經歷完聯賽盃輸畀阿仙奴嘅打擊，加上賽前場外有幾百名球迷抗議反班主，羅斯尼亞嘅英超首勝，過程絕對稱唔上說服力，甚至可以話係全場怒按平安鐘。
賓福特全場反客為主，攻勢比我哋更入肉。如果唔係對手把握力差、門柱幫手，加上幸運之神眷顧，呢場隨時係另一場和波甚至輸波。不過，考慮到隊內爆發病毒（Estevao 發燒缺陣、部份球員頂住心口不適作賽），內容幾醜陋都唔重要，最緊要係止血。呢 3 分，係羅生用運氣同防守硬生生搶返黎嘅救命草。
比賽簡述：運氣守恆定律
上場對阿仙奴輸運氣，今場即刻還返晒畀你。開波初段，賓福特嘅贊臣已經有幾次黃金機會，好在山齊士同門柱幫手頂住。26 分鐘，安素嘅封阻變成助攻，祖奧柏度接應幸運折射，第一時間抽入，經 VAR 判定無越位後先開紀錄。
換邊後，賓福特攻勢更猛，但車路士勝在有神救同對手自爆。山齊士全場作出關鍵撲救，包括救出沙迪嘅單刀。去到 76 分鐘，後備入替嘅戴納博到對方門將基拿靴控甩腳自爆送禮 12 碼，彭馬（Palmer）冷靜射入鎖定勝局。
賓福特全場有 1.52 xG 但食白果，車路士以 1.59 xG 入兩球（其中 0.79 來自 12 碼），證明咗呢場醜陋但效率與運氣並存嘅勝利。
戰術深潛
見招拆招：羅帥的三段式變陣
車仔開始保留咗馬蛇年代嘅影子，但好快就發現唔對路。
喺上半場 37 分鐘，當賓福特不斷轟炸時，鏡頭影到安素喺場上閱讀羅生傳入黎嘅戰術紙條，雖然我哋無方法證明張紙仔寫咗咩，但賓福特當時頻繁利用手榴彈戰術同死球製造威脅，張紙條好可能涉及防守企位或限制對方邊路進攻的指令。至少證明咗羅生並非一味死等，而係會按戰況需要即時調整。
去到下半場，羅生更加係由攻轉守，先換入山度士轉打 4-3-3 加強中場掃蕩，再換戴納利用身體對抗博犯規，最後更加換入哈圖轉打 5 後衛閂門。呢一系列操作我自己就覺得非常務實，清楚話畀大家知：贏波緊要過面子。
數據照妖鏡：深層數據下的「偷雞」真相
再深入少少睇返數據，車路士全場 xThreat只有 0.83，連賓福特（1.87）嘅一半都無。更加灰嘅係 Deep Entries數據：全場 90 分鐘，車路士只有 4 次成功攻入對手深層危險地帶，而賓福特足足有 18 次，數字赤裸裸咁證明車路士嘅前場組織係接近癱瘓嘅。2：0 嘅結果完全違反咗戰局邏輯，純粹係建立喺極高效率嘅偷雞之上，而非場面壓制。如果唔係對手自爆送禮，場波隨時係另一個故事。
被動的極致：PPDA 與放棄逼搶
點解踢得咁保守？數據再一次畀咗答案。車路士今場嘅 PPDA高達 15.1，防守平均高度亦縮後到只有 41.8碼。代表球隊基本上放棄咗前場高位逼搶，全軍縮後打 Low Block。結合賽後消息指隊內爆發病毒感染、部份球員頂住心口不適作賽，明顯係羅生因應球員體能不足而做出嘅無奈妥協：既然唔逼得唔搶得，不如全軍縮後死守。
單單係下半場嘅解圍次數就高達 25 次，證明球員執行死守命令非常徹底。無錯，場面係極度難睇，甚至畀賓福特撳住嚟攻，唔知仲以為我哋係歐聯對緊巴塞，但喺病毒侵襲同體能透支嘅背景下，呢種醜陋嘅泊大巴或者係保住勝局嘅唯一方法。
球員質素 > 戰術體系：中軸線的救贖
講到尾，喺戰術數據全面落後、場面被動嘅情況下，點解贏嘅係車路士？唯一答案只在於球星質素。今場正選上陣嘅中軸線成為咗球隊嘅救命符：山齊士嘅兩次贖罪式神救，掩蓋咗防線被爆 15 腳射門嘅尷尬；安素嘅幸運攔截同戴納一落場就搏得嘅 12 碼，則喺僅有嘅機會中展現了決定性嘅把握力。只係一場典型嘅球星波，靠個人靈光一閃去彌補戰術體系上嘅不足，雖然贏得險，但起碼證明咗班波嘅底質仲喺度。
總結：止痛藥定係特效藥？
3 分落袋，Clean Sheet，表面睇好似好靚仔。但只要行出史丹福橋，望住班示威嘅球迷，心入面仍然隱隱作痛。
今場波贏在運氣、贏在對手自爆，多過贏在戰術壓制。雖話有病毒同體能因素影響，但主場對賓福特都要縮後打反擊，甚至下半場放棄進攻任人魚肉，呢種踢法好聽啲叫做務實，但絕對唔係車迷想睇嘅野，亦好難令外面嗌緊 "Blue Co Out" 嘅人收貨。
羅生用一場醜陋嘅勝仗幫球隊止咗血，但充其量只係一粒止痛藥，唔係能醫百病嘅特效藥。病毒或者會散，但同時運氣都會用完，如果下一場仲係咁樣被動挨打，所謂嘅希望依然係遙不可及。今晚，我哋只係好彩地贏咗個結果，但依然輸緊個過程。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
賓福特全場反客為主，攻勢比我哋更入肉。如果唔係對手把握力差、門柱幫手，加上幸運之神眷顧，呢場隨時係另一場和波甚至輸波。不過，考慮到隊內爆發病毒（Estevao 發燒缺陣、部份球員頂住心口不適作賽），內容幾醜陋都唔重要，最緊要係止血。呢 3 分，係羅生用運氣同防守硬生生搶返黎嘅救命草。
比賽簡述：運氣守恆定律
上場對阿仙奴輸運氣，今場即刻還返晒畀你。開波初段，賓福特嘅贊臣已經有幾次黃金機會，好在山齊士同門柱幫手頂住。26 分鐘，安素嘅封阻變成助攻，祖奧柏度接應幸運折射，第一時間抽入，經 VAR 判定無越位後先開紀錄。
換邊後，賓福特攻勢更猛，但車路士勝在有神救同對手自爆。山齊士全場作出關鍵撲救，包括救出沙迪嘅單刀。去到 76 分鐘，後備入替嘅戴納博到對方門將基拿靴控甩腳自爆送禮 12 碼，彭馬（Palmer）冷靜射入鎖定勝局。
賓福特全場有 1.52 xG 但食白果，車路士以 1.59 xG 入兩球（其中 0.79 來自 12 碼），證明咗呢場醜陋但效率與運氣並存嘅勝利。
戰術深潛
見招拆招：羅帥的三段式變陣
車仔開始保留咗馬蛇年代嘅影子，但好快就發現唔對路。
喺上半場 37 分鐘，當賓福特不斷轟炸時，鏡頭影到安素喺場上閱讀羅生傳入黎嘅戰術紙條，雖然我哋無方法證明張紙仔寫咗咩，但賓福特當時頻繁利用手榴彈戰術同死球製造威脅，張紙條好可能涉及防守企位或限制對方邊路進攻的指令。至少證明咗羅生並非一味死等，而係會按戰況需要即時調整。
去到下半場，羅生更加係由攻轉守，先換入山度士轉打 4-3-3 加強中場掃蕩，再換戴納利用身體對抗博犯規，最後更加換入哈圖轉打 5 後衛閂門。呢一系列操作我自己就覺得非常務實，清楚話畀大家知：贏波緊要過面子。
數據照妖鏡：深層數據下的「偷雞」真相
再深入少少睇返數據，車路士全場 xThreat只有 0.83，連賓福特（1.87）嘅一半都無。更加灰嘅係 Deep Entries數據：全場 90 分鐘，車路士只有 4 次成功攻入對手深層危險地帶，而賓福特足足有 18 次，數字赤裸裸咁證明車路士嘅前場組織係接近癱瘓嘅。2：0 嘅結果完全違反咗戰局邏輯，純粹係建立喺極高效率嘅偷雞之上，而非場面壓制。如果唔係對手自爆送禮，場波隨時係另一個故事。
被動的極致：PPDA 與放棄逼搶
點解踢得咁保守？數據再一次畀咗答案。車路士今場嘅 PPDA高達 15.1，防守平均高度亦縮後到只有 41.8碼。代表球隊基本上放棄咗前場高位逼搶，全軍縮後打 Low Block。結合賽後消息指隊內爆發病毒感染、部份球員頂住心口不適作賽，明顯係羅生因應球員體能不足而做出嘅無奈妥協：既然唔逼得唔搶得，不如全軍縮後死守。
單單係下半場嘅解圍次數就高達 25 次，證明球員執行死守命令非常徹底。無錯，場面係極度難睇，甚至畀賓福特撳住嚟攻，唔知仲以為我哋係歐聯對緊巴塞，但喺病毒侵襲同體能透支嘅背景下，呢種醜陋嘅泊大巴或者係保住勝局嘅唯一方法。
球員質素 > 戰術體系：中軸線的救贖
講到尾，喺戰術數據全面落後、場面被動嘅情況下，點解贏嘅係車路士？唯一答案只在於球星質素。今場正選上陣嘅中軸線成為咗球隊嘅救命符：山齊士嘅兩次贖罪式神救，掩蓋咗防線被爆 15 腳射門嘅尷尬；安素嘅幸運攔截同戴納一落場就搏得嘅 12 碼，則喺僅有嘅機會中展現了決定性嘅把握力。只係一場典型嘅球星波，靠個人靈光一閃去彌補戰術體系上嘅不足，雖然贏得險，但起碼證明咗班波嘅底質仲喺度。
總結：止痛藥定係特效藥？
3 分落袋，Clean Sheet，表面睇好似好靚仔。但只要行出史丹福橋，望住班示威嘅球迷，心入面仍然隱隱作痛。
今場波贏在運氣、贏在對手自爆，多過贏在戰術壓制。雖話有病毒同體能因素影響，但主場對賓福特都要縮後打反擊，甚至下半場放棄進攻任人魚肉，呢種踢法好聽啲叫做務實，但絕對唔係車迷想睇嘅野，亦好難令外面嗌緊 "Blue Co Out" 嘅人收貨。
羅生用一場醜陋嘅勝仗幫球隊止咗血，但充其量只係一粒止痛藥，唔係能醫百病嘅特效藥。病毒或者會散，但同時運氣都會用完，如果下一場仲係咁樣被動挨打，所謂嘅希望依然係遙不可及。今晚，我哋只係好彩地贏咗個結果，但依然輸緊個過程。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊