早兩日喺 Page 度同網友吹水講馬蛇時，有個留言令我印象好深。果位網友話：「車仔炒馬蛇睇到成件事好癲，係顛覆緊眾人對足球嘅理解：去領隊化。比賽再唔係臨場發揮而係數據捉棋部署，領隊就會貶值。」
當時我就回應話，與其話係去領隊化，不如話係職能專業化更加貼切。
呢兩句簡單嘅吹水，其實無意中擊中咗現代足球最核心嘅矛盾。 大家有無發現，依家英超越黎越少人叫 Manager (經理)，取而代之嘅係 Head Coach (主教練)？ [為免譯名出錯，我中英齊晒，如果你執著某種譯法請自行腦內轉換]
由利物浦嘅史諾接手高普，到車路士簽羅斯尼亞到 2032 年，背後其實係一場關於權力重組嘅革命。
Manager 與 Head Coach 到底有咩分別？
喺深入討論之前，我哋黎搞清楚兩個概念。
所謂 Manager (傳統領隊)，即係好似費 Sir 或者雲加嗰種超級管家。佢哋係球會嘅上帝，權力範圍極大：由買賣球員、續約談判、青訓提拔，甚至連訓練場飯堂食咩餐單，佢哋都要管。佢哋嘅個人意志同風格，就代表咗球會嘅意志。
但黎到 2026 年，足球已經進化成一門以億計算嘅精密科學。 面對住海量嘅比賽數據 (xG, xA)、複雜嘅運動科學，例如 Lactate Threshold, Load Management、以至同經理人交手嘅法律條款，試問一個人個腦點可能處理晒咁多嘢？你有玩過FM都明，如果你閂晒所有Assistant，恐怕你果一日會相當漫長。
於是，Head Coach (主教練) 應運而生。 好似羅斯尼亞或者史諾呢類現代教練，佢哋嘅角色其實係職能專業化嘅結果。球會將權力切碎，交俾專業人士：體育總監搞轉會、數據師搞分析、醫療部搞傷患管理同恢復、死球部門諗自由球角球戰術等等。
Head Coach 嘅職能被大幅削減，佢唔再係要煩惱財政嘅 CEO，而係變成一個高度專注嘅技術專家。佢哋唔需要理合約細節，唔需要同經理人角力，佢哋嘅 KPI 只有一個：運用數據部門俾你嘅材料、醫療部門俾你嘅健康報告，透過戰術訓練、賽前部署、陣式安排、臨場換人等等，精準地贏出下一場比賽。
簡單講：Manager 時代係一間由老闆一腳踢嘅舊式辦館；而 Head Coach 時代，就係一間講究部門分工、數據主導嘅跨國飲食集團。
曼聯炒艾摩廉：Manager 已死的最佳喪禮
如果大家覺得「挑，得你車路士係咁姐」，咁睇下隔離曼聯發生咩事就知唔係單一事件。
早前曼聯突然解僱艾摩廉，表面上係戰績問題，但據聞真正嘅導火線，正正係因為艾摩廉想做 Manager，挑戰緊現代足球嘅體制。
艾摩廉唔甘心只係做一個訓練場上嘅教練，佢希望擁有更大嘅轉會話語權同控制權。佢想好似以前費 Sir 咁，自己話事買邊個、用邊個。結果？INEOS 高層用行動話俾全世界知：「Sorry，我哋唔需要另一個國王。」
曼聯寧願賠錢炒人，都要維護佢哋建立緊嘅體育總監 + 數據團隊架構。仲未計早五六年前已經行緊呢種做法嘅紅牛集團同城市集團，FSG等等，今次曼聯呢一刀，其實係斬斷緊球迷對全能權威領隊嘅最後幻想，亦多少宣告 Manager 時代嘅開始步入黃昏。
權力大剝離：點解班主要殺死 Manager？
點解班主咁驚俾權力領隊？用管理學角度講，背後其實係為咗規避 Key Person Risk。佢哋唔想球會好似當年費Sir退休咁，因為一個人離開而崩潰，所以必須剝奪領隊三大核心權力：
1. 轉會話語權
喺經濟學角度，領隊買人存在代理人問題。 試想像，一個領隊面臨下課危機，佢為咗保住份工，一定會叫球會買個 32 歲、高薪嘅即食球星黎救亡。呢個球員可能幫佢贏兩場波，但一兩年後就會變成球會一件賣唔出、又高人工嘅負資產。
所以，現代足球會有個體育總監做看門人。車路士嘅溫斯坦利、利物浦嘅愛德華茲、阿仙奴嘅貝達，佢哋先係真正操盤手。教練負責煮餸就得，材料我買俾你，唔好問點解。
2. 醫療話事權
自從當年車路士發生「伊娃事件」之後，球壇意識到教練同隊醫之間有嚴重嘅利益衝突。
教練想贏波，會叫球員打封閉針上陣；但醫生嘅職責係保護球員健康。車仔喺肥普執教時期，占士傷完又傷，正正係反面教材。依家先進球會嘅醫療部大多數都擁有上陣否決權。如果數據顯示某球員負荷過大，就算教練想用，醫療部都可以Say No。因為喺班主眼中，球員係幾千萬資產，唔可以因為教練一時衝動而整壞。
3. 輪換與青訓
最後係青訓。
以前用唔用青訓，係睇領隊喜好。但喺 PSR 同 FFP 條例下，賣青訓係純利潤，係球會生存命脈。所以現代教練無得再憑個人喜好雪藏青訓。
恩古莫亞 (Ngumoha) 由車路士轉去利物浦之後，而家係利物浦被史諾雪藏，同樣引起咗體育總監同教頭之間嘅風波，某程度上都係反映緊呢種矛盾。高層會強制教練要用青訓，因為呢個係球會嘅商業戰略，教練只係執行者。
總結：從「國王」到「高級工程師」
講到尾，足球嘅進化定係倒退？
對於鍾意睇英雄主義嘅球迷黎講，無疑係一種倒退。足球變得越黎越似數據捉棋，少咗份人情味同熱血。
但對於球會營運黎講，係專業化嘅必然結果。 現代主教練再唔係果個全能嘅國王，佢更似係一個交響樂團嘅指揮家。指揮家唔需要識晒管弦樂、小提琴、二胡，佢只要做好指揮工作，奏出美妙樂章就足夠；而主教練亦同樣，佢唔使諗點買人、唔需要識醫人，佢只需要專注做一件事：透過戰術訓練，將手上嘅球員發揮出最大效能同贏波。
曼聯炒艾摩廉、車路士長約簽羅斯尼亞，兩個極端嘅例子話俾大家知：未來嘅英超，甚至球壇，可能再無 Manager，只有一班戴住耳機、聽從數據指令嘅 Head Coach。但會唔會無咗足球嘅熱情？唔，至少我覺得領隊 / 主教練都只係一部份，足球嘅感性同熱血仍然不至消失嘅。
當時我就回應話，與其話係去領隊化，不如話係職能專業化更加貼切。
呢兩句簡單嘅吹水，其實無意中擊中咗現代足球最核心嘅矛盾。 大家有無發現，依家英超越黎越少人叫 Manager (經理)，取而代之嘅係 Head Coach (主教練)？ [為免譯名出錯，我中英齊晒，如果你執著某種譯法請自行腦內轉換]
由利物浦嘅史諾接手高普，到車路士簽羅斯尼亞到 2032 年，背後其實係一場關於權力重組嘅革命。
Manager 與 Head Coach 到底有咩分別？
喺深入討論之前，我哋黎搞清楚兩個概念。
所謂 Manager (傳統領隊)，即係好似費 Sir 或者雲加嗰種超級管家。佢哋係球會嘅上帝，權力範圍極大：由買賣球員、續約談判、青訓提拔，甚至連訓練場飯堂食咩餐單，佢哋都要管。佢哋嘅個人意志同風格，就代表咗球會嘅意志。
但黎到 2026 年，足球已經進化成一門以億計算嘅精密科學。 面對住海量嘅比賽數據 (xG, xA)、複雜嘅運動科學，例如 Lactate Threshold, Load Management、以至同經理人交手嘅法律條款，試問一個人個腦點可能處理晒咁多嘢？你有玩過FM都明，如果你閂晒所有Assistant，恐怕你果一日會相當漫長。
於是，Head Coach (主教練) 應運而生。 好似羅斯尼亞或者史諾呢類現代教練，佢哋嘅角色其實係職能專業化嘅結果。球會將權力切碎，交俾專業人士：體育總監搞轉會、數據師搞分析、醫療部搞傷患管理同恢復、死球部門諗自由球角球戰術等等。
Head Coach 嘅職能被大幅削減，佢唔再係要煩惱財政嘅 CEO，而係變成一個高度專注嘅技術專家。佢哋唔需要理合約細節，唔需要同經理人角力，佢哋嘅 KPI 只有一個：運用數據部門俾你嘅材料、醫療部門俾你嘅健康報告，透過戰術訓練、賽前部署、陣式安排、臨場換人等等，精準地贏出下一場比賽。
簡單講：Manager 時代係一間由老闆一腳踢嘅舊式辦館；而 Head Coach 時代，就係一間講究部門分工、數據主導嘅跨國飲食集團。
曼聯炒艾摩廉：Manager 已死的最佳喪禮
如果大家覺得「挑，得你車路士係咁姐」，咁睇下隔離曼聯發生咩事就知唔係單一事件。
早前曼聯突然解僱艾摩廉，表面上係戰績問題，但據聞真正嘅導火線，正正係因為艾摩廉想做 Manager，挑戰緊現代足球嘅體制。
艾摩廉唔甘心只係做一個訓練場上嘅教練，佢希望擁有更大嘅轉會話語權同控制權。佢想好似以前費 Sir 咁，自己話事買邊個、用邊個。結果？INEOS 高層用行動話俾全世界知：「Sorry，我哋唔需要另一個國王。」
曼聯寧願賠錢炒人，都要維護佢哋建立緊嘅體育總監 + 數據團隊架構。仲未計早五六年前已經行緊呢種做法嘅紅牛集團同城市集團，FSG等等，今次曼聯呢一刀，其實係斬斷緊球迷對全能權威領隊嘅最後幻想，亦多少宣告 Manager 時代嘅開始步入黃昏。
權力大剝離：點解班主要殺死 Manager？
點解班主咁驚俾權力領隊？用管理學角度講，背後其實係為咗規避 Key Person Risk。佢哋唔想球會好似當年費Sir退休咁，因為一個人離開而崩潰，所以必須剝奪領隊三大核心權力：
1. 轉會話語權
喺經濟學角度，領隊買人存在代理人問題。 試想像，一個領隊面臨下課危機，佢為咗保住份工，一定會叫球會買個 32 歲、高薪嘅即食球星黎救亡。呢個球員可能幫佢贏兩場波，但一兩年後就會變成球會一件賣唔出、又高人工嘅負資產。
所以，現代足球會有個體育總監做看門人。車路士嘅溫斯坦利、利物浦嘅愛德華茲、阿仙奴嘅貝達，佢哋先係真正操盤手。教練負責煮餸就得，材料我買俾你，唔好問點解。
2. 醫療話事權
自從當年車路士發生「伊娃事件」之後，球壇意識到教練同隊醫之間有嚴重嘅利益衝突。
教練想贏波，會叫球員打封閉針上陣；但醫生嘅職責係保護球員健康。車仔喺肥普執教時期，占士傷完又傷，正正係反面教材。依家先進球會嘅醫療部大多數都擁有上陣否決權。如果數據顯示某球員負荷過大，就算教練想用，醫療部都可以Say No。因為喺班主眼中，球員係幾千萬資產，唔可以因為教練一時衝動而整壞。
3. 輪換與青訓
最後係青訓。
以前用唔用青訓，係睇領隊喜好。但喺 PSR 同 FFP 條例下，賣青訓係純利潤，係球會生存命脈。所以現代教練無得再憑個人喜好雪藏青訓。
恩古莫亞 (Ngumoha) 由車路士轉去利物浦之後，而家係利物浦被史諾雪藏，同樣引起咗體育總監同教頭之間嘅風波，某程度上都係反映緊呢種矛盾。高層會強制教練要用青訓，因為呢個係球會嘅商業戰略，教練只係執行者。
總結：從「國王」到「高級工程師」
講到尾，足球嘅進化定係倒退？
對於鍾意睇英雄主義嘅球迷黎講，無疑係一種倒退。足球變得越黎越似數據捉棋，少咗份人情味同熱血。
但對於球會營運黎講，係專業化嘅必然結果。 現代主教練再唔係果個全能嘅國王，佢更似係一個交響樂團嘅指揮家。指揮家唔需要識晒管弦樂、小提琴、二胡，佢只要做好指揮工作，奏出美妙樂章就足夠；而主教練亦同樣，佢唔使諗點買人、唔需要識醫人，佢只需要專注做一件事：透過戰術訓練，將手上嘅球員發揮出最大效能同贏波。
曼聯炒艾摩廉、車路士長約簽羅斯尼亞，兩個極端嘅例子話俾大家知：未來嘅英超，甚至球壇，可能再無 Manager，只有一班戴住耳機、聽從數據指令嘅 Head Coach。但會唔會無咗足球嘅熱情？唔，至少我覺得領隊 / 主教練都只係一部份，足球嘅感性同熱血仍然不至消失嘅。
請按此登錄後留言。未成為會員? 立即註冊