2026年1月24號深夜。身處日本嘅我，電視機畫面正直播住喺U23 亞洲盃決賽。
打開香港嘅社交媒體，對於呢場中日大戰，90% 嘅討論都離唔開兩樣嘢：一係賭波；一係抽水。但當我望出窗外，日本呢邊嘅氛圍卻異常平靜，甚至連號外都未必有人派。對於佢哋嚟講，呢場決賽只係一場普通嘅青年軍練兵，係一種習慣，甚至係一種日常。
最終比數 0：4。中國 U23 引以為傲嘅防線，喺日本 U23 面前如同紙紮。
但如果你只係睇比數，然後笑一句中國隊又輸波，咁你就錯過咗呢場波最有價值嘅部分。呢場並唔係單純嘅技不如人，而係一場極具象徵意義嘅公開處刑。一邊係中國足球傾盡全力、以爭標為目標嘅 U23 適齡精銳；另一邊係日本足球為咗練兵、派出以大學生同 U21 爲主嘅跳級生。
今次【死因研究】，我哋嘗試抽離網上嘅嘲諷同情緒，用返我平日嘅手術刀，解剖呢場發生喺沙特嘅慘案。睇下點解所謂嘅職業精英，會俾一班學生兵團技術性擊倒。
案情重組
要還原死亡過程，我哋必須將鏡頭拉返去吉達王子體育場，重新審視嗰決定性嘅頭20分鐘。
比賽初段，比數牌雖然仲係 0:0，但喺技術層面上，中國隊其實已經死咗一半。日本隊一開波就展示出一種完全唔同層次嘅足球，利用超高頻率嘅橫向轉移同瞬間縱切加速，令中國隊引以為傲嘅防守體系疲於奔命。
去到第12分鐘，第一刀終於落下。日本隊連續做咗12腳傳球，經過兩次大範圍轉邊後，大關友翔接應回傳起腳。雖然皮球係省中彭嘯折射入網，但因果關係好清晰：係日本隊嘅快節奏令中國隊後防出現物理上嘅位移遲滯，折射只係結果。
短短8分鐘後，慘案進一步加劇，亦係整場比賽最殘忍嘅一幕。第20分鐘，中國隊王鈺棟喺前場嘗試突破被斷，日本隊隨即發動反擊，由奪回球權到小倉幸成禁區頂射入死角，成個過程只係用咗唔夠15秒。喺呢15秒入面，肉眼可見雙方喺速率上嘅巨大差距：日本隊嘅推進如同水銀瀉地，而中國隊嘅回防就好似開緊慢鏡咁。0：2 嘅比數，基本上已經宣判咗比賽結束。
帶住兩球劣勢同崩潰嘅心態進入下半場，中國隊嘅反撲顯得蒼白無力，比賽亦進入咗慢性死亡階段。隨著劉浩帆喺60分鐘禁區內手球送十二碼，由佐藤龍之介冷靜射入，加上76分鐘小倉幸成再次喺禁區頂無人看管下遠射得手，比數最終鎖定喺 0：4。由開波前嘅幻想爭標，到20分鐘後嘅崩盤，再到完場時嘅絕望，呢場波好似將某啲人嘅幻想打破咗。
三大死因分析
第一死因：門將神話崩塌與防守偽命題
中國隊之所以能夠殺入決賽，最大嘅賣點就係決賽前嘅零失球金身。門將李昊喺晉級路上被捧為守護神，尤其係對烏茲別克一役，單場做出8次撲救，令人產生咗中國隊防守固若金湯嘅錯覺。
但呢個所謂嘅金身，其實本身就係一個偽命題。睇返成個晉級過程，中國隊面對嘅泰國、正處於青黃不接低潮期澳洲，攻力本身就有限。而當李昊需要單場做出8次撲救時，其實已經證明咗防線充滿漏洞，只係靠門將個人能力強行續命。
去到決賽，當面對日本隊呢種能夠創造出超過 3.0 xG、射門質素極高嘅對手時，防線嘅真空就無法被個人能力所掩蓋。決賽嘅4個失球，有折射、有12碼、有死角遠射，李昊由神變返做人，只係因為塊遮醜布終於被日本隊無情揭開。所謂嘅銅牆鐵壁，原來一直都只係豆腐渣工程。
第二死因：U23 精銳 vs U21 練兵隊
呢個係整場比賽最殘忍、亦最令中國球迷絕望嘅一點。
喺足球青訓世界，兩歲嘅差距通常意味住身體對抗同比賽經驗嘅絕對優勢。中國隊今次派出嘅，係 22-23 歲嘅適齡精銳，目標係爭標、係為咗球員個人嘅職業合同而戰；反觀日本隊，佢哋派出嘅係一支以 U21 為主嘅隊伍（2005-2007年出生），甚至包括18歲嘅門將荒木琉偉，目的純粹係練兵，為下一屆甚至再下一屆做準備。
然而，結果係一場逆向嘅打擊。中國隊班大哥哥，喺技術、意識同戰術執行力上，完全被日本隊班細路玩弄於股間。特別係梅開二度嘅小倉幸成其實只有20歲，但佢展現出嚟嘅大局觀同處理球嘅成熟度，比對面大佢兩三歲嘅中國球員高出唔止一班。當大蝦細都輸成咁，你就知道個差距唔係一代人，而係成個系統嘅斷層。
第三死因：體制問題，名義職業 vs 高校體系
如果話前兩個死因係表徵，咁第三個死因就係病灶。點解中國嘅職業球員，會輸俾日本嘅大學生？
睇返履歷，中國隊球員大部份都話自己係職業球員踢中超球會，但實際情況係，佢哋喺過去一年嘅高強度比賽時間極少，好多人成季踢唔夠 500 分鐘，大部分時間都係喺後備席或者預備組度過。佢哋嘅職業，僅限於合約同身分。
相反，日本隊陣中有唔少好似小倉幸成（法政大學）、濱崎知康（明治大學）咁嘅大學生球員。雖然身分係業餘，但日本大學聯賽年均40+場正式比賽嘅強度同密度，其實遠高於中國嘅預備組聯賽。佢哋每星期都踢緊高節奏嘅實戰，依然保持住極佳嘅比賽觸覺。
所以結局好明顯：日本嘅校園流水線產品，喺實戰能力上完勝中國嘅板凳職業球員。呢場 0：4，其實係對咩先係真正嘅職業足球嘅一次重新定義。
花生區：缺席的恐懼
但我估好多有留意開日本隊嘅球迷都會明，今次嘅U23可怕嘅唔係比數，而係日本隊果份「不在場名單」。
當我哋驚嘆緊小倉幸成或者佐藤龍之介嘅技術時，唔好唔記得，呢支日本 U23 其實連二隊都稱唔上。真正嘅 U23 適齡頂級球星，根本無出現喺沙特。友Page好鍾意吹奏嘅鈴木彩艷；J1 頂級射手細谷真大；仲有松木玖生、高井幸大等等出咗國嘅U23球員。
換句話講，中國隊今次面對嘅，只係日本足球人才庫入面嘅第三梯隊。當人哋用一班原本預備打下一屆奧運嘅小朋友，都已經可以技術性擊倒中國嘅最強陣容時，呢種絕望感比起比數更甚。
不過，換個角度諗，輸俾一支咁樣嘅日本隊，其實非戰之罪。畢竟人哋背後係百萬級別嘅青訓人口金字塔，而中國嘅選材面可能只係得幾百人。呢個唔係場上 11 個球員嘅錯，而係成個數學基數嘅差距。至於點解…唔好問我，我答你唔到。
總結
作爲今次【死因研究】嘅總結，0：4 嘅比數雖然刺眼，但或者係一劑必要嘅清醒劑。
呢場決賽並唔係要否定中國隊球員嘅努力，佢哋能夠殺入決賽，本身已經係一種突破。但呢場慘敗無情咁揭示咗一個事實：現代足球已經變成一種精密嘅工業體系，單靠集訓、拼搏或者門將神救，係無法彌補體系同之間嘅差距。
有時候，死得痛快啲、難看啲，未嘗唔係一件好事，起碼佢話俾你知，真正嘅足球世界係點樣運作嘅。希望呢個 0：4，真係可以換來一點點嘅改變，而唔係一篇吹奏中國足球改革、《中國足球改革發展總體方案》之類由亂入治嘅新聞稿。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
打開香港嘅社交媒體，對於呢場中日大戰，90% 嘅討論都離唔開兩樣嘢：一係賭波；一係抽水。但當我望出窗外，日本呢邊嘅氛圍卻異常平靜，甚至連號外都未必有人派。對於佢哋嚟講，呢場決賽只係一場普通嘅青年軍練兵，係一種習慣，甚至係一種日常。
最終比數 0：4。中國 U23 引以為傲嘅防線，喺日本 U23 面前如同紙紮。
但如果你只係睇比數，然後笑一句中國隊又輸波，咁你就錯過咗呢場波最有價值嘅部分。呢場並唔係單純嘅技不如人，而係一場極具象徵意義嘅公開處刑。一邊係中國足球傾盡全力、以爭標為目標嘅 U23 適齡精銳；另一邊係日本足球為咗練兵、派出以大學生同 U21 爲主嘅跳級生。
今次【死因研究】，我哋嘗試抽離網上嘅嘲諷同情緒，用返我平日嘅手術刀，解剖呢場發生喺沙特嘅慘案。睇下點解所謂嘅職業精英，會俾一班學生兵團技術性擊倒。
案情重組
要還原死亡過程，我哋必須將鏡頭拉返去吉達王子體育場，重新審視嗰決定性嘅頭20分鐘。
比賽初段，比數牌雖然仲係 0:0，但喺技術層面上，中國隊其實已經死咗一半。日本隊一開波就展示出一種完全唔同層次嘅足球，利用超高頻率嘅橫向轉移同瞬間縱切加速，令中國隊引以為傲嘅防守體系疲於奔命。
去到第12分鐘，第一刀終於落下。日本隊連續做咗12腳傳球，經過兩次大範圍轉邊後，大關友翔接應回傳起腳。雖然皮球係省中彭嘯折射入網，但因果關係好清晰：係日本隊嘅快節奏令中國隊後防出現物理上嘅位移遲滯，折射只係結果。
短短8分鐘後，慘案進一步加劇，亦係整場比賽最殘忍嘅一幕。第20分鐘，中國隊王鈺棟喺前場嘗試突破被斷，日本隊隨即發動反擊，由奪回球權到小倉幸成禁區頂射入死角，成個過程只係用咗唔夠15秒。喺呢15秒入面，肉眼可見雙方喺速率上嘅巨大差距：日本隊嘅推進如同水銀瀉地，而中國隊嘅回防就好似開緊慢鏡咁。0：2 嘅比數，基本上已經宣判咗比賽結束。
帶住兩球劣勢同崩潰嘅心態進入下半場，中國隊嘅反撲顯得蒼白無力，比賽亦進入咗慢性死亡階段。隨著劉浩帆喺60分鐘禁區內手球送十二碼，由佐藤龍之介冷靜射入，加上76分鐘小倉幸成再次喺禁區頂無人看管下遠射得手，比數最終鎖定喺 0：4。由開波前嘅幻想爭標，到20分鐘後嘅崩盤，再到完場時嘅絕望，呢場波好似將某啲人嘅幻想打破咗。
三大死因分析
第一死因：門將神話崩塌與防守偽命題
中國隊之所以能夠殺入決賽，最大嘅賣點就係決賽前嘅零失球金身。門將李昊喺晉級路上被捧為守護神，尤其係對烏茲別克一役，單場做出8次撲救，令人產生咗中國隊防守固若金湯嘅錯覺。
但呢個所謂嘅金身，其實本身就係一個偽命題。睇返成個晉級過程，中國隊面對嘅泰國、正處於青黃不接低潮期澳洲，攻力本身就有限。而當李昊需要單場做出8次撲救時，其實已經證明咗防線充滿漏洞，只係靠門將個人能力強行續命。
去到決賽，當面對日本隊呢種能夠創造出超過 3.0 xG、射門質素極高嘅對手時，防線嘅真空就無法被個人能力所掩蓋。決賽嘅4個失球，有折射、有12碼、有死角遠射，李昊由神變返做人，只係因為塊遮醜布終於被日本隊無情揭開。所謂嘅銅牆鐵壁，原來一直都只係豆腐渣工程。
第二死因：U23 精銳 vs U21 練兵隊
呢個係整場比賽最殘忍、亦最令中國球迷絕望嘅一點。
喺足球青訓世界，兩歲嘅差距通常意味住身體對抗同比賽經驗嘅絕對優勢。中國隊今次派出嘅，係 22-23 歲嘅適齡精銳，目標係爭標、係為咗球員個人嘅職業合同而戰；反觀日本隊，佢哋派出嘅係一支以 U21 為主嘅隊伍（2005-2007年出生），甚至包括18歲嘅門將荒木琉偉，目的純粹係練兵，為下一屆甚至再下一屆做準備。
然而，結果係一場逆向嘅打擊。中國隊班大哥哥，喺技術、意識同戰術執行力上，完全被日本隊班細路玩弄於股間。特別係梅開二度嘅小倉幸成其實只有20歲，但佢展現出嚟嘅大局觀同處理球嘅成熟度，比對面大佢兩三歲嘅中國球員高出唔止一班。當大蝦細都輸成咁，你就知道個差距唔係一代人，而係成個系統嘅斷層。
第三死因：體制問題，名義職業 vs 高校體系
如果話前兩個死因係表徵，咁第三個死因就係病灶。點解中國嘅職業球員，會輸俾日本嘅大學生？
睇返履歷，中國隊球員大部份都話自己係職業球員踢中超球會，但實際情況係，佢哋喺過去一年嘅高強度比賽時間極少，好多人成季踢唔夠 500 分鐘，大部分時間都係喺後備席或者預備組度過。佢哋嘅職業，僅限於合約同身分。
相反，日本隊陣中有唔少好似小倉幸成（法政大學）、濱崎知康（明治大學）咁嘅大學生球員。雖然身分係業餘，但日本大學聯賽年均40+場正式比賽嘅強度同密度，其實遠高於中國嘅預備組聯賽。佢哋每星期都踢緊高節奏嘅實戰，依然保持住極佳嘅比賽觸覺。
所以結局好明顯：日本嘅校園流水線產品，喺實戰能力上完勝中國嘅板凳職業球員。呢場 0：4，其實係對咩先係真正嘅職業足球嘅一次重新定義。
花生區：缺席的恐懼
但我估好多有留意開日本隊嘅球迷都會明，今次嘅U23可怕嘅唔係比數，而係日本隊果份「不在場名單」。
當我哋驚嘆緊小倉幸成或者佐藤龍之介嘅技術時，唔好唔記得，呢支日本 U23 其實連二隊都稱唔上。真正嘅 U23 適齡頂級球星，根本無出現喺沙特。友Page好鍾意吹奏嘅鈴木彩艷；J1 頂級射手細谷真大；仲有松木玖生、高井幸大等等出咗國嘅U23球員。
換句話講，中國隊今次面對嘅，只係日本足球人才庫入面嘅第三梯隊。當人哋用一班原本預備打下一屆奧運嘅小朋友，都已經可以技術性擊倒中國嘅最強陣容時，呢種絕望感比起比數更甚。
不過，換個角度諗，輸俾一支咁樣嘅日本隊，其實非戰之罪。畢竟人哋背後係百萬級別嘅青訓人口金字塔，而中國嘅選材面可能只係得幾百人。呢個唔係場上 11 個球員嘅錯，而係成個數學基數嘅差距。至於點解…唔好問我，我答你唔到。
總結
作爲今次【死因研究】嘅總結，0：4 嘅比數雖然刺眼，但或者係一劑必要嘅清醒劑。
呢場決賽並唔係要否定中國隊球員嘅努力，佢哋能夠殺入決賽，本身已經係一種突破。但呢場慘敗無情咁揭示咗一個事實：現代足球已經變成一種精密嘅工業體系，單靠集訓、拼搏或者門將神救，係無法彌補體系同之間嘅差距。
有時候，死得痛快啲、難看啲，未嘗唔係一件好事，起碼佢話俾你知，真正嘅足球世界係點樣運作嘅。希望呢個 0：4，真係可以換來一點點嘅改變，而唔係一篇吹奏中國足球改革、《中國足球改革發展總體方案》之類由亂入治嘅新聞稿。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊