既然曼聯炒咗艾摩廉，成個球壇都講緊呢個話題，作為一個緊貼球壇風向嘅專欄，我當然要衝出嚟抽水奶下流量……咳咳，唔係，係順應民意，同大家詳細傾下呢單大新聞。
今次艾摩廉敗走奧脫福，除咗係關於人事鬥爭，更引起了一場關於戰術體系嘅大辯論。到底係艾摩廉水土不服，定係三後衛根本就係英超嘅違禁品？
球迷嘅三後衛恐懼症：未踢先輸一半？
只要你有碌開各大球迷討論區或者吹水群組，你會發現一個好有趣嘅現象：英超球迷對於強隊用三後衛係有一種近乎本能嘅恐懼，甚至可以話係 PTSD。
每當比賽前一出 Lineup，見到球隊排三個中堅，球迷嘅反應通常都係負面嘅： 「死啦，又排三中堅，即係縮後嚟踢？」 「中場少打個，對面三中場實搶死你啦！」 「邊路又要被人爆……」
喺主流輿論眼中，三後衛似乎就等同於「保守」、「被動」、甚至係「自殺」。特別係經歷咗曼聯今季嘅掙扎之後，呢種陣式原罪論更加係甚囂塵上。大家覺得英超節奏咁快，打三後衛兩邊翼衛回防唔切就係死罪，呼籲回歸傳統四後衛嘅聲音大到震耳欲聾。
但冷靜啲諗下：如果三後衛真係咁不堪，點解恩沙基嘅國米、之前沙比阿朗素嘅利華古遜，甚至係阿特蘭大 (拿，我特登唔講干地同杜曹，廢事球迷話我車迷偏頗)，可以用呢套陣式統治意甲德甲，甚至殺入歐戰決賽？
到底係個陣式廢，定係你用得廢？
由三後衛退化成五後衛的悲劇
先戴返頭盔，以下內容係筆主自己嘅諗法，如果覺得唔啱，可以去我Facebook留言指正，我唔係神人，一介草民會有錯好正常，敬請包容。
講返，其實球迷嘅恐懼唔係無道理，因為喺英超失敗嘅三後衛例子，往往都係死喺同一個位：彈性喪失。
現代高效嘅三後陣式（好似國米嗰種），核心在於流動。進攻時，佢哋係 3-4-3 甚至 3-1-6，壓住對面嚟攻。 但曼聯（以及好多英超中下游球隊）嘅失敗在於，佢哋嘅三後衛係被動嘅。
因為翼衛例如達洛治之類，佢哋嘅個人爆破力同覆蓋力不足，一遇到英超對手嘅高強度壓逼，佢哋就被迫縮返後場。結果，原本想踢嘅 3-4-3進攻陣，硬生生被人壓扁做 5-4-1嘅龜縮陣。
一旦變成 5-4-1，你就陷入咗惡性循環：前場得返隻單箭頭孤立無援，中場被人以多打少，後場就只係等運到。所以，球迷覺得「三後衛 = 龜縮」，其實係因為佢哋見得太多「失敗嘅三後衛」。唔係陣式本身想縮，係執行唔到而被逼縮埋一舊。
有錢人玩具，窮人根本玩唔起
咁點解國米做得都，曼聯做唔到？ 呢度就要講到一個好殘酷嘅現實：三後衛係現代足球嘅有錢人玩具，入場門檻極高。
以前打三後衛，隨便搵三個大隻佬塞喺後防就得。但今時今日，你要玩得掂艾摩廉嗰套，你需要一種極度稀缺嘅生物：寬位中堅，英文叫做Wide Centre-Back。
睇下曼城嘅法迪奧或者國米嘅巴斯東尼，佢哋名義上係中堅，但實際上有防中嘅傳球視野，又有翼衛嘅帶波推進能力，仲要夠快可以單防對面隻翼鋒。呢種球員，係轉會市場上嘅神獸，有錢都未必買到。一係你好似國米咁叻叻自己發挖到呢種球員，一係就好似曼城或者阿仙奴咁花大錢去買人。
曼聯嘅悲劇在於，佢哋試圖用麥佳亞或者迪列治去扮演巴斯東尼。 情況就好似你想食米芝蓮三星嘅燒鵝，但你只係俾得起蔗渣嘅價錢（唔，或者係用咗天價買咗蔗渣返嚟）。當你嘅後防球員唔具備嗰種全能屬性，強行套用三後衛陣式，結果自然係畫虎不成反類犬。所以呢種唔係戰術落後或者有錯，而係人才通脹下的配置錯配。
英超生存法則：混合體系才是王道
所以，艾摩廉之後，三後衛係咪會絕跡英超？ 又唔係。如果你細心睇，最強嘅兩隊：阿仙奴同曼城，其實都係玩緊變種三後衛 (甚至馬蛇嘅車仔都係)。
阿迪達同哥迪奧拿好聰明，佢哋知道純種 3-4-3 防守風險大，所以佢哋玩混合體系。名義上，佢哋排 4-3-3 或 4-2-3-1。防守時，佢哋係傳統四後衛，有人幫手護住條邊路，夠穩陣；但一攞到波，其中一個閘（例如賓韋特或卡拉費奧利）就會內收或者移入中路，變成 3-2-5 進攻。
呢種偽四後衛，既保留咗三後衛嘅出球優勢，又規避咗五後衛嘅防守陷阱。佢哋先係英超球隊目前搵到嘅最佳答案。
總結：陣式無罪，罪在天真
所以回應返標題，艾摩廉嘅失敗，並唔代表三後衛係垃圾。佢只係證明咗，呢套戰術係現代足球皇冠上嘅寶石：璀璨，但極難駕馭。
如果你無巴斯東尼級數嘅後衛，無夏基美級數嘅翼衛，單純以為排三個中堅就可以加強防守，咁就太天真了。曼聯嘅例子血淋淋咁話俾我哋知，喺英超呢個強度咁高、容錯率咁低嘅戰場，無相應嘅頂級配置去強行推行一套高門檻嘅戰術，無異於自殺。
球迷對三後衛嘅恐懼，講穿了，其實係對球隊管理層同教練組眼高手低嘅恐懼。 對於絕大部分英超球隊嚟講，與其追求高深莫測、又要買貴人又要練默契嘅 3-4-3，不如老老實實打好傳統嘅 4-4-2 或者 4-3-3，可能更加實際，亦更加安全。
所以，經過今次風波，下次當我哋見到有球隊排三後衛嗰陣，唔使即刻判佢死刑住。我哋要問嘅問題，唔係「點解仲打三後衛？」，而係要問：「你憑咩打三後衛？」
呢個先係係艾摩廉留給英超最寶貴嘅一課。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今次艾摩廉敗走奧脫福，除咗係關於人事鬥爭，更引起了一場關於戰術體系嘅大辯論。到底係艾摩廉水土不服，定係三後衛根本就係英超嘅違禁品？
球迷嘅三後衛恐懼症：未踢先輸一半？
只要你有碌開各大球迷討論區或者吹水群組，你會發現一個好有趣嘅現象：英超球迷對於強隊用三後衛係有一種近乎本能嘅恐懼，甚至可以話係 PTSD。
每當比賽前一出 Lineup，見到球隊排三個中堅，球迷嘅反應通常都係負面嘅： 「死啦，又排三中堅，即係縮後嚟踢？」 「中場少打個，對面三中場實搶死你啦！」 「邊路又要被人爆……」
喺主流輿論眼中，三後衛似乎就等同於「保守」、「被動」、甚至係「自殺」。特別係經歷咗曼聯今季嘅掙扎之後，呢種陣式原罪論更加係甚囂塵上。大家覺得英超節奏咁快，打三後衛兩邊翼衛回防唔切就係死罪，呼籲回歸傳統四後衛嘅聲音大到震耳欲聾。
但冷靜啲諗下：如果三後衛真係咁不堪，點解恩沙基嘅國米、之前沙比阿朗素嘅利華古遜，甚至係阿特蘭大 (拿，我特登唔講干地同杜曹，廢事球迷話我車迷偏頗)，可以用呢套陣式統治意甲德甲，甚至殺入歐戰決賽？
到底係個陣式廢，定係你用得廢？
由三後衛退化成五後衛的悲劇
先戴返頭盔，以下內容係筆主自己嘅諗法，如果覺得唔啱，可以去我Facebook留言指正，我唔係神人，一介草民會有錯好正常，敬請包容。
講返，其實球迷嘅恐懼唔係無道理，因為喺英超失敗嘅三後衛例子，往往都係死喺同一個位：彈性喪失。
現代高效嘅三後陣式（好似國米嗰種），核心在於流動。進攻時，佢哋係 3-4-3 甚至 3-1-6，壓住對面嚟攻。 但曼聯（以及好多英超中下游球隊）嘅失敗在於，佢哋嘅三後衛係被動嘅。
因為翼衛例如達洛治之類，佢哋嘅個人爆破力同覆蓋力不足，一遇到英超對手嘅高強度壓逼，佢哋就被迫縮返後場。結果，原本想踢嘅 3-4-3進攻陣，硬生生被人壓扁做 5-4-1嘅龜縮陣。
一旦變成 5-4-1，你就陷入咗惡性循環：前場得返隻單箭頭孤立無援，中場被人以多打少，後場就只係等運到。所以，球迷覺得「三後衛 = 龜縮」，其實係因為佢哋見得太多「失敗嘅三後衛」。唔係陣式本身想縮，係執行唔到而被逼縮埋一舊。
有錢人玩具，窮人根本玩唔起
咁點解國米做得都，曼聯做唔到？ 呢度就要講到一個好殘酷嘅現實：三後衛係現代足球嘅有錢人玩具，入場門檻極高。
以前打三後衛，隨便搵三個大隻佬塞喺後防就得。但今時今日，你要玩得掂艾摩廉嗰套，你需要一種極度稀缺嘅生物：寬位中堅，英文叫做Wide Centre-Back。
睇下曼城嘅法迪奧或者國米嘅巴斯東尼，佢哋名義上係中堅，但實際上有防中嘅傳球視野，又有翼衛嘅帶波推進能力，仲要夠快可以單防對面隻翼鋒。呢種球員，係轉會市場上嘅神獸，有錢都未必買到。一係你好似國米咁叻叻自己發挖到呢種球員，一係就好似曼城或者阿仙奴咁花大錢去買人。
曼聯嘅悲劇在於，佢哋試圖用麥佳亞或者迪列治去扮演巴斯東尼。 情況就好似你想食米芝蓮三星嘅燒鵝，但你只係俾得起蔗渣嘅價錢（唔，或者係用咗天價買咗蔗渣返嚟）。當你嘅後防球員唔具備嗰種全能屬性，強行套用三後衛陣式，結果自然係畫虎不成反類犬。所以呢種唔係戰術落後或者有錯，而係人才通脹下的配置錯配。
英超生存法則：混合體系才是王道
所以，艾摩廉之後，三後衛係咪會絕跡英超？ 又唔係。如果你細心睇，最強嘅兩隊：阿仙奴同曼城，其實都係玩緊變種三後衛 (甚至馬蛇嘅車仔都係)。
阿迪達同哥迪奧拿好聰明，佢哋知道純種 3-4-3 防守風險大，所以佢哋玩混合體系。名義上，佢哋排 4-3-3 或 4-2-3-1。防守時，佢哋係傳統四後衛，有人幫手護住條邊路，夠穩陣；但一攞到波，其中一個閘（例如賓韋特或卡拉費奧利）就會內收或者移入中路，變成 3-2-5 進攻。
呢種偽四後衛，既保留咗三後衛嘅出球優勢，又規避咗五後衛嘅防守陷阱。佢哋先係英超球隊目前搵到嘅最佳答案。
總結：陣式無罪，罪在天真
所以回應返標題，艾摩廉嘅失敗，並唔代表三後衛係垃圾。佢只係證明咗，呢套戰術係現代足球皇冠上嘅寶石：璀璨，但極難駕馭。
如果你無巴斯東尼級數嘅後衛，無夏基美級數嘅翼衛，單純以為排三個中堅就可以加強防守，咁就太天真了。曼聯嘅例子血淋淋咁話俾我哋知，喺英超呢個強度咁高、容錯率咁低嘅戰場，無相應嘅頂級配置去強行推行一套高門檻嘅戰術，無異於自殺。
球迷對三後衛嘅恐懼，講穿了，其實係對球隊管理層同教練組眼高手低嘅恐懼。 對於絕大部分英超球隊嚟講，與其追求高深莫測、又要買貴人又要練默契嘅 3-4-3，不如老老實實打好傳統嘅 4-4-2 或者 4-3-3，可能更加實際，亦更加安全。
所以，經過今次風波，下次當我哋見到有球隊排三後衛嗰陣，唔使即刻判佢死刑住。我哋要問嘅問題，唔係「點解仲打三後衛？」，而係要問：「你憑咩打三後衛？」
呢個先係係艾摩廉留給英超最寶貴嘅一課。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊