早幾年，「肥佬經理人」拉奧拿 (Mino Raiola) 過身之後，球壇曾經有一段真空期，大家以為吸血鬼a.k.a. 經理人嘅勢力會收斂啲，唔會再有人好似佢咁，隨時掟櫈鬧費 Sir、或者公開同球會開火。
點知吸血鬼並無消失，反而進化咗。如果話拉奧拿係明刀明槍嘅悍匪，咁今日要講嘅主角：文迪斯 (Jorge Mendes)，就係著住西裝、殺人於無形嘅教父。
最近馬蛇喺被炒前夕，突然轉投文迪斯旗下嘅 Gestifute 公司，隨即發生一連串輿論風向轉變。呢一切，喺資深球迷眼中，並唔係巧合，而係文迪斯向世人示範嘅一場教科書式「危機管理」。
到底呢位葡萄牙大鱷係咩料？點解佢可以隻手遮天？
戴返頭盔先，呢篇文只充其量只係我對文迪斯嘅見解，如果覺得我講得唔正確，請去我Facebook留言。
由夜總會老闆到「影子體育總監」
文迪斯嘅發跡史好傳奇，佢唔係足球界出身，最初只係喺葡萄牙經營夜店同錄影帶舖。但偏偏果時就俾佢遇到一個落難嘅球員：紐奴山度士 (Nuno Espirito Santo) 。山度士係佢鋪頭吐苦水，話搵唔到下家，而文迪斯聽到，居然自告奮勇話要幫佢搞掂單轉會。畢竟，文迪斯佢嘅強項唔係戰術或者係錢，而係交際能力。
亦因為成功幫到紐奴山度士轉會，文迪斯開始走上經理人之路。
但同拉奧拿唔同，如果話拉奧拿嘅風格係「搞對抗」，要幫球員爭取最大利益，所以要同球會對著幹；但文迪斯嘅風格就係「合作」。佢唔會鬧球會老闆，佢會同老闆做朋友、做生意拍檔，甚至做埋你嘅「影子體育總監」。
文迪斯又會幫球會解決財政問題（主動提出買賣球員做靚條數），幫你搵教練（例如狼隊嘅紐奴、熱刺時期嘅摩佬），慢慢令高層覺得：「無咗文迪斯，我哋搞唔掂個轉會窗。」當依賴一旦形成，佢就可以將自己嘅球員源源不絕咁塞入去。
第二特技：強大的「敘事主導權」與馬蛇的劇本
講返馬蛇。點解一個領隊，會喺傳聞被炒得最熱烈嘅時候突然轉經理人？除咗搵人接手談判，其實更加睇中文迪斯第二個最強嘅特技：敘事主導權。
據聞馬蛇本身喺執教後期，同球會高層喺轉會話語權、甚至訓練設施等等細節上，已經有唔少意見不合。正常情況下，如果就咁被炒，個焦點一定會落喺戰績差或者教唔掂呢啲負面標籤度。
但好巧合地，當佢轉投文迪斯旗下之後，市面上嘅風向即刻轉咗，就好似有人揸住個劇本喺度導戲咁。
突然之間，好多所謂嘅知情人士向傳媒爆料，將矛頭指向高層嘅混亂管理、甚至話馬蛇係因為太有性格或者不滿制度而被逼走。馬蛇由一個係車路士制度下敗走嘅教頭，搖身一變成為有性格嘅受害者。
緊接落嚟，明明係即將失業，但市面上竟然極速傳出多蒙特、甚至曼城對佢有興趣嘅消息。呢啲連串嘅「小動作」，好大機會就係文迪斯團隊嘅精心操作。佢要確保馬蛇即使離隊，個朵都唔會臭，甚至可以用一個懷才不遇嘅形象，維持住身價去傾下一份工。呢個就是文迪斯嘅功力：佢唔止幫你傾合約，仲包辦埋你嘅人設同劇本。
核心手段：轉會旋轉木馬
除此之外，文迪斯帝國另一個最得人驚嘅手段，叫轉會旋轉木馬。
簡單講，就係將班球員喺佢個「友好球會網絡」入面不斷轉黎轉去。咁樣做有幾個好處：第一，球員有波踢；第二，球會有數做（解決 FFP）；第三，亦係最重要嘅，經理人可以長收長有。
最經典嘅例子就係菲歷斯。 由賓菲加轉去馬體會（1.2億），再去車路士（借用），再去巴塞（借用），最後返車路士（5200萬），最後去艾納斯 (3000萬)。一個菲歷斯，喺幾年間產生咗接近 2 億歐元嘅轉會流動資金。你以為係球會需要佢？可能係，但更多時候似係個系統需要佢郁動，去製造現金流同經理人佣金。
車路士的隱憂：慢慢變成富貴版狼隊？
講到呢度，車迷應該開始有啲擔心。
回顧過去，文迪斯曾經深度介入過幾間球會：英超嘅狼隊（老闆復星係 Gestifute 股東）、西甲嘅華倫西亞（老闆彼得林係文迪斯密友）。呢啲球會嘅共通點係，陣容入面會有大量文迪斯系球員，轉會操作往往身不由己。
之前離咗隊嘅維加、菲歷斯不在話下，車路士依家嘅陣中嘅柏度尼圖、托辛，都係文迪斯旗下或者關係密切嘅球員。連馬蛇本身都係佢個客。BlueCo 似乎為咗快速重建，選擇咗飲鴆止渴，利用文迪斯嘅網絡黎入貨。
雖然話文迪斯嘅貨通常有質素保證（好似魯賓迪亞斯、貝拿度施華），但風險在於，當你過度依賴佢，球會就有機會變成佢個旋轉木馬嘅其中一個中轉站。例如菲歷斯同維加咁，究竟我哋買人係因為戰術需要，定係因為有人需要出貨？
總結
拉奧拿已死，但吸血鬼未亡，只係變得更優雅、更隱蔽。
文迪斯話俾大家知，今時今日喺球壇搵食，識踢波、識教波未夠，最緊要係識得揀碼頭。馬蛇今次轉會操作，再一次證明咗喺現代足球，有一個強大嘅經理人做後盾，隨時比贏一個冠軍更重要，而某個敗走嘅少帥，可能呢一刻係度後悔緊自己無搵文迪斯幫手都唔定。
至於車路士會唔會完全被文迪斯化？咁就要睇高層黎緊有無定力，定係繼續沉迷喺呢個方便快捷、但暗藏殺機嘅交易網絡入面喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
點知吸血鬼並無消失，反而進化咗。如果話拉奧拿係明刀明槍嘅悍匪，咁今日要講嘅主角：文迪斯 (Jorge Mendes)，就係著住西裝、殺人於無形嘅教父。
最近馬蛇喺被炒前夕，突然轉投文迪斯旗下嘅 Gestifute 公司，隨即發生一連串輿論風向轉變。呢一切，喺資深球迷眼中，並唔係巧合，而係文迪斯向世人示範嘅一場教科書式「危機管理」。
到底呢位葡萄牙大鱷係咩料？點解佢可以隻手遮天？
戴返頭盔先，呢篇文只充其量只係我對文迪斯嘅見解，如果覺得我講得唔正確，請去我Facebook留言。
由夜總會老闆到「影子體育總監」
文迪斯嘅發跡史好傳奇，佢唔係足球界出身，最初只係喺葡萄牙經營夜店同錄影帶舖。但偏偏果時就俾佢遇到一個落難嘅球員：紐奴山度士 (Nuno Espirito Santo) 。山度士係佢鋪頭吐苦水，話搵唔到下家，而文迪斯聽到，居然自告奮勇話要幫佢搞掂單轉會。畢竟，文迪斯佢嘅強項唔係戰術或者係錢，而係交際能力。
亦因為成功幫到紐奴山度士轉會，文迪斯開始走上經理人之路。
但同拉奧拿唔同，如果話拉奧拿嘅風格係「搞對抗」，要幫球員爭取最大利益，所以要同球會對著幹；但文迪斯嘅風格就係「合作」。佢唔會鬧球會老闆，佢會同老闆做朋友、做生意拍檔，甚至做埋你嘅「影子體育總監」。
文迪斯又會幫球會解決財政問題（主動提出買賣球員做靚條數），幫你搵教練（例如狼隊嘅紐奴、熱刺時期嘅摩佬），慢慢令高層覺得：「無咗文迪斯，我哋搞唔掂個轉會窗。」當依賴一旦形成，佢就可以將自己嘅球員源源不絕咁塞入去。
第二特技：強大的「敘事主導權」與馬蛇的劇本
講返馬蛇。點解一個領隊，會喺傳聞被炒得最熱烈嘅時候突然轉經理人？除咗搵人接手談判，其實更加睇中文迪斯第二個最強嘅特技：敘事主導權。
據聞馬蛇本身喺執教後期，同球會高層喺轉會話語權、甚至訓練設施等等細節上，已經有唔少意見不合。正常情況下，如果就咁被炒，個焦點一定會落喺戰績差或者教唔掂呢啲負面標籤度。
但好巧合地，當佢轉投文迪斯旗下之後，市面上嘅風向即刻轉咗，就好似有人揸住個劇本喺度導戲咁。
突然之間，好多所謂嘅知情人士向傳媒爆料，將矛頭指向高層嘅混亂管理、甚至話馬蛇係因為太有性格或者不滿制度而被逼走。馬蛇由一個係車路士制度下敗走嘅教頭，搖身一變成為有性格嘅受害者。
緊接落嚟，明明係即將失業，但市面上竟然極速傳出多蒙特、甚至曼城對佢有興趣嘅消息。呢啲連串嘅「小動作」，好大機會就係文迪斯團隊嘅精心操作。佢要確保馬蛇即使離隊，個朵都唔會臭，甚至可以用一個懷才不遇嘅形象，維持住身價去傾下一份工。呢個就是文迪斯嘅功力：佢唔止幫你傾合約，仲包辦埋你嘅人設同劇本。
核心手段：轉會旋轉木馬
除此之外，文迪斯帝國另一個最得人驚嘅手段，叫轉會旋轉木馬。
簡單講，就係將班球員喺佢個「友好球會網絡」入面不斷轉黎轉去。咁樣做有幾個好處：第一，球員有波踢；第二，球會有數做（解決 FFP）；第三，亦係最重要嘅，經理人可以長收長有。
最經典嘅例子就係菲歷斯。 由賓菲加轉去馬體會（1.2億），再去車路士（借用），再去巴塞（借用），最後返車路士（5200萬），最後去艾納斯 (3000萬)。一個菲歷斯，喺幾年間產生咗接近 2 億歐元嘅轉會流動資金。你以為係球會需要佢？可能係，但更多時候似係個系統需要佢郁動，去製造現金流同經理人佣金。
車路士的隱憂：慢慢變成富貴版狼隊？
講到呢度，車迷應該開始有啲擔心。
回顧過去，文迪斯曾經深度介入過幾間球會：英超嘅狼隊（老闆復星係 Gestifute 股東）、西甲嘅華倫西亞（老闆彼得林係文迪斯密友）。呢啲球會嘅共通點係，陣容入面會有大量文迪斯系球員，轉會操作往往身不由己。
之前離咗隊嘅維加、菲歷斯不在話下，車路士依家嘅陣中嘅柏度尼圖、托辛，都係文迪斯旗下或者關係密切嘅球員。連馬蛇本身都係佢個客。BlueCo 似乎為咗快速重建，選擇咗飲鴆止渴，利用文迪斯嘅網絡黎入貨。
雖然話文迪斯嘅貨通常有質素保證（好似魯賓迪亞斯、貝拿度施華），但風險在於，當你過度依賴佢，球會就有機會變成佢個旋轉木馬嘅其中一個中轉站。例如菲歷斯同維加咁，究竟我哋買人係因為戰術需要，定係因為有人需要出貨？
總結
拉奧拿已死，但吸血鬼未亡，只係變得更優雅、更隱蔽。
文迪斯話俾大家知，今時今日喺球壇搵食，識踢波、識教波未夠，最緊要係識得揀碼頭。馬蛇今次轉會操作，再一次證明咗喺現代足球，有一個強大嘅經理人做後盾，隨時比贏一個冠軍更重要，而某個敗走嘅少帥，可能呢一刻係度後悔緊自己無搵文迪斯幫手都唔定。
至於車路士會唔會完全被文迪斯化？咁就要睇高層黎緊有無定力，定係繼續沉迷喺呢個方便快捷、但暗藏殺機嘅交易網絡入面喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊