新年流流，大家原本仲捕住 Fabrizio Romano 嘅 Twitter 睇下有冇 "Here we go"，點知球會官方直接嚟個痛快：Enzo Maresca has parted company.
唔洗再估，亦唔洗再戴頭盔。馬蛇同清湖資本嘅婚姻正式畫上句號。雖然官方話多謝佢帶領球隊贏過歐協聯同世冠盃，但係無諗過佢1月1日就會官宣，迫到我篇文要提早少少放出嚟………無錯，我本身諗住可以領先大家四個平行宇宙，寫定有咩候選人。
舊嘅文章我哋已經詳細講過大熱門路斯尼亞(史堡現任領隊，連結) 同埋好有車仔情意結嘅法比加斯 (科木現任領隊，連結)，仲有車仔傳奇嘅林伯 (高雲地利領隊，連結)今次就唔再重複講呢三位喇。今集我用數據同戰術角度，睇下另外 4 位風格迥異、而且同車路士現有陣容（特別係嗰班南美神童）有千絲萬縷關係嘅候選人。
迪沙比 (Roberto De Zerbi)：激活白禮頓幫嘅說明書？
講到車路士嘅下一任，其中一個人選好難唔提迪沙比。呢位意大利狂人現時執教馬賽，雖然喺法甲排第 3，打造緊一支入得失得嘅癲喪球隊，但佢嘅戰術哲學似乎係為咗解鎖車路士兩大資產而生。
迪沙比最出名嘅戰術係引蛇出洞，數據顯示佢執教白禮頓期間，場均控球率高達 61.3%，而且極度強調後場出球。佢要求球員用鞋底踩住個波，引對手逼搶，然後製造Artificial Transition，姐係人造攻守轉換。
如果你問車路士依家最貴嘅資產係邊個？肯定係果班白禮頓幫，包括咗卡些度同高維爾。而全世界最識用呢兩個人嘅，正正就係迪沙比。
喺迪沙比體系下，卡些度係絕對核心，攔截數據同推進數據都係英超頂級；而高維爾正正係佢喺白禮頓一手提拔，迪沙比需要中堅有極強長傳能力去破逼搶，呢一點高維爾可以話係完美配搭。加上佢嘅體系係專門製造 1vs1 空間俾邊鋒，對於擁有尼圖、加拿祖、二安仲有梅迪歷（當年喺薩克達係佢愛將）嘅車路士黎講，進攻畫面肯定靚到爆。
不過，凡事有利弊。迪沙比嘅足球雖然好睇，但防守隨時令人心臟病發。佢喺馬賽雖然入波多，但經常領先之下被追和，失球數字偏高。車路士依家防線已經唔穩，請佢返嚟可能係以毒攻毒，隨時搞出大頭佛。再加上佢性格火爆，當年喺白禮頓已經因轉會問題仲有踢法問題同高層反面，如果嚟到遇上控制慾更強嘅清湖高層，雙方再開火嘅機會率可以話係接近 99%。
沙維 (Xavi) ：打造藍色巴塞嘅戰術大師
講完激進派，轉去睇下控制流。目前正在放緊假嘅沙維，據聞一直都有留意英超動向，隨時準備出山。如果你以為沙維嘅足球只係單純嘅傳控或者 Tiki-taka，咁你就太睇小佢。佢執教巴塞奪冠嗰季，雖然入波唔算多，但防守極穩，曾經創下首 20 場聯賽僅失 7 球嘅驚人紀錄。佢嘅戰術核心建立喺佢自創嘅 「4P 原則」之上：Positioning (位置)、Possession (控球)、Pressure (壓迫) 同埋 Perception (感知)。
當中 Perception (感知) 最值得車迷期待。沙維要求球員喺接波前，個腦已經要好似雷達咁 Scan 晒全場，清楚知道隊友同對手喺邊。對於依家雖然好波、但有時踢得太急太亂嘅年輕車仔黎講，呢種強調腦力同觀察嘅指導，簡直係補習天王級數。
戰術走位方面，沙維一樣係行Box Midfield，但玩法同馬蛇或者哥迪奧拿嗰種Inverted Full-back有啲唔同。沙維唔係一定要個閘入去中路做防中，佢反而更鍾意用偽邊鋒：即係叫個翼鋒由邊路內切入中路，又或者叫個中場拉邊去做配合，從而喺中圈形成一個四人方塊去控制大局。
這種踢法對於車路士黎講，其實相當吸引，甚至可以話係為彭馬同二安度身定做。試諗下，彭馬唔洗死跑邊路，佢可以直接由右翼位置切入中路做第 4 個中場，變成一個自由人、或者係二安本身定位放係中路，必要時可以移去邊路突擊；同時安素同山度士就可以專心做返擅長嘅雙 Pivot 派牌，唔洗好似依家咁又要補位又要衝禁區。沙維對於空間嘅極致理解，可以令這班中場球員嘅潛力發揮到盡。
不過，沙維這套戰術有個致命傷，就係極度需要一個好識做支點、技術好細膩嘅中鋒（例如利雲度夫斯基）。但望返轉頭，我哋個鋒線係粗枝大葉嘅戴納，又或者係祖奧柏度，技術層面上似乎同沙維嘅要求有一段距離。如果無一個頂級中鋒在前場做樞紐，沙維嘅傳控可能會變成無鋒之陣嘅老鼠拉龜，得勢不得分。
菲臘比路爾斯 (Filipe Luís) ：巴西幫嘅最佳大佬
呢個名對於新一代球迷黎講可能有啲冷門，但對於老車迷黎講絕對有感情，佢係當年前車路士奪冠功臣之一。而啱啱帶領法林明高贏得南美自由盃嘅佢，係今次人選入面嘅黑馬。佢嘅戰術係一種非常有趣嘅混合體：防守上繼承咗恩師施蒙尼嘅 4-4-2 區域防守紀律，夠硬淨夠狼死；但進攻上就保留咗南美足球嘅 Relational Play，鼓勵球員自由換位，唔會死板地限死球員區域。
點解話佢係黑馬？因為車路士未來幾年嘅核心資產，正正係一班南美神童：二安 (Estêvão)、柏艾斯 (Páez)、山度士。菲臘比路爾斯喺巴西執教期間，親眼睇住呢班人大，甚至喺聯賽擊敗過佢哋，對佢哋嘅特點同弱點瞭如指掌。
搵佢返嚟，就好似搵個自帶車路士 DNA、又識講葡語嘅大哥哥帶住成班細路。對於解決更衣室語言障礙、適應英超節奏同文化，佢簡直係 Perfect Match，甚至可以話係為呢班南美幼齒度身訂造嘅保姆兼導師。
當然，風險亦唔細。由巴甲直接跳級黎英超豪門，中間無經過歐洲中遊球隊過渡，呢個賭注極大。英超嘅戰術複雜度、媒體壓力，同南美係兩個世界。究竟佢係另一個施蒙尼，定係另一個史高拉利？無人知，但如果你係感性派球迷，呢個絕對係一個浪漫嘅夢。
佳士拿 (Oliver Glasner)：最理智嘅止血工程師
講咗咁多個有夢想、有畫面嘅人選，如果高層話：「唔好同我講理想，我淨係要即食、要止血、要前四！」咁水晶宮嘅佳士拿肯定係首選。呢位奧地利教頭係 3-4-2-1 體系嘅絕對信徒，水晶宮喺佢接手後，由一支護級份子變成擁有英超其中一條最硬淨防線嘅球隊。佢嘅風格唔玩無謂控球，搶到波幾秒內就要進行垂直打擊，簡單直接效率至上。
佢個陣式簡直係為車路士目前嘅畸形陣容量身定做。首先，佢可以解決中堅過剩嘅幸福煩惱。車仔有巴迪亞舒尼、科芬拿等等一大堆中堅，喺四後衛陣式下經常因為單防能力不足而出事，但喺三中堅體系下，人多好辦事，可以互相補位掩蓋弱點。
其次，亦係最重要嘅一點：解放占士同古斯圖。佳士拿嘅戰術極度依賴翼衛提供寬度同助攻，呢個正正係車路士全隊最強嘅位置。與其叫占士內收做中場，不如叫佢好似以前咁在邊路遇神殺神遇佛殺佛，咁樣似乎更符合說明書。
唯一的隱憂，同樣係落喺前鋒身上。佳士拿嘅體系需要一個好強嘅前場支點做Target Man，好似水晶宮嘅馬迪達咁，要有身型、有對抗、肯做Dirty Work。車路士現有前鋒有無人做到？戴納雖然夠大隻夠肯撞，但火候同級數似乎仲差少少。如果要請格拉斯納，冬窗可能又要跌錢買個柱躉返嚟。
總結：你係浪漫派定係務實派？
連埋之前提過嘅路斯尼亞同法比加斯，我哋已經檢閱咗 6 位潛在嘅新車長。你會點揀？
如果你係追求視覺享受、進攻爽快嘅，一定係揀迪沙比，但預咗每場波都要食救心； 如果你係崇尚戰術哲學、想激活安素嘅，沙維帶嚟嘅「4P」理念係最好選擇； 如果你係感性派、想睇二安同柏艾斯一眾巴西幫大爆發嘅，菲臘比路爾斯絕對係一個充滿情懷嘅美麗嘅夢； 但邊個最能夠即時止血、保住前四？我會投格拉斯納一票。
當然，講咁多，大前提係... 高層今次揀人嘅眼光，唔好再咁獨到先講啦。大家又最想邊個教？留言傾下！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
唔洗再估，亦唔洗再戴頭盔。馬蛇同清湖資本嘅婚姻正式畫上句號。雖然官方話多謝佢帶領球隊贏過歐協聯同世冠盃，但係無諗過佢1月1日就會官宣，迫到我篇文要提早少少放出嚟………無錯，我本身諗住可以領先大家四個平行宇宙，寫定有咩候選人。
舊嘅文章我哋已經詳細講過大熱門路斯尼亞(史堡現任領隊，連結) 同埋好有車仔情意結嘅法比加斯 (科木現任領隊，連結)，仲有車仔傳奇嘅林伯 (高雲地利領隊，連結)今次就唔再重複講呢三位喇。今集我用數據同戰術角度，睇下另外 4 位風格迥異、而且同車路士現有陣容（特別係嗰班南美神童）有千絲萬縷關係嘅候選人。
迪沙比 (Roberto De Zerbi)：激活白禮頓幫嘅說明書？
講到車路士嘅下一任，其中一個人選好難唔提迪沙比。呢位意大利狂人現時執教馬賽，雖然喺法甲排第 3，打造緊一支入得失得嘅癲喪球隊，但佢嘅戰術哲學似乎係為咗解鎖車路士兩大資產而生。
迪沙比最出名嘅戰術係引蛇出洞，數據顯示佢執教白禮頓期間，場均控球率高達 61.3%，而且極度強調後場出球。佢要求球員用鞋底踩住個波，引對手逼搶，然後製造Artificial Transition，姐係人造攻守轉換。
如果你問車路士依家最貴嘅資產係邊個？肯定係果班白禮頓幫，包括咗卡些度同高維爾。而全世界最識用呢兩個人嘅，正正就係迪沙比。
喺迪沙比體系下，卡些度係絕對核心，攔截數據同推進數據都係英超頂級；而高維爾正正係佢喺白禮頓一手提拔，迪沙比需要中堅有極強長傳能力去破逼搶，呢一點高維爾可以話係完美配搭。加上佢嘅體系係專門製造 1vs1 空間俾邊鋒，對於擁有尼圖、加拿祖、二安仲有梅迪歷（當年喺薩克達係佢愛將）嘅車路士黎講，進攻畫面肯定靚到爆。
不過，凡事有利弊。迪沙比嘅足球雖然好睇，但防守隨時令人心臟病發。佢喺馬賽雖然入波多，但經常領先之下被追和，失球數字偏高。車路士依家防線已經唔穩，請佢返嚟可能係以毒攻毒，隨時搞出大頭佛。再加上佢性格火爆，當年喺白禮頓已經因轉會問題仲有踢法問題同高層反面，如果嚟到遇上控制慾更強嘅清湖高層，雙方再開火嘅機會率可以話係接近 99%。
沙維 (Xavi) ：打造藍色巴塞嘅戰術大師
講完激進派，轉去睇下控制流。目前正在放緊假嘅沙維，據聞一直都有留意英超動向，隨時準備出山。如果你以為沙維嘅足球只係單純嘅傳控或者 Tiki-taka，咁你就太睇小佢。佢執教巴塞奪冠嗰季，雖然入波唔算多，但防守極穩，曾經創下首 20 場聯賽僅失 7 球嘅驚人紀錄。佢嘅戰術核心建立喺佢自創嘅 「4P 原則」之上：Positioning (位置)、Possession (控球)、Pressure (壓迫) 同埋 Perception (感知)。
當中 Perception (感知) 最值得車迷期待。沙維要求球員喺接波前，個腦已經要好似雷達咁 Scan 晒全場，清楚知道隊友同對手喺邊。對於依家雖然好波、但有時踢得太急太亂嘅年輕車仔黎講，呢種強調腦力同觀察嘅指導，簡直係補習天王級數。
戰術走位方面，沙維一樣係行Box Midfield，但玩法同馬蛇或者哥迪奧拿嗰種Inverted Full-back有啲唔同。沙維唔係一定要個閘入去中路做防中，佢反而更鍾意用偽邊鋒：即係叫個翼鋒由邊路內切入中路，又或者叫個中場拉邊去做配合，從而喺中圈形成一個四人方塊去控制大局。
這種踢法對於車路士黎講，其實相當吸引，甚至可以話係為彭馬同二安度身定做。試諗下，彭馬唔洗死跑邊路，佢可以直接由右翼位置切入中路做第 4 個中場，變成一個自由人、或者係二安本身定位放係中路，必要時可以移去邊路突擊；同時安素同山度士就可以專心做返擅長嘅雙 Pivot 派牌，唔洗好似依家咁又要補位又要衝禁區。沙維對於空間嘅極致理解，可以令這班中場球員嘅潛力發揮到盡。
不過，沙維這套戰術有個致命傷，就係極度需要一個好識做支點、技術好細膩嘅中鋒（例如利雲度夫斯基）。但望返轉頭，我哋個鋒線係粗枝大葉嘅戴納，又或者係祖奧柏度，技術層面上似乎同沙維嘅要求有一段距離。如果無一個頂級中鋒在前場做樞紐，沙維嘅傳控可能會變成無鋒之陣嘅老鼠拉龜，得勢不得分。
菲臘比路爾斯 (Filipe Luís) ：巴西幫嘅最佳大佬
呢個名對於新一代球迷黎講可能有啲冷門，但對於老車迷黎講絕對有感情，佢係當年前車路士奪冠功臣之一。而啱啱帶領法林明高贏得南美自由盃嘅佢，係今次人選入面嘅黑馬。佢嘅戰術係一種非常有趣嘅混合體：防守上繼承咗恩師施蒙尼嘅 4-4-2 區域防守紀律，夠硬淨夠狼死；但進攻上就保留咗南美足球嘅 Relational Play，鼓勵球員自由換位，唔會死板地限死球員區域。
點解話佢係黑馬？因為車路士未來幾年嘅核心資產，正正係一班南美神童：二安 (Estêvão)、柏艾斯 (Páez)、山度士。菲臘比路爾斯喺巴西執教期間，親眼睇住呢班人大，甚至喺聯賽擊敗過佢哋，對佢哋嘅特點同弱點瞭如指掌。
搵佢返嚟，就好似搵個自帶車路士 DNA、又識講葡語嘅大哥哥帶住成班細路。對於解決更衣室語言障礙、適應英超節奏同文化，佢簡直係 Perfect Match，甚至可以話係為呢班南美幼齒度身訂造嘅保姆兼導師。
當然，風險亦唔細。由巴甲直接跳級黎英超豪門，中間無經過歐洲中遊球隊過渡，呢個賭注極大。英超嘅戰術複雜度、媒體壓力，同南美係兩個世界。究竟佢係另一個施蒙尼，定係另一個史高拉利？無人知，但如果你係感性派球迷，呢個絕對係一個浪漫嘅夢。
佳士拿 (Oliver Glasner)：最理智嘅止血工程師
講咗咁多個有夢想、有畫面嘅人選，如果高層話：「唔好同我講理想，我淨係要即食、要止血、要前四！」咁水晶宮嘅佳士拿肯定係首選。呢位奧地利教頭係 3-4-2-1 體系嘅絕對信徒，水晶宮喺佢接手後，由一支護級份子變成擁有英超其中一條最硬淨防線嘅球隊。佢嘅風格唔玩無謂控球，搶到波幾秒內就要進行垂直打擊，簡單直接效率至上。
佢個陣式簡直係為車路士目前嘅畸形陣容量身定做。首先，佢可以解決中堅過剩嘅幸福煩惱。車仔有巴迪亞舒尼、科芬拿等等一大堆中堅，喺四後衛陣式下經常因為單防能力不足而出事，但喺三中堅體系下，人多好辦事，可以互相補位掩蓋弱點。
其次，亦係最重要嘅一點：解放占士同古斯圖。佳士拿嘅戰術極度依賴翼衛提供寬度同助攻，呢個正正係車路士全隊最強嘅位置。與其叫占士內收做中場，不如叫佢好似以前咁在邊路遇神殺神遇佛殺佛，咁樣似乎更符合說明書。
唯一的隱憂，同樣係落喺前鋒身上。佳士拿嘅體系需要一個好強嘅前場支點做Target Man，好似水晶宮嘅馬迪達咁，要有身型、有對抗、肯做Dirty Work。車路士現有前鋒有無人做到？戴納雖然夠大隻夠肯撞，但火候同級數似乎仲差少少。如果要請格拉斯納，冬窗可能又要跌錢買個柱躉返嚟。
總結：你係浪漫派定係務實派？
連埋之前提過嘅路斯尼亞同法比加斯，我哋已經檢閱咗 6 位潛在嘅新車長。你會點揀？
如果你係追求視覺享受、進攻爽快嘅，一定係揀迪沙比，但預咗每場波都要食救心； 如果你係崇尚戰術哲學、想激活安素嘅，沙維帶嚟嘅「4P」理念係最好選擇； 如果你係感性派、想睇二安同柏艾斯一眾巴西幫大爆發嘅，菲臘比路爾斯絕對係一個充滿情懷嘅美麗嘅夢； 但邊個最能夠即時止血、保住前四？我會投格拉斯納一票。
當然，講咁多，大前提係... 高層今次揀人嘅眼光，唔好再咁獨到先講啦。大家又最想邊個教？留言傾下！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊