填氹大法
講就兇狠，豪宅丟空都要交地租同管理費架。咁而家車仔係靠咩去填氹？答案好簡單：因為艾巴利喺其他地方搵夠錢。
首先，我諗好多人已經唔記得咗世冠盃嘅含「金」量。車路士作為 2025 世冠盃嘅參賽者（兼且係表現好嘅隊伍），單係獎金收入就超過 8400 萬鎊。呢筆橫財，剛好抵銷咗無心口贊助嘅損失有餘。對於精算師艾巴利嚟講，既然今年條數已經有人幫手埋單，我又何必急住跪低求贊助商？
其次，又要講返上一篇文提過嘅純利潤。記唔記得點解要賣加拉加、曼治？ 正正係因為透過清洗青訓同埋優化球員薪酬結構，車路士嘅資產負債表比想像中健康。再加上史丹福橋雖然細，但球會重新裝修咗內部搞高級Package，吸盡班有錢佬水。
艾巴利嘅算盤打得好響：我靠獎金、靠賣仔、靠貴賓席，已經頂住咗條數。只要現金流唔斷，我就有本錢Strong Hold。我可以慢慢坐喺談判桌，等到有人俾出我想要嘅價錢為止。
終極目標：唔止係錢，係要追貼曼聯
咁艾巴利到底等緊個咩價？ 根據 The Athletic 引用嘅專家分析，車路士嘅目標好明確：佢哋要追貼曼聯 (Snapdragon, 每年 $75m)、曼城同利物浦嘅水平。(雖然好多人會恥笑曼聯，但曼聯係品牌建立上的確好成功。)
喺艾巴利眼中，車路士係一個全球品牌。如果因為之前兩年戰績差而簽個 £40m 嘅約，即係承認自己淪為二線豪門。對於視資產增值為命根嘅清湖資本嚟講，係絕對不能接受嘅侮辱。
而且，佢哋唔係求其搵間博彩公司填個窿就算（反正下季英超禁賭博贊助上心口）。消息指，車路士瞄準嘅係科技、金融服務 甚至係AI 領域嘅巨頭。佢哋想要嘅唔單止係錢，係一個戰略合作夥伴：就好似曼聯同 Snapdragon 咁，可以借助對方嘅技術去提升球會嘅數碼基建同球迷體驗。
隨住球隊重返歐聯，加上贏咗世冠盃同歐協聯，艾巴利覺得依家嘅談判牙力好足夠。談判籌碼大咗，叫價自然可以更進取。佢賭嘅係：一間科技巨頭為咗黐住一支「又後生、又有成績、又有美國老闆背景」嘅球隊，最終會願意付出天價。
總結：一個決定，兩種結局
講到尾，車路士件波衫心口開天窗，並唔係因為無人要，而係因為艾巴利嫌啲錢唔夠多。
這再一次引證咗我哋之前對佢嘅分析：呢個男人擁有比鋼鐵仲要硬嘅神經。喺一般球迷眼中，球隊無贊助係一種恥辱，係管理層無能嘅象徵。但喺艾巴利眼中，這只不過係資產負債表上嘅一次暫時性現金流調整。佢完全唔介意面子，佢只介意最終嘅估值。
結局係點，好快就會揭曉。但無論如何，呢件心口空蕩蕩嘅波衫，就係艾巴利管理哲學嘅最佳證據： 極度理性、極度長線、唔X理世俗眼光。佢可以用 8 年長約鎖死球員，可以用純利潤邏輯賣走隊長，當然可以為咗一個更好嘅價錢，俾心口一直吉住。各位車迷，歡迎嚟到新時代，呢個就是華爾街精英玩足球的方式。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊