因為年頭公司太忙，出文慢咗…不過遲到好過無到，總算趕係FA Cup前出俾大家。
今場比賽，相信有睇嘅車迷巴打都會同我一樣，嘔出幾十両血出嚟。
新帥羅斯尼亞坐喺看台，原本以為可以輕輕鬆鬆睇場波做下筆記，點知睇到嘅係一場包含紅牌、圍攻、追和再被絕殺嘅過山車比賽，同時感受一下車迷平日嘅心情有幾複雜。古古尼亞 22 分鐘嘅紅牌成為咗全場分水嶺，令原本開局看似幾醒神嘅車路士，被迫打咗大半場逆境波。
雖然最終 1-2 落敗，跌落聯賽第 8 位，但平心而論，喺打少個嘅情況下，球隊展現出黎嘅韌力係值得肯定嘅。只不過，心水清嘅巴打應該唔會否認，車仔其實係各種表現都只係有姿勢無實際。所謂嘅攻勢，其實只係建立喺角球之上嘅虛火。
比賽簡述：由角球虛火到十人應戰
今場U21領隊麥費蘭一口氣做咗 6 個調動，原本諗住延續對曼城嘅氣勢。開波頭 20 分鐘，車路士睇落好似反客為主，但其實所謂嘅威脅全部黎自死球。安素嘅角球落點極靚，先有山度士頭鎚中楣彈出，之後幾次角球混戰亦令富咸門前風聲鶴唳。正當以為可以由角球打開缺口之際，一個簡單嘅長傳就將球隊打回原形。
22 分鐘，富咸門將利奴大腳長傳，威爾遜高速壓過古古尼亞，古古喺禁區外情急一拉，球證直指紅牌。呢個判決直接將比賽難度由 Normal 變做 Hell Mode。雖然富咸上半場補時有個入球被 VAR 指吉文尼斯越位在庫，令雙方以 0：0 返更衣室，但形勢已經完全逆轉。
換邊後 55 分鐘，車路士防線終於失守，吉文尼斯接應貝治傳中頂入，富咸領先 1：0。落後之下車路士展現出唔錯嘅韌力，去到 72 分鐘，竟然又係靠角球攻勢追和，尼圖開出角球，前柱大混戰中，戴納門前撞入追成 1：1。呢球係戴納加盟後首個英超入球，一度令車迷以為有分落袋。可惜去到 81 分鐘，威爾遜禁區內起腳，個波省中占士改變方向入網。最終車路士喺打少個嘅情況下，以 1：2 飲恨，全失 3 分。
戰術深潛
麥費蘭嘅起手式與角球依賴
麥費蘭今場嘅路數好清晰：既然上一場班後備（好似山度士、戴納）對曼城嗰陣有火有態，今場擔正係理所當然嘅獎勵，亦係想利用佢哋嘅活力喺開局搶攻。
表面睇，呢個部署係湊效嘅。開波初段車路士嘅確係壓住富咸嚟攻，個波大部份時間都喺對方半場。但心水清嘅車迷如果細心留意，就會發現呢種強勢其實只係錯覺。我哋嘅攻勢極度單一，基本上就係：邊路傳中被擋 -> 角球 -> 安素開角球 -> 門前混戰。
睇返數據，先唔講我哋打少個，單睇上半場嘅 Open Play xG（運動戰預期入球），車仔低見 0.08。而死球xG反而去到0.86。即係話，撇除咗角球同死球，我哋喺陣地戰入面根本創造唔到任何具威脅嘅射門。
成場波我哋最有威脅嗰兩次機會：山度士頭鎚中楣、以及戴納追和嘅入球，全部都係源自角球。當然，死球FC靠死球入波無問題；但如果一支球隊嘅進攻板斧淨係得一返招博角球，一旦對手封鎖咗條邊路或者頂贏你第一點，我哋嘅進攻就會即刻啞火。呢種角球依賴症，正正反映出球隊喺地面組織同滲透上依然係一潭死水。
富咸專打你身後
既然我哋咁倚賴角球，富咸領隊馬高施華亦好識做，實行將計就計。佢好清楚車路士為咗破大巴戰術，一定會狂博角球或者壓住攻，條防線往往會推得好高，身後留有大片空間。
於是今場嘅策略非常簡單直接：放棄中場纏鬥，直接大腳搵前場。富咸全場做出 24 次成功長傳，成功率高達 60%（相比之下車仔得 47%）。呢個數據證明佢哋唔係盲目大腳解圍，而係有預謀嘅戰術部署。
導致古古尼亞紅牌嗰一球，就係呢個戰術嘅完美示範。當時車路士攻勢斷纜，防線未及回防整理，富咸門將利奴精準長傳，直接越過晒我哋個中場線，搵到右路高速跑緊嘅威爾遜。
呢種輸法其實一啲都唔陌生，季初對般尼茅夫我哋已經試過俾人咁樣瘋狂打身後。每當我哋大軍壓上嗰陣，針對由攻轉守嘅警覺性同覆蓋做得好差。對手只要一腳過頭波，我哋班後衛就要同對方前鋒鬥跑。今次古古尼亞輸身位被迫犯規，正正係跌入咗富咸預設好嘅陷阱入面。
關鍵轉折：古古尼亞的經驗與不智
講真，今場波雖然想持平啲講，但古古尼亞嗰張紅牌真係無得幫佢兜。作為陣中少數有經驗嘅老大哥，面對住成班細過佢嘅隊友，佢喺嗰一刻嘅判斷係On9嘅。
當時只係上半場 22 分鐘，就算畀威爾遜單刀射入輸 0-1，球隊仲有接近 70 分鐘時間去追。以我哋開局嗰種攻勢，要追返一球絕對唔係無可能。但佢選擇咗出手拉跌對手，用一張紅牌去換取一個可能唔失波嘅機會，呢個代價實在太大。
喺英超作客，打少個基本上就係自殺。佢呢一下魯莽嘅決定，唔單止打亂咗本身嘅部署，更加係將其餘 10 位隊友推向一個極度體力透支嘅深淵。由原本嘅優勢波變做攻堅戰，呢個轉折點完全係古古尼亞個人判斷失誤所造成，絕對係一種唔成熟嘅表現。
雖敗猶榮：十人應戰的韌力
但有屌就有讚，撇除張紅牌，今場車路士喺逆境下展現出黎嘅韌力，係值得大家畀啲掌聲。麥費蘭喺紅牌後果斷換入哈圖填補防線，犧牲中場人數但維持防守結構，呢個應變算係合理。
最令車迷欣慰嘅係，球隊並無因為打少個就全線退守等死。相反，下半場我哋嘅地面對抗成功率反而提升到 59%，比上半場 11 人應戰時嘅 37% 仲要高。呢個數據反映出球員喺劣勢下反而更加集中，每球必爭。
戴納喺前場因為打少個而變得孤立無援，依然憑住鬥心喺混戰中撞入追平一球，一度令大家以為有機會創造奇蹟。雖然最後輸嗰球係因為體能下降跟唔切，加上占士不幸折射入網，運氣多少主導咗結果。但以 10 人應戰黎講，呢場波除咗古古之外，其他球員絕對係雖敗猶榮，至少做到咗輸人唔輸陣。
結語：羅斯尼亞的筆記簿
羅斯尼亞今場坐喺看台全程目擊，相信佢本筆記簿應該寫滿晒重點同粗口。呢場波雖然輸咗，但對於新領隊黎講，其實係一場非常實際嘅體驗。
好嘅一方面，佢見到咗呢班球員喺絕境下嘅鬥心同韌力，證明咗更衣室並未因為換帥而散渙，球隊依然肯跑肯搏；但衰嘅一方面亦同樣明顯：紀律性嚴重不足（恭喜車仔今季喺各項賽事拎咗 8 張紅牌）、面對長傳反擊嘅防守結構鬆散、以及進攻太過單調依賴死球。
前面條路絕對唔易行，緊接落黎就要喺足總盃對查爾頓，之後仲要喺聯賽盃硬撼阿仙奴。羅斯尼亞無任何蜜月期，佢要喺最短時間內修補防線漏洞，同埋管理班球員嘅EQ。希望羅斯尼亞可以喺呢個亂局之中，盡快搵到帶領車路士走出泥沼嘅說明書，嗯，不過做唔做到…我暫時期望唔大就係。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今場比賽，相信有睇嘅車迷巴打都會同我一樣，嘔出幾十両血出嚟。
新帥羅斯尼亞坐喺看台，原本以為可以輕輕鬆鬆睇場波做下筆記，點知睇到嘅係一場包含紅牌、圍攻、追和再被絕殺嘅過山車比賽，同時感受一下車迷平日嘅心情有幾複雜。古古尼亞 22 分鐘嘅紅牌成為咗全場分水嶺，令原本開局看似幾醒神嘅車路士，被迫打咗大半場逆境波。
雖然最終 1-2 落敗，跌落聯賽第 8 位，但平心而論，喺打少個嘅情況下，球隊展現出黎嘅韌力係值得肯定嘅。只不過，心水清嘅巴打應該唔會否認，車仔其實係各種表現都只係有姿勢無實際。所謂嘅攻勢，其實只係建立喺角球之上嘅虛火。
比賽簡述：由角球虛火到十人應戰
今場U21領隊麥費蘭一口氣做咗 6 個調動，原本諗住延續對曼城嘅氣勢。開波頭 20 分鐘，車路士睇落好似反客為主，但其實所謂嘅威脅全部黎自死球。安素嘅角球落點極靚，先有山度士頭鎚中楣彈出，之後幾次角球混戰亦令富咸門前風聲鶴唳。正當以為可以由角球打開缺口之際，一個簡單嘅長傳就將球隊打回原形。
22 分鐘，富咸門將利奴大腳長傳，威爾遜高速壓過古古尼亞，古古喺禁區外情急一拉，球證直指紅牌。呢個判決直接將比賽難度由 Normal 變做 Hell Mode。雖然富咸上半場補時有個入球被 VAR 指吉文尼斯越位在庫，令雙方以 0：0 返更衣室，但形勢已經完全逆轉。
換邊後 55 分鐘，車路士防線終於失守，吉文尼斯接應貝治傳中頂入，富咸領先 1：0。落後之下車路士展現出唔錯嘅韌力，去到 72 分鐘，竟然又係靠角球攻勢追和，尼圖開出角球，前柱大混戰中，戴納門前撞入追成 1：1。呢球係戴納加盟後首個英超入球，一度令車迷以為有分落袋。可惜去到 81 分鐘，威爾遜禁區內起腳，個波省中占士改變方向入網。最終車路士喺打少個嘅情況下，以 1：2 飲恨，全失 3 分。
戰術深潛
麥費蘭嘅起手式與角球依賴
麥費蘭今場嘅路數好清晰：既然上一場班後備（好似山度士、戴納）對曼城嗰陣有火有態，今場擔正係理所當然嘅獎勵，亦係想利用佢哋嘅活力喺開局搶攻。
表面睇，呢個部署係湊效嘅。開波初段車路士嘅確係壓住富咸嚟攻，個波大部份時間都喺對方半場。但心水清嘅車迷如果細心留意，就會發現呢種強勢其實只係錯覺。我哋嘅攻勢極度單一，基本上就係：邊路傳中被擋 -> 角球 -> 安素開角球 -> 門前混戰。
睇返數據，先唔講我哋打少個，單睇上半場嘅 Open Play xG（運動戰預期入球），車仔低見 0.08。而死球xG反而去到0.86。即係話，撇除咗角球同死球，我哋喺陣地戰入面根本創造唔到任何具威脅嘅射門。
成場波我哋最有威脅嗰兩次機會：山度士頭鎚中楣、以及戴納追和嘅入球，全部都係源自角球。當然，死球FC靠死球入波無問題；但如果一支球隊嘅進攻板斧淨係得一返招博角球，一旦對手封鎖咗條邊路或者頂贏你第一點，我哋嘅進攻就會即刻啞火。呢種角球依賴症，正正反映出球隊喺地面組織同滲透上依然係一潭死水。
富咸專打你身後
既然我哋咁倚賴角球，富咸領隊馬高施華亦好識做，實行將計就計。佢好清楚車路士為咗破大巴戰術，一定會狂博角球或者壓住攻，條防線往往會推得好高，身後留有大片空間。
於是今場嘅策略非常簡單直接：放棄中場纏鬥，直接大腳搵前場。富咸全場做出 24 次成功長傳，成功率高達 60%（相比之下車仔得 47%）。呢個數據證明佢哋唔係盲目大腳解圍，而係有預謀嘅戰術部署。
導致古古尼亞紅牌嗰一球，就係呢個戰術嘅完美示範。當時車路士攻勢斷纜，防線未及回防整理，富咸門將利奴精準長傳，直接越過晒我哋個中場線，搵到右路高速跑緊嘅威爾遜。
呢種輸法其實一啲都唔陌生，季初對般尼茅夫我哋已經試過俾人咁樣瘋狂打身後。每當我哋大軍壓上嗰陣，針對由攻轉守嘅警覺性同覆蓋做得好差。對手只要一腳過頭波，我哋班後衛就要同對方前鋒鬥跑。今次古古尼亞輸身位被迫犯規，正正係跌入咗富咸預設好嘅陷阱入面。
關鍵轉折：古古尼亞的經驗與不智
講真，今場波雖然想持平啲講，但古古尼亞嗰張紅牌真係無得幫佢兜。作為陣中少數有經驗嘅老大哥，面對住成班細過佢嘅隊友，佢喺嗰一刻嘅判斷係On9嘅。
當時只係上半場 22 分鐘，就算畀威爾遜單刀射入輸 0-1，球隊仲有接近 70 分鐘時間去追。以我哋開局嗰種攻勢，要追返一球絕對唔係無可能。但佢選擇咗出手拉跌對手，用一張紅牌去換取一個可能唔失波嘅機會，呢個代價實在太大。
喺英超作客，打少個基本上就係自殺。佢呢一下魯莽嘅決定，唔單止打亂咗本身嘅部署，更加係將其餘 10 位隊友推向一個極度體力透支嘅深淵。由原本嘅優勢波變做攻堅戰，呢個轉折點完全係古古尼亞個人判斷失誤所造成，絕對係一種唔成熟嘅表現。
雖敗猶榮：十人應戰的韌力
但有屌就有讚，撇除張紅牌，今場車路士喺逆境下展現出黎嘅韌力，係值得大家畀啲掌聲。麥費蘭喺紅牌後果斷換入哈圖填補防線，犧牲中場人數但維持防守結構，呢個應變算係合理。
最令車迷欣慰嘅係，球隊並無因為打少個就全線退守等死。相反，下半場我哋嘅地面對抗成功率反而提升到 59%，比上半場 11 人應戰時嘅 37% 仲要高。呢個數據反映出球員喺劣勢下反而更加集中，每球必爭。
戴納喺前場因為打少個而變得孤立無援，依然憑住鬥心喺混戰中撞入追平一球，一度令大家以為有機會創造奇蹟。雖然最後輸嗰球係因為體能下降跟唔切，加上占士不幸折射入網，運氣多少主導咗結果。但以 10 人應戰黎講，呢場波除咗古古之外，其他球員絕對係雖敗猶榮，至少做到咗輸人唔輸陣。
結語：羅斯尼亞的筆記簿
羅斯尼亞今場坐喺看台全程目擊，相信佢本筆記簿應該寫滿晒重點同粗口。呢場波雖然輸咗，但對於新領隊黎講，其實係一場非常實際嘅體驗。
好嘅一方面，佢見到咗呢班球員喺絕境下嘅鬥心同韌力，證明咗更衣室並未因為換帥而散渙，球隊依然肯跑肯搏；但衰嘅一方面亦同樣明顯：紀律性嚴重不足（恭喜車仔今季喺各項賽事拎咗 8 張紅牌）、面對長傳反擊嘅防守結構鬆散、以及進攻太過單調依賴死球。
前面條路絕對唔易行，緊接落黎就要喺足總盃對查爾頓，之後仲要喺聯賽盃硬撼阿仙奴。羅斯尼亞無任何蜜月期，佢要喺最短時間內修補防線漏洞，同埋管理班球員嘅EQ。希望羅斯尼亞可以喺呢個亂局之中，盡快搵到帶領車路士走出泥沼嘅說明書，嗯，不過做唔做到…我暫時期望唔大就係。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊