今季嘅球壇有句名句，叫做：「輸死球俾阿仙奴，同失波無分別」。甚至連家燕姐見到都會講一句：
「好角球！角球嘅奧妙之處，就係可以讓一潭死水嘅球隊搵到入波，而且仲可以升上前五！」
咳咳咳，先講明，我唔係話阿仙奴進攻一潭死水，我其實係抽緊車路士。但無可否認，最近睇親阿仙奴嘅比賽，只要佢哋一攞到角球，各大球迷谷肯定會有人出聲咁講：「又去單擋龍門？咁都唔吹？」、「根本係阻人視線多過爭波」。
大家都話阿仙奴玩緊Dark Art，覺得佢哋係運用緊某種流氓戰術去欺凌對手門將。但事實上，好多人未睇得透佢哋真正做緊咩。
如果你以為阿仙奴班人淨係識推人或者撞人，咁你就太睇小佢哋背後嗰個教練團。佢哋玩嘅唔係單純嘅摔角，而係一場經過精密計算、針對球例灰色地帶嘅「邊緣測試」。
到底點解阿仙奴套黑魔法明明睇落好似犯規，但球證硬係吹唔落手？今次我哋就同大家拆解下呢個讓英超各隊聞風喪膽，同時又令球證頭痕不已嘅死球方程式。
黑魔法嘅真相：你以為佢推緊你，其實佢係搞緊你
好多球迷睇直播嗰陣，見到賓韋特黐住個龍門，第一反應就係：「喂！佢推人喎！」但點解 VAR 睇完又睇，硬係覺得無問題？
因為阿仙奴玩嘅，唔係傳統嗰種「我撞你」嘅犯規動作，而係空間霸佔同感官干擾。
1. 唔係撞你，係「等你自己撞埋嚟」
傳統嘅犯規，係防守球員衝埋去撞跌個龍門，咁球證一定吹。但阿仙奴做緊嘅，係籃球場上常見嘅單擋。
負責做擋拆嘅球員，佢唔會主動發力去推個龍門。相反，佢會預判龍門想出嚟打手槌條路線，然後早一步行過去，背對住龍門企定定。
喺球例上，「由得你撞」同「我去撞你」係兩樣嘢。我有權佔據球場上嘅空間，只要我企定咗，係個龍門自己心急衝埋嚟撞我背脊，咁就唔構成阻礙前進。球證吹唔落手，就係因為阿仙奴球員做到足夠靜態，令你睇落覺得係意外碰撞。
2. 演技嘅巔峰：視線與觸覺嘅干擾
除咗擋路，另一招更陰濕嘅係影響你判斷。
你留意下，負責干擾嘅球員通常會做一個好關鍵嘅動作：佢會一直望住個龍門，直到角球開出前一秒，佢先會扮晒嘢抬頭望波。呢個假動作係用嚟話畀球證知：「阿 Sir，我望緊個波㗎，我爭緊位咋。」
同時，佢哋會利用微細嘅身體接觸：唔係大力推，而係輕輕挨住你、掂下你條腰、或者幾個人好似排人牆咁遮住你視線。呢種程度嘅接觸，未至於犯規，但足夠令龍門嘅本體感覺出錯，搞到佢判斷唔到個波幾時到，反應慢半秒。
如果有踢過波，我估果啲巴打會明，運動嘅生死，好多時就係差咗半秒嘅判斷，就係呢半秒，個波已經入咗網。
球例困局：點解唔劃個絕對領域？
講到呢度，相信好多朋友（包括網上討論區嘅巴打們）都會問：「既然咁無賴，點解唔直接改例？不如喺龍門身邊劃個圈，列為龍門嘅絕對領域，攻方入去掂到龍門就吹罰，咁咪乾手淨腳囉？」
呢個諗法聽落好完美，但 IFAB（國際足球協會理事會）之所以遲遲唔敢郁，係因為佢哋知道一旦劃咗呢條線，後果可能仲大鑊。
試諗下，如果龍門身邊變成神聖不可侵犯，咁龍門就會變成碰瓷黨。只要見到對方開角球，個波高高升起，龍門根本唔使去打手槌，佢只要主動衝埋去最近嗰個進攻球員度，然後順勢跌低，球證一定要吹進攻犯規。
到時角球就會變成相當無聊嘅遊戲，角球防守變成無可擊破嘅部份。為咗杜絕一種陰招，而衍生出另一種更無賴嘅玩法，呢個就係球例制定者面對嘅兩難局面。
而另一方面，阿仙奴正正係睇穿咗呢個球例真空：只要我唔係用過分力量，我就係合法佔用空間。吹唔吹？睇球證心情囉，而通常球證都唔敢做架兩，咁就益咗我。
霍格華茲課程：英超嘅黑魔法防禦術
既然 IFAB 幫唔到手，球證又唔敢吹，英超其餘 19 隊唯有自救，被迫開班深造黑魔法防禦術。
為咗拆解阿仙奴呢套單擋戰術，今季我哋見到好多球隊出盡奇謀，場面有時仲好笑過原本個角球：
1. 反向阻擋戰術
最直接嘅方法，就係以毒攻毒。既然你派一個人嚟擋我龍門，我就派一個人去擋你個擋拆者。有球隊試過專登安排一個中場球員，唔係去防守入波嗰個，而係全職負責攬實阿仙奴負責干擾嗰位仁兄。
結果小禁區經常變成兩個大男人喺度跳華爾茲，互相拉扯，場面極度混亂。
2.「三文治」大法
另一招就係製造緩衝區。有球隊（例如車路士或維拉）試過安排兩個最高大嘅中堅，一左一右夾住自己個龍門，形成一個人肉保護罩。
用意係令對方嘅干擾者埋唔到龍門身。但呢招有個大缺點，就係你用咗兩個最好頂嘅人去保護龍門，變相令到外圍或者近柱嘅防空能力大減，阿仙奴只要改開短角球或者前柱，就即刻穿崩。
3. 門將嘅反擊
亦有教練鼓勵門將要兇狠啲。既然球例話爭波係公平嘅，咁龍門出迎打手槌嗰下，順勢大動作少少撞開前面個人，球證通常都會隻眼開隻眼閉。不過呢招好高風險，稍一不慎就會變成輸十二碼。
雖然大家各出奇謀，但暫時嚟講，阿仙奴套黑魔法依然係領先緊半步。當你以為防得住單擋，佢哋又會變陣玩短角球引你出嚟，令防守方防不勝防。
總結：勝利至上 vs 體育精神
講到尾，阿仙奴無作弊，佢哋只係比 IFAB 更早讀懂咗規則書入面嘅空白頁。
但作為球迷，我自己對呢種 Dark Art 其實相當有保留。坦白講，玩法雖然有效，但真心有啲卑鄙。足球始終係競技體育，唔係法律漏洞鑽探大賽，係場外咁做，我理解，但 90 分鐘比賽，就有少少違和感。為咗贏波去到咁盡，將球例玩弄於股掌之間，犧牲晒觀賞性同體育精神，贏咗都未必光彩。
更實際嘅隱憂係可持續性。過份依賴死球同灰色地帶，就好似踩鋼線。一旦下季 IFAB 真係狠心修例，封殺呢種單擋戰術，靠呢招食糊嘅阿仙奴會唔會即刻無以為繼？建立喺球例漏洞上面嘅優勢，始終唔夠踏實。
不過現實係殘酷嘅。只要球例一日唔改，只要絕對領域一日未出現，嗰位負責單擋嘅阿仙奴球員，依然會喺每個周末，企喺你愛隊嘅門將面前，露出嗰個令對手心寒嘅無辜微笑。
面對黑魔法，你一係學識破解佢，一係就加入佢。除此之外，別無他法。
你，又會點揀？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
「好角球！角球嘅奧妙之處，就係可以讓一潭死水嘅球隊搵到入波，而且仲可以升上前五！」
咳咳咳，先講明，我唔係話阿仙奴進攻一潭死水，我其實係抽緊車路士。但無可否認，最近睇親阿仙奴嘅比賽，只要佢哋一攞到角球，各大球迷谷肯定會有人出聲咁講：「又去單擋龍門？咁都唔吹？」、「根本係阻人視線多過爭波」。
大家都話阿仙奴玩緊Dark Art，覺得佢哋係運用緊某種流氓戰術去欺凌對手門將。但事實上，好多人未睇得透佢哋真正做緊咩。
如果你以為阿仙奴班人淨係識推人或者撞人，咁你就太睇小佢哋背後嗰個教練團。佢哋玩嘅唔係單純嘅摔角，而係一場經過精密計算、針對球例灰色地帶嘅「邊緣測試」。
到底點解阿仙奴套黑魔法明明睇落好似犯規，但球證硬係吹唔落手？今次我哋就同大家拆解下呢個讓英超各隊聞風喪膽，同時又令球證頭痕不已嘅死球方程式。
黑魔法嘅真相：你以為佢推緊你，其實佢係搞緊你
好多球迷睇直播嗰陣，見到賓韋特黐住個龍門，第一反應就係：「喂！佢推人喎！」但點解 VAR 睇完又睇，硬係覺得無問題？
因為阿仙奴玩嘅，唔係傳統嗰種「我撞你」嘅犯規動作，而係空間霸佔同感官干擾。
1. 唔係撞你，係「等你自己撞埋嚟」
傳統嘅犯規，係防守球員衝埋去撞跌個龍門，咁球證一定吹。但阿仙奴做緊嘅，係籃球場上常見嘅單擋。
負責做擋拆嘅球員，佢唔會主動發力去推個龍門。相反，佢會預判龍門想出嚟打手槌條路線，然後早一步行過去，背對住龍門企定定。
喺球例上，「由得你撞」同「我去撞你」係兩樣嘢。我有權佔據球場上嘅空間，只要我企定咗，係個龍門自己心急衝埋嚟撞我背脊，咁就唔構成阻礙前進。球證吹唔落手，就係因為阿仙奴球員做到足夠靜態，令你睇落覺得係意外碰撞。
2. 演技嘅巔峰：視線與觸覺嘅干擾
除咗擋路，另一招更陰濕嘅係影響你判斷。
你留意下，負責干擾嘅球員通常會做一個好關鍵嘅動作：佢會一直望住個龍門，直到角球開出前一秒，佢先會扮晒嘢抬頭望波。呢個假動作係用嚟話畀球證知：「阿 Sir，我望緊個波㗎，我爭緊位咋。」
同時，佢哋會利用微細嘅身體接觸：唔係大力推，而係輕輕挨住你、掂下你條腰、或者幾個人好似排人牆咁遮住你視線。呢種程度嘅接觸，未至於犯規，但足夠令龍門嘅本體感覺出錯，搞到佢判斷唔到個波幾時到，反應慢半秒。
如果有踢過波，我估果啲巴打會明，運動嘅生死，好多時就係差咗半秒嘅判斷，就係呢半秒，個波已經入咗網。
球例困局：點解唔劃個絕對領域？
講到呢度，相信好多朋友（包括網上討論區嘅巴打們）都會問：「既然咁無賴，點解唔直接改例？不如喺龍門身邊劃個圈，列為龍門嘅絕對領域，攻方入去掂到龍門就吹罰，咁咪乾手淨腳囉？」
呢個諗法聽落好完美，但 IFAB（國際足球協會理事會）之所以遲遲唔敢郁，係因為佢哋知道一旦劃咗呢條線，後果可能仲大鑊。
試諗下，如果龍門身邊變成神聖不可侵犯，咁龍門就會變成碰瓷黨。只要見到對方開角球，個波高高升起，龍門根本唔使去打手槌，佢只要主動衝埋去最近嗰個進攻球員度，然後順勢跌低，球證一定要吹進攻犯規。
到時角球就會變成相當無聊嘅遊戲，角球防守變成無可擊破嘅部份。為咗杜絕一種陰招，而衍生出另一種更無賴嘅玩法，呢個就係球例制定者面對嘅兩難局面。
而另一方面，阿仙奴正正係睇穿咗呢個球例真空：只要我唔係用過分力量，我就係合法佔用空間。吹唔吹？睇球證心情囉，而通常球證都唔敢做架兩，咁就益咗我。
霍格華茲課程：英超嘅黑魔法防禦術
既然 IFAB 幫唔到手，球證又唔敢吹，英超其餘 19 隊唯有自救，被迫開班深造黑魔法防禦術。
為咗拆解阿仙奴呢套單擋戰術，今季我哋見到好多球隊出盡奇謀，場面有時仲好笑過原本個角球：
1. 反向阻擋戰術
最直接嘅方法，就係以毒攻毒。既然你派一個人嚟擋我龍門，我就派一個人去擋你個擋拆者。有球隊試過專登安排一個中場球員，唔係去防守入波嗰個，而係全職負責攬實阿仙奴負責干擾嗰位仁兄。
結果小禁區經常變成兩個大男人喺度跳華爾茲，互相拉扯，場面極度混亂。
2.「三文治」大法
另一招就係製造緩衝區。有球隊（例如車路士或維拉）試過安排兩個最高大嘅中堅，一左一右夾住自己個龍門，形成一個人肉保護罩。
用意係令對方嘅干擾者埋唔到龍門身。但呢招有個大缺點，就係你用咗兩個最好頂嘅人去保護龍門，變相令到外圍或者近柱嘅防空能力大減，阿仙奴只要改開短角球或者前柱，就即刻穿崩。
3. 門將嘅反擊
亦有教練鼓勵門將要兇狠啲。既然球例話爭波係公平嘅，咁龍門出迎打手槌嗰下，順勢大動作少少撞開前面個人，球證通常都會隻眼開隻眼閉。不過呢招好高風險，稍一不慎就會變成輸十二碼。
雖然大家各出奇謀，但暫時嚟講，阿仙奴套黑魔法依然係領先緊半步。當你以為防得住單擋，佢哋又會變陣玩短角球引你出嚟，令防守方防不勝防。
總結：勝利至上 vs 體育精神
講到尾，阿仙奴無作弊，佢哋只係比 IFAB 更早讀懂咗規則書入面嘅空白頁。
但作為球迷，我自己對呢種 Dark Art 其實相當有保留。坦白講，玩法雖然有效，但真心有啲卑鄙。足球始終係競技體育，唔係法律漏洞鑽探大賽，係場外咁做，我理解，但 90 分鐘比賽，就有少少違和感。為咗贏波去到咁盡，將球例玩弄於股掌之間，犧牲晒觀賞性同體育精神，贏咗都未必光彩。
更實際嘅隱憂係可持續性。過份依賴死球同灰色地帶，就好似踩鋼線。一旦下季 IFAB 真係狠心修例，封殺呢種單擋戰術，靠呢招食糊嘅阿仙奴會唔會即刻無以為繼？建立喺球例漏洞上面嘅優勢，始終唔夠踏實。
不過現實係殘酷嘅。只要球例一日唔改，只要絕對領域一日未出現，嗰位負責單擋嘅阿仙奴球員，依然會喺每個周末，企喺你愛隊嘅門將面前，露出嗰個令對手心寒嘅無辜微笑。
面對黑魔法，你一係學識破解佢，一係就加入佢。除此之外，別無他法。
你，又會點揀？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊