法比加斯呢個名，相信各位車迷都熟到爛，嗰首 "Fabregas is magic, he wears a magic hat" ，相信係過現場睇波嘅巴打到依家仲識唱。
大家可能都略有所聞，呢位中場大腦退役之後去咗意甲教波。而佢執教嗰隊波，叫做 科木 (Como 1907)。
我其實之前見到有另一篇文講科木…但篇文嘅內容實在太少，唔夠喉。今次【球壇風向室】，我哋就帶大家遊一遊科木湖，睇下法比仔點樣喺呢個風景如畫嘅地方，施展佢嘅教練魔法。
但先講定，如果你覺得「挑，係意甲排第7咋喎，垃圾」……咁我都無咩可以反駁，下面嘅內容應該同你無乜緣。又如果你覺得我對意甲認識唔深，篇文好垃圾…對唔住，咁你當篇文唔存在啦。
科木到底係咩球隊？
頭盔戴完，開始講故仔。講起科木，好多人第一印象係旅遊勝地，又或者係佐治古尼間別墅。
但喺足球世界，科木其實係一支好特別嘅球隊。佢哋背後嘅班主係印尼煙草大王 Hartono 兄弟，講身家，佢哋比祖雲達斯、國米嘅班主仲要有錢幾十倍，係成個意大利最有錢嘅老闆。但有趣嘅係，佢哋無玩「金元足球」，反而係由低組別（意丁/意丙）慢慢打上嚟，策略係將球隊包裝成一個賣波衫、賣旅遊、賣品味多過賣球星嘅 Lifestyle Brand。
不得不提嘅係，科木能有今日，其實要多謝另一位車仔傳奇：丹尼斯·韋斯 (Dennis Wise)。佢做科木 CEO 嗰幾年，幫球隊由低組別打好個底，搞好青訓同基建。雖然後來佢因為同法比加斯喺理念上有分歧而離開咗，但我哋唔能夠抹殺佢打落嘅地基。
法比加斯帶嚟咗咩轉變？
韋斯走咗之後，法比加斯正式坐正做主教練（兼股東）。佢帶嚟嘅轉變係翻天覆地嘅，佢將球隊由一支傳統意式球隊，改造成一支踢法極具現代感嘅技術流勁旅，意大利媒體甚至稱之為 "Cesc-ball"。
法比仔踢波靠腦，教波都係。佢好討厭意大利傳統嘅死守，佢嘅科木表面上排 4-2-3-1，但一進攻就會變形成 3-2-5 甚至 2-4-4。佢要求兩閘唔係盲目落底傳中，而係要識得好似我哋嘅古古咁，內切入中路做多個中場，或者推到極高拉開空間，以確保中場有人數優勢。
要執行呢種戰術，需要好高嘅技術含量。所以法比仔用盡佢嘅人情牌，由皇馬挖咗柏斯 (Nico Paz) 返嚟。呢位 21 歲嘅進攻中場係科木嘅絕對大腦，法比仔教佢專攻對手嘅 "Half-space" ，數據顯示柏斯今季嘅「空間認知」評分係意甲第一，無論係手術刀傳送定係過頭波兩樣都OK，佢基本上就係法比加斯喺球場上嘅替身。
除咗戰術，法比仔嘅號召力亦令科木星光熠熠。就連前皇馬曼聯中堅華拉尼，雖然加盟無耐就受傷退役，但都俾法比仔說服留低做董事，負責青訓發展。呢種「名氣+實力」嘅組軍方式，係以前韋斯時代做唔到嘅。
咁科木而家算係黑馬嗎？
絕對係，而且係一匹有數據支持嘅黑馬。截至 2025 年 12 月，科木排緊喺意甲第 7 位，正正經經爭緊歐洲賽席位。
佢哋之所以咁堅，唔係靠運氣，而係靠「控制」。法比仔嘅哲學係：最好的防守就係控球。科木目前嘅平均控球率高達 55% (意甲前六)，佢哋條防線壓得好高，一失波就即刻反搶。雖然咁踢好大膽，但效果出奇地好：11 場聯賽只係失咗 6 球，係意甲失球最少嘅球隊之一。
今季佢哋試過 2-0 擊敗祖雲達斯（73年嚟首次），又試過作客 0-0 打和榜首拿玻里。由一支被視為「護級份子」嘅升班馬，變成令人聞風喪膽嘅「強隊殺手」，科木絕對係今季意甲最大嘅驚喜。
總結：魔法師的第二章
科木嘅故事，證明法比唔係嚟意甲渡假。佢將「巴塞嘅技術」同「英超嘅強度」結合，放入去意甲嘅戰術環境入面，煉成咗獨有嘅 Cesc-ball。
對於車迷嚟講，見到昔日嘅傳奇中場，依家著住西裝喺場邊指點江山，仲要教得咁好，心情肯定係欣慰嘅。佢證明咗自己唔止係好球員，仲有潛質成為好領隊。
雖然而家講言之尚早，但如果…我話如果：將來某一日馬蛇要走，唔知大家又想唔想見到呢位戴住 Magic Hat 嘅男人，返嚟史丹福橋施展魔法呢？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
大家可能都略有所聞，呢位中場大腦退役之後去咗意甲教波。而佢執教嗰隊波，叫做 科木 (Como 1907)。
我其實之前見到有另一篇文講科木…但篇文嘅內容實在太少，唔夠喉。今次【球壇風向室】，我哋就帶大家遊一遊科木湖，睇下法比仔點樣喺呢個風景如畫嘅地方，施展佢嘅教練魔法。
但先講定，如果你覺得「挑，係意甲排第7咋喎，垃圾」……咁我都無咩可以反駁，下面嘅內容應該同你無乜緣。又如果你覺得我對意甲認識唔深，篇文好垃圾…對唔住，咁你當篇文唔存在啦。
科木到底係咩球隊？
頭盔戴完，開始講故仔。講起科木，好多人第一印象係旅遊勝地，又或者係佐治古尼間別墅。
但喺足球世界，科木其實係一支好特別嘅球隊。佢哋背後嘅班主係印尼煙草大王 Hartono 兄弟，講身家，佢哋比祖雲達斯、國米嘅班主仲要有錢幾十倍，係成個意大利最有錢嘅老闆。但有趣嘅係，佢哋無玩「金元足球」，反而係由低組別（意丁/意丙）慢慢打上嚟，策略係將球隊包裝成一個賣波衫、賣旅遊、賣品味多過賣球星嘅 Lifestyle Brand。
不得不提嘅係，科木能有今日，其實要多謝另一位車仔傳奇：丹尼斯·韋斯 (Dennis Wise)。佢做科木 CEO 嗰幾年，幫球隊由低組別打好個底，搞好青訓同基建。雖然後來佢因為同法比加斯喺理念上有分歧而離開咗，但我哋唔能夠抹殺佢打落嘅地基。
法比加斯帶嚟咗咩轉變？
韋斯走咗之後，法比加斯正式坐正做主教練（兼股東）。佢帶嚟嘅轉變係翻天覆地嘅，佢將球隊由一支傳統意式球隊，改造成一支踢法極具現代感嘅技術流勁旅，意大利媒體甚至稱之為 "Cesc-ball"。
法比仔踢波靠腦，教波都係。佢好討厭意大利傳統嘅死守，佢嘅科木表面上排 4-2-3-1，但一進攻就會變形成 3-2-5 甚至 2-4-4。佢要求兩閘唔係盲目落底傳中，而係要識得好似我哋嘅古古咁，內切入中路做多個中場，或者推到極高拉開空間，以確保中場有人數優勢。
要執行呢種戰術，需要好高嘅技術含量。所以法比仔用盡佢嘅人情牌，由皇馬挖咗柏斯 (Nico Paz) 返嚟。呢位 21 歲嘅進攻中場係科木嘅絕對大腦，法比仔教佢專攻對手嘅 "Half-space" ，數據顯示柏斯今季嘅「空間認知」評分係意甲第一，無論係手術刀傳送定係過頭波兩樣都OK，佢基本上就係法比加斯喺球場上嘅替身。
除咗戰術，法比仔嘅號召力亦令科木星光熠熠。就連前皇馬曼聯中堅華拉尼，雖然加盟無耐就受傷退役，但都俾法比仔說服留低做董事，負責青訓發展。呢種「名氣+實力」嘅組軍方式，係以前韋斯時代做唔到嘅。
咁科木而家算係黑馬嗎？
絕對係，而且係一匹有數據支持嘅黑馬。截至 2025 年 12 月，科木排緊喺意甲第 7 位，正正經經爭緊歐洲賽席位。
佢哋之所以咁堅，唔係靠運氣，而係靠「控制」。法比仔嘅哲學係：最好的防守就係控球。科木目前嘅平均控球率高達 55% (意甲前六)，佢哋條防線壓得好高，一失波就即刻反搶。雖然咁踢好大膽，但效果出奇地好：11 場聯賽只係失咗 6 球，係意甲失球最少嘅球隊之一。
今季佢哋試過 2-0 擊敗祖雲達斯（73年嚟首次），又試過作客 0-0 打和榜首拿玻里。由一支被視為「護級份子」嘅升班馬，變成令人聞風喪膽嘅「強隊殺手」，科木絕對係今季意甲最大嘅驚喜。
總結：魔法師的第二章
科木嘅故事，證明法比唔係嚟意甲渡假。佢將「巴塞嘅技術」同「英超嘅強度」結合，放入去意甲嘅戰術環境入面，煉成咗獨有嘅 Cesc-ball。
對於車迷嚟講，見到昔日嘅傳奇中場，依家著住西裝喺場邊指點江山，仲要教得咁好，心情肯定係欣慰嘅。佢證明咗自己唔止係好球員，仲有潛質成為好領隊。
雖然而家講言之尚早，但如果…我話如果：將來某一日馬蛇要走，唔知大家又想唔想見到呢位戴住 Magic Hat 嘅男人，返嚟史丹福橋施展魔法呢？
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊