2025 年嘅最後一場波，史丹福橋嘅氣溫雖然凍，但球場內嘅氣氛更加令人百感交集。面對住近況麻麻嘅般尼茅夫，車路士最終以 2:2 握手言和，未能用一場勝仗為呢一年畫上完美句號。
防線再次因為對手嘅手榴彈戰術而失守，相信令唔少車迷感到氣餒，甚至現場出現零星噓聲；但喺批評之前，不如我哋嘗試轉個角度：今場波我哋見到球隊兩度落後都無崩潰，安素嘅第100場比賽入個世界波更加係熱血沸騰。
重建從來都唔係一條直線，呢班小朋友喺除夕夜交咗昂貴嘅學費，但我哋作為球迷，與其喺 2025 年嘅尾聲充滿怒氣，不如俾多份耐性同包容，陪佢哋一齊跨過呢個陣痛期？ 今場波嘅賽後文，請容許我俾多一份忍耐去寫。
比賽簡述
上半場嘅戰況可以用瘋狂黎形容，短短 30 分鐘內已經出現咗 4 個入球。開波僅僅 6 分鐘，車路士防線就受到考驗，施文尤使出手榴彈絕技，布魯克斯（Brooks）喺混戰中近門撞入，客隊先開紀錄。
不過車仔嘅回應相當迅速。第 15 分鐘，二安（Estevao）憑住個人能力殺入禁區搏到 12 碼，經 VAR 核實後，由彭馬操刀冷靜扳平。車路士憑住呢鼓氣勢喺第 23 分鐘再下一城，安素喺禁區頂接應加拿祖回傳，控定後拉弓個波直飛死角掛網！呢一球世界波完美慶祝佢第 100 場英超上陣，協助球隊反超前 2:1。
可惜好景不常，防線喺第 27 分鐘再次發波瘟，又係施文尤嘅手榴彈攻勢，今次係細查頭鎚Set靚個波，今次輪到古華特（Kluivert）近門撞入追成 2:2。半場雙方打成平手。
換邊後，馬蛇為咗修補防線漏洞，果斷換入隊長占士同尼圖。呢兩個調動確實令球賽節奏慢落黎，車路士重奪大部分控球權，亦成功限制咗般尼茅夫嘅反擊。雖然二安喺前場不斷製造威脅，甚至有一腳射門僅僅斜出，但球隊始終缺乏致命一擊。
比賽尾段充滿戲劇性，雖然主場球迷因為彭馬被換走而鼓譟，但補時階段般尼茅夫嘅烏納（Unal）門前黃金機會一腳炒高，令車路士得以死裡逃生。最終雙方 2:2 握手言和，各得 1 分迎接 2026。
戰術深潛
戰術博弈：死球防守係 2026 年最大功課
今場波最令球迷恨鐵不成鋼嘅，肯定係兩次面對手榴彈戰術嘅失守。
般尼茅夫全場創造咗高達 1.93 嘅死球預期入球（xG Set Play），證明佢哋嘅高空轟炸係有備而來。第一次加拿祖遠柱漏人，第二次細查頭鎚解圍失誤，呢啲都係防線經驗不足嘅代價。
不過，換個角度睇，呢啲係年輕球隊必經嘅成長痛。面對傳統英式體力化打法，技術型球隊往往都要交學費。與其過分指責個別球員，不如視之為一堂寶貴嘅防守課：想爭前四，除咗識入波，仲要學識點樣喺亂戰中保護自己嘅禁區。
數據解剖：過程好結果差
雖然最終比數係 2:2，而且對手 xG（3.14）比我哋高，但深入啲睇數據，車路士其實有確實踢出咗內容。70.1% 嘅 Field Tilt同 23 次 Deep Entries，證明球隊絕對係壓住對手黎攻。
點解贏唔到？問題出喺信心。戴納嘅猶豫、加拿祖嘅拖泥帶水，導致好多有威脅嘅攻勢（xThreat 2.75）轉化唔到做射門。呢個唔係戰術無效，而係球員心理質素未夠強大，執行戰術時。只要俾多啲時間佢哋建立默契同信心，呢個進攻體系絕對有能力撕破鐵桶陣。
排陣與換人：馬蛇嘅苦心
對於馬蛇嘅排陣，外界好多聲音，尤其係換走彭馬嗰陣全場噓聲四起。但冷靜落黎諗，呢個可能係領隊對球員嘅一種保護。彭馬傷癒無耐，面對密集賽程，勉強踢足 90 分鐘隨時得不償失。
至於半場換入占士同尼圖，更加係立竿見影嘅調整。上半場被艾殊邦（Acheampong）守唔住嘅右路，下半場即刻穩晒。馬蛇肯喺半場就認錯修正，唔係固執死撐，呢種靈活性係值得讚賞嘅。至於邦仔交咗學費被換，亦係年輕球員成長嘅一部分，無需要過分解讀。
唯一一個敗筆，可能只有保留無表現嘅戴納係場上直到87分鐘先換走，但無論係場面定係數據，換人前換人後嘅分別已經話咗俾大家知馬蛇做盡咗調整。
(至於開場排陣………？嗯，去我Facebook留言屌啦，我都會屌埋一份)
球員雷達
安素 (Enzo Fernandez) 百場里程碑轟入世界波，攻守兼備嘅擔當。
今場係安素第 100 場英超上陣，佢交出咗一份全隊最高分（8.1）嘅成績表，絕對係身價波。
首先講進攻，第 23 分鐘嗰球世界波簡直係代表作。數據上 xGOT (0.83) 遠高於 xG (0.46)，意思係佢將一個普通機會，憑住一下假身同射術就轉化為極具威脅嘅入球，強行提升咗得分率。而且佢全場有 8 次殺入對方禁區觸球，證明佢唔再只係喺中圈派牌，而係更有侵略性咁後上殺入腹地。
防守方面同樣值得致敬。由於拍檔卡些度4 分鐘就攞黃牌，動作要就住就住，安素主動承擔咗更多Dirty Work。全場 9 次防守貢獻，加上 75% 空中對抗成功率，仲要係 0 犯規，踢得極之聰明同乾淨。雖然 77 分鐘射門炒高錯失黃金機會有啲可惜，但縱觀全場，佢係車路士今場嘅大腦同心臟，絕對配得上隊長臂章。
二安 (Estevao Willian)
史丹福橋嘅新寵兒，單天保至尊嘅未來球王。
如果話 2025 年有咩值得車迷開香檳，肯定係見證住二安嘅崛起。今場波雖然無入球助攻，但 7.7 分嘅高評價完全反映咗佢嘅統治力。佢全場 7 次嘗試過人 5 次成功（全場最高），般尼茅夫條防線根本攔佢唔住。
第 15 分鐘嗰球 12 碼，完全係佢個人表演，憑一己之力殺入禁區逼使施文尤犯規，為球隊帶黎反攻嘅號角。最令人驚喜嘅係佢嘅進攻深度，全場 13 次禁區內觸球，證明佢唔係只係喺邊線玩扭屎忽花，而係真正具備殺傷力嘅刺客。雖然 xG 只有 0.20，但 xGOT 高達 0.51，反映佢嘅射門處理極具質素，能夠將半個機會變成黃金機會。
當彭馬被換走，全場進攻便秘嗰陣，係呢個 18 歲小朋友轉去唔習慣嘅左路擔起大旗，不斷嘗試撕破防線。佢展現出嘅膽識同技術，絕對係車路士 2026 年最大嘅希望。
戴納 (Liam Delap)
勤力有餘信心不足，請俾多份耐性呢位年輕人。
我知，戴納今場嘅數據確實令好多車迷搖頭，包括我。作為單箭頭踢咗 87 分鐘，全場得 28 次觸球，參與度極低，好似同球隊斷咗聯絡咁。最令人擔心嘅係 xG (0.43) 同 xGOT (0.00) 嘅落差：意思係佢跑到個位（有 0.43 xG），但起腳嗰下完全無威脅（0.00 xGOT），包括下半場頂高嗰球黃金機會。
有客隊球迷唱歌笑佢 "Waste of money"，聽喺耳裡肯定唔好受。但作為自家球迷，我哋要睇到佢嘅勤力。佢由第 1 分鐘衝到第 87 分鐘，不斷同對手中堅肉搏（7 次地面對抗），只係信心危機令佢動作變形，腳頭無靈。
呢啲就係所謂嘅撞牆期。佢得 22 歲，加埋之前嘅傷患，依家肯定係佢最艱難嘅時刻。與其踩多腳，不如喺 2026 年俾多份耐性佢。只要打破入球荒，搵返上年係葉士域治果對射門鞋，我仍然睇好佢係車路士需要嘅武器。
總結：
2025 年對於車路士球迷黎講，係坐過山車嘅一年。今場 2:2 雖然唔係完美，但至少我哋見到球隊喺落後時無放棄，見到安素嘅擔當，見到二安嘅天賦。班球員仲好後生，佢哋需要嘅係史丹福橋嘅掌聲多過噓聲。帶住希望進入 2026，只要團結，曙光總會出現，或者係時候，車迷都要將自己嘅目標放低少少…嗯。
2025 年嘅起起跌跌已經過去。踏入 2026 年，第一場就要作客硬撼曼城，仲要缺少停賽嘅卡些度。呢場將會係一場極其艱難嘅考驗，但亦係證明球隊韌力嘅最佳舞台。
各位車迷，新年快樂！無論順境逆境，Keep The Blue Flag Flying High！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
防線再次因為對手嘅手榴彈戰術而失守，相信令唔少車迷感到氣餒，甚至現場出現零星噓聲；但喺批評之前，不如我哋嘗試轉個角度：今場波我哋見到球隊兩度落後都無崩潰，安素嘅第100場比賽入個世界波更加係熱血沸騰。
重建從來都唔係一條直線，呢班小朋友喺除夕夜交咗昂貴嘅學費，但我哋作為球迷，與其喺 2025 年嘅尾聲充滿怒氣，不如俾多份耐性同包容，陪佢哋一齊跨過呢個陣痛期？ 今場波嘅賽後文，請容許我俾多一份忍耐去寫。
比賽簡述
上半場嘅戰況可以用瘋狂黎形容，短短 30 分鐘內已經出現咗 4 個入球。開波僅僅 6 分鐘，車路士防線就受到考驗，施文尤使出手榴彈絕技，布魯克斯（Brooks）喺混戰中近門撞入，客隊先開紀錄。
不過車仔嘅回應相當迅速。第 15 分鐘，二安（Estevao）憑住個人能力殺入禁區搏到 12 碼，經 VAR 核實後，由彭馬操刀冷靜扳平。車路士憑住呢鼓氣勢喺第 23 分鐘再下一城，安素喺禁區頂接應加拿祖回傳，控定後拉弓個波直飛死角掛網！呢一球世界波完美慶祝佢第 100 場英超上陣，協助球隊反超前 2:1。
可惜好景不常，防線喺第 27 分鐘再次發波瘟，又係施文尤嘅手榴彈攻勢，今次係細查頭鎚Set靚個波，今次輪到古華特（Kluivert）近門撞入追成 2:2。半場雙方打成平手。
換邊後，馬蛇為咗修補防線漏洞，果斷換入隊長占士同尼圖。呢兩個調動確實令球賽節奏慢落黎，車路士重奪大部分控球權，亦成功限制咗般尼茅夫嘅反擊。雖然二安喺前場不斷製造威脅，甚至有一腳射門僅僅斜出，但球隊始終缺乏致命一擊。
比賽尾段充滿戲劇性，雖然主場球迷因為彭馬被換走而鼓譟，但補時階段般尼茅夫嘅烏納（Unal）門前黃金機會一腳炒高，令車路士得以死裡逃生。最終雙方 2:2 握手言和，各得 1 分迎接 2026。
戰術深潛
戰術博弈：死球防守係 2026 年最大功課
今場波最令球迷恨鐵不成鋼嘅，肯定係兩次面對手榴彈戰術嘅失守。
般尼茅夫全場創造咗高達 1.93 嘅死球預期入球（xG Set Play），證明佢哋嘅高空轟炸係有備而來。第一次加拿祖遠柱漏人，第二次細查頭鎚解圍失誤，呢啲都係防線經驗不足嘅代價。
不過，換個角度睇，呢啲係年輕球隊必經嘅成長痛。面對傳統英式體力化打法，技術型球隊往往都要交學費。與其過分指責個別球員，不如視之為一堂寶貴嘅防守課：想爭前四，除咗識入波，仲要學識點樣喺亂戰中保護自己嘅禁區。
數據解剖：過程好結果差
雖然最終比數係 2:2，而且對手 xG（3.14）比我哋高，但深入啲睇數據，車路士其實有確實踢出咗內容。70.1% 嘅 Field Tilt同 23 次 Deep Entries，證明球隊絕對係壓住對手黎攻。
點解贏唔到？問題出喺信心。戴納嘅猶豫、加拿祖嘅拖泥帶水，導致好多有威脅嘅攻勢（xThreat 2.75）轉化唔到做射門。呢個唔係戰術無效，而係球員心理質素未夠強大，執行戰術時。只要俾多啲時間佢哋建立默契同信心，呢個進攻體系絕對有能力撕破鐵桶陣。
排陣與換人：馬蛇嘅苦心
對於馬蛇嘅排陣，外界好多聲音，尤其係換走彭馬嗰陣全場噓聲四起。但冷靜落黎諗，呢個可能係領隊對球員嘅一種保護。彭馬傷癒無耐，面對密集賽程，勉強踢足 90 分鐘隨時得不償失。
至於半場換入占士同尼圖，更加係立竿見影嘅調整。上半場被艾殊邦（Acheampong）守唔住嘅右路，下半場即刻穩晒。馬蛇肯喺半場就認錯修正，唔係固執死撐，呢種靈活性係值得讚賞嘅。至於邦仔交咗學費被換，亦係年輕球員成長嘅一部分，無需要過分解讀。
唯一一個敗筆，可能只有保留無表現嘅戴納係場上直到87分鐘先換走，但無論係場面定係數據，換人前換人後嘅分別已經話咗俾大家知馬蛇做盡咗調整。
(至於開場排陣………？嗯，去我Facebook留言屌啦，我都會屌埋一份)
球員雷達
安素 (Enzo Fernandez) 百場里程碑轟入世界波，攻守兼備嘅擔當。
今場係安素第 100 場英超上陣，佢交出咗一份全隊最高分（8.1）嘅成績表，絕對係身價波。
首先講進攻，第 23 分鐘嗰球世界波簡直係代表作。數據上 xGOT (0.83) 遠高於 xG (0.46)，意思係佢將一個普通機會，憑住一下假身同射術就轉化為極具威脅嘅入球，強行提升咗得分率。而且佢全場有 8 次殺入對方禁區觸球，證明佢唔再只係喺中圈派牌，而係更有侵略性咁後上殺入腹地。
防守方面同樣值得致敬。由於拍檔卡些度4 分鐘就攞黃牌，動作要就住就住，安素主動承擔咗更多Dirty Work。全場 9 次防守貢獻，加上 75% 空中對抗成功率，仲要係 0 犯規，踢得極之聰明同乾淨。雖然 77 分鐘射門炒高錯失黃金機會有啲可惜，但縱觀全場，佢係車路士今場嘅大腦同心臟，絕對配得上隊長臂章。
二安 (Estevao Willian)
史丹福橋嘅新寵兒，單天保至尊嘅未來球王。
如果話 2025 年有咩值得車迷開香檳，肯定係見證住二安嘅崛起。今場波雖然無入球助攻，但 7.7 分嘅高評價完全反映咗佢嘅統治力。佢全場 7 次嘗試過人 5 次成功（全場最高），般尼茅夫條防線根本攔佢唔住。
第 15 分鐘嗰球 12 碼，完全係佢個人表演，憑一己之力殺入禁區逼使施文尤犯規，為球隊帶黎反攻嘅號角。最令人驚喜嘅係佢嘅進攻深度，全場 13 次禁區內觸球，證明佢唔係只係喺邊線玩扭屎忽花，而係真正具備殺傷力嘅刺客。雖然 xG 只有 0.20，但 xGOT 高達 0.51，反映佢嘅射門處理極具質素，能夠將半個機會變成黃金機會。
當彭馬被換走，全場進攻便秘嗰陣，係呢個 18 歲小朋友轉去唔習慣嘅左路擔起大旗，不斷嘗試撕破防線。佢展現出嘅膽識同技術，絕對係車路士 2026 年最大嘅希望。
戴納 (Liam Delap)
勤力有餘信心不足，請俾多份耐性呢位年輕人。
我知，戴納今場嘅數據確實令好多車迷搖頭，包括我。作為單箭頭踢咗 87 分鐘，全場得 28 次觸球，參與度極低，好似同球隊斷咗聯絡咁。最令人擔心嘅係 xG (0.43) 同 xGOT (0.00) 嘅落差：意思係佢跑到個位（有 0.43 xG），但起腳嗰下完全無威脅（0.00 xGOT），包括下半場頂高嗰球黃金機會。
有客隊球迷唱歌笑佢 "Waste of money"，聽喺耳裡肯定唔好受。但作為自家球迷，我哋要睇到佢嘅勤力。佢由第 1 分鐘衝到第 87 分鐘，不斷同對手中堅肉搏（7 次地面對抗），只係信心危機令佢動作變形，腳頭無靈。
呢啲就係所謂嘅撞牆期。佢得 22 歲，加埋之前嘅傷患，依家肯定係佢最艱難嘅時刻。與其踩多腳，不如喺 2026 年俾多份耐性佢。只要打破入球荒，搵返上年係葉士域治果對射門鞋，我仍然睇好佢係車路士需要嘅武器。
總結：
2025 年對於車路士球迷黎講，係坐過山車嘅一年。今場 2:2 雖然唔係完美，但至少我哋見到球隊喺落後時無放棄，見到安素嘅擔當，見到二安嘅天賦。班球員仲好後生，佢哋需要嘅係史丹福橋嘅掌聲多過噓聲。帶住希望進入 2026，只要團結，曙光總會出現，或者係時候，車迷都要將自己嘅目標放低少少…嗯。
2025 年嘅起起跌跌已經過去。踏入 2026 年，第一場就要作客硬撼曼城，仲要缺少停賽嘅卡些度。呢場將會係一場極其艱難嘅考驗，但亦係證明球隊韌力嘅最佳舞台。
各位車迷，新年快樂！無論順境逆境，Keep The Blue Flag Flying High！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊