我知，實有巴打話我又睇淡車仔，叫我俾D信心自己隊波…
3：1，作客贏波，聯賽兩連勝，排名暫時升上第 5。 表面睇，羅生嘅蜜月期非常甜蜜，車路士似乎重拾強隊本色。但過甜蜜還甜蜜，面對水晶宮立立亂、領隊準備走人、又有幾個球員離隊或準備離隊，呢場波，其實無大家想像中贏得咁輕鬆。
只可以話車仔只係贏在個人質素，贏在山齊士嘅神救，更贏在對手嘅史詩級敗家。今場等我持平少少，唔好一味贏波就吹奏，睇數據，理性討論一下點解我咁睇。
比賽簡述：自爆與懲罰
比賽嘅分水嶺出現得極早。第 7 分鐘，巴迪亞舒尼後場玩火被截，馬迪達單刀直殺禁區。如果呢球入咗，劇本就會變成大家熟悉嘅先失球輸波。好在山齊士繼上場後再次做救世主，用腳擋出必入球，強行改寫咗劇本。
之後就係車路士嘅進攻時間。34 分鐘，水晶宮後衛 Canvot 回傳失誤，二安憑速度硬爆單刀破網。下半場 50 分鐘，二安再助攻祖奧柏度射成 2：0。雖然之後水晶宮狂攻，但隨住 Wharton 兩黃一紅被逐，加上安素射入 12 碼，比賽大局已定。李察士完場前嘅入球，只係令數據無咁肉酸，改變唔到水晶宮自爆致敗嘅事實。
戰術深潛
賽前佈陣：修正主義，回歸正統右路
今場羅生放棄咗上場對 Pafos 時占士打防中嘅諗法，將占士放返去佢最熟悉嘅右閘位置，改由黑工山度士正選拍卡些度鎮守中場。
面對水晶宮擁有沙亞同米曹呢類速度型邊路，羅生選擇回歸基本步，用占士嘅單防能力去鎖死邊路，同時利用山度士嘅跑動覆蓋範圍去保護中場。球隊嘅防守結構比上場更平衡，亦係作客環境下求穩嘅最佳選擇。
臨場變陣：睇唔明嘅 5-3-2 玄武陣
74 分鐘後，羅生一口氣換入科芬拿、古斯圖、基頓斯，加上之後嘅哈圖同戴納。場上同時出現咗 6 名 後防球員（古古、哈圖、科芬拿、巴迪亞舒尼、查路巴、古斯圖）。當時好多巴打話睇到一頭霧水，覺得排陣好亂。 如果我們嘗試用 5-3-2 去還原當時個畫面，成件事就合理好多：
後防 5 人（鐵桶）： 哈圖（LWB）與 古斯圖（RWB）以體能優勢封鎖兩邊；中路係 巴迪亞舒尼 + 科芬拿 + 查路巴 嘅 3 中堅組合。目的好明確：增加禁區防空高度，應付水晶宮最後階段嘅高空轟炸。
中場 3 人（屏障）： 呢度算係最令人困惑嘅地方，其實係古古推前或內收變成左中場/防中，夥拍山度士同 安素。古古嘅掃蕩能力喺中場反而幫到手，減輕安素防守壓力。
前線 2 人（偷雞）： 基頓斯 + 戴納。留兩隻快馬/大隻佬喺前面，即使無支援，都可以靠個人能力騷擾對手防線。
成套怪陣嘅邏輯好簡單：為拿玻里留力。3：0 領先兼打多個，果斷收起尼圖、卡些度、二安等主力，用人數填滿中後場，落閘閂門放狗。雖然放棄控球場面難睇少少，但算係最穩陣嘅收割方式。
39% Field Tilt 的被動勝利
我估呢組數據係全場最反高潮、但亦係最真實嘅一面。 作為一支 Big 6 球隊，對住狀態不穩嘅水晶宮，車路士嘅 Field Tilt（球場傾斜度） 竟然只有 38.9%，而水晶宮高達 61.1%。
意味住車路士大部份時間都被對手壓喺後半場，防線長時間受壓。 與此同時，xThreat亦係車路士 1.03 vs 水晶宮 1.37。證明咗 3：1 嘅比數完全係反數據運作。定性呢場比賽為偷雞絕不為過。我哋嘅入波並非來自系統性嘅壓制，而係建立喺對手失誤、山齊士神救，以及高效嘅反擊轉化率之上。羅生今場嘅戰術與其話係控制，不如話係符碌，贏在結果，輸在場面。
下半場嘅禁區恐慌
雖然最終比數係 3：1，但如果細心留意下半場嘅數據，你會發現車路士防線其實經歷緊一場浩劫。 數據顯示，水晶宮下半場喺車路士禁區嘅觸球次數高達 20 次，而車路士只有 9 次。
與此同時，車路士全場做出驚人嘅 45 次解圍，其中大部份發生喺領先之後。 反映出喺 1：0 同 2：0 領先嘅時段，球隊並無法通過控球去消耗對手，反而係陷入被圍毆嘅狀態。巴迪亞舒尼同查路巴兩位中堅其實忙到甩轆，不斷要大腳解圍。如果唔係對手紅牌，加上山齊士神勇，呢種禁區恐慌隨時會釀成被追和嘅悲劇。
焦點分析：二安嘅數據二象性
今場 MVP 毫無疑問係二安，1 入球 1 助攻，填補咗彭馬缺陣嘅空缺。
不過同時都要冷靜少少，切勿因為結果靚仔就過份吹奏，甚至當佢係新球王。 如果剔除嗰兩下靈光一閃，佢嘅整體數據其實相當難睇：全場地波對抗勝率只有 14% (1/7)，過人成功率得 20% (1/5)，Passes into final third 只有 1 次。
唔多唔少反映出佢喺陣地戰同身體對抗上依然處於劣勢，大部份時間甚至係隱形或者被對手撞散。佢唔係彭馬那種全場統治型核心，而係一名極致嘅機會主義者。佢可以全場消失，但只需要兩個瞬間就能殺死比賽，呢個就係佢現階段最大嘅價值。
勝負關鍵：敗家仔 vs 轉化率
咁點解上面我話車仔數據輸晒但可以贏 3：1？答案在於兩個字：級數。 全場黃金機會，水晶宮創造咗 6 次，比車路士嘅 5 次仲要多。但同時水晶宮錯失咗 5 次，而車路士只錯失 2 次。 水晶宮嘅馬迪達將單刀射落山齊士腳邊，而二安同祖奧柏度就將半機會轉化為入球。
呢場勝仗赤裸裸咁展示咗「身價」嘅分別。水晶宮輸喺前鋒把握力係災難級，而車路士贏在極高嘅 轉化率。我哋唔係贏形勢，係贏把握力；唔係贏戰術，係贏球員質素。
總結：重返前五嘅虛火
3-1，兩連勝，重返前五。 結果雖然亮麗，但內容充滿隱憂。靠對手自爆、門將神救同球星閃光換返嚟嘅勝仗，面對水晶宮尚且踢得咁被動，防線風聲鶴唳；下場去到拿玻里嘅地獄主場，面對把握力高幾班嘅對手，如果繼續保持呢場嘅防守表現，隨時凶多吉少。(不過，拿玻里都係聯賽輸咗俾祖記…)
呢場比賽嘅結果可以慶祝，但千祈唔好覺得問題已經解決。星期三晚，先係真正嘅考驗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
3：1，作客贏波，聯賽兩連勝，排名暫時升上第 5。 表面睇，羅生嘅蜜月期非常甜蜜，車路士似乎重拾強隊本色。但過甜蜜還甜蜜，面對水晶宮立立亂、領隊準備走人、又有幾個球員離隊或準備離隊，呢場波，其實無大家想像中贏得咁輕鬆。
只可以話車仔只係贏在個人質素，贏在山齊士嘅神救，更贏在對手嘅史詩級敗家。今場等我持平少少，唔好一味贏波就吹奏，睇數據，理性討論一下點解我咁睇。
比賽簡述：自爆與懲罰
比賽嘅分水嶺出現得極早。第 7 分鐘，巴迪亞舒尼後場玩火被截，馬迪達單刀直殺禁區。如果呢球入咗，劇本就會變成大家熟悉嘅先失球輸波。好在山齊士繼上場後再次做救世主，用腳擋出必入球，強行改寫咗劇本。
之後就係車路士嘅進攻時間。34 分鐘，水晶宮後衛 Canvot 回傳失誤，二安憑速度硬爆單刀破網。下半場 50 分鐘，二安再助攻祖奧柏度射成 2：0。雖然之後水晶宮狂攻，但隨住 Wharton 兩黃一紅被逐，加上安素射入 12 碼，比賽大局已定。李察士完場前嘅入球，只係令數據無咁肉酸，改變唔到水晶宮自爆致敗嘅事實。
戰術深潛
賽前佈陣：修正主義，回歸正統右路
今場羅生放棄咗上場對 Pafos 時占士打防中嘅諗法，將占士放返去佢最熟悉嘅右閘位置，改由黑工山度士正選拍卡些度鎮守中場。
面對水晶宮擁有沙亞同米曹呢類速度型邊路，羅生選擇回歸基本步，用占士嘅單防能力去鎖死邊路，同時利用山度士嘅跑動覆蓋範圍去保護中場。球隊嘅防守結構比上場更平衡，亦係作客環境下求穩嘅最佳選擇。
臨場變陣：睇唔明嘅 5-3-2 玄武陣
74 分鐘後，羅生一口氣換入科芬拿、古斯圖、基頓斯，加上之後嘅哈圖同戴納。場上同時出現咗 6 名 後防球員（古古、哈圖、科芬拿、巴迪亞舒尼、查路巴、古斯圖）。當時好多巴打話睇到一頭霧水，覺得排陣好亂。 如果我們嘗試用 5-3-2 去還原當時個畫面，成件事就合理好多：
後防 5 人（鐵桶）： 哈圖（LWB）與 古斯圖（RWB）以體能優勢封鎖兩邊；中路係 巴迪亞舒尼 + 科芬拿 + 查路巴 嘅 3 中堅組合。目的好明確：增加禁區防空高度，應付水晶宮最後階段嘅高空轟炸。
中場 3 人（屏障）： 呢度算係最令人困惑嘅地方，其實係古古推前或內收變成左中場/防中，夥拍山度士同 安素。古古嘅掃蕩能力喺中場反而幫到手，減輕安素防守壓力。
前線 2 人（偷雞）： 基頓斯 + 戴納。留兩隻快馬/大隻佬喺前面，即使無支援，都可以靠個人能力騷擾對手防線。
成套怪陣嘅邏輯好簡單：為拿玻里留力。3：0 領先兼打多個，果斷收起尼圖、卡些度、二安等主力，用人數填滿中後場，落閘閂門放狗。雖然放棄控球場面難睇少少，但算係最穩陣嘅收割方式。
39% Field Tilt 的被動勝利
我估呢組數據係全場最反高潮、但亦係最真實嘅一面。 作為一支 Big 6 球隊，對住狀態不穩嘅水晶宮，車路士嘅 Field Tilt（球場傾斜度） 竟然只有 38.9%，而水晶宮高達 61.1%。
意味住車路士大部份時間都被對手壓喺後半場，防線長時間受壓。 與此同時，xThreat亦係車路士 1.03 vs 水晶宮 1.37。證明咗 3：1 嘅比數完全係反數據運作。定性呢場比賽為偷雞絕不為過。我哋嘅入波並非來自系統性嘅壓制，而係建立喺對手失誤、山齊士神救，以及高效嘅反擊轉化率之上。羅生今場嘅戰術與其話係控制，不如話係符碌，贏在結果，輸在場面。
下半場嘅禁區恐慌
雖然最終比數係 3：1，但如果細心留意下半場嘅數據，你會發現車路士防線其實經歷緊一場浩劫。 數據顯示，水晶宮下半場喺車路士禁區嘅觸球次數高達 20 次，而車路士只有 9 次。
與此同時，車路士全場做出驚人嘅 45 次解圍，其中大部份發生喺領先之後。 反映出喺 1：0 同 2：0 領先嘅時段，球隊並無法通過控球去消耗對手，反而係陷入被圍毆嘅狀態。巴迪亞舒尼同查路巴兩位中堅其實忙到甩轆，不斷要大腳解圍。如果唔係對手紅牌，加上山齊士神勇，呢種禁區恐慌隨時會釀成被追和嘅悲劇。
焦點分析：二安嘅數據二象性
今場 MVP 毫無疑問係二安，1 入球 1 助攻，填補咗彭馬缺陣嘅空缺。
不過同時都要冷靜少少，切勿因為結果靚仔就過份吹奏，甚至當佢係新球王。 如果剔除嗰兩下靈光一閃，佢嘅整體數據其實相當難睇：全場地波對抗勝率只有 14% (1/7)，過人成功率得 20% (1/5)，Passes into final third 只有 1 次。
唔多唔少反映出佢喺陣地戰同身體對抗上依然處於劣勢，大部份時間甚至係隱形或者被對手撞散。佢唔係彭馬那種全場統治型核心，而係一名極致嘅機會主義者。佢可以全場消失，但只需要兩個瞬間就能殺死比賽，呢個就係佢現階段最大嘅價值。
勝負關鍵：敗家仔 vs 轉化率
咁點解上面我話車仔數據輸晒但可以贏 3：1？答案在於兩個字：級數。 全場黃金機會，水晶宮創造咗 6 次，比車路士嘅 5 次仲要多。但同時水晶宮錯失咗 5 次，而車路士只錯失 2 次。 水晶宮嘅馬迪達將單刀射落山齊士腳邊，而二安同祖奧柏度就將半機會轉化為入球。
呢場勝仗赤裸裸咁展示咗「身價」嘅分別。水晶宮輸喺前鋒把握力係災難級，而車路士贏在極高嘅 轉化率。我哋唔係贏形勢，係贏把握力；唔係贏戰術，係贏球員質素。
總結：重返前五嘅虛火
3-1，兩連勝，重返前五。 結果雖然亮麗，但內容充滿隱憂。靠對手自爆、門將神救同球星閃光換返嚟嘅勝仗，面對水晶宮尚且踢得咁被動，防線風聲鶴唳；下場去到拿玻里嘅地獄主場，面對把握力高幾班嘅對手，如果繼續保持呢場嘅防守表現，隨時凶多吉少。(不過，拿玻里都係聯賽輸咗俾祖記…)
呢場比賽嘅結果可以慶祝，但千祈唔好覺得問題已經解決。星期三晚，先係真正嘅考驗。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊