18 個月嘅時光，話長唔長，話短唔短。隨著官方聲明嘅發出，馬蛇，馬利斯卡正式卸任車路士領隊一職。
我知道依家公海上面有好多批評聲音，始終最後半季聯賽排名跌落第 8，場面睇落亦變得沉悶。作為車迷，喺驗屍之前，我必須要公道講一句：多謝馬蛇。
回望呢年半嘅時光，佢帶俾我哋嘅唔單止係兩座算係有份量嘅獎盃（歐協聯及世冠盃），仲有嗰幾場盪氣迴腸嘅大戰。相信無車迷會忘記世冠盃決賽，我哋點樣以 3-0 完勝 PSG 捧盃；亦唔會忘記對巴塞隆拿嗰場展現出嚟嘅統治力。
馬蛇嘅車路士生涯，係一個關於「由亂入治」嘅故事，雖然最後未能行到終點，但佢留低嘅功績絕對值得我係呢篇文一齊細數，當係留低一個回憶同俾我做一次回顧。
由混亂到巔峰，再到迷失
要評價馬蛇，必須要睇返佢接手嗰陣係咩環境。 2024 年夏天，佢由肥普手上接過嘅，係一支充滿起跌嘅球隊：前任留低咗 77 個入球嘅強大火力，但同時亦有 63 個失球嘅災難級防守。當時嘅車路士，係好睇但唔穩陣。
要講嘅話，我會話馬蛇嘅第一年係成功嘅。佢帶住一套好似曼城咁嘅Positional Play嚟到史丹福橋。喺嗰一年，佢成功令車路士重返英超前四，鎖定歐冠席位，仲順手拎埋歐協聯冠軍。而去到 2025 年夏天，更加係佢嘅巔峰：喺世冠盃決賽 3-0 完勝 PSG，登上世界之巔。
可惜，好景不常。踏入第二季，當英超對手開始摸透佢套U形足球嘅控球套路，加上球隊內部嘅變動，成績急轉直下。截至佢離任嘅 2026 年元旦，車路士喺英超僅排第 8，場均積分 (PPG) 由首季嘅 1.82 跌至 1.58。
由混亂走向秩序，再由秩序變成僵化。呢個就係馬蛇 18 個月嘅完整寫照。
馬蛇之功
雖然結局不完美，但馬蛇留低嘅功，有數據可以證明到，特別係防守端嘅改造。
由亂入治：防守體系的質變
我估大家會同意，肥普果套攻力好強，但如果要用一個字形容肥普時代，嗰個字係亂。馬蛇嚟到之後，做得最成功嘅一點，就係植入咗防守紀律。喺肥普執教嘅最後一季，車路士喺英超失咗 63 球；而喺馬蛇執教嘅第一個完整賽季，失球數字大幅減少至 43 球，跌幅達到 32%。
呢一切歸功於佢堅決推行嘅 Inverted Fullback 戰術。沿用古古尼亞切入中場嘅諗法，再改造占士要佢內收中路，令球隊喺防守轉換時多咗個人保護中路，直接堵塞咗以往最容易被打穿嘅漏洞。由有前無後變成英超前四防守，呢個地基毫無疑問係馬蛇打落嚟嘅。
啟發卡些度：英超最強屏障
防守變好，除咗體系，仲因為馬蛇成功令一個人大爆發：卡些度。
喺馬蛇麾下，卡些度終於搵到佢嘅說明書。佢唔再需要好似以前咁，一個人覆蓋成個地球去救火，而係喺雙 Pivot 體系保護下，專注做佢最擅長嘅掃蕩工作。
睇返 24/25 賽季嘅數據，卡些度單季交出咗驚人嘅 163 次搶斷及攔截，係全隊第一，更加係英超頂級水平。相比起同級對手，卡些度嘅地面對抗成功率大幅領先。馬蛇令佢由一個貴價水貨變返做史丹福橋嘅中場守護神，呢個絕對係佢最大嘅遺產之一。
大賽氣質：盃賽專家的誕生
雖然馬蛇喺聯賽長跑有氣力不繼嘅問題，但無可否認，佢係一個頂級嘅盃賽專家。
當去到一場過嘅淘汰賽，馬蛇嘅Game Plan ，a.k.a 針對性部署往往係世界級。 喺奪得歐協聯冠軍嘅征途中，車路士錄得恐怖嘅 62.6% 平均控球率 同 92% 傳球成功率，兩項都係賽事第一，完全係統治級表現。
而去到世冠盃決賽面對擁有豪華鋒線嘅 PSG，馬蛇並無龜縮，反而用精準嘅戰術令對手窒息，最終 3：0 完勝。呢啲大賽榮譽將會寫入史冊，證明咗馬蛇這套體系如果你俾夠時間佢部署，上限其實極高。
馬蛇之過
講完功績，就要面對現實。點解一個帶隊拎世冠盃嘅教練，由奪冠到離職只係短短半年？原因在於當秩序變成僵化，球隊就失去咗靈魂。
戰術僵化：被破解的U 型足球
成也體系，敗也體系。馬蛇對結構嘅執著，去到執教後期變成咗一種病態。
當英超對手開始摸透佢套「內切邊後衛 + 邊路隔離」嘅套路，只要屯重兵喺中路，車路士就會老鼠拉龜。於是，我哋見到無數次令車迷恰眼瞓同鬧爆嘅U型足球：個波只係喺後衛同邊路之間傳黎傳去，完全入唔到肉。
去到 2025/26 賽季，車路士嘅 Open Play xG 跌到得返 32.0，喺英超只排第 5，甚至低過曼聯同曼城。如果你記得上年對葉士域治一役，就認真係經典，雖然空有 73% 控球率，但全場 xG 僅得 1.17。呢種無效控球，係令睇波球迷最鼓譟嘅原因。
被遺忘青訓斷層
如果話戰術悶都可以忍，咁對於年青球員嘅稍微不信任，就係令期待青春風暴嘅車迷最痛心嘅一點。
雖然球會政策係買人為先，但馬蛇作為主教練，對於輪換同提拔新人顯得相對保守。高價買返嚟嘅哈圖同收返嚟用嘅古爾長期坐板，缺乏上陣時間去成長，係馬蛇離隊後，佢哋都各自用入球回應咗呢一點；
而自家青訓產品更加係慘遭無視。唔止係艾殊邦同佐治呢啲曾經被寄予厚望嘅新星，甚至今季竟然連 U21 提拔嘅機會都寥寥可數，喺盃賽無關痛癢嘅時間都無份出場。對於好多想睇青春風暴嘅車迷 (同老闆) 嚟講，呢個係一種錯誤。
馬蛇唔敢俾新人試錯，結果令車路士引以為傲嘅青訓營流水線出現嚴重斷層。
心態脆弱：領先後崩盤的慣性
最後一個致命傷，係球隊嘅心理質素同臨場應變。
馬蛇嘅換人往往好機械化，數據顯示佢平均第 48 分鐘就換人，證明首發部署成日出錯要半場補鑊，而且缺乏 Plan B。當球隊領先緊，往往唔識得控制節奏去 Kill the game，反而係越踢越驚，越驚越輸。
喺 2025/26 賽季，車路士喺領先情況下丟失咗 13 分，係全英超榜首。反映出球隊喺關鍵時刻缺乏老大哥壓場（當然呢個同管理層嘅純利潤政策清走老將有關），但馬蛇作為領隊，無法賦予球隊足夠嘅心理韌性，亦責無旁貸。
仲有當然唔可以忘記佢帶俾新車路士嘅紅牌大姑問題…我哋係今季各項賽事已經拎咗 7 張紅牌，計埋馬蛇自己果張就 8 張，仲要咁多張牌都係由唔同人拎，證明咗呢件事並唔係單一而獨立嘅事件，係球隊內部風氣造成，呢點，馬蛇都理應要揹上身。
總結
講到尾，我哋應該點樣定義馬利斯卡喺車路士歷史上嘅地位？
如果要我形容，佢係一位出色嘅過渡期建築師。
佢喺車路士最混亂、最迷失嘅時候接手，用短短 18 個月時間，幫球隊重建咗最需要嘅紀律同結構。佢修補咗千瘡百孔嘅防線，啟發咗身價過億嘅中場核心，仲留低咗歐協聯同世冠盃兩座具份量嘅獎盃。單憑世冠盃決賽大炒 PSG 嗰一場，佢就已經同迪馬提奧一樣足夠喺史丹福橋嘅歷史書上佔一席位。
但與此同時，佢嘅極限亦好明顯。佢過份執著於戰術潔癖，令球隊失去咗進攻應有嘅靈性；佢對青訓嘅保守，亦令青春風暴失去咗色彩。當穩定變成咗一成不變，當控制變成咗便秘，分手似乎係唯一嘅出路。
當然，後來者做唔做到仍然係未知之數，但馬蛇嘅離去，並非因為佢係一個失敗者，或者係因為車路士需要由合格邁向卓越。
佢接手嗰陣係一堆爛攤子；但佢今日交棒俾羅斯尼亞，留低嘅係一套完整嘅體系、一個世界級嘅卡些度，以及一支更有戰術素養嘅球隊。
作為車迷，雖然最後半年睇得好辛苦，但對於呢位曾經帶我哋登上世界之巔嘅領隊，我哋應該講一聲：多謝你，馬蛇。Good Luck。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
我知道依家公海上面有好多批評聲音，始終最後半季聯賽排名跌落第 8，場面睇落亦變得沉悶。作為車迷，喺驗屍之前，我必須要公道講一句：多謝馬蛇。
回望呢年半嘅時光，佢帶俾我哋嘅唔單止係兩座算係有份量嘅獎盃（歐協聯及世冠盃），仲有嗰幾場盪氣迴腸嘅大戰。相信無車迷會忘記世冠盃決賽，我哋點樣以 3-0 完勝 PSG 捧盃；亦唔會忘記對巴塞隆拿嗰場展現出嚟嘅統治力。
馬蛇嘅車路士生涯，係一個關於「由亂入治」嘅故事，雖然最後未能行到終點，但佢留低嘅功績絕對值得我係呢篇文一齊細數，當係留低一個回憶同俾我做一次回顧。
由混亂到巔峰，再到迷失
要評價馬蛇，必須要睇返佢接手嗰陣係咩環境。 2024 年夏天，佢由肥普手上接過嘅，係一支充滿起跌嘅球隊：前任留低咗 77 個入球嘅強大火力，但同時亦有 63 個失球嘅災難級防守。當時嘅車路士，係好睇但唔穩陣。
要講嘅話，我會話馬蛇嘅第一年係成功嘅。佢帶住一套好似曼城咁嘅Positional Play嚟到史丹福橋。喺嗰一年，佢成功令車路士重返英超前四，鎖定歐冠席位，仲順手拎埋歐協聯冠軍。而去到 2025 年夏天，更加係佢嘅巔峰：喺世冠盃決賽 3-0 完勝 PSG，登上世界之巔。
可惜，好景不常。踏入第二季，當英超對手開始摸透佢套U形足球嘅控球套路，加上球隊內部嘅變動，成績急轉直下。截至佢離任嘅 2026 年元旦，車路士喺英超僅排第 8，場均積分 (PPG) 由首季嘅 1.82 跌至 1.58。
由混亂走向秩序，再由秩序變成僵化。呢個就係馬蛇 18 個月嘅完整寫照。
馬蛇之功
雖然結局不完美，但馬蛇留低嘅功，有數據可以證明到，特別係防守端嘅改造。
由亂入治：防守體系的質變
我估大家會同意，肥普果套攻力好強，但如果要用一個字形容肥普時代，嗰個字係亂。馬蛇嚟到之後，做得最成功嘅一點，就係植入咗防守紀律。喺肥普執教嘅最後一季，車路士喺英超失咗 63 球；而喺馬蛇執教嘅第一個完整賽季，失球數字大幅減少至 43 球，跌幅達到 32%。
呢一切歸功於佢堅決推行嘅 Inverted Fullback 戰術。沿用古古尼亞切入中場嘅諗法，再改造占士要佢內收中路，令球隊喺防守轉換時多咗個人保護中路，直接堵塞咗以往最容易被打穿嘅漏洞。由有前無後變成英超前四防守，呢個地基毫無疑問係馬蛇打落嚟嘅。
啟發卡些度：英超最強屏障
防守變好，除咗體系，仲因為馬蛇成功令一個人大爆發：卡些度。
喺馬蛇麾下，卡些度終於搵到佢嘅說明書。佢唔再需要好似以前咁，一個人覆蓋成個地球去救火，而係喺雙 Pivot 體系保護下，專注做佢最擅長嘅掃蕩工作。
睇返 24/25 賽季嘅數據，卡些度單季交出咗驚人嘅 163 次搶斷及攔截，係全隊第一，更加係英超頂級水平。相比起同級對手，卡些度嘅地面對抗成功率大幅領先。馬蛇令佢由一個貴價水貨變返做史丹福橋嘅中場守護神，呢個絕對係佢最大嘅遺產之一。
大賽氣質：盃賽專家的誕生
雖然馬蛇喺聯賽長跑有氣力不繼嘅問題，但無可否認，佢係一個頂級嘅盃賽專家。
當去到一場過嘅淘汰賽，馬蛇嘅Game Plan ，a.k.a 針對性部署往往係世界級。 喺奪得歐協聯冠軍嘅征途中，車路士錄得恐怖嘅 62.6% 平均控球率 同 92% 傳球成功率，兩項都係賽事第一，完全係統治級表現。
而去到世冠盃決賽面對擁有豪華鋒線嘅 PSG，馬蛇並無龜縮，反而用精準嘅戰術令對手窒息，最終 3：0 完勝。呢啲大賽榮譽將會寫入史冊，證明咗馬蛇這套體系如果你俾夠時間佢部署，上限其實極高。
馬蛇之過
講完功績，就要面對現實。點解一個帶隊拎世冠盃嘅教練，由奪冠到離職只係短短半年？原因在於當秩序變成僵化，球隊就失去咗靈魂。
戰術僵化：被破解的U 型足球
成也體系，敗也體系。馬蛇對結構嘅執著，去到執教後期變成咗一種病態。
當英超對手開始摸透佢套「內切邊後衛 + 邊路隔離」嘅套路，只要屯重兵喺中路，車路士就會老鼠拉龜。於是，我哋見到無數次令車迷恰眼瞓同鬧爆嘅U型足球：個波只係喺後衛同邊路之間傳黎傳去，完全入唔到肉。
去到 2025/26 賽季，車路士嘅 Open Play xG 跌到得返 32.0，喺英超只排第 5，甚至低過曼聯同曼城。如果你記得上年對葉士域治一役，就認真係經典，雖然空有 73% 控球率，但全場 xG 僅得 1.17。呢種無效控球，係令睇波球迷最鼓譟嘅原因。
被遺忘青訓斷層
如果話戰術悶都可以忍，咁對於年青球員嘅稍微不信任，就係令期待青春風暴嘅車迷最痛心嘅一點。
雖然球會政策係買人為先，但馬蛇作為主教練，對於輪換同提拔新人顯得相對保守。高價買返嚟嘅哈圖同收返嚟用嘅古爾長期坐板，缺乏上陣時間去成長，係馬蛇離隊後，佢哋都各自用入球回應咗呢一點；
而自家青訓產品更加係慘遭無視。唔止係艾殊邦同佐治呢啲曾經被寄予厚望嘅新星，甚至今季竟然連 U21 提拔嘅機會都寥寥可數，喺盃賽無關痛癢嘅時間都無份出場。對於好多想睇青春風暴嘅車迷 (同老闆) 嚟講，呢個係一種錯誤。
馬蛇唔敢俾新人試錯，結果令車路士引以為傲嘅青訓營流水線出現嚴重斷層。
心態脆弱：領先後崩盤的慣性
最後一個致命傷，係球隊嘅心理質素同臨場應變。
馬蛇嘅換人往往好機械化，數據顯示佢平均第 48 分鐘就換人，證明首發部署成日出錯要半場補鑊，而且缺乏 Plan B。當球隊領先緊，往往唔識得控制節奏去 Kill the game，反而係越踢越驚，越驚越輸。
喺 2025/26 賽季，車路士喺領先情況下丟失咗 13 分，係全英超榜首。反映出球隊喺關鍵時刻缺乏老大哥壓場（當然呢個同管理層嘅純利潤政策清走老將有關），但馬蛇作為領隊，無法賦予球隊足夠嘅心理韌性，亦責無旁貸。
仲有當然唔可以忘記佢帶俾新車路士嘅紅牌大姑問題…我哋係今季各項賽事已經拎咗 7 張紅牌，計埋馬蛇自己果張就 8 張，仲要咁多張牌都係由唔同人拎，證明咗呢件事並唔係單一而獨立嘅事件，係球隊內部風氣造成，呢點，馬蛇都理應要揹上身。
總結
講到尾，我哋應該點樣定義馬利斯卡喺車路士歷史上嘅地位？
如果要我形容，佢係一位出色嘅過渡期建築師。
佢喺車路士最混亂、最迷失嘅時候接手，用短短 18 個月時間，幫球隊重建咗最需要嘅紀律同結構。佢修補咗千瘡百孔嘅防線，啟發咗身價過億嘅中場核心，仲留低咗歐協聯同世冠盃兩座具份量嘅獎盃。單憑世冠盃決賽大炒 PSG 嗰一場，佢就已經同迪馬提奧一樣足夠喺史丹福橋嘅歷史書上佔一席位。
但與此同時，佢嘅極限亦好明顯。佢過份執著於戰術潔癖，令球隊失去咗進攻應有嘅靈性；佢對青訓嘅保守，亦令青春風暴失去咗色彩。當穩定變成咗一成不變，當控制變成咗便秘，分手似乎係唯一嘅出路。
當然，後來者做唔做到仍然係未知之數，但馬蛇嘅離去，並非因為佢係一個失敗者，或者係因為車路士需要由合格邁向卓越。
佢接手嗰陣係一堆爛攤子；但佢今日交棒俾羅斯尼亞，留低嘅係一套完整嘅體系、一個世界級嘅卡些度，以及一支更有戰術素養嘅球隊。
作為車迷，雖然最後半年睇得好辛苦，但對於呢位曾經帶我哋登上世界之巔嘅領隊，我哋應該講一聲：多謝你，馬蛇。Good Luck。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊