馬蛇執教嗰陣，曾經幾次暗示想買個現成嘅中堅返嚟鎮守後防，結果高層同佢講要睇數、要信青訓、要遵守 UEFA 規則，要等高維爾復活。點知羅生一上任，高層就嚟個今天嘅我打倒昨日嘅我，態度即刻 360 度轉變，好似驚死個新領隊唔開心咁，急住科水買新玩具俾佢。
雖然大家都知，高維爾嘅 ACL 重傷係主要導火線，加上科芬拿個膝頭哥長期要負荷管理，巴迪亞舒尼同托辛大叔靠唔住，買人係必須嘅。但見到管理層咁爽快就準備課金，難免令人替馬蛇感到少少不值。
無論如何，BlueCo 嘅雷達再次指向佢哋最熟悉嘅法甲，今次鎖定嘅目標係雷恩嘅 20 歲中堅 ： Jérémy Jacquet (下文會叫佢做查基特)。傳聞雷恩開價高達 6000 萬歐元，究竟呢個細路係何方神聖，值得我哋喺冬窗再一次做水魚？
球員檔案：雷恩出品，必屬佳品？
現年 20 歲、身高 1.88 米嘅查基特，係雷恩青訓系統嘅最新產品。講起雷恩，大家應該唔陌生，由卡馬雲加、杜古到泰爾，呢間球會簡直係歐洲球壇嘅頂級兵工廠兼黑店，出品向來算有保證。(再睇前少少，車仔係雷恩入過我最愛嘅施治同門將文迪，往績算係唔差啦？)
查基特嘅成長軌跡有一個好關鍵嘅特點：佢係半途出家踢中堅嘅。
喺青訓初期，佢其實係踢中場中，正正係因為呢個背景，當教練團發現佢發育後高大咗咁多，強行將佢改造成中堅嗰陣，佢帶埋中場球員嘅技術同視野去到後防線。上季佢外借去法乙克萊蒙特表現超班，今季返到雷恩即刻上位，加上手持一張 2029 年先到期嘅長約，難怪雷恩敢開個 6000 萬歐元嘅天價俾我哋。
技術特點：穿著 4 號波衫嘅 10 號球員
既然夠膽開天價，查基特緊係有啲料到。如果用一句話形容佢，佢就係一個擁有中場靈魂嘅後衛。
1. 長傳發動機
查基特擁有高達 75.1% 嘅長傳成功率，屬於頂級水平。同一般後衛大腳解圍唔同，佢嘅長傳係有目的性嘅。佢好鍾意喺後場好似美式足球四分衛咁，一腳超過 40 碼嘅精準對角線長傳，直接搵前場球員。喺高維爾傷出後，我哋後場正正就係欠缺呢種一腳打穿對手防線嘅發動機。
2. 主動攔截機器
或者係因為以前踢開中場，查基特嘅防守風格非常主動。佢嘅攔截數據高達每場 1.70 次。佢唔鍾意縮喺禁區等個波嚟，而係鍾意預判對手傳球路線，然後突然離開防線，喺中場線前將個波截落嚟。呢種前壓式防守，雖然冒險，但一旦成功就能夠即刻打反擊。
3. 空中霸王
雖然 1.88 米喺英超中堅嚟講唔算巨人，但佢彈跳力極強，錄得 67.6% 嘅爭頂成功率。面對英超球隊嘅高空轟炸或者死球攻勢，佢絕對有足夠嘅對抗性去應付。
潛在問題：隨時引爆嘅計時炸彈
講完優點，就要淋返盤冷水。始終佢只係個 20 歲嘅細路，買佢返嚟係要預咗交學費，而呢筆學費隨時會令我哋失分。
1. 紀律隱患
數據顯示佢嘅 紅牌率 (0.04) 偏高，犯規數字亦唔少。年輕中堅通病就係經驗不足又太過好勇鬥狠，有時未必係惡意，但係落腳太急或者太魯莽。嚟到英超呢個節奏更快、VAR 捉得更緊嘅聯賽，佢呢種踢法分分鐘令佢變成紅牌常客。
2. 玩火自焚
另一項令人擔心嘅數據係導致射門失誤：0.15。成因好簡單：佢太有自信。因為佢覺得自己腳法好，有時會喺後場危險地帶嘗試過人，或者傳啲極高風險嘅直線球。喺法甲或者仲有空間可以修正，但喺英超，後場玩火一失誤就係致命。
戰術契合度：點解羅生非買佢不可？
講到尾，點解球會咁執著要買查基特？除咗因為高維爾傷咗之外，最核心嘅原因係：查基特係市面上極少數能夠完美執行羅生戰術嘅獨角獸。
1. 高維爾嘅完美替身
我上面都有講過自從高維爾 ACL 重傷之後，大家都感覺到車路士後場嘅出球窒咗好多。杜辛同巴迪舒尼 雖然做到防守，但做唔到那種一腳長傳轉邊嘅調度。查基特嘅長傳能力，係目前最接近高維爾嘅替代品。有咗佢，我哋先可以重新啟動返後場直接搵翼鋒嘅進攻模式。
2. 執行誘敵戰術嘅 Key Man
羅生嘅戰術哲學係誘敵。佢要求中堅要敢喺本方禁區控球，甚至特登停喺度引對手前鋒嚟搶。 要執行呢套戰術，心臟要夠強壯要夠大膽，腳法要夠細膩。查基特呢種中場化中堅，習慣咗喺人堆中護球，唔會一俾人迫就慌失失大腳解圍。佢敢拎住個波，等對手上釣，然後再交個直線出去。呢種特質，係傳統防守型中堅俾唔到嘅。
總結：交學費在庫難逃
但講到尾，我自己認為查基特仲係一塊未琢磨好嘅寶玉。佢擁有頂級嘅天賦（長傳、攔截、膽識），但同時伴隨著明顯嘅風險（紀律差、愛玩火）。
用 6000 萬歐元買一個 20 歲、頂級聯賽經驗唔夠 60 場嘅細路，真係救到火？但喺高維爾長期缺陣、現有中堅無法滿足新戰術要求嘅困局下，呢筆錢似乎係焗住要俾。
如果高層真係想全力支持羅生改革，咁查基特就係嗰筆昂貴但必要嘅學費。至於佢會變成下一個泰亞高施華，定係下一個沙亞 (Malang Sarr)，就要睇羅生點樣調教佢嘅心態喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
雖然大家都知，高維爾嘅 ACL 重傷係主要導火線，加上科芬拿個膝頭哥長期要負荷管理，巴迪亞舒尼同托辛大叔靠唔住，買人係必須嘅。但見到管理層咁爽快就準備課金，難免令人替馬蛇感到少少不值。
無論如何，BlueCo 嘅雷達再次指向佢哋最熟悉嘅法甲，今次鎖定嘅目標係雷恩嘅 20 歲中堅 ： Jérémy Jacquet (下文會叫佢做查基特)。傳聞雷恩開價高達 6000 萬歐元，究竟呢個細路係何方神聖，值得我哋喺冬窗再一次做水魚？
球員檔案：雷恩出品，必屬佳品？
現年 20 歲、身高 1.88 米嘅查基特，係雷恩青訓系統嘅最新產品。講起雷恩，大家應該唔陌生，由卡馬雲加、杜古到泰爾，呢間球會簡直係歐洲球壇嘅頂級兵工廠兼黑店，出品向來算有保證。(再睇前少少，車仔係雷恩入過我最愛嘅施治同門將文迪，往績算係唔差啦？)
查基特嘅成長軌跡有一個好關鍵嘅特點：佢係半途出家踢中堅嘅。
喺青訓初期，佢其實係踢中場中，正正係因為呢個背景，當教練團發現佢發育後高大咗咁多，強行將佢改造成中堅嗰陣，佢帶埋中場球員嘅技術同視野去到後防線。上季佢外借去法乙克萊蒙特表現超班，今季返到雷恩即刻上位，加上手持一張 2029 年先到期嘅長約，難怪雷恩敢開個 6000 萬歐元嘅天價俾我哋。
技術特點：穿著 4 號波衫嘅 10 號球員
既然夠膽開天價，查基特緊係有啲料到。如果用一句話形容佢，佢就係一個擁有中場靈魂嘅後衛。
1. 長傳發動機
查基特擁有高達 75.1% 嘅長傳成功率，屬於頂級水平。同一般後衛大腳解圍唔同，佢嘅長傳係有目的性嘅。佢好鍾意喺後場好似美式足球四分衛咁，一腳超過 40 碼嘅精準對角線長傳，直接搵前場球員。喺高維爾傷出後，我哋後場正正就係欠缺呢種一腳打穿對手防線嘅發動機。
2. 主動攔截機器
或者係因為以前踢開中場，查基特嘅防守風格非常主動。佢嘅攔截數據高達每場 1.70 次。佢唔鍾意縮喺禁區等個波嚟，而係鍾意預判對手傳球路線，然後突然離開防線，喺中場線前將個波截落嚟。呢種前壓式防守，雖然冒險，但一旦成功就能夠即刻打反擊。
3. 空中霸王
雖然 1.88 米喺英超中堅嚟講唔算巨人，但佢彈跳力極強，錄得 67.6% 嘅爭頂成功率。面對英超球隊嘅高空轟炸或者死球攻勢，佢絕對有足夠嘅對抗性去應付。
潛在問題：隨時引爆嘅計時炸彈
講完優點，就要淋返盤冷水。始終佢只係個 20 歲嘅細路，買佢返嚟係要預咗交學費，而呢筆學費隨時會令我哋失分。
1. 紀律隱患
數據顯示佢嘅 紅牌率 (0.04) 偏高，犯規數字亦唔少。年輕中堅通病就係經驗不足又太過好勇鬥狠，有時未必係惡意，但係落腳太急或者太魯莽。嚟到英超呢個節奏更快、VAR 捉得更緊嘅聯賽，佢呢種踢法分分鐘令佢變成紅牌常客。
2. 玩火自焚
另一項令人擔心嘅數據係導致射門失誤：0.15。成因好簡單：佢太有自信。因為佢覺得自己腳法好，有時會喺後場危險地帶嘗試過人，或者傳啲極高風險嘅直線球。喺法甲或者仲有空間可以修正，但喺英超，後場玩火一失誤就係致命。
戰術契合度：點解羅生非買佢不可？
講到尾，點解球會咁執著要買查基特？除咗因為高維爾傷咗之外，最核心嘅原因係：查基特係市面上極少數能夠完美執行羅生戰術嘅獨角獸。
1. 高維爾嘅完美替身
我上面都有講過自從高維爾 ACL 重傷之後，大家都感覺到車路士後場嘅出球窒咗好多。杜辛同巴迪舒尼 雖然做到防守，但做唔到那種一腳長傳轉邊嘅調度。查基特嘅長傳能力，係目前最接近高維爾嘅替代品。有咗佢，我哋先可以重新啟動返後場直接搵翼鋒嘅進攻模式。
2. 執行誘敵戰術嘅 Key Man
羅生嘅戰術哲學係誘敵。佢要求中堅要敢喺本方禁區控球，甚至特登停喺度引對手前鋒嚟搶。 要執行呢套戰術，心臟要夠強壯要夠大膽，腳法要夠細膩。查基特呢種中場化中堅，習慣咗喺人堆中護球，唔會一俾人迫就慌失失大腳解圍。佢敢拎住個波，等對手上釣，然後再交個直線出去。呢種特質，係傳統防守型中堅俾唔到嘅。
總結：交學費在庫難逃
但講到尾，我自己認為查基特仲係一塊未琢磨好嘅寶玉。佢擁有頂級嘅天賦（長傳、攔截、膽識），但同時伴隨著明顯嘅風險（紀律差、愛玩火）。
用 6000 萬歐元買一個 20 歲、頂級聯賽經驗唔夠 60 場嘅細路，真係救到火？但喺高維爾長期缺陣、現有中堅無法滿足新戰術要求嘅困局下，呢筆錢似乎係焗住要俾。
如果高層真係想全力支持羅生改革，咁查基特就係嗰筆昂貴但必要嘅學費。至於佢會變成下一個泰亞高施華，定係下一個沙亞 (Malang Sarr)，就要睇羅生點樣調教佢嘅心態喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊