有網友話想我寫下占士，畢竟最近嘅占士真係 Fit 到漏油，連續幾場都無穿無爛上陣之餘，仲要踢足 90 分鐘。自由球入波、右閘位置掃到入防中、後上助攻又有...彷彿當年嗰個右路坦克終於返嚟。
見到隊長咁勁，我估唔少車迷都忍唔住大嗌：「世一右閘歸位！」 但我作為一個睇住佢由青訓出道睇到依家嘅老屎忽，開心之餘，心裡面始終有一絲隱憂。
所以，就算呢句嘢講得有少少似係內容農場，我都要講一句：占士要真正坐穩世界第一右閘嘅寶座，超越 TAA、夏基美或者卡華積，其實仲差緊最關鍵嘅 3 塊拼圖。
拼圖一：生理悖論，成也肌肉，敗也肌肉」
首先講最殘酷嘅一點：耐用性。我諗呢一點唔會有車迷甚至普通球迷否認。自從 2019/20 賽季以來，占士因傷缺席嘅日數累計超過 743日。即係話，佢職業生涯有兩年時間係喺文員房同病床上度過。
大家成日問點解佢咁易傷？我翻查咗記錄，芬蘭果位幫佢做手術嘅名醫 Lasse Lempainen 俾出咗一個好矛盾嘅答案："Extra-big hamstring" (異常巨大嘅大腿肌群)。
呢個就係占士嘅雙刃面屬性。佢天生擁有怪獸級嘅肌肉量，令佢可以喺對抗中撞飛對手翼鋒，爆發力驚人。但正正係因為肌肉太大、爆發力太強，當佢急停轉向嗰陣，佢條肌腱承受緊異於常人極限級別嘅拉力。
要用比喻講，佢係將法拉利引擎裝咗落架私家車度，馬力係好勁，但其他部件會跟唔到果種強度搞到成部車解體。只要一日未解決「肌肉過大 vs 肌腱負荷」呢個生理矛盾，佢都好難做到好似夏基美或者以前 Azpi 咁季季踢足 50 場。而做唔到鐵人，就註定難以長時間統治球壇。
拼圖二：戰術犧牲，數據上嘅退步？
第二點，係數據上嘅霸氣。 以前杜曹時代，占士係踢右翼衛 (RWB)，經常殺入禁區，入球助攻如麻。但喺馬蛇麾下，大家有無發現佢踢法唔同咗？
我估盲嘅都會知，占士依家更多時間係被安排做內收防中 (Inverted DM)。 馬蛇要佢控制節奏、做後場發牌、做反搶截 (Rest Defense)，必要時又要佢退落右閘協防，而唔係要佢無腦衝落底線傳中。
結果就係，對比 TAA (阿諾) 嗰種每 90 分鐘有 8.83 次推進傳球嘅華麗數據，占士嘅進攻數據自然縮水。呢件事對球隊係好事，畢竟防守穩咗，整體攔截數據升到 1.54 / 90，但對於爭奪世一頭銜或者金球獎排名黎講，呢種工兵化嘅轉變就相當蝕底。佢犧牲咗個人數據去換取球隊平衡，令佢喺大眾目光中少咗種主宰比賽嘅畫面。
拼圖三：歷史定位，缺乏定義時代嘅時刻
最後，亦係最重要嘅一點：歷史。 當我哋講卡華積 (Carvajal) 好勁，係因為佢手握 6 座歐聯，而且決賽佢都在陣；當我哋講夏基美係神級，係因為佢全盛期喺國家隊同球會都係必然正選，無人可以挑戰到佢。
占士呢？佢雖然有 2021 歐聯金牌，但之後幾年，無論係世界盃、歐國盃定係球會關鍵戰役，佢好多時都係因為受傷而只係留係屋企睇直播。 一個真正嘅世一，需要喺球隊逆境時挺身而出，需要連續幾季帶領球隊攞冠軍。
占士依家做緊隊長，最近嘅復出係好開始。但如果要超越前輩，佢需要一個屬於佢嘅 "Reece James Season"，一個完全健康、以隊長身份捧起英超或歐聯嘅賽季，而唔係復出之後贏一個米奇老鼠盃。
總結：愛之深，責之切
寫呢篇文，唔係要潑冷水，而係因為我哋都知道占士嘅天花板有幾高。作為車迷，或者你哋會覺得我有偏見，但我自己認為佢防守好過 TAA，進攻好過雲比沙卡，佢係完美的六邊形戰士。
只要佢能夠打破傷病魔咒，適應新戰術做中場指揮官，再加埋健康嘅身體... 咁到時就唔需要再討論邊個係世一。 因為到時嘅占士，本身就係標準。但喺果日來臨之前，我哋都係靜靜地贏波，唔好燈住先啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
見到隊長咁勁，我估唔少車迷都忍唔住大嗌：「世一右閘歸位！」 但我作為一個睇住佢由青訓出道睇到依家嘅老屎忽，開心之餘，心裡面始終有一絲隱憂。
所以，就算呢句嘢講得有少少似係內容農場，我都要講一句：占士要真正坐穩世界第一右閘嘅寶座，超越 TAA、夏基美或者卡華積，其實仲差緊最關鍵嘅 3 塊拼圖。
拼圖一：生理悖論，成也肌肉，敗也肌肉」
首先講最殘酷嘅一點：耐用性。我諗呢一點唔會有車迷甚至普通球迷否認。自從 2019/20 賽季以來，占士因傷缺席嘅日數累計超過 743日。即係話，佢職業生涯有兩年時間係喺文員房同病床上度過。
大家成日問點解佢咁易傷？我翻查咗記錄，芬蘭果位幫佢做手術嘅名醫 Lasse Lempainen 俾出咗一個好矛盾嘅答案："Extra-big hamstring" (異常巨大嘅大腿肌群)。
呢個就係占士嘅雙刃面屬性。佢天生擁有怪獸級嘅肌肉量，令佢可以喺對抗中撞飛對手翼鋒，爆發力驚人。但正正係因為肌肉太大、爆發力太強，當佢急停轉向嗰陣，佢條肌腱承受緊異於常人極限級別嘅拉力。
要用比喻講，佢係將法拉利引擎裝咗落架私家車度，馬力係好勁，但其他部件會跟唔到果種強度搞到成部車解體。只要一日未解決「肌肉過大 vs 肌腱負荷」呢個生理矛盾，佢都好難做到好似夏基美或者以前 Azpi 咁季季踢足 50 場。而做唔到鐵人，就註定難以長時間統治球壇。
拼圖二：戰術犧牲，數據上嘅退步？
第二點，係數據上嘅霸氣。 以前杜曹時代，占士係踢右翼衛 (RWB)，經常殺入禁區，入球助攻如麻。但喺馬蛇麾下，大家有無發現佢踢法唔同咗？
我估盲嘅都會知，占士依家更多時間係被安排做內收防中 (Inverted DM)。 馬蛇要佢控制節奏、做後場發牌、做反搶截 (Rest Defense)，必要時又要佢退落右閘協防，而唔係要佢無腦衝落底線傳中。
結果就係，對比 TAA (阿諾) 嗰種每 90 分鐘有 8.83 次推進傳球嘅華麗數據，占士嘅進攻數據自然縮水。呢件事對球隊係好事，畢竟防守穩咗，整體攔截數據升到 1.54 / 90，但對於爭奪世一頭銜或者金球獎排名黎講，呢種工兵化嘅轉變就相當蝕底。佢犧牲咗個人數據去換取球隊平衡，令佢喺大眾目光中少咗種主宰比賽嘅畫面。
拼圖三：歷史定位，缺乏定義時代嘅時刻
最後，亦係最重要嘅一點：歷史。 當我哋講卡華積 (Carvajal) 好勁，係因為佢手握 6 座歐聯，而且決賽佢都在陣；當我哋講夏基美係神級，係因為佢全盛期喺國家隊同球會都係必然正選，無人可以挑戰到佢。
占士呢？佢雖然有 2021 歐聯金牌，但之後幾年，無論係世界盃、歐國盃定係球會關鍵戰役，佢好多時都係因為受傷而只係留係屋企睇直播。 一個真正嘅世一，需要喺球隊逆境時挺身而出，需要連續幾季帶領球隊攞冠軍。
占士依家做緊隊長，最近嘅復出係好開始。但如果要超越前輩，佢需要一個屬於佢嘅 "Reece James Season"，一個完全健康、以隊長身份捧起英超或歐聯嘅賽季，而唔係復出之後贏一個米奇老鼠盃。
總結：愛之深，責之切
寫呢篇文，唔係要潑冷水，而係因為我哋都知道占士嘅天花板有幾高。作為車迷，或者你哋會覺得我有偏見，但我自己認為佢防守好過 TAA，進攻好過雲比沙卡，佢係完美的六邊形戰士。
只要佢能夠打破傷病魔咒，適應新戰術做中場指揮官，再加埋健康嘅身體... 咁到時就唔需要再討論邊個係世一。 因為到時嘅占士，本身就係標準。但喺果日來臨之前，我哋都係靜靜地贏波，唔好燈住先啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊